SUPLEMEN PA MAMRE GBKP TGL. 2 - 8 JULI 2023

Pdt. Larena br. Sinuhadji (Nd. ReyRapha Tarigan)

Teks : 2 Korinti 8:13-15

Tema : NGGELUH SEDERHANA

Tujun : Gelah Mamre :

- Meteh erti nggeluh erkecukupen (sederhana) rikutken teks

- Ngasup ngkuasai diri nggeluh sederhana i bas masa kini

Metode : Baca Gali Alkitab

Penaruh

Mehuli adi Mamre Runggun entah pe Mamre Sektor erbahan PA alu metode Baca Gali Alkitab (BGA) guna semakin memperkaya pengangkanta kerna Kata Dibata i bas PA sendah. I bas si e tentuna iarapken gelah lit fasilitator si banci memandu i bas metode BGA enda. Salah sada kelebihen metode BGA enda e me kerina peserta terkondisi guna ikut muat bagin niksiki Kata Dibata. E maka iarapken gelah metode BGA enda banci ilaksanaken i bas PA Mamre sekali enda.

Mpebagesi Kata Dibata 

Teks ogenta sendah e me pengajuk Rasul Paulus man Perpulungen Korinti guna mendukung pelayanen kalak si tek i Yerusalem alu penggalangen dana. Situhuna penggalangen dana enda enggo erdalan sada tahun i tengah-tengah Perp. Korinti, tapi mungkin erkiteken melala kendala si nihadapi seh makana penggalangen dana enda lenga dung ilaksanaken. E maka arah suratna enda Rasul Paulus mulihi mpersingeti Perp. Korinti gelah ndungi penggalangen dana enda guna nampati perpulungen i Yerusalem.

Palas i bas nampati enda lit i bas ay. 9, “Ietehndu uga liasna Tuhanta Yesus Kristus: maka aminna bayak gia IA, tapi guna kiniulinndu, ipemusilNa baNa, gelah arah kemusilenNa e jadi bayak kam.” Ertina, i bas Perp. Korinti nampati e palasna erkiteken Dibata enggo leben ngkelengi perpulungen, e maka situhuna merupaken hal si wajar adi lit wujud konkrit ngkelengi sada ras si debanna i bas sada kula ni Kristus.

Palas si peduaken e me prinsip keseimbangan. Prinsip keseimbangan enda rusur isingetken Rasul Paulus man Perp. Korinti, umpamana alu gambaren melala ring-ring i bas sada kula (1 Kor. 12:26), sama rasa, rutang si megegeh nampati si la megegeh. E maka i bas prinsip keseimbangen enda, penampat man si membutuhken labo merupaken beban, ay. 13-14 i bas Alkitab terj. BIMK nina, “Saya sama sekali tidak bermaksud untuk membebaskan orang lain dari tanggung jawab, dan memberatkan kalian. Tetapi karena kalian sekarang ini dalam keadaan serba cukup, maka sudah sepatutnyalah kalian mencukupi kekurangan mereka. Nanti kalau kalian berkekurangan, dan mereka dalam keadaan serba cukup, maka mereka akan membantu kalian. Dengan demikian kedua-duanya sama-sama dilayani.” Ay. 15 merupaken kutipen i bas Kel. 16:17-18 si semakin menegasken prinsip keseimbangen enda. I bas ay. 7 pe situhuna enggo isingetken Paulus maka Perp. Korinti “kaya dalam segala sesuatu”, i bas si e tentuna harus iimbangi alu kaya dalam pelayanan kasih. 

Versi Audio Silahkan Klik : https://www.youtube.com/watch?v=hodlQ-c4N4M

Pengkenaina

Adi sikaitken ras tema bage pe tujun PA-ta sendah, mungkin banci sirenungken dua hal. Si pemena, arah Perp. Korinti nari erlajar kita maka arah kiniliten entah pe kinibayakenna, lit denga kepedulian guna nampati Perp. Yerusalem si sangana membutuhkan dukungan dana. Amin pe mungkin lit kendala i ja i je, tapi pada akhirna Perp. Korinti banci mereken penampat man si membutuhken penampat arah kinibayakenna. Rasul Paulus ngajuk Perp. Korinti gelah kinibayaken si inanamina harus iumputi alu pengataken bujur man Dibata si secara konkrit iwujudnyataken i bas nampati kalak si membutuhken janah la ndabuh ku bas gaya hidup hedonis, konsumtif, materialistis, rsd.

Adi sikaitken ras konteks GBKP sendah, enggo semakin melala anggota jemaat si secara ekonomi megegeh (hidup berkelimpahan secara materi), amin pe mungkin adi sibahan statistikna, enterem denga perpulungenta si lenga megegeh secara ekonomi. I bas kesempaten enda isingetken mulihi gelah ngataken bujur kita man Dibata i bas kiniliten entah pe kinibayaken si enggo ipercayaken Dibata man banta. Marilah kita terapkan gaya hidup sederhana dan tingkatkanlah kepedulian kita kepada orang-orang yang membutuhkan pertolongan. I bas penampat si enggo ibereken labo ngkurangi si lit i bas kita sebab tek kita maka Dibata si ncukupken kerina keperlun geluhta.    

Si peduaken, adi rikutken tema ras tujun PA-ta sendah akap kami lebih tepat adi erlajar kita arah Perp. Makedoni. Adi sioge ay. 1-5 teridah maka kondisi ekonomi Perp. Makedoni banci ikataken termasuk ku bas kelompok ekonomi menengah ke bawah. Ertina adi isungkun kerna gaya hidup sederhana, Perp. Makedoni lebih bisa merasakan apa artinya hidup sederhana. Mereka lebih memahami apa artinya menguasai diri. Tetapi i bas keadaan si bage rupa ngasup denga perpulungen e nehken penampatna man perpulungen i Yerusalem.

Enda akap kami lebih realistis adi siterapken ku bas kondisi jemaat GBKP si mayoritas lenga megegeh secara ekonomi. Marilah kita erlajar arah Perp. Makedoni nari maka kondisi ekonomi si terbatas labo jadi halangen guna nehken kepedulian nandangi kalak si membutuhken penampat. 

PA-ta sendah akap kami lit kaitenna ras Tata Nilai GBKP si pe-3-ken e me “keugaharian.” I bas tata nilai keugaharian enda iajuk kita gelah menerapkan gaya hidup sederhana janah i bas tata nilai keugaharian enda lit unsur keseimbangan, rutang si megegeh nampati si la megegeh. E maka mari radu ras kita erlajar mensyukuri semua yang telah Tuhan berikan dalam hidup kita. Marilah kita erlajar mengelola alu mehuli, ras bertanggung jawab, kerina si enggo ibereken Dibata man banta. Adi sikelola alu mehuli pasu-pasu Dibata man banta, ipengasup Dibata kita guna nampati kalak si deban si membutuhken penampat arah kai pe si lit i bas kita. Dibata si mpegegehi kita.