SUPLEMEN PJJ GBKP TGL. 21 - 27 JULI 2024

Pdt. Larena br. Sinuhadji (Nd. ReyRapha Tarigan)

ERDAME I BAS KELUARGA - 2 Samuel 14:25-33

[Keluarga: Rekonsiliasi]

Penaruh

Mungkin pernah sibegi peribahasa “bertepuk sebelah tangan.” Adi bertepuk harus dua tan gelah lit sorana. Tapi adi bertepuk sebelah tan ngenca la lit sorana. Biasana peribahasa enda ikaitken ras percintaan kalak si nguda denga. Cinta tak berbalas cinta. Pernyataan cinta seseorang tidak gayung bersambut dengan pernyataan cinta dari pihak lain, alias cinta ditolak. Tapi situhuna bertepuk sebelah tangan enda banci sikaitken ras melala hal, salah sadana permohonan maaf ras rekonsiliasi. Permohonan maaf seseorang bila ditolak maka tidak akan pernah terjadi rekonsiliasi. Ertina rekonsiliasi banci terjadi adi lit kesadaren i bas kedua belah pihak si berkonflik guna erdame. Adi sada pihak ngenca si nggit erdame, maka perdamen e la mungkin terjadi. Rekonsiliasi ras perdamen harus gayung bersambut antara satu pihak dengan pihak yang lain. Semua pihak harus mau mengintrospeksi diri dan menyadari kekurangan masing-masing. Em akap kami prakondisi si harus lit adi ateta rekonsiliasi entah pe erdame ras kalak si deban.

I bas kesempaten enda radu ras kita mulihi erlajar kerna perdamen ras rekonsiliasi i tengah-tengah keluarga rikutken ogenta sendah.

Mpebagesi Ogen   

Ogenta sendah lit i teruh judul perikop “Absalom iperdameken ras Daud.” Absalom e me anak dilaki Daud si peteluken arah ndeharana Maaka nari (2 Sam. 3:3). Lit sekalak turangna si tergelar Tamar. I bas 2 Sam. 13:1-22 ituriken lit peristiwa si la mehuli ialami Tamar, iperkosa Amnon ia janah la nggit Amnon bertanggung jawab. Amnon e me senina Absalom beda nande. Kenca enggo iteh Absalom kai si ialami turangna Tamar, segat kel Absalom nandangi Amnon, sebab la lit kai pe tindaken sanksi entah ukumen si ibereken Daud selaku bapana man Amnon. I bas si e, Absalom menyimpan dendam man Amnon seninana bage pe mungkin man Daud bapana.

Dua tahun kenca peristiwa e, lit kesempaten guna balas dendam, ipergunaken Absalom kesempaten e guna membalas dendam. I bas 2 Sam. 13:28 ituriken, isuruh Absalom suruh-suruhenna guna munuh Amnon. Kenca mate Amnon, mis Absalom kiam ku Gesur. I bas 2 Sam. 13:37 ituriken maka ndekah kel Daud erceda ate erkiteken anakna Amnon. Kenca enggo telu tahun dekahna, tedeh ate Daud nandangi Absalom. I jenda nari ibenaken proses rekonsiliasi antara Absalom ras Daud bapana. I bas proses enda, lit sekalak tokoh si tergelar Joap si jadi mediator rekonsiliasi antara Absalom ras Daud. Joap e me salah sada panglima perang Raja Daud. Bindu 14 benaken ay. 1-24 teridah peran Joap selaku mediator rekonsiliasi entah pe perdamen antara Absalom ras bapana Daud. Ibenaken alu kepedulian entah pe mediate Joap nandangi masalah si lit antara Absalom ras Daud, janah itehna kai situhuna si jadi sura-sura Daud bage pe Absalom. Emaka iaturken Joap gelah Absalom banci mulih ku Jerusalem i Gesur nari.

Tapi proses rekonsiliasi e labo murah guna silakoken. Kenca enggo seh ku Jerusalem, kepeken lenga siap Daud ngaloken kerehen Absalom ku istanana. Kenca enggo dua tahun dekahna Absalom nimai, bosan akapna. Isuruhna Joap guna njumpai Daud ras nungkun, kai si jadi kendala seh makana enggo dua tahun lenga ia ndilo Absalom ku istanana? I bas ogenta sendah labo ituriken kai si erbahanca Daud lenga siap ngaloken kerehen Absalom ku istanana. Tapi akhirna i bas ay. 33 ituriken maka itenahken Daud Absalom ku istanana. Reh Absalom janah nembah ia seh ku taneh i lebe-lebe bapana. Ideheri Daud Absalom janah iemana. Enda tandana enggo terjadi rekonsiliasi antara Absalom ras Daud bapana.

Si menarik adi sioge perikop selanjutna, Absalom erbahan rencana guna mberontak man Daud bapana gelah ia jadi sekalak raja. Padahal si tuhuna adi sipindolah alu mehuli tahta kerajan man Daud, enggo pasti ibereken tahta kerajan e man bana. I jenda teridah secara tersirat maka lenga dung persoalen e i bas diri Absalom. Ertina rekonsiliasi si ilakoken Absalom e la tulus. Dendam denga ia man Daud bapana. Kedungenna, mate Absalom alu cara si mengenaskan.

Versi Audio silahkan klik : https://youtu.be/E5lBiYGWusg

Pengkenaina 

Lit telu hal si menarik i bas ogenta sendah nari. Si pemena lebe, erdame entah pe rekonsiliasi membutuhkan proses si labo kentisik ras murah. Lit jarak waktu si cukup ndekah sekitar pitu tahun, seh makana Absalom ras Daud banci erdame. Tapi labo berarti didiamkan entah pe dihindari, tetap lit usaha-usaha si ilakoken guna banci erdame sada ras si debanna. I bas si e rekonsiliasi membutuhkan kesabaran. Sebab adi sada pihak ngenca si nggit erdame, maka rekonsiliasi e la banci terwujud. Adi sada pihak ngenca si nggit introspeksi diri, maka perdamen e la banci terwujud.

Si peduaken, mbelin kel peran pihak ketiga i bas proses rekonsiliasi. I bas ogenta sendah erlajar kita arah Joap nari si jadi mediator rekonsiliasi antara Absalom ras Daud bapana. Kita pe iajuk gelah jadi pihak-pihak si berupaya mendamaikan. I bas kuan-kuan kalak Karo, nina, jadi benang penjarumi. Jadi mediator e labo murah sebab harus beluh ia rembang tengah, tidak memihak, mampu bersikap objektif terhadap persoalen ras pang ngataken si benar. I bas si e tentu kita harus mindo gegeh i bas Kesah Si Badia nari gelah ipengasupNa kita jadi mediator si mehuli.

Si peteluken, bagi si enggo tersinget i bas bagin penaruh i datas, rekonsiliasi entah pe erdame la banci bertepuk sebelah tangan. Harus gayung bersambut. I bas ogenta sendah teridah uga inisiatif Absalom si la gayung bersambut ras Daud si lenga siap ngaloken Absalom. Ertina adi umpamana terlibat kita i bas konflik, harus isedari maka kita termasuk pihak si nentuken terjadina rekonsiliasi. Emaka harus nggit kita erdame ras iperdameken. Adi enggo erdame, usahakenlah gelah ula nai sionggar-onggar kesalahen kalak man banta. Ula simpan kesalahen kalak i bas pusuh ukurta bagi si ilakoken Absalom. Memang la banci bene i bas pusuh ukurta kai si enggo ilakoken kalak man banta, tapi salah sada syarat penting i bas rekonsiliasi e me berbesar hati mengampuni pihak si deban. I bas si e pindolah gegeh i bas Dibata nari gelah ipengasupNa kita ngalemi salah kalak alu serta.  

Tema si seh man banta i bas PJJ-ta sekali enda ngajuk kita gelah nggit kita erdame ras kalak si deban khususna ras keluarganta. Selain si e iajuk kita jadi jurudame i tengah-tengah keluarganta. Emaka si harus ilakoken si pemena lebe erdame kita ras Dibata. Sipindolah rusur pengalemi dosa i bas Dibata nari gelah i bas si e terbentuk karakter i bas dirinta selalu mengevaluasi diri, terbiasa melakukan otokritik. Si peduaken, erdamelah kita ras dirinta. Kataken bujur man Dibata i bas ugapa pe keadaanta sebab Dibata itehNa kai si mehuli i bas geluhta si maba damai sejahtera. Si peteluken, adi terlibat kita i bas konflik, upayakenlah gelah kita termasuk karakter kalak si labo mesera guna erdame ras iperdameken. Si peempatken, konflik e me hal si biasa terjadi i bas geluhta. La kita banci menghindari konflik. E maka si mehulina, uga caranta mengelola konflik alu mehuli. I bas si e perlu sitambahi pemetehta kerna pengelolaan konflik si mehuli janah megegeh kita ertoto gelah ipengasup Kesah Si Badia kita mengelola konflik alu mehuli. Adi banci sipindolah i bas pertotonta gelah ipedauh kita i bas konflik nari.   

I teruh enda lit doa arah Santo Fransiskus nari. Mari radu ras kita merenung sejenak ras ertoto, gelah ipengasup Dibata kita jadi jurudame i japa pe kita ringan. Dibata si mpengasup kita kerina guna ngelakokenca.

DOA SANTO FRANSISKUS DARI ASISI

Tuhan, jadikanlah aku Pembawa Damai

Bila terjadi kebencian, jadikanlah aku pembawa cinta kasih

Bila terjadi penghinaan, jadikanlah aku pembawa pengampunan

Bila terjadi kesesatan, jadikanlah aku pembawa kebenaran

Bila terjadi kebimbangan jadikanlah aku pembawa kepastian

Bila terjadi keputusasaan, jadikalah aku pembawa harapan

Bila terjadi kegelapan, jadikanlah aku pembawa terang

Bila terjadi kesedihan jadikanlah aku pembawa sukacita

Ya Tuhan Allah,

Ajar aku untuk lebih suka menghibur daripada dihibur

Mengerti daripada dimengerti

Mengasihi daripada dikasihi

Sebab dengan memberi kita menerima

Dengan mengampuni kita diampuni

Dengan mati suci aku bangkit lagi untuk hidup selama-lamanya

Amin!