SUPLEMEN PA MORIA GBKP TGL. 30 JULI - 5 AGT. 2023

Pdt. Larena Sinuhadji (Nd. ReyRapha Tarigan)

Nilai Spiritual

Ogen : Nehemia 5:14-19

Tema : NGGELUH I BAS KEJUJUREN

Tujun : Gelah Moria :

- Meteh kebujuren Nehemia i bas masa kepemimpinenna

- Njadiken kebujuren jadi orat nggeluh

Bena Kata

Salah sada ciri kalak si erkiniteken eme nggeluh i bas kejujuren entah pe berintegritas (utuh). Kai si ibelaskenna, e ka si idalankenna, bagi istilah “tidak ada dusta di antara kita.” Walaupe banci ikataken labo hal si mesukah nggeluh i bas kejujuren i bas paksa genduari enda, enggo pasti mbue tantangenna. Emaka marenda nari rusur ikataken kalak Jawa, “Jaman saiki, sing jujur ajur” (zaman sekarang, yang jujur akan hancur). Entah pe lit si ngatakenca, “Bambu yang lurus lebih cepat ditebang, sementara bambu yang bengkok dibiarkan hidup.” Ertina, kalak si ngelakoken kejujuren enggo pasti mbue kel tantangenna.

Kejujuren eme sikap lurus hati, tidak berbohong, la curang, ndalanken sesuatu sue aturen si berlaku. Iarapken arah terus kita ipersingeti kerna kujujuren, subuk i bas bahan PJJ ras PA Kategorial, maka  kejujuren enggo jadi orat nggeluhta (karakterta). Bahkan rikutken Tata Nilai GBKP 5K, salah sadana e me “Kejujuran” (5K : Kasih, Kejujuran, Kesetiaan, Keugaharian, dan Kekerabatan). Janah erlajar kita sekali enda arah Nehemia si tetap nggeluh alu bujur, aminna pe keduduken ras kekuasaan si lit bas ia banci erbahanca ia ndalanken kinilabujuren.

Mpebagesi Pengangkan Kerna Ogen

Judul perikop si jadi ogenta sendah eme “Kebujuren Nehemia”, i bas Alkitab BIMK nina, “Nehemia murah hati”, janah judul i bas Alkitab TB-LAI nina, “Sikap Nehamia yang tidak mencari keuntungan.” Judul-judul enda akap kami saling melengkapi kerna karakter Nehemia.

I bas ay. 14-15,  siidah maka Nehemia tuhu-tuhu nggeluh i bas kejujuren, sabab si jadi hakna selaku gubernur paksa si e pe la ibuatna. 12 tahun ia jadi gubernur (terj. Bhs. Ind. “bupati”) i ja paksa si e daerah Yehuda i teruh jajahen Persia, ia ras kade-kadena la man pangan si jadi hakna selaku sekalak gubernur. Padahal jelas tiap gubernur si ertugas sope ia jadi baban si mberat man rayat, selain si e ituntutna empat puluh duit pirak tiap wari man penukur pangan ras anggur. Bahkan si mengeriken suruh-suruhenna pe nindih jelma si enterem. Hal enda ilakoken anak buahna sabab iusihna pemimpinna. Nehemia la bage perbahanena sabab ia mbiar man Dibata. Nehemia tidak mau meniru pemimpin sebelumnya, si hanya rukur guna kesenangenna saja la iukurkenna kerna keamanen, kenyamanen, kesejahteraan bage pe kemakmuren daerah Yehuda, bahkan justru jadi baban ras nindih jelma si enterem.

I bas ay. 16 isaksiken Nehemia maka kerina gegeh si lit i bas ia iberekenna guna pekena tembok Yerusalem. Bahkan selambar juma pe la lit ibuatna. Ertina, jabaten si lit bas ia labo imanfaatkenna guna pebayak bana (aji mumpung). Kerina kalak si erdahin ras ia pe, isuruhken guna erdahin pekena tembok Jerusalem.

I bas ay. 17-18, ia kalak si melumbar. Teks ngatakenca maka setiap wari isikapkenna nakan ras bengkauna guna seratus lima puluh kalak Jahudi ras pengulu-penguluna. Bengkau si man pesikapenken tep-tep wari eme sada lembu, enem biri-biri si mejilena ras melala manuk. Sepuluh wari sekali isikapkenna anggur si mbaru. Sekali nari, erkiteken ietehna beratna tanggungen jelma si enterem, emaka la ibuatna belanja si arusna kin jadi sikerajangen gubernur. Labo terjeng je saja, setiap wari isikapkenna pangan ras inemen si mejile kualitasna guna menjamu kerina temue si reh ndahi ia. Banci sibayangken asa kai buena kinibayaken si lit i bas Nehemia si ipakekenna guna mereken pelayanen si terbaik guna rakyat Yehuda.

Arah kai si ilakoken Nehemia, ia banci jadi usihen man anak buahna. Kebalikenna asum gubernur sope ia, pengulu-pengulu ndalanken kinilabujuren (ndehken) rayat, sabab pemimpin paksa si e, la jadi contoh si mehuli. Nehemia, sebage pemimpin si beritegritas, si jadi usihen man pegawai-pegawaina si deban.

Versi Audio Silahkan Klik : https://youtu.be/uVMWS7swBDE

Pengkenaina

Tema si seh man banta, “Nggeluh i bas kejujuren.” Tema enda mendorong kita guna terus erbahan si bujur walaupe mbue tantangenna. Sabab rusur sibegi “Ndarami uang haram saja susah, apai ka si halal.” Bahkan enggo teremen sekelewetta si ngelakoken si la bujur ras si la mehuli. Terkadang enggo ka iakap teman kita si “aneh” erkiteken tetap sijaga kiniulin bas dirinta. Ras kedungenna erbahanca kita terbawa arus jaman erkiteken enggo teremen sekelewet si ngelakoken si la mehuli ras la bujur. Janah tujun si pemena, meteh kebujuren Nehemia i bas masa kepemimpinenna, enggo terjawab arah penjelasen bahan i datas. Ras tujun si peduaken, eme njadiken kebujuren jadi orat nggeluh (karakter). La banci lang kejujuren arus silakoken selaku kita orang tua, mulai dari diri sendiri ras mulai hal si kitik-kitik nari. Sebage contoh, adi erjanji kita man anakta, mulih maba pangan-pangan, sibabalah. Adi teleponi teman, rumah dengan kita, ula kataken “Bas dalan enggo aku.” E contoh-contoh si sederhana, ras iidah dingen iperdiateken anak-anakta.

Enggo pasti melala kendalana asum kita nggeluh i bas kebujuren. Banci jadi orang tidak senang. Adi bas inganta erdahin, enggo ianggap temanta kita “sok suci.” Ras enggo pasti iusahenkenna kita imutasiken ku ingan si deban. Pernah lit cerita, anggota perpulungenta, ia si ertugas belanja kebutuhen i bas ingan erdahinna. Kepeken kenca laporen keuangen kerina i-mark up, inaiken ergana. Emaka iusahakenna ngelaporkenca man pimpinen, sabab bukti-bukti pembelian lit denga bas ia. Tapi e sada pergumulen si mberat bana. La ilaporken tehna lit si la bujur i je, adi ilaporken enggo pasti pimpinen ruangenna merawa man bana. Sangat dilema i bas kita ngelakoken kebujuren erkiteken enggo mbuen si ngelakoken si la bujur. Tapi, seberat apapun tantangenna, tetaplah ngelakoken kebujuren, ula sipengadi.

Sabab enggo pasti mbue tantangen, tapi teklah perbahanenta si bujur enggo pasti iidah ras iperhitungken Tuhan. Anak-anakta paling tidak erlajar ia ndalanken kebujuren, sebab usihna kita orang tuana. Mbue pe firman Tuhan si ncidahken maka kalak bujur, Tuhan sekawalna, Tuhan jadi perisai ras perlindungenna. Bahkan kalak bujur isampati arah kebenarenna (bdk. Kuan-kuanen 2:7). Tenang kita nggeluh, la ibayang-bayangi rasa takut erkiteken enggo ngelakoken si la bujur. Adi jujur kita, kalak pe tek man banta. Tapi kebalikenna, adi sekali kita la bujur, kalak pe la nari tek man banta (peribahasa “Sekali lancung ke ujian, seumur hidup orang tidak percaya”). Berikutna,  meminimalisir masalah. Sabab perbahanen si la mehuli bage pe kinilabujuren akan melahirkan kebohongen si deban. Enggo pasti timbul ka masalah si deban. Ras ulih si luar biasa maka sehat kita secara fisik ras psikis. Para peneliti i Univ. of Notre Dame, Anita Kelly ras Lijuan Wang, ngatakenca maka erbual sangat mempengaruhi kesehaten (itulis bas buku A Life Without Lies : How Living Honestly Can Affect Health). Ibahanna penelitian man 110 kalak selama sepekan, asum setengah i bas peserta e ngadi erbual, maka kesehatenna meningkat secara signifikan.

Secara khusus i bas Garis Besar Pelayanan (GBP) GBKP, maka salah sada i bas 5 Tata Nilai si ianggap paling relevan guna ihayati, igumuli, isosialisasiken ras ipraktekken terus-menerus seh makana enggo jadi kebiasan ras karakter eme “Kejujuran.”

Panduan Perilaku Kejujuran: 
- Hati yang lurus, tidak berbohong atau berkata apa adanya.
- Tidak curang atau mengikuti aturan yang berlaku.
- Tulus ikhlas, tidak munafik atau bermuka dua.

Kata Kunci Kejujuran: 
- Integritas
- Bersih
- Transparan
- Terus terang
- Bertanggung jawab

Perilaku Yang Dianjurkan Kejujuran:
"Senantiasa bersikap jujur, sesuai antara perkataan yang diucapkan dengan perbuatan."

Ras iarapken kita sebage orang tua, sibabai, siajarken, gelah anak-anakta tetap erbahan si mehuli ras ndalanken kebujuren. Mulai dari hal si sederhana (kecil), umpamana, berkata benar, berkaitan ras uang; uang kolekte, uang jajan, uang kebutuhen sekolah, arus jujur. Janah enggo pasti kita lebe sebage orang tua arus jadi role model si mehuli man anak-anakta. Dibata si mpegegehi kita i bas ngelakoken si bujur (kejujuren). Tetap kita membangun kiniersadan ras Tuhan, gelah ipengasupNa kita ndalanken si bujur i bas kegeluhenta.