Pdt. Larena Sinuhadji (Nd. ReyRapha Tarigan)
SIKELENG-KELENGEN MIN KITA - Johanes 13:31-35
[Tata Nilai Kasih]
Penaruh
Adi sitelusuri kata “kasih” ras “cinta” i bas Alkitab aplikasi Hp., lit 853 kata “kasih,” janah lit 115 kata “cinta.” Sedangken kata “keleng” i bas i bas Alkitab aplikasi Hp., lit 698 kali. Ertina topik kerna cinta kasih, keleng ate, i bas Pustaka Si Badia penting kel. Janah i bas ajaren Yesus, keleng ate e me ajaren si pentingna. I bas Mat. 22:40 ikataken Yesus maka kerina Undang-undang agama si ibereken Musa ras nabi-nabi erpalasken dua perenta, e me engkelengi Tuhan Dibata ras engkelengi teman manusia. Ajaren kerna kasih enda akap kami kerina kita enggo ngangkaisa, tapi i bas kinata kegeluhen, labo kerina kita ngasup ngelakokenca. E maka topik kerna keleng ate, sikeleng-kelengen, tetap relevan guna terus siajarken. I bas PJJ sendah mulihi kita erlajar kerna sikeleng-kelengen.