KHOTBAH GBKP MINGGU TGL. 31 MARET 2019
Pdt. Larena br.
Sinuhadji (Nd. Rey Rapha Tarigan)
Pasion V : Letare (Teridahlah)
Invocatio : “Ermeriah
ukurlah ras Yerusalem, ersuraklah, o kam kerina si ngkelengi kuta e, kam si
mbaru enda erceda ate erkiteken ia, genduari ermeriah ukurlah ras ia” (Yesaya
66:10)
Ogen : Titus
2:11-14 (Tunggal)
Khotbah : Yesaya
65:17-25 (Tunggal)
Tema : ERSURAK
RAS ERMERIAHLAH ERKITEKEN TINEPA SI MBARU
PENGANTAR
Lit
sada percakapan guru anak kitik (KAKR) man anak-anak tupung kebaktin wari Minggu,
“Di mana surga anak-anak?” Lit deba njawabsa, “i datas”, lit ka deba njawabsa “i
telapak kaki ibu”. Adi kusungkun kam i ja kin surga e? Secara geografis (lokasi)
payo maka surga i datas, sabab Yesus nangkih ku surga (Luk. 24:50). Tapi secara
teologis surga e me kap sada suasana si erbahanca malem ateta sabab Dibata i
bas Yesus hadir i je. Suasana surga banci sialami asum kita anak-anakNa
ndalanken kai si ngena ateNa. Payo memang surga terwujud i bas kekekalan, i ja
kitab Ketangkasen ngatakenca la lit nari ceda ate, tangis entah pe si mesui (Ket.
21:4). Tapi suasana surga banci banci sigejapken ras siciptaken i bas
kegeluhen. Umpamana, i bas jabunta, kita sendiri si nentukenca, suasana surga entah
neraka? Adi suasana neraka enggo, kerina anggota jabu tidak saling menghargai,
rubat katawari paksa, bahasa kebun binatang ndarat i bas biberta nari. Tapi adi
suasana surga sipilih, masing-masing anggota jabu ndatken kemalemen ate, sabab
lit i je saling menghargai, empati, sepenggejapen, bahasa kekelengen si tetap
imunculken.
Bage
me siidah i bas bahan khotbahta i bas minggu terakhir bulan Maret enda, si ibere
judul “Tinepa Si Mbaru” (Alkitab TB-LAI lebih pas, “Janji mengenai langit yang
baru dan bumi yang baru”). E me nubuaten kerna suasana surga si ialami bangsa
Israel kenca mulih i pembuangen nari.
KHOTBAH
Yesaya
65 bengket ku bas bagin Trito Yesaya i ja bangsa Israel enggo mulih i bas
pembuangen Babil nari. Enggo pasti keadaan berubah. I pembuangen menderita
subuk fisik ras psikis, bage pe mental. Tapi kenca bebas, labo hanya merdeka
secara fisik tapi pe jiwa pe lebih tenang, turah semangat ras keriahen ukur.
Adi siperdiateken i bas bindu 65:1-16 si ibere judul “Ukumen man kalak si
ngelawan Dibata”, maka i je pe ituriken perbandingen kalak si ngelawan Tuhan
dingen kalak si patuh. Kalak si patuh, ipasu-pasu Tuhan geluhna, cukup pangan
ras inemenna, malem atena nggeluh, rende alu meriah ukur, ibereken Tuhan gelar
si mbaru rsd. (ay. 13-16). Janah i bas bahan khotbahta mulihi itekanken Tuhan
arah nabi Yesaya kerna perbahanen Tuhan man kalak si setia erdalan i bas dalan
Tuhan, ialamina pembaruan i bas geluhna secara keseluruhen. Kai si itulisken Yesaya
merupaken nubuaten kerna pembaharuan si ibahan Dibata e me langit ras doni si mbaru,
si ibenai i bas mulihna bangsa Israel i bas pembuangen nari, iterusken i bas
kerehen Yesus Kristus ku doni ras puncaNa i bas kerehenNa si peduakaliken arah
gambaren langit ras doni si mbaru ka (Ket. 21).
Nabi
Yesaya menubuatken kerna kegeluhen si tuhu-tuhu dame, antara Dibata ras
manusia, sapih-sapih manusia ras tinepa Dibata si deban. Gambaren si lebih
rinci banci siidah :
1. Asum
itepa Dibata langit ras doni si mbaru, erbahanca turah keriahen ukur. Respon i
bas manusia bersukacita. Subuk pendatang bage pe kalak si ringan i je malem
atena nggeluh. Dukacita iubah jadi keriahen ukur. La lit nari si mate tupung
danak-danak entah pe mate nguda. Paksa si e rusur lit kejadin si bage, i ja
danak-danak mate tupung ia gara-gara denga.
2. Ay.
21-23, lit ulih kelatihenna si igambarken alu ipajekenna rumahna janah ia
sendiri si ngiani rumahna labo kalak si deban. Bage pe isuanna batang anggur
janah ia sendiri si ngenanami ulih latihna. Bdk. Mas. 128:1, “Ipanna me ulihna
latih, sangap nggeluh mehuli sikerajangenna”. Kebaliken si terjadi asum perang
ras iambeken ku Babel maka kelatihen bangsa enda, labo ternikmatisa, tapi kalak
si deban si nikmatisa. Kasa kai ulihna latih, tuhu-tuhu kel inanamina.
3. Ay.
24, pulihna hubungen ras Dibata. La lit nari jarak antara Dibata ras manusia,
secara khusus i bas erkomunikasi ras Dibata. La lit nari kelang-kelang. Manusia
banci berkomunikasi ras Dibata secara langsung.
4. Ay.
25, tinepa Dibata si deban pe nggeluh alu dame. Tuhu-tuhu la nari lit kebiaren
sebab la lit nari si ncedai entah pe si jahat.
PENGKENAINA
Tema
i bas Minggu Letare (Teridah) “Ersurak ras ermeriahlah erkiteken tinepa si mbaru”.
Tuhan enggo berinisiatif nepa doni ras langit si mbaru termasuk si ibassa. Situhuna,
awal doni enda itepa Dibata pe mehuli (Kej. 31). La lit si la mehuli. Tapi
erkiteken dosa manusia, si mehuli ndube jadi ceda bahkan mekelek cedana (KEE
260 “Oh andiko jilena” ay. 2, dingen banci bereken contoh-contoh : banjir
bandang akibat penebangan hutan liar, tanah longsor, pencemaran, kebakaran
hutan, global warming, si mengakibatkan efek rumah kaca si erbanca es i kutub
utara semakin mencair, musim pe sulit mprediksisa).
Tuhan
sudah berinisiatif dan manusia selaku mandataris Tuhan harus bekerja sama ikut
mewujudkan langit dan bumi yang baru. Kenapa manusia? Karena manusia yang hanya
memiliki akal pikiran dan kita sudah ditebus oleh darahNya.
Emaka
si arus lit ras idalanken kalak si tek i bas geluhna, setia, taat, dalanken si ngena
ate Dibata. Karakter si mehuli si lit bas kita banci maba dampak si mehuli ka man
sekelewetta. Ras enda terjadi i bas perpulungen i Kreta asum Titus melayani i je.
Ogenta
ngerana kerna Paulus si mpersingeti Titus si melayani i Kreta gelah banci
terjadi pembaharuan i bas diri perpulungen. Sabab arah lias ate Dibata manusia
selamat. Dingen lias ateNa e ngajari kita nadingken kegeluhen si la ngena ate
Dibata ras sura-sura doni, lit penguasan diri ras sisembah Dibata alu
kegeluhenta i doni enda. Nina Paulus, genduari kita sangana nimai kerehen Yesus
si peduakaliken. Emaka tetap silumbaken si mehuli, jadi bangsa si bersih, si
mesikel erbahan si mehuli. Pakeken kuasa si lit i bas kita guna ngajuk dingen
mandang kalak.
Sebage
contoh, uga banci ngadi kegiaten judi i bas lingkungenta, adi Pertua Diakenna pe
ikut i je. Khotbahta pe la jadi pasu-pasu, sebab perbahanenta la sedalanen ras Kata
Dibata si ipesehken kita. Perkuah atena ngajari kita nadingken kegeluhen si la
ngena ate Dibata, sura-sura doni dingen lit penguasan diri bas kita. Adi enggo
bage, suasana langit ras doni si mbaru banci sinikmati, i bas jabu, gereja, sektor,
lingkungen masyarakat (heterogen, si arus kita jadi contoh).
Dalam
rangka peduli nandangi lingkungen (rikut ras tahun gereja) maka kita pe arus
sadar lingkungen. GBKP Klasis Riau Sumbar enggo ngelumbaken mengurangi sampah
plastik alu maba botol minumanna masing-masing, asa bancina pemaken minuman
sekali pakai ikurangi. Sampah iambeken ku inganna. I bas kegitan gerejawi
usahaken lit sumbangsih gereja guna penanaman pohon, rsd.
Dukacita
enggo salih jadi sukacita, bahkan sorak-sorai erkiteken biak-biak si mbaru
tetap silumbaken, sipakeken selaku kita tinepa si enggo ipelimbarui Dibata.
Terpuji Tuhan.
Tidak ada komentar:
Posting Komentar