SUPLEMEN PA MORIA GBKP TGL. 20 - 26 JULI 2025

Pdt. Larena Sinuhadji (Nd. ReyRapha Tarigan)

LGBTQIA2S (Lesbian, Gay, Bieksual, Transgender, Questioning, Itersex, Aseksual, Two-Spirit)

Si Man Ogen : Lukas 5:27-32

Tema : SEHAT I BAS PERBAHANEN

Tujun : Gelah Moria :

- Nuriken misi Yesus kerna kalak sakit (menyimpang)

- Sedar kerna lit realita penyimpangan seksual i bas masyarakat

Penaruh

Pernahkah kita merasa dikucilkan, tidak dianggap, dijauhi erkiteken latar belakang si pernah ialami kita (mantan penghuni LAPAS), pendahinta (mantan PSK), entah erkiteken kita i bas kalangan si “la mampu” nari? Uga perasaanta? Enggo pasti la nyaman, menarik diri i bas pergaulen, jarang reh ku acara-acara pertemuan, ras banci jadi kita menjadi kalak si tertutup. Mekatep gereja pe berlaku seri. Terkadang tanpa kita sedari, sinilai kalak arah penampilenna, pendahinna, bage pe latar belakang kegeluhenna. Padahal kehadiren gereja harus terbuka man kerina kalak termasuk kalak si perdosa. Gereja terkadang ikut menghakimi bahkan menghukum, seolah-olah orang-orang si lit i bas (aktivis gereja) e me kalak si badia.

Tapi rikutken si man ogen i bas PA Morianta sendah, Tuhan Yesus mereken sada usihen si luar biasa, maka misiNa ku tengah doni enda, e me ndilo kalak si perdosa gelah jera. Yesus engkelengi kerina kalak alu la erdobahen, termasuk kalak si perdosa.

Mpebagesi Si Man Ogen

Si man ogenta sendah, Luk. 5:27-32 ibere judul, “Idilo Yesus Lewi” (i bas terj. TB-LAI Ed. 2, “Lewi Pemungkut Cukai mengikut Yesus”). Judul i bas TB-LAI Ed. 2 enggo lebih terarah erkiteken lit penegasen kerna Lewi sekalak pengalo cuke. Sope perikop enda, Yesus mpepalem sekalak si pangpangen. I bas peristiwa e pe terjadi pertentangen antara Tuhan Yesus ras Guru-guru Agama, bage pe kalak Parisi.

Kenca Yesus nadingken kuta ndai, maka idiloNa sekalak pengalo cuke si sangana kundul i bas kantorna, si tergelar Lewi, gelah jadi ajar-ajarNa. Nina Yesus, “Ikutken Aku.” Si luar biasa, tedis Lewi, itadingkenna kerina, je nari iikutkenna Yesus. Pengalo cuke (bhs. Lat. “Publicanus”) e me kalak si dahinna mpepulung pajak i bas kalak Jahudi nari, ras iendeskenna man pemerentah Romawi, sebab bangsa Israel paksa si e ijajah Romawi. Erkiteken si e, profesi sebage pengalo cuke, ipandang buruk bahkan cenderung ibenci kalak Jahudi. Piga-piga alasen: sebab pajak memberatken rakyat, dahin enda antek-antek penjajah. Dingen cara si rusur ipake pengalo cuke sangat kejam, kadang memeras rakyat (bdk. Sakeus pengalo cuke i bas Luk. 19, nina Sakeus, “Adi lit kalak enggo kutipu, ku ulihken man bana empat kali lipat”). Emaka banci ikataken dahin pengalo cuke rusur ikataken kalak perdosa.

Erkiteken kai si ibahan Yesus man bana lebih asa si iukurkenna (betapa dia sungguh diterima), maka ibahanna i bas rumahna kerja man-man si mbelin guna Yesus. Nterem pe pengalo cuke bage pe kalak si deban ikut man ras kalak enda ndai i je. Kalak Parisi ras Guru-guru Agama Jahudi si banci jadi lit i bas sekitaren ingan e jungut-jungut man ajar-ajar Yesus, nina “Engkai maka kam man dingen minem ras kalak pengalo cuke, kalak perdosa?” Emaka ijawab Yesus maka kalak si sakit nge si memerluken dokter, labo kalak si sehat. Janah niNa, “Aku reh guna ndilo kalak si perdosa gelah jera ia, labo guna ndilo kalak si bujur akapna bana.” Kehadiren Yesus labo sekedar ngaloken kalak perdosa, tapi ndilosa guna jera (bertobat) ras nggeluh i bas kegeluhen si mbaru.

Versi Audio silahkan klik : https://youtu.be/IC3Fh5We_ck

Pengkenaina

Tema si seh man banta “Sehat i bas perbahanen.” Secara khusus i bas PA-ta sekali enda ngerana kita kerna litna penyimpangen seksual i bas masyarakat. Istilah LGBT genduari enggo berkembang jadi LGBTQIA2S (Lesbian, Gay, Biseksual, Transgender, iQuestioning, Intersex, Aseksual, Two-Spirit).

Pustaka Si Badia, jelas maka Tuhan menciptakan dilaki ras diberu (bdk. Kej. 1:27), la lit jenis kelamin si deban. Bahkan perjabun si ipasu-pasu Tuhan pe dilaki ras diberu (Kej. 5:2). Bahkan Pustaka Si Badia, tegas homoseksual e me sada kekejian (Im. 18:22, “Ula lit dilaki ersada kula ras dilaki; ciga ate Dibata si bage.” Roma 1:26-27, “Erdandanken si e ipelepas Dibata ia nehken sura-surana si njuruken. Diberu-diberu erlagu la mehuli ia sapih-sapih ia diberu. Lagu langkah diberu-diberu e la nai bagi arusna. Bage pe si dilaki nadingken hubungenna si payo ras diberu, janah leket ukurna man sapih-sapih dilaki. Dilaki erlagu langkah si njuruken sapih-sapih dilaki, erkiteken si e ia ndat balasen i bas dirina sue ras perbahanenna si jahat dingen la arus e”).

Lit dua pandangen kerna kelompok enda. Sada, erkiteken kelainan genetik. Tubuhna enggo bage. Si peduaken, terjadi erkiteken pengaruh lingkungen ras sosial. Lingkungen ras pergaulan sosial banci menularken kebiasaan si bage.

I bas dampar si deban, HAM mengkategoriken LGBTQIA2S secara universal melindungi kelompok enda i bas diskriminasi ras kekerasan. Janah ikatakenna, maka kelompok enda labo ikategoriken penyimpangan seksual tapi orientasi seksual si berbeda. Alu bage jelas, la ise pe banci membatasi hakna, termasuk ise atena pasangenna, entah la atena erjabu.
Gerejanta alu tegas nuduhken sikapna alu ngataken “GBKP tidak menghakimi tapi juga tidak menerima. GBKP menerima keberadaan orangnya tetapi tidak mentolerir perilakunya.” Jadi jelas GBKP labo menolak entah pe ngelakoken diskriminasi man jelmana tapi alu tegas menolak perilakuna. Emaka kai si harus ilakoken gereja? Si pemena lebe, gereja terbuka man kelompok enda, ula sikucilken. Si peduaken, bagi si ilakoken Tuhan Yesus, labo terjeng ngaloken kalak si “sakit” ras ndilo ia seh kempak terjadi pertobaten. Maka la banci lang kebenaren Kata Tuhan tetap ilumbaken. Kita tidak mentoleransi dosa, tapi kita merangkul si pendosa yang mau disembuhkan. Asal nggit ia ipepalem, maka ibereken piga-piga terapi si banci sibereken. Emaka gereja perlu melatih hamba-hamba Tuhan, bahkan perpulungen si lit talentana guna banci mendampingi kekelengenta enda si genduari i bas proses pemulihen. Enggo jelas, labo gampang ngalaken situasi enda, tapi paling tidak, rikutken tujuan si peduaken, harus lit kesadaren i bas dirinta kerna lit realita penyimpangen si bage i bas masyarakatta, bahkan reh marakna pe.