SUPLEMEN PA MORIA GBKP TGL. 3 - 10 AGUSTUS 2025

Pdt. Larena Sinuhadji (Nd. ReyRapha Tarigan)

PERBEDAAN ITU KARYA ALLAH

Si Man Ogen : Johanes 9:1-5

Tema : KUASA DIBATA SI ERBAN PERBEDAAN

Tujun : Gelah Moria

- Ngasup nuriken kerna kuasa Dibata i bas kalak si pentang

- Teka maka i bas kalak si berbeda lit kuasa Dibata

Metode : Study Kasus (isina kerna perbedaan si lit bas kegeluhen Moria ngangkai maka i bas perbedaan e teridah kuasa Dibata)

Penaruh

Kiniseran mekatep ihubungken ras dosa. Maka asum Job kalak tutus erkemalangen man Tuhan ia mengalami erbage-bage kiniseran, teman-temanna ngatakenca maka e jadi erkiteken kesalahen entah dosa si enggo ilakoken Job.  Padahal jelas, arah kai si ialami Job, ate Dibata ncidahken man Iblis keteguhen kiniteken Job (bdk. Job 1:8-12).

Emaka i bas bahan PA Moria sekali enda pe, ras-ras kita erlajar kerna kiniseran si ialami sekalak si pentang mulai kin tubuhna nari ras uga prespektif Tuhan Yesus ngidahsa.

Mpebagesi Si Man Ogen

Judul perikop si man ogenta sendah “Ipepalem Yesus sekalak si pentang tubuhna nari.” Ibenai alu penungkunen ajar-ajar Tuhan Yesus, kenca enggo idahna sekalak si enggo pentang tubuhna nari, “O, Guru, dosa ise nge erbahanca maka ia pentang tubuhna nari? Dosana entah dosa orang tuana?” Ertina, ajar-ajar Tuhan Yesus sendiri pe mempunyai pemahamen si bali ras kalak pada umumna.

Emaka ibere Yesus prespektif si mbaru. Si pemena lebe, iterangken Yesus maka penderitaan memang lit ras ise pe banci tendengna, subuk kalak si tutus ras si la tutus erkiniteken. Kalak si pentang e, labo hanya mengalami penderitaan secara fisik, sosial, tapi pe spiritual. Sebab, la banci ia bengket ku Rumah Pertoton (Bait Allah). Ras enda merupaken penderitaan si mbelin erkiteken la banci beribadah bas Rumah Pertoton (bdk., seri ras asum bangsa Israel iambekken ku Babel; la banci beribadah ku Bait Allah).

Emaka si peduaken, iterangken Yesus, maka ia pentang labo erkiteken dosana bage pe dosa orang tuana, tapi gelah teridah kuasa Dibata i bas geluhna. Walau pe, lit penderitaan jadi erkiteken dosanta dalanna gelah kita banci bertobat (bdk. Ul. 28:15-68; 1 Pet. 3:17). Si ilakoken ajar-ajar arah penungkunenna e me “ise,”  tapi Tuhan Yesus ngidah i bas sisi si deban e me “uga” (bagaimana). Labo salah kalak si pentang entah orang tuana, tapi uga arah kalak si pentang enda ndai teridah kuasa Dibata. Kiniseran si ialami manusia labo iidah Yesus sebage dalan guna saling menyalahkan, tapi kesempaten guna ndahiken dahin Dibata gelah banci megegeh ras pulah i bas kiniseran nari. Asum ajar-ajar Tuhan Yesus sibuk ncakapken ise si salah, Tuhan Yesus reh guna mereken solusi e me mpepalem kalak si pentang ndai (bdk. ay. 6-7).

Pengkenaina

Tema si seh man banta i bas PA-ta “Kuasa Dibata i bas erbahan perbedaan.” AI mengartiken perbedaan sebagai suatu keadaan atau kondisi di mana dua atau lebih hal memiliki karateristik, sifat atau atribut yang tidak sama. Perbedaan dapat ditemukan dalam berbagai aspek, seperti fisik: perbedaan dalam bentuk ukuran, warna. Konseptual: perbedaan dalam ide, konsep atau gagasan. Temasuk berbeda i bas tingkat pendidiken, gender, talenta, skill, karakter, usia rsd.

Harus lebe sisedari, maka perbedaan e me kinata i bas kegeluhenta ras itepa Dibata kita memang berbeda, labo lit si seri. Tujunna enggo pasti gelah banci kita saling melengkapi. Janah rikutken tujun si peduaken i bas PA-ta, maka arah perbedaan si lit, tek kita maka lit i je kuasa Dibata. Gelah teridah kuasa ras keleng ate Dibata. Arah perbedaan si lit, labo dalanna kita merendahkan, membully, menghakimi kalak, siakap lebih rendah asangken kita. Mungkin erkiteken faktor fisik (berkebutuhan khusus), faktor ekonomi, kondisi enggo la la kuh jabuna, enggo metua, rsd. Kalak si ngasup ngidah ras tek maka lit kuasa Dibata i bas perbedaan, mabai ia ngasup ngataken bujur, uga pe keadaan geluhna. Bahkan i bas situasi si siakap kalak rendah sekali pe (erkiteken sakit, usia tua, berkebutuhan khusus), mampu tetap ia jadi pasu-pasu (berkat) man sekelewetna.

Piga-piga contoh :

• Marlee Matilin seorang tuna rungu si menjadi aktris sukses. Ia pemenang Academy Award ras Golden Globe Award guna peranna i bas film Children if a lesser God. Ia menderita tuna rungu sejak usia 18 bulan erkiteken koklea  si erbahca cacat secara genetis.
• Helen Keller e me sekalak penulis asal Amerika, aktivis politik ras dosen. Tangtangna tubuh nari, Helen pentang ras la erpemegi (tuna netra ras tuna rungu).
• Stevie Wonder, sekalak penyanyi ras pianis terkenal. Ia enggo mengalami kebutaan tangtangna tubuh nari.
• Shinta memiliki keterbatasan fisik erkiteken post-polio sindrom ras memotivasi ia guna memecahkan rekor MURI berkeliling Indonesia alu make motorna. Ras melala denga contoh si deban.

Uga pe keadaan geluhta, ula kita berkecil hati. Imani, pasti lit sura-sura Dibata si terulin man banta. Dingen arah si e, mabai kita ngasup ncidahken kekelengen man sekelewetta.