SUPLEMEN PA MORIA GBKP TGL. 24 - 30 MARET 2024

Pdt. Larena Sinuhadji (Nd. ReyRapha Tarigan)

Okultisme

Si Man Ogen : Esekiel 13:17-21

Tema : KUASA DIBATA ERDOLAT

Tujun : Gelah Moria :

- Nggargari perbahanen-perbahanen si ciga ate Dibata

- Mbiasaken nggeluh i teruh kuasa Dibata

Metode : Kesaksian

Penaruh

PA-ta sendah ikaitken ras okultisme. Lit denga kin jaman gundari enda kalak Kristen Karo si ipakena denga kuasa-kuasa kegelapen? Adi rikutken penjelasen i bas Buku PA Moria ikataken lit denga kalak Kristen si makeken kuasa-kuasa kegelapen. I bas kesempaten enda mulihi kita erlajar kerna okultisme. Mbera kenca dung PA enda enterem kita si bertobat ras nadingken kuasa-kuasa kegelapen i bas geluhna, janah Tuhan Dibata i bas Yesus Kristus ngenca si isembahna.

Mpebagesi Si Man Ogen

Ogenta sendah nuriken kerna nubuaten si isehken Nabi Esekiel. Ise Nabi Esekiel enda? “Esekiel” ertina “Dibata mpegegehi” (Allah menguatkan). Ia tubuh ras mbelin i bas lingkungen keluarga imam si tading i Jerusalem (Ese. 1:3). Sanga i bas pendidiken denga guna jadi imam reh me bangsa Babil menjajah bangsa Israel, ibaba bangsa Babil Esekiel ras melala kalak Israel si deban ku tanah Babil. I bas usiana si pe-30-ken ialokenna pendilo guna jadi nabi (Ese. 1:2-3). Amin pe ertugas sebage sekalak nabi, Esekiel nggeluh bagi masyarakat biasa si tading i tengah-tengah kalak buangen i tepi lau Kebar (Esek. 1:1; 3:15,24) janah lit jabuna (Esek. 24:18). Esekiel melayani ras meritaken Kata Dibata alu tutus ras setia, kurang lebih 22 tahun ndekahna ia melayani i tengah-tengah bangsa Israel.

Perikopta ibere judul “Nubuat kerna cilaka si nandangi reh man nabi-nabi perguak diberu” (TB-LAI Ed. 2 “Hukuman terhadap nabiah-nabiah palsu). Esekiel sebage nabi Tuhan isuruh Tuhan guna mperdiateken (nina Tuhan, “genduari, o manusia si ermasap-masap,” terj. TB-LAI Ed. 2 “tunjukkanlah mukamu”) diberu-diberu si lit i tengah-tengah bangsa Israel. Labo hanya mperdiateken, tapi pe Esekiel arus ernubuat kerna ukumen. Maka cilaka me diberu tukang nubuat, sabab kata guak si ikatakenna (ay. 19c). Sabab ipakena ajimat i bas pergelangen tan  kalak kerina bage pe tudung penangkal i bas kalak enda gelah banci ikuasaina geluh kalak si deban. Sabab sura-surana engkuasai pate geluh kalak Isarel ras kuasana e ipakena guna kepentingenna jine. E me guna sengkerauk gandum ras piga-piga ncepik roti. Nabi-nabi palsu enda pe ngelakoken kekerasen, alu ngelakoken pembunuhen. Kalak si la ersalah ibunuh, tapi kalak si patut mate ipelepasana nggeluh. Tuhu-tuhu macik kel perbahanen diberu-diberu e. Nabiah-nabiah palsu ini berani melakukan kejahatan hanya untuk materi yang tidak seberapa.

Arah kai si enggo ibahan nabiah-nabiah palsu e maka Tuhan-lah si jadi imbangna, sabab ciga ate Tuhan kai si enggo ibahan nabiah enda. Janah Tuhan sendiri nge si bakal mbebasken bangsaNa si enggo mengalami kinisuin. Nina Tuhan, maka isintapken ras ibebasken Tuhan kalak si enggo ikuasai nabiah enda. Isintapken Tuhan me tudung penangkal nabiah e ras ibere Tuhan bangsa e pulah i bas kuasa nabiah palsu e seh rasa lalap. Alu bage, maka ieteh nabiah-nabiah palsu enda maka Tuhan e Dibata si erdolat.

Versi Audio silahkan klik : https://youtu.be/SmBnuzEuYA4

Pengkenaina

Okultisme, kata dasarna e me occult si ertina: gaib, gelap, tersembunyi, tidak tampak oleh mata, misterius. Okultisme e me ajaren si tek nandangi kekuaten gaib si tersembunyi i bas benda-benda entah roh (arwah) tendi kalak si mate.

I bas Pustaka si Badia, jelas maka kuasa kegelapen enggo italuken Yesus asum Yesus keke i bas si mate nari. KekekenNa berarti enggo italukenNa kuasa jahat, dosa ras kegelapen. Asum Yesus icubai setan pe, maka Yesus menang naluken kuasa setan e alu Firman Tuhan. Engkai maka Gereja perlu meteh kerna pelayanen pelepasen okultisme enda?

1. Yesus ngelakoken pelayanen pelepasen okultisme enda i bas pelayanenNa (Mat. 4:1-10, Mat. 12:22, Mrk. 3:15).
2. Yesus sendiri mereken kuasa (otoritas) man kalak si tek (Mrk. 16:17, Luk. 9:1, Perb. 16:16-23, Ep. 6:10-20, Jak. 4:7).
3. Pelayanen enda ilakoken i sepanjang sejarah Gereja.
4. Konteks Indonesia, khususna i bas suku Batak termasuk Karo kental denga ras kuasa kegelapen.

Praktek okultisme si banci siidah kita i bas kegeluhenta :

• Meminta kesembuhan man dukun entah kuasa kegelapen.
• Meminta kekebalan tubuh: meminta jimat pada dukun dan biasanya dipakaikan pada tubuh. Misalnya dililitkan pada ikat pinggang, pada gigi yang dilobangi sangat kecil, pada batu cincin, pada pergelangan tangan, pada leher seperti kalung (anak kecil), ditanam pada bagian tubuh manusia (susuk).
• Meminta penjaga rumah: agar menjaga rumah dari penjahat, pencuri, perampok dan anggota rumah dari ancaman penyakit menular dan roh-roh jahat. Biasanya diletakkan di pintu masuk rumah, pekarangan rumah, di sumur, di pekarangan, dan pondasi rumah.
• Penglaris, pemanis.
• Penggunaan pijat kiriman: apabila ada orang sakit, tidak perlu dibawa ke dukunnya, cukup memberi informasi tentang yang sakit itu, selanjutnya dukun akan melakukan terapi jarak jauh. Orang Karo biasanya ketika ada orang yang patah tulang, dukunnya akan memijat pohon pisang, tetapi yang sakit akan mengalami kesakitan di rumahnya.

Tingkat keterikatan pada kuasa kegelapan :

• Kelas sangat berat: dukun.
• Kelas berat: memiliki ilmu (penjaga) dan aktif berkonsultasi kepada dukun (setiap ada persoalan berkonsultasi ke dukun).
• Kelas menengah: memiliki penjaga dan sesekali konsultasi ke dukun.
• Kelas menengah ringan: sering konsultasi ke dukun tapi tidak memiliki penjaga.
• Kelas ringan: ketika sakit pernah berobat ke dukun.

Gejala-gejala adanya hubungan dengan kuasa gelap :
Malas ke gereja, malas baca Alkitab, keras kepala (tidak mau mengakui kebenaran Firman Tuhan), ragu-ragu, gampang emosi, sulit mengakui kesalahannya, sulit mengampuni, gelisah, tidak tenang, takut, selalu berpikir negatif, perilaku seks menyimpang (selingkuh).

Adi lit temanta entah keluarganta enggo terlibat kuasa kegelapan, maka kita kalak si tek, si enggo ibereken Dibata kuasa nampati ia guna melepasken ia i bas kuasa e. Cara si banci itempuh kita:

• Pembongkaran dosa okult (Ul. 18:9-13, Ul. 28:15).
• Pengakuan dosa (Mas. 32:1-4, Yes. 43:25, 1 Yoh. 1:9).
• Pemutusan hubungan dengan kuasa kegelapan dan garis kutuk (Kel. 20:2-4, Mat. 12:43-, Luk. 10:19 - benda okult harus dimusnahkan).
• Memberikan pengampunan (Mat. 6:12, Mar. 11:25).
• Mengundang Tuhan Yesus secara pribadi (Mat. 12:43-45, Ef. 2:2, Why. 3:30, 1 Yoh. 4;4, Mar. 16:17).
• Hidup dalam ketaatan dalam persekutuan, doa, mendengar dan melakukan Firman Tuhan  (Kis. 2:42-47).

Kita sebage kalak si enggo ibebasken Tuhan i bas kuasa dosa nari, i bas kuasa Iblis nari, arus tetap membangun kerembakenta ras Tuhan. Sabab megegeh kita erkiteken persadanta ras Tuhan. Persadan ras Tuhan dingen Kata Dibata si nerangi kegeluhenta merupaken penjaga perukuren ras pusuhta gelah tetap si ngena ate Dibata silakoken. La lit kuasa si terbelinen selain kuasa Tuhan i bas Yesus Kristus si banci nalukenca. Janah kita selaku anak-anakNa enggo ibereken Dibata kuasa guna nalukenca, asal kuasa Yesus si jadi palas kinitekenta. Kuasa Iblis hanya banci ilawan adi tetap kita erpengendes man Tuhan ras tetap sijaga geluhta bersih i lebe-lebeNa.

Rikutken bahanta i bas PA Moria sekali enda, maka adi tetap kita tek nandangi dunia okultisme, Tuhan nge imbangta, cilaka me kita, la lit damena i bas geluh enda, subuk i doni bage pe kenca kita enggo lawes nadingken doni enda. Emaka, ambil keputusen guna tetap kita ernalem saja man Tuhan.