SUPLEMEN PA MAMRE GBKP TGL. 23 - 29 JULI 2023

Pdt. Larena br. Sinuhadji (Nd. ReyRapha Tarigan)

Teks : Kuan-kuanen 3:17-18

Tema : PENTAR MAKEKEN TEKNOLOGI INFORMASI

Tujun : Gelah Mamre :

- Meteh kepentaren Dibata si maba kesenangen geluh.

- Makeken Teknologi Informasi maba dame ras kiniersadan

Penaruh

I bas buku PA-ta ituriken secara ringkas perkembangen teknologi informasi seh ku era teknologi informasi 4.0 (four point zero). Teknologi informasi 4.0 awalna erkaiten ras industri, emaka istilah awalna eme Industri 4.0 si imuculken si pemenana i bas Hannover Fair Jerman April 2011. Industri 4.0 merupakan upaya transformasi menuju perbaikan dengan mengintegrasikan dunia online dan lini produksi di industri, di mana semua proses produksi berjalan dengan internet sebagai penopang utama. Gundari teknologi informasi si sanga terus ikembangken eme Artificial Intelligence entah pe Kecerdasan Buatan. Situhuna teknologi enda enggo irintis benaken tahun 1956 arah Ilmuwan Komputer nari si tergelar Professor John McCarthy, gundari enggo semakin berkembang pesat.

Secara ringkas erti Artificial Intelligence (AI) eme program komputer yang dirancang untuk meniru kecerdasan manusia, termasuk kemampuan pengambilan keputusan, logika, dan karakteristik kecerdasan lainnya. Contohna si sederhana, sanga kita ngetik pesan WA i bas HP-ta, enggo lit prediksi kata kai si ateta iketik selanjutna. Sanga kita ngetik ndarami sada topik i bas Google search, umpamana, enggo mis muncul je prediksi kai si ateta sidarami. AI enda gundari enggo igunaken i bas erbage-bage bidang, umpamana kesehaten, pendidikan, ekonomi, sosial, pertahanan keamanan, bage pe reformasi birokrasi i ja enggo lit gelarna ChatBot si memungkinken pelayanen man masyarakat 24 jam.

Uga responta kerna kemajun Teknologi Informasi enda? I bas PA sendah, radu ras kita erlajar kerna erkiniteken i bas konteks kemajun Teknologi Informasi.

Mpebagesi Kata Dibata

Ogenta sendah ibuat i bas kitab Kuan-kuanen nari. Tujun kitab enda enggo tangkas i bas bindu 1:1-7 si intina kitab enda nampati ise pe si ngogesa gelah pentar, ngaloken pengajaren si mehuli, ngantusi ranan si mbages ertina. Ise pe si ngogesa iajarken nggeluh pentar, bujur, adil dingen benar. Ise pe si langa erpengalamen iajarken gelah cerdik. Man kalak si nguda si ngogesa gelah pantas dingen pentar. Kitab enda banci nambahi pemeteh kalak pentar, bage pe man kalak si enggo meganjang sekolahna pe banci erlajar i je nari, gelah mbages isipatina erti si terbuni i bas pengajaren enda janah ietehna njabap persoalen-persoalen si ibereken kalak pentar. Si pentingna i bas kitab enda eme guna ndatken pemeteh, si pemenana si la banci la lit i bas kalak eme mehamat dingen erkemalangen man TUHAN. Sebalikna kalak lenge la nggit mperdiateken kepentaren dingen la ia nggit erlajar.

Sedangken si jadi ogenta sendah lit i teruh judul perikop “Ajaren man anak perana” (terj. BIMK, “Nasihat untuk orang muda”, terj. TB-LAI, “Berkat dari hikmat”). Adi sioge kerina ayat i bas perikop enda melala pedah-pedah si isehken Penulis Kitab Kuan-kuanen man anak perana entah pe orang muda i ja garis besarna eme hikmat dari Tuhan Allah mendatangkan berkat bagi siapa saja yang mengimani dan melakukannya.

Dua ayat si jadi renungenta sendah eme ay. 17-18, nina, “Kepentaren kap si erbahanca senang geluhndu, janah si mabai kam arah dalan dame. Kalak pentar kap kalak sangap. Kepentaren si mereken kegeluhen man bana.” I bas terj. BIMK nina, “Hikmat membuat hidupmu senang dan sejahtera. Orang yang berpegang teguh pada hikmat akan mengalami hidup yang sejati dan bahagia.” Janah i bas terj. TB-LAI nina, “Jalannya adalah jalan penuh bahagia, segala jalannya sejahtera semata-mata. Ia menjadi pohon kehidupan bagi orang yang memegangnya, siapa yang berpegang padanya akan disebut berbahagia.”

I bas ay. 17, kepentaren i jenda jelas rehna i bas Dibata nari. Kepentaren i bas Dibata nari erbahanca senang geluhta. Adi i bas terj. Bhs. Ind. jelas maka ulih kepentaren Dibata labo terjeng senang, berbahagia saja, tapi pe mabai kesejahteraan. Kesejahteraan i jenda bhs. Ibranina eme “syalom” ertina damai, utuh, lengkap. Jadi sejahtera i jenda labo terjeng erkaiten ras materi tapi pe ras merasakan kedamaian, keutuhan, lengkap entah pe rasa cukup puas.

Selanjutna i bas ay. 18 ikataken, ise pe si njemak entah pe makeken kepentaren i bas Dibata nari erbahanca sangap ras mereken kegeluhen. Kesangapen ras kegeluhen si inanamina eme kesangapen ras kegeluhen si tuhu-tuhu, labo si semu si ibereken doni enda erpalasken erta kebayaken. Adi i bas bhs. Ind., nina hidup yang sejati dan bahagia inanami kalak si njemak alu nteguh kepentaren i bas Dibata nari.   

Versi Audio Silahkan Klik : https://www.youtube.com/watch?v=IXCR8c-73Po

Pengkenaina

Arah ogenta sendah jelas maka kepentaren i bas Dibata nari erbahanca kita senang ras sangap. Enda menjawab tujun si pemena PA-ta sendah. Arah tujun si pemena enda, mulihi kita Mamre iajuk gelah tuhu-tuhu ersukuten man Dibata i bas kai-kai pe, ula sempat kita hanya mengandalkan logikanta entah pe kebeluhenta. Pindolah kepentaren man Dibata i bas pertotonta gelah ipengasupNa kita erbahan kerina si mehuli sue ras peraten Dibata, khususna i bas kita makeken Teknologi Informasi (isingkat TI).

Tujun si peduaken akap kami erkaiten ras palas teologis i bas kita makeken TI si semakin berkembang i bas geluhta gundari. I bas kesempaten enda ipake kami Konfesi GBKP khusuna Bab III ras VI. I bas konfesi enda jelas maka TI adalah netral. Positif entah negatif penggunaan TI bergantung man ise si makekenca. 

I bas Konfesi GBKP Bab III (kerna Ciptaan), point pe-4-ken, ikataken nina, Kami percaya, bahwa: “Ciptaan tidak boleh menggantikan posisi Allah: tidak boleh diperilah, disembah dan mendominasi manusia.” Ertina i bas konfesi enda jelas maka kita si mengendaliken TI, labo sebalikna, TI si mengendaliken kita. I bas si e mari radu ras sievaluasi penggunaan TI sedekah enda, apakah TI justru mengendaliken geluhta seh makana kita nggit iperbudak judi online, pornografi, rsd.? Melala anak-anakta jaman gundari enda si enggo kecanduan game online. I bas si e kita sebage Mamre harus jadi usihen man anak-anakta, janah tegas kita i bas menanggulangi dampak negatif TI man anak-anakta. 

Palas teologis si peduaken eme Konfesi GBKP Bab VI (kerna Budaya), ikataken nina, Kami percaya, bahwa: “Budaya adalah keseluruhan cipta, karya dan karsa manusia yang berakal budi. Oleh karena itu, dalam terang firman Allah, manusia harus menggali, mengembangkan dan melestarikan budaya secara positif, kreatif, kritis dan realistis untuk kesejahteraan manusia” (1 Kor. 9:20-21; Yoh. 13:1-20). I bas konfesi enda jelas maka TI eme hasil cipta, karya dan karsa manusia yang berakal budi. TI justru harus terus ikembangken secara positif, kreatif, kritis ras realistis guna kesangapen kita kerina. I bas si e tentuna harus nggit kita terus erlajar kerna TI enda. Kenca enggo erlajar, siterapken TI enda guna kiniulin. Umpamana, TI igunaken sebage media pendidiken, TI guna er-Berita Si Meriah, TI guna meningkatken kualitas administrasi lembaga, rsd. Adi rikutken tujun si peduaken jelas maka TI ipakeken guna kedamen ras kiniersadan.