SUPLEMEN PA MAMRE GBKP TGL. 29 SEP. - 5 OKT. 2024

Pdt. Larena Sinuhadji (Nd. ReyRapha Tarigan)

Teks : Roma 11:33-36

Tema : KEMULIAN MAN DIBATA (Soli Deo Gloria)

Tujun : Gelah Mamre :

1) Meteh kai si imaksudken Rasul Paulus kerna kemulian man Dibata ras ngangkai teologi Calvin kerna kemulian Dibata i bas ncibalken geluhna.

2) Ngasup ncidahken kemulian Dibata i bas geluhna tep-tep wari.

Penaruh

Martin Luther e me sekalak reformator gereja si mulihi ngingetken kerna ajaren keselamaten sue ras si lit i bas Pustaka Si Badia, khususna Padan Si Mbaru, e me Sola Fide, hanya oleh iman saja manusia ngaloken keselamaten. Yohanes Calvin melengkapi ajaren Sola Fide enda alu ajaren Soli Deo Gloria gelah ula sempat lit pemahamen maka kenca enggo ngaloken keselamaten e, kalak si tek kem saja, pasif nimai kerehen Dibata si peduakaliken. Sebalikna, kalak si tek harus proaktif ngelakoken kerina si jadi peraten Dibata guna kemulian gelarNa (Soli Deo Gloria).

I bas kesempaten enda radu ras kita mulihi erlajar kerna salah sada ajaren teologi Calvin, Soli Deo Gloria, si palasna enggo lit i bas ogenta sendah.

Mpebagesi Ogen

Surat man Perp. Roma itulisken Paulus i bas rangka persiapen kerehenna ku kota Roma sue ras si enggo isura-surakenna. Ate Paulus gelah banci melayani lebe kentisik i tengah-tengah perpulungen kalak si tek i kota Roma sope ia nerusken perdalanen pelayanenna ku Spanyol. Selain si e, i bas surat enda itulisken Paulus ajaren kerna inti iman Kristen si lengkapna. Emaka i bas kerina surat-surat Rasul Paulus si lit i bas Padan Si Mbaru, Surat Roma enda si pemenana itamaken.

Lit empat judul perikop i bas bindu 11. Si pemena, “Perkuah ate Dibata nandangi kalak Israel” (ay. 1-12). Si peduaken, “Keselamaten bangsa-bangsa si labo Yahudi” (ay. 13-24). Si peteluken, “Perkuah ate Dibata nandangi kerina manusia” (ay. 25-32). Si peempatken, “Pujin man Dibata” (ay. 33-36). Arah kerina judul perikop enda secara umum Paulus mereken penjelasen maka perkuah ate Dibata labo terjeng itujuken man kalak Israel saja, tapi man kerina kalak si nggit ngaloken keselamaten Dibata arah kinitekenna man Yesus Kristus. Bindu 11 enda itutup Paulus alu pertoton (doksologi) pujin man Dibata. Janah si jadi ogenta sendah e me pertoton Paulus enda.

Doksologi entah pe pertoton pujin man Dibata enda ibuat Paulus arah kitab-kitab: Yes. 55:8; Yes. 40:13; Jop 41:11; ras 1 Kor. 8:6. Rikutken Wikipedia, doksologi adalah madah pendek kepada Allah di dalam berbagai bentuk ibadat Kristen. Doksologi sering kali ditambahkan pada akhir pendarasan atau pelantunan puji-pujian, mazmur, dan madah. Tradisi ini berasal dari amalan serupa di sinagoga Yahudi, yakni amalan melisankan beberapa versi Kadisy untuk mengakhiri setiap bagian ibadat. Rasul Paulus sering kali menggunakan doksologi, misalnya: Roma 11:36, Galatia 1:5, Efesus 3:21. Penggunaan doksologi menjadi populer sejak abad ke-4, yaitu sebagai perlawanan terhadap bidaah Arianisme, yang ditandai dengan dirumuskannya Pengakuan Iman Nicea.

I bas pertoton enda teridah pengakun kiniteken Paulus kerna Dibata si Mahakuasa. Dibata si isembah Paulus e me Dibata si mbages kepentaren ras pemetehNa, la lit ise pe si ngasup ngantusisa. I bas terj. Ind., nina, “O alangkah dalamnya kekayaan, hikmat dan pengetahuan Allah. Sungguh tak terselidiki keputusan-keputusanNya dan sungguh tak terselami jalan-jalanNya. La lit ise pe si meteh perukuren Dibata. Janah pengakun kerna Dibata si Mahakuasa enda itutup alu ay. 36, si jadi fokus i bas PA-ta sendah, “Sebab kerina si nasa lit Dibata njadikenca, janah kerina e lit erkiteken IA dingen man gunaNa. Terpujilah Dibata seh rasa lalap. Amin!” I bas terj. Bhs. Ind., nina, “Sebab segala sesuatu adalah dari Dia, dan oleh Dia, dan kepada Dia: bagi Dialah kemuliaan sampai selama-lamanya!” I bas ay. 36 enda nari turah istilah Latin “Soli Deo Gloria.”

Versi Audio silahkan klik : https://youtu.be/YlSElDlCYUo

Pengkenaina

Palas pengajaren kerna “Soli Deo Gloria” si mulihi iajarken Calvin akap kami enggo jelas i bas ogenta sendah, e me Roma 11:36. Ertina Johanes Calvin mendukung ajaren Paulus kerna kemulian Dibata. I bas konteks GBKP, pengajaren Calvin kerna Soli Deo Gloria enda lit i bas Buku Katekisasi GBKP, Pertemuan 36, si membahas kerna Calvinisme (hlm. 137). Ikataken bagenda nina, Ada 4 pemahaman teologi yang menjadi penekanan Calvin dalam teologinya. Pertama, teologi Calvin didasarkan atas tema utama yaitu kedaulatan Allah. Allah adalah berdaulat. Allah adalah sempurna dalam setiap segi dan memegang seluruh kebenaran dan kuasa. Allah menciptakan segala sesuatu dan memeliharanya oleh kehendakNya. Sebagai pencipta, Allah tidak terbatas oleh ciptaanNya. Calvin menegaskan bahwa dunia adalah panggung kemuliaan Allah (opera Dei). Allah bekerja di dalam sejarah manusia untuk memenuhi maksudNya, karena tujuan akhir dari kehidupan manusia adalah untuk memuliakan Allah. Dengan kata lain, “Kemuliaan Allah" (Gloria Dei) adalah tujuan utama dari segala-galanya, baik untuk Allah, maupun untuk manusia. Arah uraian enda akap kami enggo semakin tangkas ajaren Calvin kerna kemulian gelar Dibata entah pe Soli Deo Gloria. Spirit ajaren enda enggo terbukti erbahanca bangsa Eropa jadi bangsa si luar biasa maju i bas bidang kai pe.

Arah tema bage pe tujun PA-ta sendah, mulihi isingetken kam kerina Mamre kami gelah makeken kerina si lit i bas kam: talenta, pendidiken, keahlian, jabaten, status, pendahin, erta kinibayaken, rsd.-na guna kemulian gelar Dibata. Kapan saja, di mana saja, dan dalam berbagai kondisi, pergunakanlah itu sebagai kesempatan untuk memuliakan Allah. Kataken bujurlah i bas kai pe si enggo ipercayaken Dibata man bandu. Janah pindolah gegeh i bas Dibata nari gelah ipengasup Dibata kam kerina encidahken kemulian Dibata i bas geluhndu si tep-tep wari.