SUPLEMEN PA MORIA GBKP TGL. 15 - 21 SEP. 2024

Pdt. Larena Sinuhadji (Nd. ReyRapha Tarigan)

Teladan I bas Berkarya

Si Man Ogen : Daniel 6:1-3

Tema : JADI PASU-PASU I BAS PENDAHIN

Tujun : Gelah Moria:

- Niksiki perbahanen Daniel i bas erdahin

- Mereken usihen i bas pendahin si jadi pasu-pasu nandangi sekelewetna

Metode PA : Aksi

Penaruh

Salah sada ajaren Yohanes Calvin i bas Gerakan Reformasi abad ke-16 e me, dunia ini adalah panggung kemuliaan Allah, e maka i bas si e, kai pe talenta bage pe pendahin kalak Kristen, kerinana adalah panggilan Allah untuk mewujudkan dunia ini sebagai panggung kemuliaanNya. Spirit ajaren enda erbahanca bangsa Eropa jadi bangsa si luar biasa maju i bas bidang kai pe. I bas PA-ta sekali enda radu ras mulihi kita erlajar kerna etos kerja kristiani erpalasken ogenta sendah.

Mpebagesi Si Man Ogen    

Ogenta sendah nuriken sekalak tokoh Alkitab e me Daniel. Kerna tokoh Daniel enda akap kami enggo kerina kita nandaisa. Janah mungkin enggo rusur sibegi turi-turinna benaken KAKR nari, khususna kerna turi-turin Daniel i bas lubang singa. Lit piga-piga informasi kerna Daniel si banci isehken i bas kesempaten enda guna menyegarkan kembali ingeten kerna Daniel. Daniel artinya: “Tuhan adalah  hakim.” Di Babil namanya diubah menjadi Beltsazar (Dan. 1:6-7). Pekerjaan: pimpinan politik dan nabi (Dan. 2:48; 5:10-12). Tempat kelahiran: Yehuda (Dan. 1:1-6). Tempat kematian: Babil. Fakta penting: Daniel menjadi pejabat tinggi (wakil raja) pada masa pemerintahan Nebukadnezar dan Darius (Dan. 2:48; 6:1-3). Beberapa peristiwa penting dalam hidup Daniel: Menolak makanan yang tidak sesuai dengan aturan Taurat (Dan. 1:6-7). Menafsirkan mimpi-mimpi Nebukadnezar (Dan. 2:1-49; 4:1-37). Mengartikan tulisan di dinding (Dan. 5:1-31). Dilemparkan ke dalam gua singa (Dan. 6:1-28). Menceritakan penglihatan-penglihatan (Dan. 7:1-12:13). Arah informasi singkat i datas teridah kesaksin geluh Daniel si termasuk ku bas tokoh Alkitab si tuhu-tuhu erkemalangen man Dibata.

Si jadi ogenta sendah lit i teruh judul “Daniel i bas lubang singa.” Ituriken i bas paksa pemerentahen Raja Darius, Daniel ras dua kalak si deban iangkat raja jadi wakil raja guna mperdiateken 120 gubernur i belang-belang kerajaan Darius. Erkiteken ndauh ulin pendahin Daniel asangken wakil-wakil raja si deban, ersura-sura Raja Darius guna ngangkat Daniel jadi penguasa kerajaan langsung i teruh Raja Darius. Erkiteken cian ate pejabat-pejabat si deban, erpala-palalah kalak enda kerina ndarami kesalahen-kesalahen Daniel. Tapi la terdat kesalahen Daniel sebab Daniel terteki i bas pendahinna janah la lit sitik pe ibahanna si salah ras si la bujur. Terjeng jenda ngenca si jadi ogenta sendah.

Adi sioge terdauhen, ituriken maka erkiteken la idatken kesalahen kai pe arah pendahinna, erpekat kalak si cian ndai guna ndabuhken Daniel arah aturen agamana. Daniel eme sekalak si taat i bas erkiniteken man Dibata, emaka kerina si enggo iaturken i bas erkiniteken e ilakokenna alu tutus. Telu kali i bas sada wari erjimpuh Daniel ertoto man Dibata ngala kempak Jerusalem. Erkiteken si e, ibahanlah imbang-imbang Daniel ndai sada aturen maka kidekah 30 wari la banci ise pe si lit i bas kerajaan Darius mindo kai-kai pe (mungkin maksudna ertoto) man dibata-dibata seakatan man Raja Darius. Ise si melanggar iambekken ku  bas lubang ingan singa. Aturen enda jelas guna ndabuhken Daniel sebab ieteh imbang-imbangna maka Daniel tutus i bas ertoto man Dibata si isembahna.

Situhuna Raja Darius keleng atena nandangi Daniel tapi mungkin erkiteken tekanan-tekakan secara politis arah imbang-imbang Daniel maka terpaksa Raja Darius ngukum Daniel alu ibenterken ku lubang ingan singa. Tapi si menarik i bas proses enda, ikataken Raja Darius man Daniel nina, “Dibatandu si isembahndu alu patuh, IA-lah si mulahi kam.” Janah pepagina, ngata ka Raja Darius man Daniel si lit i lubang singa nina, “O Daniel suruh-suruhen Dibata si nggeluh! Ngasup kang Dibata si isembahndu alu tutus e ngekelini kam i bas singa-singa e nari?” Ertina pengaruh Daniel situhuna mbelin kel man Raja Darius seh makana iakui Raja Darius kerna kuasa Dibata si isembah Daniel. 

Kedungenna Daniel pulah i bas bahaya nari. Tuhu-tuhu meriah kel Raja Darius, janah ibahanna surat man kerina bangsa, suku, ras cakap i doni, si isina perentah gelah kerina kalak mbiar ras mehamat man Dibata si isembah Daniel, nina, “IA kap Dibata si nggeluh rasa lalap. KinirajanNa rasa lalap la termasapken, kuasaNa rasa lalap la erkeri-kerin. IA kap si ngekelini ras si mulahi manusia; ibahanNa tanda si mejin ras tanda kuasa, subuk i surga bage pe i doni enda. I bas singa si merawa nari Daniel ipulahiNa.” Enda sada pengakun erkiteken kegeluhen Daniel si jadi saksi man sekelewetna kerna Dibata si isembahna.

Versi Audio silahkan klik : https://youtu.be/iVXUqCMxVRo

Pengkenaina

Tema ras tujun i bas PA sendah ngajuk kita kerina Moria gelah ngusih Daniel i bas ndahiken kai pe dahin si li i lebe-lebeta. Si pemena lebe, rikutken ogenta sendah, Daniel sekalak si tutus i bas erdahin janah hasil pendahinna pe ndauh ulin asangkan kalak si deban. I bas si e tentu banci sibayangken uga tutusna Daniel erdahin seh makana hasil dahinna pe ndauh ulin asangken kalak si deban. Tentu lit je dedikasi, ketelitian , ketekunan, kehati-hatian, ras kesabaran si luar biasa i bas diri Daniel. I bas si e lebe marilah siusih Daniel.

Si peduaken, Daniel terteki i bas pendahinna janah la lit sitik pe ibahanna si salah ras si la bujur. Terteki ertina berintegritas. La lit sitik pe ibahan Daniel si salah ras si la bujur. Ertina, iteh Daniel kai saja si mehuli ras si la mehuli i bas ia ndahiken dahinna, janah pang Daniel erpenulak nandangi kai pe si la mehuli. I bas si e marilah siusih Daniel si terteki, berintegritas, janah ngelakoken si benar i bas kai pe si idahikenna.

Si peteluken, rikutken Wikipedia, etos kerja adalah seperangkat prinsip moral yang digunakan seseorang dalam pekerjaan mereka. Orang yang memiliki etos kerja yang kuat mewujudkan prinsip-prinsip tertentu yang memandu perilaku kerja mereka; untuk mengembangkan dan mengolah etos kerja yang kuat pasti akan menghasilkan produksi kerja berkualitas tinggi yang konsisten. Output pekerjaan juga akan memotivasi mereka untuk tetap berada di jalur.” Etos kerja Daniel akap kami ipalasi alu prinsip kiniteken si mehuli man Dibata. Daniel sekalak si tutus i bas erkiniteken man Dibata. Tek kami maka kinitekenna e memotivasi Daniel tutus erdahin, terteki, beritegritas, ngelakoken si benar i bas kai pe si idahikenna erpalasken kinitekenna, janah enda si pentingna, pang Daniel menghadapi tantangen bage pe kiniseran erkiteken kinitekenna man Dibata. I bas kita ndahiken dahin si mehuli enggo pasti li tantangenna. I bas si e teklah kita maka Dibata si mepegegehi kita i bas kita menghadapi tantangen kai pe.

Si peempatken, iajuk kerina kita Moria gelah mereken usihen i bas pendahin si jadi pasu-pasu nandangi sekelewetna. Daniel jadi usihen ras jadi pasu-pasu man sekelewetna i bas jamanna. Emaka Raja Darius pe erkeleng ate man Daniel. Emaka marilah kita ertoto gelah ipengasup Dibata kita jadi pasu-pasu i bas kai pe dahin si idahiken kita, janah ipengasup Dibata pe kita jadi usihen man sekelewetta arah kai pe dahin si idahiken kita, gelah gelar Dibata termulia arah kai pe dahin si idahiken kita.