SUPLEMEN PJJ GBKP TGL. 22 - 28 SEPTEMBER 2024

Pdt. Larena Sinuhadji (Nd. ReyRapha Tarigan)

KATAKEN KATA TUHU - Bilangen 24:1-3

[Tata Nilai Kejujuran]

Penaruh

Lit kata-kata bijak si ngatakenca, “Kebenaran tidak selalu indah, dan kata-kata indah tidak selalu menjadi kebenaran. Dan ketika kita mengatakan kebenaran konsekuensinya kita akan dikucilkan bahkan diserang.” Tapi kebenaren tetaplah kebenaran si arus ikataken. Emaka mekatep ipesikap kuan-kuan si rusur sibegi, “Ula belasken kata tuhu, belaskenlah kata tengteng” menjadi, “Belasken kata tuhu alu cara si tengteng.” Walaupe alu cara si tengteng sibelasken, tetap kebenaren erbahanca segat ate si megisa terlebih adi menyingung kai si la benar idalankenna.

I bas bahan PJJ-ta sekali enda, mulihi kita ipersingeti guna tetap pang melasken si tuhu walaupe enterem sekelewetta si ngelakoken kebiasaan ABS (Asal Bapak Senang), entah pe mengkhotbahken si hanya erbahanca senang si megisa tapi bertolak belakang ras kebenaren Kata Dibata.

Mpebagesi Ogen

Latar belakang perikop enda banci sioge i bas bindu 22 nari, i ja bangsa Israel nerusken perdalanenna ras erkemah i kandit Moab arah Timur Lau Jordan. Kepeken Balak Raja Moab ras kerina rakyatna mbiar megi berita bangsa Israel enggo lit i daerahna, terlebih bangsa Israel enggo naluken banga Amori. Emaka raja Balak nuruh piga-piga persuruhenna guna ngelegi Bilham guna nampati Moab alu numpahi bangsa Israel.

Bilham e me anak Beor si ringan i Petor, i tepi Lau Eprat i taneh Amaw (bindu 22:5. Bdk. Yosua 13:22, Bileam e me peramal/sekalak guru si beluh ngoge nasip). Ia me isuruh Raja Balak guna numpahi bangsa Israel alu ibereken upah si mbelin. Tapi Bilham tetap paguh pendirianna guna megiken Kata Tuhan. Sebab nina Tuhan, “Kai si ikataken Tuhan e ngenca banci ibahanna.” Maka banci siidah ketegasen Bilham i bas njemak pendirianna, amin gia ibereken Balak man bana kerina pirak entah emas si lit i bas istana, la ia nggit nimbak perentah Tuhan seh ku bas soal soal si kitikna pe (ay. 18).

Erkiteken lalap idesak Balak ras utusenna gelah Bilham reh ku Moab guna njumpai raja Balak. Berkat me Bilham. Tapi i tengah dalan tedis Malekat Tuhan ngambati perdalanenna (22:22-35). Intina, Malekat Tuhan mpersingeti Bilham maka kai si isuruh Tuhan e ngenca si banci ikatakenna.

Bilham tetap konsisten alu tetap mperkataken kai si ikataken Tuhan asum ia ernubuat kerna bangsa Israel. Subuk nubuat si pemena (23:1-10). Walaupe Bilham irawai Raja Balak sebab isuruh Balak ia numpahi labo mereken kata pasu-pasu, Bilham pang ngatakenca “Kai si isuruh Tuhan e ngenca aku ngasup ngatakenca.” Seh ku bas nubuat Bilham si peduaken. Kedungenna i bas nubuat si peteluken, si jadi bahan perikopta, la nari idarami Bilham tanda i bas Dibata nari, bagi si ibahanna i bas nubuat pemena ras peduaken (23:3-5,16). Enggo ieteh Bilham maka sura-sura Tuhan gelah ipasu-pasuna bangsa Israel. Itulihken Bilham ku gurun pasir ras idahna bangsa Israel erkemah rikutken suku-sukuna. Ras Kesah Dibata ngkuasai Bilham. Pedah si isehken Bilham anak Beor, perkataan kalak si terang pengenehenna (bhs. Ind.: Tutur kata orang yang terbuka matanya; tutur kata orang yang mendengar Firman Allah, yang melihat penglihatan dari Yang Mahakuasa).

Bahkan adi siterusken, seh merawa kel Balak man Bilham, “Kudilo kam gelah numpahi musuhku, tapi kepeken enggo telu kali ia ipasu-pasundu. Genduari mulihlah, enggo kupadanken mereken upah man bandu, tapi la kam daten sebab Tuhan si ngambatisa.” Emaka banci siidah sekali nari ketegasen ras keberanian Bilham, “Enggo kukataken mbarenda man persuruhndu si njumpai aku, maka aminna gia iberekenndu man bangku kerina pirak ras emas si lit bas istanandu, la banci kusimbak perentah Tuhan alu erbahan kai pe bagi ateku ngena. Kai isuruh Tuhan e ngenca ku kataken.”

Versi Audio silahkan klik : https://youtu.be/p5Pmw8eialI

Pengkenaina

Tema si seh man banta i bas PJJ-nta sendah “Kataken kata tuhu.” Janah tema enda i bas rangka sosialisasi GBP tahun pelayanen 2021-2025, khususna kerna Tata Nilai Kejujuran. Tata nilai enda iarapken menjadi sada karakter i bas kita kalak si tek khususna anggota GBKP. Memang labo gampang untuk geluh berintegritas (utuh), kai si ibelasken kita sedalanen ras kai si ibahan kita. Sebab pengaruh doni entah sekelewet erbahanca kita mbiar mbelasken si benar. E maka si latih dirinta guna ngerana alu payo (benar) alu cara si bijak (tengteng).

Melala hal si banci ngambati kita guna melasken kata tuhu. Mbue resiko si harus ihadapi. Ikucilken teman, imusihi, ibenci bahkan banci ipalitken si jahat man banta. Socrates pernah mengatakan, “Lebih baik dibenci karena mengatakan kebenaran daripada dicintai kerena berbohong.” Kutipan bijak enda erbahanca jadi dilema man banta; apai si lebih penting, kejujuran atau popularitas? Kutipan Socrates enda rikut Firman Tuhan si enggo sibahas menekanken pentingna kejujuran bahkan asum kejujuren e erbahanca kita la isenangi. Tek kita maka nggeluh i bas kebohongan meskipun isenangi, kedungenna mabai kita ku bas kehancuren. Sebab kejujuren modal man banta i bas kita membangun relasi si mehuli subuk i bas kegeluhen pribadi ras profesional. ‘Di kenca la nari kalak tek man banta, maka banci hancur reputasinta.

Maka gelah tetap kita ngasup ngelakoken kebujuren pusuh peratenta haruslah bersih. Firman Tuhan tetap memenuhi hati dan pikiran kita. Bagi nina Tuhan Yesus, “Sebab kai si ibelasken, e me si erburak i bas pusuh nari. Kalak bujur tentu teridah i bas ia nari si mehuli…” (bdk. Mat. 12:34-35).

Kejujuran sebagaimana dituliskan di GBP adalah: bersih, transparan dan bertanggung jawab dalam setiap tugas pelayanan supaya berkenan di hadapan Tuhan.

Panduan Perilaku : 
- Hati yang lurus, tidak berbohong atau berkata apa adanya.
- Tidak curang atau mengikuti aturan yang berlaku
- Tulus: tidak munafik atau bermuka dua

Kata Kunci :
- Integritas
- Bersih
- Transparan
- Terus-terang
- Bertanggung jawab

Kalimat Afirmasi:

“Kami warga GBKP akan senantiasa bertindak jujur dan berpegang teguh pada nilai moral dan etika Kristen yang ditetapkan oleh gereja."
"Kami insan GBKP menjunjung tinggi kejujuran di tengah keseharian sebagai jemaat pilihan Allah.”

Perilaku yang dianjurkan:
Senantiasa bersikap jujur; sesuai antara perkataan yang diucapkan dan perbuatan.

Tuhan-lah si tetap nampati kita i bas melasken kejujuren, kata tuhu alu cara si tengteng.