SUPLEMEN PJJ GBKP TGL. 13 - 19 JULI 2025

Pdt. Larena Sinuhadji (Nd. ReyRapha Tarigan)

ERBAHAN GELAR - Lukas 2:21 (Liturgi Kasuistik)

Penaruh

Rikutken informasi arah AI nari, i bas konteks budaya Indonesia, erbahan gelar labo terjeng erbahan gelar saja, tapi lit je toto ras arapen orang tua si mereken gelar. Bagenda nina, “Pemberian nama anak memiliki filosofi mendalam yang sering dianggap sebagai doa dan harapan orang tua untuk masa depan anak. Dalam berbagai budaya, nama bukan sekadar identitas, tetapi juga cerminan harapan, cita-cita, dan nilai-nilai yang ingin ditanamkan pada anak.” E maka i bas jaman si gundari enda akap kami ratana kita orang tua labo terjeng mereken gelar bage-bage saja man anak-anakta. I bas kesempaten enda radu ras kita erlajar kerna ritual erbahan gelar i bas konteks GBKP si enggo lit i bas Liturgi Kasuistik.

Mpebagesi Ogen

Ogenta sendah sada ayat ngenca, lit i teruh judul perikop “Erbahan gelar Yesus.” Adi rikutken Alkitab TB-LAI Ed. II, ay. 21 lit i bas sada perikop benaken ay. 21-38 alu judul “Yesus disunat dan diserahkan kepada Tuhan.” Alkitab Bhs. Karo seri ras Alkitab BIMK, ay. 21 ibahan jadi sada perikop si isina sada ayat ngenca. Mungkin maksudna gelah lebih fokus ku bas penegasen kerna gelar Yesus bage pe ku bas hal ndalanken Undang-undang Musa.

I bas terj. BIMK, ayat enda iterjemahken bagenda nina, “Sesudah berumur delapan hari, anak itu disunat. Dan mereka menamakanNya Yesus, nama yang diberikan malaikat kepadaNya sebelum IA dikandung ibuNya.” I bas terj. TB-LAI Ed. II, “Ketika genap delapan hari dan IA harus disunatkan, IA diberi nama Yesus, yaitu nama yang disebut oleh malaikat sebelum IA dikandung ibuNya.” Bagi si enggo isingetken ndai, lit dua hal si penting i bas ogenta sendah. Si pemena, Yusuf ras Maria tuhu-tuhu patuh nandangi Undang-undang Musa. Kenca enggo waluh wari, mis isunatkenna Yesus. Labo terjeng je saja, ibaba Yusuf ras Maria Yesus ku Jerusalem guna ngelakoken lakon pembersihen rikutken kai si iaturken Musa. Kai si ilakoken Yusuf ras Maria enda sue ras si enggo iaturken i bas Im. 12:2-4.

Si peduaken, enggo semal paksa si e, erbahan gelar ilakoken i bas prosesi sunat, janah Anak si enggo tubuh e tuhu-tuhu ibahan gelarna Yesus, sue ras si enggo ikataken malekat man Maria i bas bindu 1:31. Bage pe si enggo ikataken malekat man Yusuf i bas Mat. 1:21. Ertina banci saja ibahan Maria entah Yusuf gelar si deban sue ras gelar sukuna entah gelar keluargana. Sebab sanga isunatken ras erbahan gelar e, reh je kerina kade-kade bagi si ituriken i bas Luk. 1:58-63. Tapi Maria ras Yusuf tetap mereken gelar Yesus. Rikutken Alkitab Edisi Studi, Yesus ertina: “Tuhan menyelamatkan.” Erti gelar enda tuhu-tuhu luar biasa sebab enggo encidahken misi si bakal idalanken Yesus. Rikutken Luk. 1:32-33 jelas je ituriken malekat maka pagi Yesus jadi kalak si mbelin, igelari Anak Dibata si meganjangna kel, jadi sekalak Raja bagi ninina Daud, janah kinirajanNa la erkeri-kerin. Mungkin e ka nge si erbahanca Yusuf ras Maria tetap ukur i bas erbahan gelar Yesus, janah tuhu-tuhu berperan i bas mendidik Yesus seh makana kerina si ikataken malekat ndai tuhu-tuhu terbukti. Yesus Kristus tuhu-tuhu mereken keselamaten man doni enda, janah seh asa gundari mayoritas penduduk doni enda ngakukenca maka Yesus Kristus e me Tuhan ras Juruselamat.

Arah ogenta sendah, erlajar kita arah Yusuf ras Maria si patuh nandangi Undang-undang Musa, bage pe patuh nandangi perentah Dibata erkelangken malekatNa. Labo terjeng je saja, Yusuf ras Maria tuhu-tuhu muat bagin i bas mewujudken rencana Dibata ku tengah-tengah doni enda alu mereken si terbaik man Yesus, benaken i bas bertin nari seh ku kenangkihenNa ku surga.

Versi Audio silahkan klik : https://youtu.be/BLYaP0BT3X4

Pengkenaina

William Shakespeare i bas karyana si nuriken kerna kisah percintaan Romeo ras Juliet, ngatakenca “apalah arti sebuah nama.” Melala kalak si salah i bas ngantusi kata-kata enda. Rikutken konteks ceritana, maksudna labo berarti gelar e la penting, gelar tetap penting, tapi ula sempat gelar e menghalangi cinta yang tulus si lit i bas Romeo ras Juliet. Akap kami ratana kita kalak Karo i bas jaman gundari enda, enggo tuhu-tuhu ngukurkenca alu mehuli gelar kai si ateta sibahan man anak-anakta. Apai ka enggo bengket kiniteken Kristen ku tengah-tengah masyarakat Karo, reh mbagesna i bas erbahan gelar man anak-anakta.

Lit sada penelitian si ibahan Sri Rejeki Ulina Kaban kerna erbahan gelar i bas konteks masyarakat Karo si imuat i bas Jurnal Abdiel 29 April 2021 alu judul “Memaknai nama sebagai proses pendidikan kristiani dalam keluarga Karo.” I bas salah sada ulasen kerna penelitian enda ikataken bagenda nina, “Dalam penelitian terdahulu terkait makna nama, Sri Rejeki Ulina Kaban menemukan bahwa pentingnya memaknai sebuah nama sebagai model pengajaran iman, khususnya di keluarga Karo. Dalam penelitiannya ia mengatakan, nama merupakan bagian terpenting dalam kehidupan manusia, baik secara personal maupun komunal. Tradisi pemberian nama di masyarakat Karo selalu melibatkan peran keluarga besar yang disebut sebagai sangkep nggeluh. Selain itu, pemberian nama dilatarbelakangi oleh kenangan tentang suatu peristiwa yang berkaitan dengan kelahiran atau harapan terhadap seorang anak. Melalui nama yang diberikan, seseorang diharapkan menjadi pribadi yang mencapai nilai-nilai, cita-cita atau doa yang menjadi makna nama tersebut.” Ertina arah penelitian enda teridah pengaruh si mbelin sehna Berita Si Meriah ku tengah masyarakat Karo.

GBKP i bas si e enggo tuhu-tuhu muat bagin alu ilitkenna Liturgi Kasuistik erbahan gelar. Tujunna tentu gelah erbahan gelar e reh mbagesna erpalasken kinitekenta man Dibata i bas Yesus Kristus. Emaka i bas PJJ-ta sendah, radu ras kita isingetken maka erbahan gelar e penting, labo terjeng gelah lit gelarna saja, tapi lit visi ras misi i bas gelar si ibereken man anak-anakta. Tapi tugasta selaku orang tua labo ngadi kenca enggo erbahan gelar man anak-anakta. Lit tanggung jawab i bas kita mewujudken visi ras misi si lit i bas gelar anak-anakta alu mereken pendidiken ras teladan si mehuli seh makana terwujud totonta bage pe arapenta nandangi anak-anakta.