SUPLEMEN PJJ GBKP TGL. 27 JULI - 2 AGT. 2025

Pdt. Larena Sinuhadji (Nd. ReyRapha Tarigan)

NGASUP ENGKUASAI DIRI - Kuan-kuanen 25:25-28

(Keluarga II)

Penaruh

Rikutken informasi i bas AI nari, penguasaan diri, entah pe engkuasai diri, penting i bas kegeluhenta si tep-tep wari erkiteken membantu kita membuat keputusan yang lebih baik, mencapai tujuan, dan menghindari masalah yang disebabkan oleh tindakan impulsif. Dengan mengendalikan diri, kita bisa fokus pada hal-hal yang penting, mengurangi stres, dan meningkatkan kesejahteraan secara keseluruhan. I bas kesempaten enda radu ras kita erlajar kerna engkuasai diri erpalasken Kata Dibata si jadi ogenta sendah.

Mpebagesi Ogen

Bindu 25 Kitab Kuan-kuanen lit i teruh judul perikop “Tole kerna pertenget Salomo,” i bas terj. TB-LAI, “Amsal-amsal Salomo yang dikumpulkan pegawai-pegawai Hizkia.” Arah judul enda nari, banci ikataken bindu 25 enda e me kumpulen pedah-pedah entah pe kata pertenget i bas Raja Salomo nari si ipepulung mulihi i bas pemerentahen Hizkia, Raja Juda. Lit jarak waktu si cukup ndekah, kira-kira 250 tahun, antara pemerentahen Raja Salomo ras Raja Hizkia. Ertina, amin pe lit jarak waktu 250 tahun, tapi pedah-pedah si lit i bas bindu 25 enda tetap relevan denga.

Lit erbage-bage pedah i bas bindu 25 si erkaiten ras kegeluhen si tep-tep wari, umpamana, pentingna niksiki persoalen alu mbages, pentingna kebujuren i bas pemerentahen, pentingna meteruk ukur i lebe-lebe bangsawan, pentingna njaga rahasia kalak si deban, pentingna bijak entah pe pentar i bas ngerana, pentingna setia i bas ngelai, pentingna kebujuren ras ngataken si benar, bage pe pentingna engkuasai diri. Secara khusus i bas PJJ-ta sendah, fokus kita ku bas pentingna engkuasai diri. I bas ay. 28 ikataken, “Kalak si la ngasup engkuasai dirina, bali ras kota si enggo tombang bentengna.” I bas terj. TB-LAI nina, “Orang yang tak dapat mengendalikan diri adalah seperti kota yang roboh temboknya.” I bas jaman si nai, tembok pembatas, entah pe benteng, e penting i bas sada ingan, entah pe kota. Fungsina jelas guna melindungi si lit i bas kota e, i bas binatang-binatang buas nari, entah pe i bas musuh-musuh si atena nerang ras naluken kota e. Tapi lit ka fungsi si deban, e me guna membatasi gerak penduduk kota.

I bas anding-andingen benteng entah pe tembok pembatas enda nari, akap kami tangkas maka engkuasai diri e seh kel pentingna i bas rangka melindungi diri i bas bahaya nari, bage pe guna membatasi dirinta i bas sura-sura kerincuhen daging, hasrat entah pe keinginanta. Keinginan manusia, bagi si enggo radu ras siteh, la lit batasna. Keinginan e labo seri ras kebutuhan. Adi kebutuhan la banci lang harus lit guna kelangsungen geluhta. Tapi keinginan, adi la lit pe umpamana, banci denga kita nggeluh. Keinginan situhuna labo hal si negatif. Keinginan si lit i bas dirinta banci siarahken ku si mehuli. Tapi mekatep keinginan e si justru menjerumusken kita ku hal-hal si la mehuli. I bas si e tentu harus kita metenget, bersikap kritis, engkuasai diri, pang kita ngatakenca lang man kerincuhen daging, sebab labo kerina keinginan e mabai kita ku si mehuli.

I bas ogenta sendah labo terjeng erkaiten ras engkuasai diri bagi si lit i bas ay. 28, lit ayat-ayat si deban. Ay. 25, akap kami antusenna, ngajuk kita gelah mpeseh berita si mehuli man sekelewetta. Banci ka siantusi gelah pengerananta membangun, memotivasi, mpegegehi, erbahanca kalak si megisa optimis, rsd.-na. Ay. 26 ngerana kerna aru ate, entah pe kekuatiran. I bas terj. TB-LAI ikataken bagenda nina, “Seperti mata air yang keruh dan sumber yang kotor, demikianlah orang benar yang kuatir di hadapan orang fasik.” Ertina ayat enda ngajuk kita gelah erpengedes man Dibata, jadiken Dibata standar kegeluhenta, ula sempat doni enda jadi ukuren keberhasilen i kegeluhenta. Ay. 27 ngajuk kita kerina gelah Dibata ngenca si ipuji kita, sebab Dibata nge ulu kegeluhenta, labo gegeh beluhta. Ertina ula sempat lit i bas dirinta kerincuhen guna datken puji-pujin, sebab Dibata ngenca si patut ipuji (Soli Deo Gloria). Alu bage banci ikataken maka ay. 28 situhuna kuncina, adi terkuasailah dirinta maka kerina si jadi peraten Dibata banci silakoken kita alu gegeh i bas Dibata nari. Emaka i bas si e, pindolah gegeh i bas Dibata nari gelah ipengasupNa kita engkuasai dirinta.

Versi Audio Silahkan klik : https://youtu.be/GEtrPCB2JK0

Pengkenaina

Pengajuk gelah kita engkuasai diri labo terjeng lit i bas Kitab Kuan-kuanen, i bas Padan Si Mbaru pe lit piga-piga ayat si ngerana kerna engkuasai diri, umpamana i bas 2 Tim. 4:5; 1 Pet. 4:7; 2 Pet. 1:6. Tapi akap kami si paling rusur sioge ras populer e me i bas Gal. 5:23, erkiteken engkuasai diri termasuk ku bas ulih Kesah Si Badia. Engkai maka engkuasai diri enda penting? Sebab rikutken konteks Gal. 5:22-23, adi la lit penguasaan diri, maka sia-sia kekelengen, keriahen, kemalemen ate, kesabaren, perbahanen si mehuli, mehuli, setia, ras meteruk ukur. Alu litna penguasaan diri maka kerina kalak si tek ipengasup Kesah Si Badia guna nggeluh erkemalangen man Dibata, nggeluh ndauh i bas dosa nari, bage pe ngelakoken kerina si jadi peraten Dibata.

Rikutken konteks kegeluhenta jaman gundari enda, ogenta sendah akap kami tetap relevan, sebab godaan hedonisme, konsumerisme, materialistis seri ras si lit i bas jaman Raja Hizkia. Bahkan reh mekelekna i bas jamanta si gundari enda alu litna media sosial. Enterem kalak si la ngasup engkuasai dirina erkaiten ras godaan hedonisme, konsumerisme, ras materialistis ndai, piah dungna, korupsi ia, terjerat judol, pinjol, seks bebas, ras erbage-bage kejahaten si debanna. I bas si e tentu kita harus metenget, bersikap kritis, engkuasai diri, pang kita menolak godaan-godaan si lit alu tegas. Tapi i bas si e harus kita mengandalkan kuasa Dibata. Sebab adi gegeh beluhta si iandalken, enggo pasti la kita ngasup menghadapi erbage-bage godaan si lit i sekelewetta.

Peran keluarga i bas kondisi si bage rupana, akap kami, sangat penting. PJJ-ta sendah lit i bas sub tema “Keluarga II.” Kerna sub tema “Keluarga I” enggo pernah radu ras sibahas i bas PJJ Tgl. 18-24 Mei si lepas. Tujunna akap kami gelah keluarga-keluarga, entah pe jabu-jabu kristiani tuhu-tuhu berfungsi alu mehuli i bas melindungi kerina anggotana i bas erbage-bage godaan si banci encedai kita bahkan meneken kita i bas keleng ate Dibata nari. Emaka i bas si e mari radu ras sipeteguhi kiniersadaan i bas keluarganta masing-masing alu radu ras ertoto, erbahan kebaktin bersama, ngoge Pustaka, menjalin komunikasi si mehuli sada ras si debanna. Gelah alu bage banci mengingatkan sada ras si debanna kerna tema PJJ-ta sendah, e me “Ngasup engkuasai diri.” Dibata si mpengasup kita kerina.