Pdt. Larena Sinuhadji (Nd. ReyRapha Tarigan)
DONI DEM ALU PASU-PASU DIBATA - Mazmur 104:10-15
(Misi GBKP)
Penaruh
Pasu-pasu adi siterjemahken ku bas Bhs. Ind., ertina “berkat.” Rikutken Kamus Besar Bahasa Indonesia (KBBI), berkat ertina, si pemena, e me karunia Tuhan yang membawa kebaikan dalam hidup manusia. Si peduaken, doa restu dan pengaruh baik (yang mendatangkan selamat dan bahagia) dari orang yang dihormati atau dianggap suci (keramat), seperti orang tua, guru, pemuka agama. Rikutken dua erti enda, berkat entah pe pasu-pasu labo terjeng vertikal, arah Dibata nari saja. Tapi kita pe banci mereken pasu-pasu man kalak si deban, bage pe ngaloken pasu-pasu arah kalak si deban nari. Adina siinget, tentuna la nari terbeligai pasu-pasu si enggo ialoken kita sedekah kegeluhenta i doni enda. I bas kesempaten enda radu ras kita erlajar kerna pasu-pasu i bas Dibata nari.
Mpebagesi Ogen
Ogenta sendah Masmur 104 ibere judul “Pujin man Si Mada Tinepa,” e me ekspresi kekaguman, entah pe ketakjuban, Pemasmur nandangi Dibata si enggo nepa doni enda ras kerina isina, bage pe kiniulin kerina tinepaNa si arus iergai, sikelola ras sijaga alu mehuli.
Masmur 104 enda banci iringkas ku bas 4 bagin e me : 1) Ay. 1-9, e me gambaren keagungen ras kuasa Dibata si mbelin si ngasup njadiken langit, daraten ras lawit. 2) Ay. 10-18, e me gambaren pengkawali (pemeliharaan) Dibata nandangi kerina makhluk si lit i bas doni enda seh makana kerina makhluk e banci ndatken kebutuhen geluhna. 3) Ay. 19-30, e me gambaren Dibata si erkuasa nentuken waktu (paksa-paksa) i bas doni enda, bage pe Dibata si tuhu-tuhu erdolat jadi penentu kegeluhen kerina makhluk (Dibata si mereken kesah kegeluhen) seh makana kerinana tuhu-tuhu bergantung man Dibata ngenca. 4) Ay. 31-35, e me pengakun Pemasmur kerna Dibata si mahakuasa si mada kerina tinepa sekaligus resolusi entah pe tekad Pemasmur guna terus muji gelar Dibata.
Si jadi fokus i bas PJJ-ta sendah e me ay. 10-15. I bas ay. 10-14 teridah maka lau e me sumber kegeluhen man kerina tinepa Dibata, baik lau si rehna i bas sumbul lau nari, bage pe lau si rehna i bas udan nari. Kerina makhluk si nggeluh, termasuk manusia, tuhu-tuhu nggejapken manfaat lau enda. Lau e me sumber kegeluhen si tuhu-tuhu. Adi la lit lau maka la lit kegeluhen. Sumber kegeluhen e Dibata si merekenca. I bas ay. 14-15 teridah maka manusia pe dat perhatin khusus i bas Dibata nari, arah sinuan-sinuan si turah, bagi anggur ras saitun, erbahanca manusia meriah bage pe dat gegeh si mbaru.
Lit 2 poin penting, akap kami, adi sioge Mas. 104 enda secara lengkap. Si pemena, Dibata tuhu-tuhu erkuasa ras erdolat nandangi kerina tinepaNa. Kuasa ras kedolaten Dibata enda teridah arah :
- ijadikenNa doni enda ras kerina isina;
- pengkawali (pemeliharaan) Dibata nandangi kerina mahluk seh makana kerinana banci erdalan ratur i bas sada ekosistem si saling erkaiten sada ras si debanna;
- Dibata ngenca ulu kegeluhen i doni enda si nentuken kerinana i doni enda, i ja arah KesahNa si maba kegeluhen, ipelimbaruiNa doni enda.
![]() |
Versi Audio silahkan klik : https://youtu.be/tNXI1ELp94c |
Pengkenaina
Kenca doni enda ras kerina isina itepa Dibata, ituriken i bas Kej. 1:31, inen Dibata maka kerina si enggo ijadikenna e mehuli (sungguh amat baik). Ertina kerina si ijadiken Dibata e banci ikataken pasu-pasu (berkat) man kerina tinepa Dibata, termasuk kita manusia. Adi mehuli relasi timbal balik antara Dibata, manusia ras alam semesta, enggo pasti pasu-pasu Dibata ndai banci radu ras sinikmati. Tapi rikutken Kej. 3, doni enda jadi ceda erkiteken dosa si ilakoken manusia. Seh asa gundari kerusakan lingkungan hidup terus terjadi erkiteken eksploitasi si ilakoken manusia. Akibatna pasu-pasu Dibata ndai enggo lanai inanami tinepa-tinepa si deban, janah labo kerina manusia ngenanami hasil eksploitasi ndai. I bas si e tentu selaku kalak si erkiniteken prihatin kita ngidah kondisi doni si bage rupana. Emaka i bas kesempaten enda, iajuk kita gelah labo saja ngaloken ras ngenanami pasu-pasu Dibata, tapi radu ras kita muat bagi i bas mpehuliken, mpekena-kena doni enda.
I bas hal enda Gerejanta pe enggo erpala-pala ikut muat bagin i bas melestariken doni enda gelah pasu-pasu Dibata ndai mulihken banci inanami kerina tinepa Dibata. Visi GBKP tahun pelayanen 2021-2025 e me, “GBKP menjadi kawan sekerja Allah untuk menyatakan rahmat Allah kepada dunia” (1 Kor. 3:9; 1 Pet. 2:9-10). Visi enda ikonkritken ku bas 4 Misi GBKP :
- Menumbuhkembangkan spiritualitas jemaat berbasis Alkitab.
- Menegakkan keadilan, perdamaian dan keutuhan ciptaan.
- Memperkuat semangat gotong royong antar sesama jemaat dan masyarakat.
- Menggali dan menumbuhkembangkan potensi jemaat untuk bersekutu dan bersinergi.
Tidak ada komentar:
Posting Komentar