SUPLEMEN PJJ GBKP TGL. 19 - 25 OKTOBER 2025

Pdt. Larena Sinuhadji (Nd. ReyRapha Tarigan)

PETERUK UKUR NANDANGI KALAK SI DEBAN - Pilipi 2:1-4

(Evaluasi Sasaran Pelayanan GBKP 2025 - Dewasa Menerima Perbedaan)

Penaruh

Rendah hati rikutken penjelasen AI nari nina, sikap tidak sombong atau angkuh, yang ditandai dengan kesadaran akan keterbatasan diri sendiri dan penghargaan terhadap orang lain. Sikap ini juga mencakup tidak memandang rendah orang lain, bersikap tenang dan sederhana, serta menerima kebenaran dari siapa pun. Piga-piga manfaat sikap rendah hati nina, dapat menciptakan hubungan yang baik; mencegah konflik; membangun karakter yang positif; ras meningkatkan kualitas kepemimpinan karena fokus pada keberhasilan bersama.

I bas PJJ-ta sendah radu ras kita erlajar kerna kiniteruken ukur erpalasken Kata Dibata si jadi ogenta sendah.

Mpebagesi Ogen

Rasul Paulus me si majekken Perpulungen Pilipi (bdk. Perb. Rasul 16:12-40; Pil. 4:15-17). Erkiteken si e lit hubungan si ndeher antara Rasul Paulus ras Perp. Pilipi. Hubungen si ndeher e teridah arah penampat ras pertoton i bas Perp. Pilipi nari man Rasul Paulus i bas pelayanenna (bdk. Pil. 1:5; 4:15-17). Surat enda itulisken alu maksud, ngataken bujur Paulus i bas kerina si enggo ibereken perpulungen man bana, janah gelah perpulungen pe tetap mendukung Paulus i bas pertoton, sebab paksa si e Paulus sangana lit i bas penjara. Teridah maka lit hubungen si saling mendukung sada ras si debanna antara Rasul Paulus ras perpulungen i Pilipi. La lit persoalen si serius i bas perpulungen Pilipi, maka isi surat enda pe lebih ku arah memelihara hubungen si mehuli, gelah reh ulina sekaligus mpegegehi perpulungen gelah tetap paguh erkiniteken man Yesus Kristus amin pe melala tantangen.

Judul perikop i bas ogenta sendah “Jesus jadi usihen,” i bas terj. TB-LAI nina, “Nasihat supaya bersatu dan merendahkan diri seperti Kristus.” Judul i bas TB-LAI nari akap kami sue ras tema PJJ-ta sendah. I bas ogenta sendah, iajuk Rasul Paulus perpulungen gelah tetap ersada arihna, sikeleng-kelengen, ersada geluhna dingen ersada ukurna (ay. 2), meteruk ukur ras saling menghargai (ay. 3), bage pe mperdiateken keperlun kalak si deban (ay. 4). Sebab iteh Paulus maka kiniersadaan si paguh i bas perpulungen erbahanca perpulungen e, si pemena lebe, banci tuhu-tuhu nggeluh i bas kiniteken si payo man Tuhan Dibata i bas Yesus Kristus. Janah si peduaken, perpulungen pe banci tuhu-tuhu ndahiken dahin-dahin pelayanen si luar biasa sue ras peraten Dibata. 

Pengajuk enda isehkan Paulus eriteken lit denga piga-piga kalak i bas Perp. Pilipi si la nggit ersada arihna, merangap, meganjang ukur, ulin akapna ia asangken kalak si deban, janah la nggit mperdiateken keperlun kalak si deban. I bas bhs. Ind. ay. 3 nina, “mencari kepentingan sendiri atau puji-pujian yang sia-sia.” “Kepentingan sendiri” seri ertina ras menguntungkan diri sendiri, janah “pujian yang sia-sia” seri ertina ras gila hormat. I bas si e banci siidah maka amin pe si la nggit ersada arihna sitik ngenca, tapi si sitik e banci menghambat kuantitas ras kualitas pelayanan i tengah-tengah perpulungen.

Si jadi palas i bas perpulungen banci nggeluh sikeleng-kelengen, ersada arihna, ersada ukurna, meteruk ukur, saling menghargai, ras mperdiateken keperlun kalak si deban, eme nggeluh i bas Kristus. I bas ay. 1 enggo isingetken Paulus, i bas terj. BIMK nina, “Kalian kuat, karena kalian bersatu dengan Kristus. Dan kalian terhibur karena Kristus mengasihimu! Kalian dibimbing Roh Allah, dan kalian juga saling mengasihi serta menaruh belas kasihan satu sama lain.” Ertina i bas Kristus ngenca lit gegeh, pengapul, ras keleng ate si tuhu-tuhu.

Adi sioge terdauhen, ay. 5-8, semakin ipertegas Paulus maka kalak si nggeluh i bas Kristus bali perukurenna ras Kristus, meteruk ukurna bagi sekalak juak-juak, erkemalangen man Dibata, ras nggit erkorban guna kiniulin kalak si deban. Situhuna perpulungen e enggo tuhu-tuhu berusaha nggeluh i bas Kristus (bdk. ay. 1), saja ngenca lit denga piga-piga kalak si lenga dewasa kinitekenna, emaka gelah malem ate Rasul Paulus, ipindoken Rasul Paulus man Perp. Pilipi, khususna si lenga dewasa kinitekenna, gelah nggit ersada arihna, sikeleng-kelengen, ersada geluhna dingen ersada ukurna, meteruk ukur, saling menghargai, ras mperdiateken keperlun kalak si deban. Gelah dahin-dahin persekutuan, kesaksian ras pelayanan i bas perpulungen pe la terhambat, banci silaksanaken alu mehuli sue ras peraten Dibata.

Versi Audio silahkan klik : https://youtu.be/KwB6fn6sRII

Pengkenaina

Tema PJJ-ta sendah ibuat i bas ay. 3 nari, “Ula ibahanndu kai pe erpalasken kerangapen, entah si erpalasken ukur meganjang. Tapi peteruklah ukurndu sekalak nandangi si debanna. Ula kal iakapndu ulin kam asangken kalak si deban.” I bas terj. TB-LAI nina, “Sebaliknya hendaklah dengan rendah hati yang seorang menganggap yang lain lebih utama dari pada dirinya sendiri.” Arah terj. TB-LAI jelas maka peteruk ukur i e me rendah hati. Rendah hati i jenda e me terjemahen i bas kata Yunani nari “tapeinophrosynē” (ταπεινοφροσύνη), si ertina kerendahan hati dalam pikiran dan sikap, e me kesadaran akan keterbatasan diri, ras pengakun bahwa orang lain juga bernilai di mata Tuhan.

Rikutken ogenta sendah, peteruk ukur, entah pe rendah hati, secara praksis teologis mencakup, si pemena, tidak sombong atau merasa lebih tinggi. Peteruk ukur ertina tidak menempatkan diri di atas orang lain, baik karena status, kemampuan, atau pengetahuan. Si peduaken, menganggap orang lain lebih utama. Seri ertina ras menghargai orang lain, mperdiateken kebutuhen ras kepentingenna erpalasken keleng ate. Si peteluken, ngusih Kristus (ay. 5-8). Kristus e me teladan tertinggi i bas kiniteruken ukur entah pe kerendahan hati. Si peempatken, ketulusan i bas ngergaken ras ngelai sada ras si debanna i bas kula ni Kristus. Ertina peteruk ukur enda ilakoken labo guna ndarami pengakun entah pe puji-pujin man diri sendiri, tapi tuhu-tuhu ilakoken secara tulus. Si e kerina harus terus-menerus silumbaken i bas dirinta bage pe i bas kiniersadanta perpulungen kalak si tek. Gelah alu bage tercipta kondisi pelayanen si kondusif, janah kiniteken pe reh dewasana. 

PJJ-ta sendah i bas rangka evaluasi sasaran pelayanan GBKP 2025, “Dewasa Menerima Perbedaan.” Lit piga-piga poin si ateta siwujudken sue ras Garis Besar Pelayanan (GBP) GBKP, e me: 

1. Tidak alergi terhadap perbedaan
2. Setiap pelayan menjadi jurudamai dalam konflik bukan sumber konflik
3. Konflik lokal diselesaikan secara lokal
4. Tidak ada perpecahan jemaat karena konflik
5. Tidak ada jemaat atau pelayan yang bertikai sehingga harus memekarkan PJJ atau pindah Gereja

Kerina poin enda enggo radu ras sibahas i bas PJJ-nta sedekah tahun 2025 enda. Si jadi penungkunen evaluatif man banta kerina, enggo nge kerina poin enda silumbaken i bas Runggunta alu erbage-bage program entah pe kegiaten? Adi lenga, kai saja kendalana? Kenca radu ras siteh kai saja si jadi kendala, bahanlah solusi gelah kendala si seri la nari terjadi i bas tahun si reh.

Salah sada hal si penting i bas ngelakoken evaluasi e me kiniteruken ukur, bagi tema PJJ-ta sendah. Kiniteruken ukur si erbahanca nggit kita ngelakoken auto critic (kritik diri sendiri), janah nggit kita ngaloken kritik i bas kalak si deban nari. Salah sada manfaat kritik evaluatif e me gelah semakin meningkat kualitas kiniteken bage pe pelayanenta. Evaluasi labo terjeng ilakoken manusia, Dibata pe ngelakoken evaluasi, umpamana i bas Kej. 1:31, iidah Dibata mulihi kerina si enggo ijadikenNa. Tuhan Yesus pe i bas Luk. 10:17-20 ngelakoken evaluasi pelayanen raduken ras ajar-ajarNa. Ras melala denga contoh si deban i bas Pustaka Si Badia. Ertina, adi reh tambahna ateta kualitas kiniteken bage pe pelayanenta, evaluasi e me sada hal si harus ilakoken. Dibata si mpengasup kita.