SUPLEMEN PA MORIA GBKP TGL. 19 - 25 OKTOBER 2025

Pdt. Larena Sinuhadji (Nd. ReyRapha Tarigan)

Si Man Ogen : Daniel 1:8-16

Tema : MEGENGGENG I BAS KINIERBAGEN

Tujun : Gelah Moria :

- Nuriken kinigenggengen Daniel ngalaken kinierbagen

- Megenggeng ngalaken kinierbagen i bas jabu, Gereja ras masyarakat

Metode PA : Games

Penaruh

Kata “mengenggeng” entah pe “bertekun” rikutken KBBI ras Wikikamus,  ertina, berkeras hati dan bersungguh-sungguh dalam melakukan sesuatu, seperti bekerja, belajar, berusaha dll. Ini menunjukkan sikap yang gigih, rajin dan tidak mudah menyerah. Arti lain, tetap berpegang teguh pada adat, kepercayaan, pendirian, dsb. Ini menekankan ketetapan hati untuk mempertahankan sesuatu hal.

I bas perikop si man ogenta sendah, banci siidah sikap megenggeng entah pe bertekun si icidahken Daniel, i bas ia ngasup berpegang teguh nandangi kinitekenna, aminna pe aturen kerajaan paksa si e (perentah raja), Daniel ras teman-temanna harus man pangan ras anggur, seri ras si ibereken man kalak si ringan i bas istana Raja. Kinigenggengen mereken ulih si mehuli, walaupe mberat tantangen si harus ielaken Daniel.

Mpebagesi Pengangkan Kerna Ogen

Konteks ogenta sendah, bangsa Israel lit i teruh jajahen Babil, alu Raja Nebukadnesar. Ibabana piga-piga kalak tabanen ku Rumah Pertoton dibata-dibatana i Babilon, janah erta-erta si irampasna pe isimpanna i Kamar Perbendaharaan Rumah Pertoton e. Salah sada tawanen paksa si e tergelar Daniel. Daniel ras teman-temanna: Hananya, Misael ras Asaria, bagian i bas anak perana kalak Israel si ibuang ku Babil, kesusuren raja ras si bayak. Kalak enda ikut i bas penyeleksian guna banci erdahin i bas Istana Raja. Kalak enda termasuk orang pilihen sebab, mejile rupana, mbages pemetehna, pedas nangkep pelajaren, janah la sitik pe man pandangen i bas kulana. Ras si luar biasa, Daniel dan teman-temanna memiliki keteguhan iman, ras kesetiaan.

Piga-piga poin penting si banci siidah rikutken perikop ogenta:

1. Keteguhan iman Daniel. Enggo itetapken Daniel i bas ukurna maka la ia nggit ngelanggarsa aturen agamana aminna pe man bana isikapken pangan ras lau anggur i bas istana. Daniel tidak sedang melakukan tindakan moralistik, tapi teologis (tindakan iman). La nggit ipanna pangan si enggo isikapken i bas istana labo hanya erkiteken pangan e najis secara ritual (Undang-undang Taurat lit pangan si biakna man panganen Im. 11:1-47, ras lau anggur, Bil. 6:2-3), tapi erkiteken ijagana relasina secara pribadi ras Tuhan Dibata i tengah sistem (aturen) si berusaha mengubah ia. I bas konteks Babil, “makan dari meja raja” berarti tunduk i bas kekuasaan raja. Melawan aturen raja, berarti lit resiko  si harus itanggung (ay. 10b, “Enggo itetapken raja kai si man pangan ras inemenndu, janah adi la pagi mbestang dagingndu bagi anak perana si deban, tentu ibunuh raja aku, erkiteken kam”). Beriman adalah kesetiaan relasional, bukan hanya soal taat aturen. Jadi, palas ketaatenta labo terjeng aturen tapi kesetiaanta er-Dibata.
2. Daging kulanta sebage wadah beriman (erkiniteken) man Tuhan. Tindakan Daniel sangat jasmani. Itolakna piga-piga pangan tertentu ras ipilihna pola makan sederhana. Gule-gulen saja panganna ras lau saja inemenna. Ipakena kulana sebage wadah berteologi. I jenda banci siidah, spiritulitas la banci ipisahken ras kula, tapi banci icidahken arah man, erdahin ras kegeluhenta si tep-tep wari. Jadi hidup beriman, labo hanya siberkaiten ras rende, ertoto, ngoge Pustaka, tapi asum ngasup kita njagai kai si banci bengket ku bas kulanta, e pe termasuk bagin i bas beriman. Sebab kulanta e me “ingan Kesah Si Badia” (bdk. 1 Kor. 6:19, “La kin ietehndu maka kulandu e me Rumah Pertoton Kesah Si Badia, si ringan i bas kam dingen si ibereken Dibata man bandu? Dirindu e labo kam empuna”). Asum sijaga kulanta alu pangan si sehat situhuna tanda kita nggeluh ernalem man Tuhan.
3. Perbeben, tantangen, cara Dibata ncidahken kuasaNa. Tuhan banci make ise pe guna ncidahken kuasa ras keleng ateNa. I bas perikop enda, Tuhan make Aspenas, Pengulu Juak-juak Raja Babil, guna nampati Daniel ras teman-temanna. Ay. 9, bekas jujuren Dibata, melias ras mesayang kel Aspenas man Daniel. Ay. 11-14, penjaga si isuruh Aspenas nggit arih-arih ras Daniel ras teman-temanna. Enda pe siimani erkiteken kuasa Tuhan, sebab labo mungkin pegawai rendahen nggit melawan titah raja. Daniel mindo waktu 10 wari guna mbuktiken maka gule-gulen saja ras lau saja pe inemenna, tetap ia sehat ras mejuah-juah. Kenca selesai si 10 wari, ibandingken (ipepayo) apai nge mbestangen, kami nina Daniel entah anak perana si deban si man pangan si isikapken raja? Ras terbukti, kenca 10 wari, teridah maka ulin rupana dingen mbestangen dagingna asangken kerina kalak si man pangan raja ndai. Labo terjeng je saja, man anak perana si empat e, ibere Dibata pemeteh ras kebeluhen kerna erbage-bage surat rikut ras kepentaren si deban. Tambah si e, man Daniel ibereken Dibata kebeluhen lako ngertiken pengenehenen ras nipi.

Versi Audio silahkan klik : https://youtu.be/lZxcdQLD9j8

Pengkenaina

Memiliki prinsip si jelas ras keteguhen iman i bas jaman genduari la nari banci itawar-tawar, adi la bage banci kita terbawa arus jaman (bdk. Heber 2:1, “Erkiteken si e harus nteguh sicikep pengajaren si enggo sibegi, gelah ula kita mombak”). Mekatep i bas pertemanenta, mbiar kel kita berbeda ras kalak si enterem, walaupe sieteh pilihen si nterem e banci menghanyutkan, mbeneken kita. Pangen kita seri ras si nterem gelah ula rubat entah ngelaini. Sebage contoh: 

• Gaya hidup modern: gaya hidup hedonis, kekayaan - kenikmatan di atas segalanya, mengutamakan penampilan luar, kesuksesan. Labo siakap masalah cara ndatkenca la mehuli, si penting la ketinggalan gaya ras kelompokta (circle-ta).
• Standar moral kalak si nterem: menganggap dosa sebage hal si wajar (nomal) erkiteken hampir kerina kalak ngelakokenca. Kepekaan terhadap dosa jadi tumpul. “Cikurak berjamah”, “korupsi berjamaah”, “selingkuh berjamaah”, rsd.-na.

Perikopta i bas paksa enda mpersingeti kita, berani berbeda pilihenta ras si nterem asal tetap sigelem kebenaran dingen palasna erkemalangen man Tuhan. Kai pe silakoken kita, mbiaren kita man Tuhan asangken man manusia. Uga caranta gelah tetap setia, megenggeng aminna pe mbue tantangen i sekelewetta, si erbahanca kita terbawa arus?

1. Tetap berpegang teguh pada Firman Tuhan (miliki keteguhan iman). Jadikan Kata Dibata sebage pedoman kegeluhenta. Arah kita ngoge, megiken Kata Dibata ras makekenca maka banci terbedaken kita apai sura-sura Dibata ras sura-sura doni enda.
2. Bangun tembok pembatas. Bagi Daniel, sope lit tawaran man pangan i bas istana nari, enggo itetapkenna bas ukurna la nggit ia ngelanggar aturen agamana aminna man bana isikapken pangan ras lau anggur i bas istana nari. Batasen enda berupa pilihan: kai si banci sitonton, kai si banci sibegi, ras ise kita bergaul. Adi tawaranna erbahanca meneken kita, pang kita ngatakenca “aku lang!”
3. Pindo gegeh man Dibata. Gegehta terbatas, emaka tetap mindo penampat Tuhan gelah tetap iberekenNa kepentaren guna memilih ras ndalanken si mehuli si ngena ate Dibata.