SUPLEMEN PJJ GBKP TGL. 28 JULI - 3 AGT. 2024

Pdt. Larena br. Sinuhadji (Nd. ReyRapha Tarigan)

ERGAKEN HAK KALAK SI DEBAN - Ulangen 24:17-18

[Isu Diskriminasi]

Penaruh

PJJ-ta sendah lit i teruh tema kitik, isu diskriminasi. Rikutken Wikipedia, diskriminasi e me: “Suatu perbuatan, praktik, atau kebijakan yang memperlakukan seseorang atau kelompok secara berbeda dan tidak adil atas dasar karakteristik dari seseorang atau kelompok itu. Orang dapat didiskriminasi berdasarkan ras, jenis kelamin, usia, agama atau kepercayaan, warna kulit, disabilitas, orientasi seksual, serta kategori lainnya.” Janah i bas penjelasen berikutna ikataken i bas Wikipedia nina, “Meskipun diskriminasi telah dilarang dalam enam konvensi inti hak asasi manusia internasional, tradisi, kebijakan, gagasan, praktik, dan hukum yang diskriminatif tetap ada di banyak negara dan institusi di seluruh belahan dunia.” Ertina seh asa gundari perlakuan diskriminatif lit denga i sekelewetta.

Emaka i bas PJJ sendah erlajar kita kerna ngergaken hak kalak si deban entah pe berlaku adil tanpa membeda-bedakan.

Mpebagesi Ogen

Ogenta sendah termasuk ku bas kumpulen undang-undang si rinci i bas erbage-bage bidang kegeluhen: ibadah si tuhu-tuhu, peran peminpin, hukum-hukum sipil, hukum-hukum kekudusan, ras janji-janji Dibata, i bas bindu 12 nari seh 26. Khususna ogenta sendah masuk ku bas perikop alu judul “Undang-undang si deban,” i bas Alkitab TB-LAI nina “Tentang melindungi sesama manusia.” Judul i bas bhs. Ind. lebih jelas ncidahkenca isi ogenta sendah, e me pengajuk man bangsa Israel gelah mediate ras nampati kalak pertandang, anak-anak melumang, ras diberu balu-balu. Palasna jelas i bas ay. 18 ras 22, “Inget maka budak kap kam nai i Mesir, janah TUHAN Dibatandu si mbebasken kam; e me sababna maka Kubereken man bandu perentah enda.”

Kalak pertandang (orang asing), anak-anak melumang, ras diberu balu-balu memang rusur isebutken i bas Pustaka Si Badia sebage pihak-pihak si harus datken perlindungen, pembelaan, bage pe penampat. Sebab la lit gegeh i bas kalak enda kerina guna melindungi diri i bas kesewenang-wenangan si ilakoken kalak si jahat. Banci sioge i bas Mal. 3:5; Zak. 7:10; Yeh. 22; Yer. 22:3; Yes. 1; Mas. 146:9; Ul. 27:19; rsd. Emaka iajuk Dibata bangsa Israel geluh tuhu-tuhu mperdiateken kegeluhen kalak si secara sosial ekonomi isingkirken bagi kalak pertandang, anak-anak melumang, diberu balu-balu, ras kalak si musil.

Kepedulian nandangi kalak si tersingkir i bas masyarakat enda iterusken i bas Padan Si Mbaru. Tuhan Yesus i bas pelayanenNa tuhu-tuhu mperdiateken kalak si terpinggirkan. Banci sioge i bas Mat. 23:14; Mrk. 12:43-44; Luk. 7:13; rsd. Palas i bas kai si ilakoken Yesus e, keleng ate nandangi Tuhan Dibata bage pe keleng ate nandangi teman manusia bagi kita engkelengi dirinta (Mat. 22:37-40). I bas jaman rasul-rasul pe kepedulian nandangi kalak si la iperhitungken i bas masyarakat tetap iterusken alu palas si seri bagi si niajarken Yesus. Banci sioge i bas Perb. Rasul 6:1-7; 1 Tim. 5; Yak. 1:27; rsd.

Versi Audio silahkan klik : https://youtu.be/S3uNElHNL1I

Pengkenaina

PJJ-ta sendah ngajuk kita gelah ngelakoken keadilen si tuhu-tuhu erpalasken keadilen Dibata man kerina jelma. Bentuk nyata keadilen si banci silakoken kita salah sadana e me ngergaken kai si jadi hak-hak kalak si deban. Hak i jenda tentu erkaiten ras hak asasi manusia. Hak asasi manusia merupakan hak dasar yang secara kodrati melekat pada diri manusia, bersifat universal dan langgeng, oleh karena itu harus dilindungi, dihormati, dipertahankan, dan tidak boleh diabaikan, dikurangi, atau dirampas oleh siapapun. Kai saja hak asasi manusia enda? Rikutken undang-undang si lit i bas negaranta, lit hak untuk hidup dan hak untuk tidak kehilangan paksa dan/atau tidak dihilangkan nyawa, hak berkeluarga dan melanjutkan keturunan, hak mengembangkan diri, hak memperoleh keadilan, hak atas kebebasan pribadi, hak atas rasa aman, hak atas kesejahteraan, hak turut serta dalam pemerintahan, hak wanita, hak anak, dan hak atas kebebasan beragama, rsd.

Rikutken kinitekenta, iajuk kita gelah ngergaken kai saja si menjadi hak kalak si deban, khususna kalak si lit i bas posisi si lemah i tengah-tengah masyarakat. Baik si lemah secara ekonomi, pendidiken, keduduken sosial, rsd.-na. Emaka i bas si e iajuk pe kita gelah mempelajari undang-undang si berlaku i bas negaranta khususna si berkaiten ras hak bage pe kewajiben sebage warga negara. Mungkin salah sada usulen, gelah banci silakoken pembinaan-pembinaan i bas bidang hukum ras HAM i bas gerejanta masing-masing gelah semakin mbages pengangkanta kerna ngergaken hak kalak si deban. Dibata si mpengasup kita guna ngelakokenca.