SUPLEMEN PA MORIA GBKP TGL. 26 OKT. - 01 NOV. 2025

Pdt. Larena Sinuhadji (Nd. ReyRapha Tarigan)

Berbeda Itu Indah

Si Man Ogen : 1 Korinti 12:1-11

Tema : KINIERBAGEN E MEHULI

Tujun : Gelah Moria :

- Nuriken erbage-bage pemere man manusia

- Nuduhken kengasupenna si erbage-bage i bas kebaktin/PA minggu si reh

Metode : Talent Show

Penaruh

Sub tema PA-nta sendah e ne, “Berbeda Itu Indah.” Adi sisungkun AI, kai maknana berbeda itu indah? Bagenda nina. “Makna “berbeda itu indah” adalah bahwa keragaman setiap individu atau kelompok menciptakan keunikan, kekayaan, dan keindahan tersendiri. Perbedaan dalam hal suku, budaya, agama, dan karakteristik lainnya seharusnya dihargai, bukan menjadi sumber perpecahan. Menerima dan menghargai perbedaan memungkinkan setiap orang untuk saling melengkapi, berkreasi, dan hidup berdampingan secara damai dan harmonis.” Kata-kata kunci i bas makna berbeda itu indah, lit dua, e me: menerima dan menghargai. Tapi lit sada nari si akap kami penting, e me, memberi ruang dan kesempatan kepada perbedaan itu sendiri.

I bas PA-ta sendah radu ras kita mulihi erlajar kerna kinierbagen si mehuli si lit i bas kiniersadanta selaku kalak si tek. Janah si paling penting, uga kita banci saling menerima, menghargai, dan memberikan ruang man kinierbagen e, alu palas si man ogenta sendah.
 
Mpebagesi Kata Dibata
 
Kenca nusurna Kesah Si Badia, i bas wari Pentakosta, mulai je nari maka pantek Gereja (persadan kalak si tek) si tujunna guna bersekutu, bersaksi ras melayani. Arah erbage-bage pemere (karunia. Yun. : kharisma) si ibereken Dibata arah KesahNa Si Badia, maka Gereja tuhu berkembang, sebab enterem kalak si nggit iperlengkapi ras nggit saling melengkapi.

Tapi perkembangen selanjutna, khususna i tengah-tengah perpulungen Korinti pemere Dibata e labo ipergunaken guna saling melengkapi tapi saling membanggakan diri, turah kiniganjangen ukur, kelompok-kelompok. Umpamana, kalak si beluh erbahasa roh merasa maka ia nge si hebatna. Bage pe kalak si beluh ernubat ia pe merasa maka ia nge si jagona sebab ietehna kerna masa depan, rsd. Emaka turah konflik, pertentangen, si berpotensi memecah belah perpulungen. Padahal maksud Dibata mereken erbage-bage karunia ndai gelah perpulungen banci saling melengkapi sada ras si debanna.

Paulus arah suratna mereken pengelayasi man Perp. Korinti, maka lit erbage-bage pemere Kesah tapi sada Kesah si merekenca. Pemere-pemere e ibereken rikutken sura-sura Kesah guna kerinana (ay. 7 “untuk kepentingan bersama”). Ertina, harus lit i je kiniteruken ukur ras nggit saling melengkapi. Labo lit si ganjang teruken, sebab Kesah si seri nge si merekenca guna membangun kiniersadan Tubuh Kristus. Bahkan Paulus make gambaren kula, i ja lit erbage ringring si pelain-lain fungsina tapi saling melengkapi. Sada bagin ipujiken, kerina ikut senang, sada bagin sakit kerina ikut nggejapken kinisuin.

Pemere-pemere Kesah e terus berkembang sue ras kebutuhen Gereja. Paulus i bas surat-suratna (Roma, Korinti, Efesus) cukup mbue nuriken kerna erbage-bage pemere (karunia):

1. Karunia menjadi rasul (1 Kor. 12:28, Ef. 4:11)
2. Karunia bernubuat (Roma 12:6, 1 Kor. 12:10,28, Ef. 4:11)
3. Karunia mengajar (Roma 12:7, 1 Kor. 12:28, Ef. 4:11)
4. Karunia memberitakan Injil (Ef. 4:11)
5. Karunia melayani (Roma 12:7)
6. Karunia membagi-bagikan sesuatu dan menunjukan kemurahan (Roma 12:8)
7. Karunia memimpin (Roma 12:8, 1 Kor. 12:28)
8. Karunia mengusir setan (Roma 12:8)
9. Karunia berkata-kata dengan penuh kebijaksanaan (1 Kor. 12:8)
10. Karunia menyembuhkan (1 Kor. 12:9)
11. Karunia mengadakan mujizat (1 Kor. 12:10)
12. Karunia membedakan bermacam-macam roh (1 Kor. 12:10)
13. Karunia berbahasa Roh (1 Kor. 12:10,28)
14. Karunia menafsirkan bahasa Roh (1 Kor. 12:10,28)

I bas kerina penjelasen kerna pemere-pemere e, lit 3 penekanen Rasul Paulus : 1) Kerina pemere e seri, la lit si terganjangen asangken si debanna. 2) Tujunna guna pembangunan kula ni Kristus labo guna kiniganjangen ukur pribadi. 3) Kesah Dibata bebas bergerak sesuai kehendakNya, la banci iatur-atur manusia. Ertina melala denga pemere Kesah e rikutken kebutuhen Gereja i bas jaman si terus berkembang. Makana gundari lit Tim IT entah pe Multimedia, si merangkai bunga mimbar, pemain alat-alat musik modern, petugas parkir, koster gereja, petugas perawaten inventaris, si erbahan momo, rsd.-na. Bahkan rikutken profesinta sekalak-sekalak (guru, paramedis, ahli hukum, ekonom) banci kerina kita terlibat guna membangun kula ni Kristus. Adi umpamana lit denga karunia si 14 e, bagi si ikataken Rasul Paulus i bas jaman gundari enda, puji Tuhan! Ertina, pemere-pemere e ibutuhken denga i bas jaman gundari enda guna pembangunen Gereja. Tapi ula kita terpaku ku bas si 14 karunia e si kedungenna erbahanca kita minder, la nggit terlibat i bas kegiaten-kegiaten Gereja erkiteken siakap la kita beluh i bas 14 pemere-pemere e bagi si nikataken Rasul Paulus.

Pengkenaina

PA-nta sendah ngajuk kita kerina gelah nggit ngaloken ras ngergaken kinierbagen pemere-pemere Kesah (karunia), entah pe talenta, si lit i tengah-tengah Gerejanta. Gelah alu bage tercipta kondisi si nyaman i bas kita makeken kerina pemere e guna membangun kula ni Kristus. Ertina lit ruang entah pe kesempaten man kerina Moria guna ikut muat bagin i bas membangun kula ni Kristus, la lit si tading-tading. Alu bage keindahan e tuhu-tuhu teridah arah kinierbagen si lit i tengah-tengah Gerejanta.

I bas kesempaten enda ibereken ruang entah pe kesempaten man kerina Moria gelah nuduhken kengasupenna si erbage-bage i bas kebaktin/PA minggu si reh. Emaka sikapkenlah alu mehuli, ula lit si tading-tading. Marilah kita ertekad guna mereken ruang entah pe kesempaten, gelah kerina pemere Kesah si lit i bas kerina anggota Moria banci sipakeken guna kemulian gelar Dibata i bas Yesus Kristus. Sura-suranta ke depan gelah kerina Moria iberdayaken, labo nari one woman show, adi kerina kita terlibat, saling melengkapi la lit nari kita si mandangi tapi enggo saling melengkapi sada ras si debanna. Gereja e me kita si nggit iperlengkapi Dibata ras si nggit saling melengkapi sada ras si debanna. Dibata si mpengasup kita.