SUPLEMEN PA KATEGORIAL GBKP (MAMRE, MORIA, PERMATA, KAKR, SAITUN) TGL. 25 JUNI - 1 JULI 2023
Pdt. Larena br. Sinuhadji (Nd. ReyRapha Tarigan)
(HARGANAS - Hari Keluarga Nasional)
Ogen : Masmur 112:1-3
Tema : JABU SI ERMERIAH UKUR
Tujun : Gelah Kerina Kategorial :
- Meteh maka kemalemen ate ras keriahen ukur teridah seh ku sinursur arah erkemalangen man Dibata
- Gelah kerina isi jabu ngelumbaken nggeluh erkemalangen man Dibata
Metode : Diskusi
Penaruh
PA Kategorial-ta sekali enda seri bahanna dalam rangka HARGANAS ke-30 si ndabuh i bas tgl. 29 Juni 2023. Perayaan tahun enda secara nasional irencanaken tgl. 6 Juli 2023 i Banyuasin Sumatera Selatan dengan mengambil tema “Menuju Keluarga Bebas Stunting.” Keluarga adalah institusi terkecil si terbentuk erkiteken inisiatif Tuhan, “La mehuli adi manusia nggeluh sisada-sisada. Kubahanlah teman si cocok man bana guna nampati ia.” Arah jabu (keluarga) uga maka tetap gelar Dibata ermulia, sebab Tuhan si mpersadaken kita. Emaka penting uga tetap ersada jabunta, persadan si nteguh, si la banci ise pe entah kai pe ncedakenca. Sebab melala kasus erkiteken mbuesa persoalen, la lit sen, mbuesa sen, kemajun jaman, kesibuken, rsd., erbahanca jabu e kedungenna i ambang kehancuren, bahkan kedungenna sirang. Emaka kiniersadan e arus tetap terus-menerus sipelihara, selain tetap sipindo kuasa Kesah Si Badia mpersadaken kita.
Emaka pas kel PA-ta sekali enda, seri bahanna kerina kategorial, gelah sada pengidah, sada pengangkan i bas keluarga, orang tua terus ku anak-anak maka palas kiniersadan jabu e me nggeluh erkemalangen man Tuhan. Bagi nina kata bijak, “satu orang dapat menghancurkan keluarga, tetapi untuk menyatukan keluarga dibutuhkan kerja sama semua anggota keluarga.” Emaka ras-ras kita erlajar kerna kesaksian Pemasmur nggeluh erkemalangen man Tuhan rikutken pengogenta sekali enda.
Mpebagesi Kata Dibata
Perikopta ibere judul “Kemalemen ate kalak bujur” (terj. TB-LAI, “Bahagia orang benar”). Janah situhuna bahan enda arus ibaca secara keseluruhen gelah banci sidat pesan firman Tuhan kerinana.
Masmur 112 enda igolongken ku bas Masmur Kebijaksanaan (hikmat). Hal enda teridah arah seruan “Malem ate kalak si erkemalangen man Tuhan, si ermeriah ukur ngikutken perentah-perentahNa” (“Haleluya! Berbahagialah orang yang takut akan TUHAN, yang sangat suka kepada segala perintah-Nya”). I bas kesusastraan hikmat, seruan enda termasuk seruan kalak si memuji (mengapresiasi) kalak erkiteken perbahanenna si mabasa ia ku bas keselamaten. Janah isi Masmur enda hampir bali ras Masmur 1, 19b ras 119 maka lit janji (padan) Tuhan man kalak si tetap erkemalangen man Tuhan ras patuh nandangi perentah-perentahNa.
Jelas i bas kalimat inti i bas ay. 1, maka kesangapen (kebahagian) si ialami sekalak jelma labo erkiteken pangkat, jabatan, materi, kinijilen rupa si lit bas ia (sesuatu yang kita miliki), tapi erkiteken kita nggeluh erkemalangen man Tuhan dingen meriah ukurta ngikutken perentah-perentah Tuhan. Amin labo mulus-mulus saja geluh kalak si erkemalangen man Tuhan, banci jadi geluhna pe terancam erkiteken kebujurenna, tapi kegeluhenna tetap ipasu-pasu Tuhan. Takut (malang) man Tuhan labo enda ertina kuatir, tidak tenang, tertekan, tapi hormat man Tuhan, taat man perentah Tuhan.
Nggeluh erkemalangen man Tuhan isuratken Pemasmur secara konkrit subuk hubungenta ras Tuhan e me taat (tunduk) man perentah-perentah Tuhan alu dem keriahen ukur. La mberat ukurna guna matuhi perentah Tuhan. Sebab igejapkenna mbelin perkuah ate Tuhan i bas kegeluhenna. Jelas kepatuhenna e merupaken bentuk pengataken bujurna man Tuhan. Selain si e, tanda kemalangen man Tuhan pe teridah i bas hubungen ras sesama manusia. I bas ay. 4 - 9 piga-piga poin kalak si erkemalangen man Tuhan teridah arah :
Ay. 4, 5, 6, bujur, adil, perkuah dingen perkelengen perbahanenna man kalak si deban. (ay. 5, bujur i bas kerina urusen).
Ay. 5, 9, melumbar ia pepinjamken man kalak si kekurangen. Janah jelas, kalak si erkemalangem man Tuhan geluhna tetap ipasu-pasu subuk secara materi bage pe pertendin.
- Anak-anakna kalak si erkuasa i negeri, kesusurena ipasu-pasu me pagi. Padan Tuhan man kalak si erkemalangen man Tuhan maka anak-anak terus ku kempu (kesusurenna) ipasu-pasu Tuhan. Jadi berkat, jadi sira ras tendang man sekelewetna. Anak cucu e me lambang keriahen ukur, kebanggaan orang tua entah nini bulangna. Bdk. Masmur 37:25, “Mulai kin kitik-kitikku nari seh bagenda enggo metua, la enggo kuidah kalak bujur itadingken TUHAN, entah kempuna jadi pemindo-mindo.”
- Isi jabuna jadi kalak bayak namura (terj. BIS-BIMK 112:3, “Keluarganya akan kaya dan makmur, dan ia akan sejahtera selama-lamanya”). Ertina, labo terjeng secara materi ipasu-pasu Tuhan, tapi keluarga e bayak i lebe-lebe Dibata, tetap ngasup ngataken bujur man Tuhan dingen geluh keluargana jadi berkat (pasu-pasu) man kalak si deban. La pelit, tapi melumbar mere. Si erbahanca keluarga e tetap mengalami damai sejatera. Pengertin bayak, labo asa kai sidatken kita, tapi asa kai si banci sibereken man kalak si membutuhken penampatta, rikutken pasu-pasu sibereken Tuhan. Subuk mbue entah pe sitik. Sebab lit ka melala siidah, secara materi la kekurangen tapi pelit (mediker) guna mere (nampati). E me sikataken kalak si musilna.
Ay. 6, tetap paguh pertedisna, amin mbue tantangen (pergumulen) si nderpa. Bdk. Kuan-kuan 24:16, “Sebab aminna pe kalak bujur piga-piga kali guling tapi terus ia keke ka mulihi.” Ertina, lit semangat, daya juang, la murah putus asa, sebab gegeh Tuhan jadi gegehna.
Ay. 7, tetap ukurna man Tuhan, la ia mbiar ngaloken berita si la mehuli, sebab kinitekenna paguh ras penalemenna tetap man Tuhan.
Ay. 8, la mbiar dingen la aru atena sebab Tuhan sekawalna. Tuhan si erperang ngelawan kerina imbang-imbangna.
Ay. 9, ermulia dingen ihamati (berkuasa) dan dihormati.
 |
| Versi Audio Silahkan Klik : https://www.youtube.com/watch?v=ygt_GKH8ioo |
Pengkenaina
Tema: “Jabu Si Ermeriah Ukur” (Keluarga Yang Bersukacita). Alu tujun gelah kerina kategorial, si pemena, meteh maka kemalemen ate ras keriahen ukur teridah seh ku sinusur arah erkemalangen man Dibata. Si peduaken, gelah kerina isi jabu ngelumbaken nggeluh erkemalangen man Dibata.
I bas PA-ta si spesial sekali enda (sebab kerina kategorial seri bahanna), maka ketedehen ateta keluarganta tetap mampu bersukacita (jabu si ermeriah ukur). Bahagia dan sukacita adalah kerinduan setiap keluarga. Subuk i bas sehat - sakit, suka - duka, lit pergumulen entah la lit pergumulen, ngasup keluarganta bersukacita i bas Tuhan, berbahagia (Pilipi 4:4). Keriahen ukur jadi gegeh man jabu i bas ngalaken erbage-bage pergumulen (“Keriahen desken tambar si mereken kejuah-juahen, adi ukur serbut erbahanca daging kertang tading tulan” - Kuan-kuan 17:22). Keluarga si enggo ipersadaken Tuhan, bapa ras nande arus lebe nggeluh erkemalangen man Tuhan, ras ilumbaken, iajarken ku anak-anak. Bahkan orang tua menjadi contoh (role model) nggeluh erkemalangen man Tuhan. Sedini mungkin silakoken ibadah keluarga. Aminna pe i bas paksa genduari luar biasa kesibukenta, tapi arus lit kesepakaten keluarga jumpa ras-ras saling berbicara (sharing) alu waktu si berkualitas. La pe banci mbue waktu guna ercakap-cakap, tapi tetap ilitken perjumpaan orang tua ras anak-anak gelah tetap terjalin kiniersadan bas jabu.
Nilai-nilai kegeluhen (rikutken GBP GBKP - 5K : kekelengen, keugaharian - hidup sederhana, kejujuran, ras kesetiaan) arus terus-menerus ihayati, igumuli, isosialisasiken ras ipraktekken i bas geluh jabu, perpulugnen, ingan erdahin, i japa pe kita ringan. Nilai-nilai kegeluhen si e nge si arus lebih ilumbaken asangken kesuksesan i bas doni. Sebab adi hanya ndarami sukses saja melala cara banci silakoken termasuk si la mehuli. Tapi adi jabu e ibiasaken nggeluh erkemalangen man Tuhan, bujur, saling menolong maka malem kel ate keluarga e, dingen geluh jabu e erguna man sekelewetna.
Doa & Harapan Keluarga Kristen :
“Tuhan jadikan kami satu keluraga yang saling mengasihi, saling membutuhkan, saling memaafkan, yang bekerja sama, yang bercanda bersama sama, yang menyembah bersama, bersama kami melakukan Firman Tuhan. Bersama kami bertumbuh dalam Kristus.”
Tidak ada komentar:
Posting Komentar