Kamis, 16 Oktober 2025

SUPLEMEN PA MAMRE GBKP TGL. 19 - 25 OKTOBER 2025

Pdt. Larena Sinuhadji (Nd. ReyRapha Tarigan)

Teks : Masmur 62:1-8
Tema : TEK NANDANGI PENGKAWALI DIBATA
Tujun : Gelah Mamre :
1) Nggejapken Dibata tetap erdahin i bas kerina situasi ras kondisi
2) Megenggeng i bas nimai perkuah ate Dibata

Penaruh

Lit kuan-kuan si ngatakenca, “Hidup ini penuh dengan ketidakpastian.” Ketidakpastian dalam hidup, rikutken informasi i bas AI nari nina, berasal dari kurangnya pengetahuan tentang masa depan, yang dapat menyebabkan stres, kecemasan, dan ketakutan, terutama ketika rencana terganggu oleh kejadian seperti penyakit, konflik global, atau perubahan pribadi. Untuk mengatasinya, individu dapat berfokus pada apa yang berada dalam kendali mereka, seperti reaksi, tindakan, dan niat mereka sendiri, daripada terpaku pada hasil yang tidak dapat dikendalikan. Mengembangkan ketahanan, mempraktikkan perhatian, menerima ketidakpastian sebagai bagian alami dari pengalaman manusia, dan berfokus pada saat ini adalah strategi utama untuk menavigasinya.

I bas PA-ta sendah radu ras mulihi kita erlajar kerna tek nandangi pengkawali Dibata amin pe hidup ini penuh dengan ketidakpastian.

Mpebagesi Teks Ogen

Masmur 62 e me Daud si nuliskenca. La lit ituriken kai si jadi latar belakang makana itulisken Daud masmur enda. Tapi lit si ngkaitkenca ras peristiwa pemberontaken Absalom anakna, si ituriken i bas 2 Sam. 15-18. I bas peristiwa enda seh lompat Daud i Jerusalem nari. Ertina peristiwa enda erbahanca Daud tuhu-tuhu mbiar. I bas kondisi si bagenda rupana, reh Daud ku Tuhan alu erbahan ende-enden i bas Masmur 62. Masmur enda labo termasuk ku bas Masmur Ratapan, tapi lebih tepat adi igelari Masmur Kepercayaan (trust psalm). Fokus utamana labo keluhan bagi si lit i bas Mazmur Ratapan, tapi peneguhan iman di tengah tekanan.

Ciri khas Masmur 62 e me:
  1. I bas terj. TB-LAI melala pengulangen kata “hanya” (Ibrani: ’ak) - negaskenca kesetian tunggal hanya man Dibata.
  2. La lit pemindon guna balas dendam; i jenda Daud encidahkenca ketenengen batin ras kinitekenna.
  3. Encidahkenca kedewaaan rohani Daud - kiniteken si labo bergantung man situasi entah pe keadaan.
Erbage-bage perbeben ras kiniseran inanami Daud i bas kegeluhenna: kiam i bas Saul nari, pengkhianaten keluargana, ancamen politik, rsd. Masmur enda encidahkenca kiniteken si matang, i ja Daud erlajar sinik ras tek nandangi kuasa Dibata.

Tujun ras pesan utama Mazmur 62 enda e me:
  1. Ngajarkenca man kalak si tek, gelah ula sempat erpenalem man manusia, kinibayaken, entah pe kekuasaan (ay. 10-11). Erpenalemlah man Dibata!
  2. Ngajuk kalak si tek gelah sinik, teneng, i tengah-tengah ancamen, tekanen, entah pe perbeben si terjadi.
  3. Mpegegehi kiniteken kalak si tek maka Dibata ngenca ingan kecion (perlindungan) si tuhu-tuhu seh rasa lalap.
  4. Masmur enda itulisken Daud labo terjeng guna dirina, tapi pe guna perpulungen kalak si tek gelah erlajar teneng i lebe-lebe Dibata, janah ertima ras erpengarapen man Dibata alu dem kiniteken.
Versi Audio silahkan klik : https://youtu.be/f6d9SqIvaDU
Pengkenaina

Tema ras tujun PA-ta sendah, ngajuk kita kerina, khususna kam kerina Mamre GBKP, gelah tetap erkiniteken man Dibata i tengah-tengah ketidakpastian geluh, perbeben, entah pe kebiaren si ialami kita. Adi lit Mamre si gundari enda sangana kote kinitekenna erkiteken erbage-bage perbeben, cubaken tulihken ku pudi kentisik, renungken, enggo pasti la terhitung pasu-pasu bage pe pengkawali Dibata i bas kegeluhenta. Tapi maun-maun erkiteken terlalu fokus kita ku bas perbeben si nialami, piah dungna enggo lanai siinget perkuah ate Dibata si mbelin si enggo inanami kita seh asa gundari. Usihlah Daud, i tengah-tengah tekanen geluh si nialamina, reh ia ku Tuhan. Sinik alu teneng i lebe-lebe Dibata, igejapkenna tuhu-tuhu keleng ate Dibata man bana. Tek kita maka kai pe pergumulen si sangana ihadapi kita, Dibata tetap engkawali kita. Iteh Dibata si terbaik man banta. Emaka si banci ilakoken kita e me nimai perkuah ate Dibata alu tetap setia erkiniteken man baNa. Dibata si mpegegehi kam kerina Mamre GBKP.

Tidak ada komentar:

Posting Komentar