SUPLEMEN PJJ GBKP TGL 20 - 26 JULI 2025

Pdt. Larena Sinuhadji (Nd. ReyRapha Tarigan)

PATUH NGIKUTKEN TUHAN - Mazmur 50:19-23 (Kejujuran)

Penaruh

Adi sinen i bas Google Translate nari, kata “jujur” iterjemahken “mehuli” ku bas bhs. Karo. Sedangken kata “kejujuran” iterjemahken “kejujuren.” Enda akap kami la lit padanan kata “jujur” entah pe “kejujuran” i bas bhs. Karo. Rikutken penjelasen AI nari, “Kejujuran adalah sifat lurus hati, tidak berbohong, dan menyatakan yang sebenarnya. Dalam konteks moral, kejujuran mencakup integritas, ketulusan, dan keterusterangan dalam perkataan dan perbuatan. Kejujuran sangat dihargai dalam berbagai budaya dan agama, dan dianggap sebagai kunci kesuksesan serta fondasi hubungan yang baik. Dengan memahami dan menerapkan nilai kejujuran, kita dapat membangun kehidupan yang lebih baik, hubungan yang lebih kuat, dan masyarakat yang lebih harmonis.”

Kejujuran termasuk ku bas 5K Tata Nilai GBKP si rusur silumbaken, baik i bas bahan PJJ bage pe bahan PA-PA Kategorial (Kasih, Kejujuran, Keugaharian, Kekerabatan, Kesetiaan). I bas kesempaten enda radu ras kita mulihi erlajar kerna tata nilai kejujuran.

Mpebagesi Ogen

Ogenta sendah lit i teruh judul perikop “Persembahen si payo” i bas terj. TB-LAI nina, “Ibadah yang sejati.” Masmur 50 enda isebut Masmur Asap si isina, banci ikataken, sada kritik man bangsa Israel si enggo lanai tutus i bas beribadah, termasuk i bas nehken persembahen man Dibata. Kinilatutusen enda erbahanca Dibata merawa (ay. 6 ras 21). I bas ay. 7-13 teridah maka la ngena ate Dibata nandangi persembahen-persembahen si ipenangkih bangsaNa. Engkai maka bage? I bas ay. 16-20 icidahken Dibata maka ibadah si ilakoken bangsa Israel e la sue ras perbahanenna. Arah darat nari teridah bagi kalak si rohani, ibelaskenna Kata Dibata, tapi situhuna itulakna perentah Dibata. Erteman ras pinangko bage pe kalak si perlua-lua. Si jahat rusur si ibelaskenna ras erbahan taki pacik. Icekurakina seninana, janah idaram-daramina kesalahenna.

Penungkunenna, jadi alu tujun kai ipenangkih bangsa e persembahen-persembahen man Dibata? Alu tujun kai bangsa e beribadah man Dibata? Banci ikataken ibadah si ilakoken bangsa e guna “nyogok” Dibata, gelah ula dat ukumen erkiteken kejahaten-kejahaten si enggo ilakokenna. Emaka isingetken Dibata bangsa e erkelangken ende-enden Asap enda. I bas ay. 14-15 isingetken mulihi gelah bangsa e tuhu-tuhu ngataken bujur man Dibata, janah kai si enggo ipadanken i lebe-lebe Dibata harus isehken entah pe silakoken. Ernalemlah man Dibata sebab Dibata ngenca si mada kuasa, la lit dibata-dibata si deban. Dibata ngenca si ngasup nampati i bas kiniseran, janah Dibata ngenca si patut isembah. I bas ay. 22-23 mulihi isingetken bangsa e gelah tuhu-tuhu ndengkehken Kata Dibata, bahanlah si bujur, mehamatlah janah patuhlah man Dibata. Alu bage bangsa e tuhu-tuhu ikelini Dibata labo ikernepken Dibata.

Si jadi fokus i bas PJJ-ta sendah rikutken tema bage pe sub tema e me ay. 23, bagenda nina, “Ngataken bujur e me persembahen si pehagaken Aku janah si patuh ngikutken Aku tentu Kukelini.” I bas terj. TB-LAI nina, “Siapa yang mempersembahkan syukur sebagai korban, ia memuliakan Aku; siapa yang jujur jalannya, keselamatan yang dari Allah akan Kuperlihatkan kepadanya.” Kata-kata “jujur jalannya” iertiken “patuh ngikutken Aku.” Antusenna kepatuhen entah pe kejujuren nandangi Kata Dibata mabai kita ku keselamaten entah pe keterkelinen.

Pengkenaina

Arah berita-berita si ibegi entah pe sioge kita akhir-akhir enda, melala siidah kasus-kasus korupsi si terbongkar alu kerugian negara si fantastis mencapai ribuan triliun rupiah. Enda encidahkenca sanga terjadi krisis kejujuran i bas pemimpin-pemimpin negaranta nari. Bedana ras negara-negara si deban, adi enggo terteh terjadi korupsi, penipuan, pembohongan publik, ketidakjujuran, enggo mis pejabat e mengundurkan diri, janah nggit ia ngaloken ukumen erkiteken kejahaten si enggo ilakokenna. I bas negaranta, jangankan kesadaran pribadi, maun-maun pejabat-pejabat si jahat e la idatkenna ukumen si setimpal. Enda tentuna labo jadi pembelajaran si mehuli man masyarakat, erkiteken i bas sada sisi agama-agama ngajarkenca kerna kejujuran, tapi i bas sisi si deban pejabat-pejabat si la jujur e la idatkenna ukumen si setimpal.

Ogenta sendah mulihi ngingetken kita kerna kepatuhen nandangi Dibata. Patuh ngikutken Tuhan seharusna jadi si utamana i bas kegeluhenta selaku kalak si enggo ngaloken keselamaten i bas Dibata nari erkelangken Yesus Kristus. Kejujuran seharusna menjadi karakter penting i bas kegeluhen kalak Kristen. Memang labo murah nggeluh alu jujur, sebab enggo pasti melala kalak si la senang man banta erkiteken la kita nggit erbual, nebu-nebu, berlaku curang, rsd.-na. Tapi rikutken ogenta sendah, teklah kita maka kalak si jujur jalannya entah pe kalak si patuh ngikutken Dibata, ibereken Dibata keterkelinen.

I bas kesempaten enda mulihi isingetken kami kerna tata nilai kejujuran si termasuk ku bas 5 Tata Nilai si ianggap paling relevan guna ihayati, igumuli, isosialisasiken ras ipraktekken terus-menerus seh makana enggo jadi kebiasan ras karakter kita kerina anggota GBKP.

Kejujuran sebagaimana dituliskan di GBP adalah: bersih, transparan dan bertanggung jawab dalam setiap tugas pelayanan supaya berkenan di hadapan Tuhan.

Panduan Perilaku: 
- Hati yang lurus, tidak berbohong atau berkata apa adanya.
- Tidak curang atau mengikuti aturan yang berlaku.
- Tulus ikhlas, tidak munafik atau bermuka dua.

Kata Kunci: 
- Integritas
- Bersih
- Transparan
- Terus terang
- Bertanggung jawab

Perilaku Yang Dianjurkan:
Senantiasa bersikap jujur, sesuai antara perkataan yang diucapkan dengan perbuatan

Kalimat Afirmasi:
“Kami warga GBKP akan senantiasa bertindak jujur dan berpegang teguh pada nilai moral dan etika Kristen yang ditetapkan oleh gereja."
"Kami insan GBKP menjunjung tinggi kejujuran di tengah keseharian sebagai jemaat pilihan Allah.”