SUPLEMEN PA MORIA GBKP TGL. 9 - 15 JULI 2023

Pdt. Larena br. Sinuhadji (Nd. ReyRapha Tarigan)

 

Mberantas Pinakit Sosial

 

Si Man Ogen : Roma 12:1-2

Tema : PERUKUREN SI IPELIMBARUI

Tujun : Gelah Moria :

- Meteh maka Kesah Dibata si erdahin guna mpelimbarui kegeluhen manusia

- Metenget njagai diri, jabu gelah la ndabuh ku bas pinakit sosial

Metode PA : Menginventarisir

 

Penaruh
 
I bas alam tinepa Dibata lit mekanisme mpelimbarui diri, umpamana oksigen ipelimbarui setiap wari arah proses fotosintesis. I bas diri manusia pe lit mekanisme mpelimbarui sel-sel si biasana terjadi sanga kita medem. Ertina mekanisme entah pe proses mpelimbarui diri iciptaken Dibata gelah kegeluhen i doni enda banci berlangsung terus-menerus.
 
I bas kinitekenta pe lit sada proses entah pe mekanisme pembaharuan kegeluhen. Kalak si memutusken tek man Yesus Kristus sebage Tuhan ras Juruselamatna biasana iumputi alu pertobaten, orientasi geluhna berubah 180 derajat, meninggalkan manusia lama untuk memasuki manusia baru yang telah dibaharui oleh kuasa Roh Kudus. PA-ta sendah lit kaitenna ras mpelimbarui diri erpalasken kiniteken man Yesus Kristus.
 
Mpebagesi Kata Dibata
 
Ogenta sendah akap kami enggo rusur sioge entah pe sibegiken. Lit dua ayat si man bahasen i bas PA-ta sendah. Si pemena, ay. 1, Rasul Paulus mpersingeti perpulungen i Roma gelah nginget perkuah ate Tuhan si mbelin si enggo isehken Tuhan man perpulungen (terj. BIMK, “Allah sangat baik kepada kita. Itu sebabnya saya minta dengan sangat supaya kalian mempersembahkan dirimu sebagai suatu kurban hidup yang khusus untuk Allah dan yang menyenangkan hatiNya. Ibadatmu kepada Allah seharusnya demikian”, because of God's great mercy to us). Ertina, i jenda Paulus mpersingeti kerna kekelengen Tuhan si enggo isehken Tuhan arah penebusen Yesus Kristus. Ula sempat ilupaken perpulungen.
 
Ipindoken Paulus, maka perpulungen ngendesken kulana jadi persembahen si nggeluh rikutken si ngena ateNa. Persembahen si ibaba e me geluhta sendiri, labo rubia-rubia (biri-biri, domba, asum ndube umat Tuhan nehken persembahen man baNa). Ertina, labo hanya dalam bentuk materi tapi geluhta, kulanta pe ipersembahken man Tuhan. Konsep kalak Yunani, maka ibedaken tubuh, roh ras jiwa. Tubuh (kula) e fana, janah i bas kita mate, masap me kula, mulihi jadi taneh. Sedangken roh ras jiwa, mulih ku Dibata. Arah pemahamen enda, maka enteremen perpulungen si semena-mena (ate-ate) nandangi kula, sebab kenca kita mate jadi abu ka. Sedangken situhuna, tubuh, roh ras jiwa la banci ipisahken, kerina sada kesatuan. Kai pe si ilakoken kita termasuk arah kulanta enda pe sipertanggungjawabken man Dibata (bdk. 2 Kor. 5:10).
 
“Sabab bage me arusna kita ersembah man Tuhan sue ras biakta selaku mahluk si rukur.” Rasul Paulus ngerana kerna persembahen si nggeluh e me dirinta seutuhna sebage persembahen si paling logis (“mahluk si rukur” - Yun. Logikon). Si ipersembahken e me totalitas dirinta siendesken man Dibata. Adi sikaitken ras ayat sebelumna Roma 11:36, ertina, ise pe kita, i bas status sosial si kugana pe, situhuna ngasup mereken kai pe si mehulina si lit i bas dirinta (nggit erkorban) guna kemulian Dibata. Hal si deban, mempersembahken tubuh e me persembahen si nggeluh (labo mate), si kudus - tanpa cacat (badia) ras si ngena iakap Dibata, merupaken ibadahta si sejati. Ertina, ibadah e labo terjeng ibadah formal, termasuk i bas kita banci nehken perbahanen si mehuli arah geluhta pribadi lepas pribadi e me termasuk ibadahta man Tuhan.
 
Si peduaken, ay. 2, “Ola pelepas dirindu jadi seri ras doni enda.” Walaupe tading i doni, tapi kalak si tek arus tetap berbeda ras doni i sekelewetna. Entah pe la terpengaruh i bas kondisi doni si dem kegelapen. “Tapi berelah maka perukurenndu ipelimbarui Dibata. Gelah la seri ras doni, maka perukurenta arus ipelimbarui Dibata.” Be transformed (by God) by renewing of your mind, ertina perubahen perukuren e hanya banci ilakoken Dibata arah kita tek man baNa. Geluh i bas identitas Kristen si benar i tengah-tengah doni enda la banci lang arus lit perobahen si konkrit ku si mehuli sue sura-sura Dibata ras si ngena ateNa. I bas si e tentuna arus nggit kita ipelimbarui Dibata setiap saat erkiteken la kita ngasup ngerobah dirinta adi siandalken kebeluhenta entah pe gegehta jine. I bas si e si nibutuhken e me kiniteruken ukurta i adep-adepen Dibata gelah ipengasupNa kita mpelimbarui geluhta arah erlajar Kata Dibata secara kontinyu ras konsisten bage pe erlajar arah pengalamen geluhta.
 
Pengkenaina
 
PA Morianta sendah ngingetken kita mulihi kerna kiniteken Kristen si fundamental e me kegeluhen si mbaru i bas Kristus. Kegeluhen si mbaru i bas Kristus itulisken secara tersirat i bas Konfesi GBKP Bab XIV si ngerana kerna “Keselamatan” bagenda nina,
 
Kami percaya, bahwa:

• Keselamatan adalah pemulihan kembali citra Allah dalam diri manusia. Keselamatan merupakan inisiatif Allah yang mengasihi manusia (Yoh. 3:16). Oleh karena itu, keselamatan merupakan anugerah Allah, bukan hasil usaha manusia (Ef. 2:8-9).
• Keselamatan dari Allah diterima oleh iman dan membuahkan hidup benar dan kudus sesuai firman Allah serta semangat melakukan perbuatan-perbuatan baik sebagai ucapan syukur atas keselamatan yang telah dianugerahkan Kristus (2 Pet. 3:14; Kol. 1:17; 3:15-17; 1 Pet. 1:16).

Bage pe i bas Bab IX si ngerana kerna “Gereja” bagenda nina,
 
Kami percaya, bahwa:

• Gereja adalah persekutuan orang percaya yang dipanggil menjadi milik Allah dan Yesus Kristus menjadi kepalanya (1 Pet. 2:9; Ef. 1:22) terus-menerus diperbaharui oleh Roh Kudus menjadi garam dan terang dunia (Mat. 16:18).
• Gereja dipanggil untuk melakukan tritugas demi mewujudkan jemaat  yang misioner untuk memproklamasikan nilai-nilai Kerajaan Allah yang tampak dalam kehidupan Yesus yaitu: cintah kasih, keberpihakkan pada yang miskin, lemah dan terpinggirkan untuk menegakkan kebenaran dan keadilan (Luk. 4:18-19) serta mampu bersikap positif, kreatif, kritis dan realistis terhadap nilai-nilai dunia (Roma 12:2).

Ertina arah Konfesi enda jelas teridah maka kegeluhen si mbaru i bas Kristus mpelimbarui labo saja perukurenta tapi pe kegeluhenta. Perubahen i bas orientasi berpikir harus iwujudnyataken i bas kegeluhenta si tep-tep wari, baik arah pengerananta bage pe arah perbahanenta. Rasul Paulus mereken teladan man banta maka kegeluhen si mbaru i bas Kristus e me sada proses si gedang seumur geluhta, banci sioge ayat-ayat enda: 2 Kor. 4:16; Ef. 4:23; Kol. 3:10; Fil. 3:10-16; bage pe i bas Jak. 1:2-8; rsd. Si penting i bas proses enda, nggit kita jatuh bangun, nggit kita ngakuken kelepakenta, janah nggit kita ipersingeti ras ipelimbarui Kesah Si Badia.
 
I bas rangka memberantas pinakit sosial si lit i sekelewetta, si pemena, perlu lebe siidentifikasi jenis-jenis pinakit sosial si lit i sekelewtta. Si umum marenda nari e me, judi, narkoba, ras seks bebas. Gundari enggo semakin berkembang jadi judi online, game online, kecanduan seks online, korupsi, konsumerisme, gaya hidup instan entah pe ingin kaya dengan cara cepat, rsd. Si peduaken, kenca enggo teridentifikasi, ula sempat Moria coba-coba ras terbaba arus. I bas si e tentuna Moria harus metenget (waspada) janah pang secara kritis menolak ajakan-ajakan entah pe bujukan-bujukan teman-teman. I bas si e pindolah gegeh i bas Dibata nari. Si peteluken notokenca janah erbahan aksi ibenaken i bas jabuta masing-masing gelah ula sempat anak-anak ras anggota jabuta si deban terbawa arus pinakit sosial.