Pdt. Larena Sinuhadji (Nd. ReyRapha Tarigan)
Teks : Kuan-kuanen 23:24-28
Tema : PAGUH NGEPKEP JABU
Tujun : Gelah Mamre :
1) Meteh erti malem ate rikutken teks
2) Tetap jadi bapa si paguh ngepkep jabu
Penaruh
Rikutken informasi i bas AI nari, fungsi jabu entah pe keluarga i tengah-tengah masyarakat seh kel pentingna, ikataken bagenda nina, “Keluarga memiliki beberapa fungsi penting dalam masyarakat. Fungsi-fungsi ini mencakup sosialisasi, pendidikan, perlindungan, ekonomi, reproduksi, dan pembinaan lingkungan. Keluarga juga berperan dalam membentuk identitas, nilai, dan norma sosial anggota keluarganya. Dengan menjalankan fungsi-fungsi tersebut secara optimal, keluarga dapat memberikan kontribusi positif bagi perkembangan individu dan masyarakat secara keseluruhan.”
I bas kesempaten enda radu ras kita erlajar kerna jabu si mehuli erpalasken Kata Dibata si jadi teks ogenta sendah.
Mpebagesi Teks Ogen
Kitab Kuan-kuanen iperkiraken itulis i bas abad 6 seh 10 SM. Budaya si berpengaruh paksa si e, e me budaya hikmat Timur Dekat kuno ras tradisi kalak Jahudi. E maka i bas kitab enda teridah secara tersirat perilaku kegeluhen si tep-tep wari masyarakat Jahudi paksa si e. I bas konteks si bagenda Kitab Kuan-kuanen enda itulisken. Kitab enda ngajarkenca kerna pentingna nggeluh pentar ras mbiar man Dibata. Emaka melala nasehat-nasehat, pedah-pedah, entah pe kata-kata persinget, si isehken Salomo ras penulis-penulis si deban, gelah si ngogesa dat kepentaren i bas Dibata nari, khususna si berkaiten ras kegeluhen si tep-tep wari. Secara khusus si jadi ogenta sendah ngerana kerna relasi si mehuli antara anak ras orang tua.
Bindu 23 lit i teruh judul perikop “Telu puluh petuah kalak pentar” i bas terj. TB-LAI nina, “Amsal-amsal orang bijak.” Khususna si jadi fokusta sendah termasuk ku bas petuah si pe-16-ken ras pe-17-ken. I bas ay. 24-25 icidahken ulih latih orang tua i bas mendidik anak-anakna, bage pe ulih latih anak-anak i bas kepatuhenna man orang tua. Adi iergai ras ibegiken anak-anak ranan entah pe pengajaren orang tua (ay. 22) maka kepentaren, pengertin, ras sifat malang man Dibata, jadi sikerajangen anak-anak. Adi tuhu-tuhu isehken orang tua kerina si jadi kewajibenna man anak-anak, khususna ngajarken kerna kebenaren, kepentaren, bage pe pengertin kerna Dibata (ay. 23), maka kemalemen ate, keriahen ukur, bage pe kemegahen, jadi sikerajangen orang tua.
Secara khusus lit pedah man anak-anak si enggo beranjak dewasa, si lit i bas masa-masa pancaroba, mencari identitas, bage pe menuju ke arah kemandirian. Ipedahken i bas ay. 26, gelah megermet dingen ngusih kerina si mehuli i bas orang tuana nari, khususna, megermet dingen ngusih Kata Dibata. Engkai maka bage? Erkiteken i bas masa-masa pancaroba, mencari identitas, mbue tantangen si man hadapen, khususna godaan-godaan i bas doni enda nari si atena encedaken bahkan meneken kalak si tek i bas keleng ate Dibata nari. Ertina, man anak-anakta si sangana beranjak dewasa, harus lit i bas ia niat, keinginan untuk belajar ras engkuasai dirina.
Pengkenaina
Tema ras tujun i bas PA-ta sendah, ngajuk kam kerina perbapan, entah pe, Mamre kami, gelah tuhu-tuhu mperdiateken jabuna. Labo terjeng memenuhi kebutuhen fisik (sandang, pangan, papan) tapi si utamana ngepkep jabu alu paguh. Uga carana? Rikutken teks ogenta sendah, iajuk kam kerina gelah mereken pengajaren kerna kebenaren, kepentaren, bage pe pengertin kerna Dibata. I bas si e tentu harus lit pemeteh kerna Kata Dibata i bas dirindu. Emaka perlu terus-menerus sitambahi pemetehndu kerna si e alu cara, umpamana, rajin ngikuti PA Mamre, PJJ, kebaktin-kebaktin, entah pe kegiaten Gereja si debanna. Rajin ertoto ras ngoge Kata Dibata secara pribadi. Rsd.-na. Alu bage, ngasup kam kerina Mamre kami mereken pengajaren kerna Kata Dibata man isi jabuna masing-masing. Si pentingna kel i bas si e, jadilah usihen man anak-anakta bage pe man kerina isi jabu, baik i bas pengerana, pola pikir, perbahanen, problem solving, rsd.-na.
Si terakhir, mari radu ras sitotoken jabuta masing-masing, gelah ibereken Dibata kengasupen man kerina isi jabu guna saling mengasihi, saling menghormati, saling mperdiateken, saling bekerja sama. Alu bage, kepentaren, pengertin, ras sifat malang man Dibata, jadi sikerajangen anak-anakta. Bage pe, kemalemen ate, keriahen ukur, ras kemegahen, jadi sikerajangenta orang tuana. Dibata si mpegegehi ras mpengasup kam kerina Mamre GBKP.
Tidak ada komentar:
Posting Komentar