SUPLEMEN PA MAMRE GBKP TGL. 16 - 22 JULI 2023

Pdt. Larena br. Sinuhadji (Nd. ReyRapha Tarigan)

Teks : Kolose 4:5-6

Tema : CAKAP SI MEHULI

Tujun : Gelah Mamre :

- Meteh pentingna cakap si mehuli erpalasken teks

- Ngasup jadi usihen i bas cakap si erkesehen rikut orat nggeluh kalak Karo

Penaruh

Selain makhluk sosial, manusia pe ikataken makhluk komunikasi sebab i bas berinteraksi sada ras si debanna, manusia harus ercakap, berkata-kata, entah pe berkomunikasi. I bas dinamika berkomunikasi lit peribahasa si ngatakenca “mulutmu harimaumu”, ertina  segala perkataan yang terlanjur kita keluarkan akan merugikan diri sendiri apabila tidak dipikirkan terlebih dahulu. Peribahasa enda ncidahkenca maka lit dampak entah pe akibat i bas kata-kata si ibelasken kita. Kata-kata si ibelasken kita banci erbahanca kalak senang, terhibur, termotivasi, tapi i bas dampar si deban, kata-kata si ibelasken kita banci erbahanca kalak tersinggung, merawa, entah pe sakit ukurna. I bas PA-ta sendah, erlajar kita kerna cakap si mehuli.

Mpebagesi Kata Dibata

Perikopta lit i bas bagin penutup kitab Kolose si ibere judul “Pedah-pedah” (Alkitab BIMK, “Petunjuk-petunjuk”). Bagin enda e me kap kerna kata telah guna ertoto ras hubungen perpulungen Kolose ras kalak si deban si la Kristen, subuk i bas perbahanen (ay. 5) bage pe i bas pengerana (ay. 6).

Paulus ngelumbaken man perpulungen Kolose gelah tutus ertoto (bdk. Luk. 18, “Ola ermedu-medu i bas ertoto gelah ula peltep pengarapenna”), ersikap katawari paksa (siap siaga) ras ngataken bujur man Dibata. I jenda ngataken bujur man Dibataa itekanken sebage bagian i bas pertoton kalak Kristen. Sabab umumna kita ertoto isina pemindon-pemindon tapi lupa ngataken bujur arah kai si enggo ibereken Tuhan banta. Janah  ipindoken Paulus gelah perpulungen pe tetap mendukung Paulus ras tim-na i bas pertoton gelah alu bage ibereken Tuhan kesempaten si mehuli guna meritaken KataNa (bdk. 1 Kor. 16:9). Rahasia Kristus (1:26,27; 2:2) sada istilah si ertina berita i bas Dibata nari kerna Kristus, sada berita i ja mbarenda rahasia denga lenga lit si metehsa. Janah erkiteken semangatna i bas Paulus mberitaken Kata Dibata nge maka ia ipenjaraken. Janah sekali nari Paulus mindo dukungen doa i bas perpulungen nari gelah banci meritaken Kata Dibata alu mehuli, jelas rikutken si ngena ate Tuhan. Sabab paksa si e mbue ka nabi-nabi palsu si hanya mberitakan sue bagi selera pendengar petembil ras sura-sura Tuhan.

Je nari ipedahken Paulus gelah perpulungen bijaksana i bas bergaul ras kalak si deban si lenga itandaina Yesus Kristus. Pakeken setiap kesempaten gelah kegeluhen perpulungen e banci jadi “surat Kristus” (terang) man sekelewetna si lenga itandaina Kristus. Kata-kata si ibelaskenna kata-kata si membangun, berisi (bhs. Ind. : “jangan hambar”), ula gelah menggo saja ngerana tapi la lit isina, la lit maknana. Siusahakenlah arah pengerananta pe kita banci er-PI man kalak si deban.

“Mehuli dingen ngena min ate kalak cakapndu”, ertina bahanlah pengerananta si positif, membangun. Banci jadi tujunna mpersingeti, tapi ipeseh alu cara si tepat, labo kasar ras mpermaluken kalak. Labo memang banci ngena kel ate kalak arah cakapta, tapi paling tidak i bas kita ngerana e, perlu lebe siukurken maka sibelasken. “Ras ngasup mereken jabap si tepat man ise pe”, ertina arus sieteh persoalen entah permasalahan alu jelas ula setengah-setengah entah pe nina pa nina, rikut sieteh kondisi ras situasina gelah alu bage banci kita mereken jawab alu tepat. Banci jadi enggo siakap tepat jawabta, tapi situasina sangana la pas (kondisi dem i bas perbeben), timai lebe seh situasi agak membaik.

Versi Audio Silahkan Klik : https://www.youtube.com/watch?v=HwMfKhyfTuY

Pengkenaina

I bas buku “Unleash Your Inner Power with Zen : 50 Kisah Zen untuk Memaksimalkan Potensi Diri” ikataken nina, “Berhati-hatilah dengan pikiranmu, karena ia akan menjadi ucapanmu. Berhati-hatilah dengan ucapanmu karena ia akan menjadi tindakanmu. Berhati-hatilah dengan tindakanmu karena ia akan menjadi kebiasaanmu. Berhati-hatilah dengan kebiasaanmu karena ia akan menjadi karaktermu. Dan berhati-hatilah dengan karaktermu karena ia akan menjadi takdirmu.” Kutipen enda ncidahkenca maka kalak si la erkiniteken man Kristus saja menganut prinsip bijak dalam berkata-kata. Sebage kalak si erkiniteken man Kristus tentuna kita pe harus lebihen asangken kalak si la erkiniteken man Kristus. 

PA-ta sendah mulihi ngajuk kita Mamre gelah ercakap alu mehuli. Rikutken ogenta sendah jelas maka iajuk kita gelah melasken kata si positif, membangun, memotivasi si mehuli man kalak si deban. Sebab rananta pe salah sada bentuk kesaksin kerna keselamatan i bas Yesus Kristus man kalak si deban. Adi rikutken Pustaka Si Badia, melala ayat si ncidahkenca maka lit kuasa i bas kata-kata si ibelasken kita. Kitab Kejadin bindu 1 jelas ncidahkenca maka Kata Dibata erkuasa njadiken doni enda. Roma 10:8-10 ncidahkenca maka Kata Dibata erkuasa maba kese-kuanen lamaten. Kuan-kuannen 16:24 ngatakenca ranan si mehuli erkuasa jadi tambar. Kuan-kuanen 15:4 ncidahkenca maka kata-kata erkuasa mereken kegeluhen entah pe sebalikna, banci ngelukai pusuh erbahanca bene ukur. Jakup 3:1-12 ncidahkenca maka kata-kata berkuasa mendatangkan berkat atau kutuk. I bas si e Pustaka Si Badia ngajuk kerina kita kalak si tek gelah bijak i bas berkata-kata sebab rikutken Matius 12:36-37 i bas wari pendungi kari harus ipertanggungjawabken kerina si enggo ibelasken kita.

I bas tujun si peduaken, iajuk Mamre gelah ngasup jadi usihen i bas cakap si erkesehen rikut orat nggeluh kalak Karo. I bas adat Karo pe melala kuan-kuan si ngajuk kita gelah bijak i bas melasken kata. Umpamana, “siksik lebe maka tindes” ertina iajuk kita gelah memahami sesuatu dengan baik sebelum berkomentar. “Cakap saja la lako Pal!” E ngajuk kita gelah seri antara kata ras perbahanen, entah pe menepati janji. Ras melala denga kuan-kuan si deban. Secara khusus i bas tujun si peduaken enda iajuk kita gelah jadi usihen i bas cakap si erkesehen rikut orat nggeluh kalak Karo. Maksudna adi ngerana kita man ise pe harus jelas itujuken ku ise rananta e. Umpamana adi ngerana ras kalimbubuta harus iumputi alu kata “mama”, “mami”, entah pe “kalimbubu.” Bage pe adi ngerana kita ras bapa, nande, bengkila entah bibi, harus iumputi alu kata “bapa”, “nande”, “bibi” entah pe “bengkila”. Sebab jaman gundari enda enggo melala anak-anakta si adi ngerana la erkesehen.