SUPLEMEN PJJ GBKP TGL. 02 - 08 NOVEMBER 2025

Pdt. Larena Sinuhadji (Nd. ReyRapha Tarigan)

AGAMA SI TUHU-TUHU DINGEN SI MEHULI - Jakup 1:26-27

(Unit-unit Bidang Diakonia)

Penaruh

Lit istilah “ibadah mekanis,” kai e? Rikutken informasi i bas AI nari, “Ibadah Kristen yang bersifat mekanis mengacu pada praktik-praktik yang dilakukan sebagai rutinitas atau kebiasaan tanpa adanya hati, pikiran, dan roh yang terlibat secara tulus. Ini adalah ibadah yang hanya fokus pada aspek lahiriah atau formalitas, bukan pada hubungan pribadi yang mendalam dengan Tuhan.” Penungkunen reflektif man banta, apakah sedekah enda kita beribadah hanya sebagai rutinitas, kebiasaan, entah pe formalitas? Adi bage denga si ilakoken kita, banci ikataken kinitekenta jalan di tempat, la lit pertumbuhan entah pe kedewasaan iman erkiteken lenga sitandai alu mbages ulu kinitekenta, e me Dibata i bas Yesus Kristus. I bas kesempaten enda radu ras kita mulihi erlajar kerna kiniteken si tuhu-tuhu dingen si mehuli.

Mpebagesi Ogen

Surat Jakup itulis Jakup (Yakobus) senina Yesus (Mrk. 6:3; Gal. 1:19), ia sekalak pemimpin perpulungen kalak si tek i Jerusalem (Perb. Rasul 15:13; Gal. 2:9). Si ngaloken surat enda e me perpulungen kalak si tek, si berlatar belakang Jahudi, si merap i taneh perlajangen (Jak. 1:1). Tujun surat enda e me gelah perpulungen tuhu-tuhu nggeluh i bas kiniteken si paguh, janah perpulungen pe megenggeng i bas ngalaken kerina tekanen ekonomi, sosial, diskriminasi, erkiteken kinitekenna man Dibata i bas Yesus Kristus.

Secara khusus si jadi ogenta sendah, Jakup ngajuk perpulungen gelah, si pemena, nguji, entah pe mengevaluasi, ibadahna. I bas terj. Bhs. Karo nina, eragama. Ibadah si tuhu-tuhu e me si mengubahken karakter. Eragama labo terjeng rutinitas entah pe formalitas ngenca, tapi harus mabai kalak si tek berobah karakterna ku si mehuli sue ras peraten Dibata. Si peduaken, mewujudnyataken keleng ate Kristus i bas perbahanen-perbahanen si nyata, si secara konkrit ikataken i bas ay. 27: pekena-kena anak melumang ras kalak si enggo mbalu si lit i bas kiniseran. Si peteluken, njagai alu paguh kiniteken man Dibata i bas Yesus Kristus i tengah-tengah doni si dem alu kejahaten. 

Pengkenaina

Pengajuk si lit i bas ogenta sendah pe akap kami jadi pengajuk man banta kerina. Sebab situasi si ialami kalak si tek si nggeluh i bas jaman Jakup pe ialami kita i bas jaman gundari enda. Khususna i bas konteks geluhta sendah, i ja arah litna media sosial, godaan-godaan si banci encedai kinitekenta semakin mbue i bas kegeluhenta si tep-tep wari. Emaka iajuk pe kita gelah alu paguh njemak kinitekenta. Alu bage megegeh kita i bas menghadapi erbage-bage tantangen. Uga caranta njemak kiniteken alu paguh? Ertoto la erngadi-ngadi setiap saat, gelah ipengasup Dibata kita bersikap tegas, menolak kerina tawaren-tawaren doni si berpotensi encedai kinitekenta. Tutus kita i bas erlajar Kata Dibata, gelah alu bage iteh kita kerina si jadi peraten Dibata i bas kegeluhenta.

Hal si deban si iakap kami penting, e me mengevaluasi ibadahta. Payo kin ibadah-ibadah si ilakoken kita sedekah enda mabai kita ku perobahen karakter? Mari sisungkun kalak si lit i sekelewetta (ndehara, perbulangen, anak-anak, teman) apakah lit iidahna perobahen i bas dirinta? Adi bage-bage saja karakterta, tentu harus metenget kita, kai kira-kira si harus iperobahi gelah ibadah-ibadah si ilakoken kita e tuhu-tuhu merobah karakterta ku si mehuli sue ras peraten Dibata.

Terakhir, i badah si tuhu-tuhu harus teridah arah pengkebet geluhta, khususna i bas kita mediate nampati kalak si butuh penampat i bas kita nari. E me wujud nyata keleng ate Kristus i bas kegeluhenta. Puji Tuhan ninta, erkiteken GBKP secara kelembagaan enggo erpala-pala mewujudnyataken keleng ate Kristus alu ilitkenna Unit-unit Pelayanen entah pe Diakonia. Si rusur isosialisasiken e me YKPD Alpha Omega, PAK Gelora Kasih, ras PPOS Sukamakmur. Tapi mehuli akap kami adi sioge kai nina Tata Gereja-nta si mbaru kerna Unit-unit Bidang Pelayanan i teruh enda.
 
Tata Gereja GBKP Tata Pelayanan (hlm. 30) Pasal 28 Unit-unit Bidang Pelayanan:

1. Unit pelayanan karitatif dan reformatif (KaRo), merupakan unit yang menyusun modul-modul pelayanan kepada anggota Runggun yang membutuhkan pertolongan serta fasilitas pelayanan publik. DiaKaRo adalah juga merupakan unit yang menyediakan atau memfasilitasi bantuan studi di dalam dan luar negeri, pencarian beasiswa serta upaya-upaya meningkatkan kualitas sarana dan prasarana pendidikan.
2. Unit Credit Union Modifikasi (CUM) merupakan upaya Gereja untuk mengorganisir anggota Runggun dan masyarakat demi peningkatan ekonomi dalam bentuk simpan-pinjam keuangan serta program pemberdayaan di berbagai bidang terkait.
3. Komisi Penanggulangan Bencana (KPB).

Pasal 29 Yayasan di Bidang Pelayanan:

1. Yayasan Ate Keleng (PARPEM GBKP), merupakan yayasan sosial yang dengan cita-cita luhur turut mengabdi tanpa pamrih secara nirlaba untuk kemanusiaan.
2. Yayasan Kristen Penyandang Disabilitas (YKPD) Alpha Omega, merupakan yayasan yang melayani anggota Runggun dan masyarakat penyandang disabilitas melalui program pendidikan dan keterampilan.
3. Yayasan Kesehatan, merupakan yayasan yang bergerak dalam pelayanan kesehatan kepada masyarakat melalui Rumah Sakit dan kegiatan-kegiatan langsung ke Runggun-runggun serta acara-acara wilayah Sinodal.
4. Yayasan / Unit Pelayanan Sosial, merupakan pelayanan GBKP bagi korban bencana, anak yatim dan / atau piatu (PAK Gelora Kasih?), orang tua (PPOS?), dan penderita ODHA / ODHIV (tertular HIV) (Rumah Singgah?). (Tanda tanya "?" maksudna, la lit tertulis i bas Tata Gereja).

Mari radu ras kita ertekad mewujudnyataken keleng ate Kristus ku tengah-tengah doni enda. Janah mari radu ras sitotoken ras sidukung Unit-unit Bidang Pelayanan si lit i bas GBKP, gelah gelar Dibata semakin termulia arah litna Unit-unit Bidang Pelayanan i bas GBKP si malem enda. Dibata si mpengasup kita kerina.