PJJ GBKP TGL. 24 - 30
MARET 2019
Pdt. Larena br.
Sinuhadji (Nd. Rey Rapha Tarigan)
Tema : PILIHLAH SI BUJUR
(Keluaren 18:21, Masmur 37:27-31)
PEMILU
Bahanta si pemena, ilatarbelakangi kerna kesibuken si la erngandi si
ilakoken Musa sebage pemimpin bangsa Israel. Kedungenna, Mamana Jetero mereken
pedah si mehuli gelah Musa nambahi pemimpin-pemimpin si deban i bas kalak
Israel gelah ula ia sekalak si memimpin ras ngerunggui kerina persoalen kalak
Israel. Alu tujun Musa pe la akapna latih dingen setiap urusen si ibaba bangsa
Israel enggo pasti reh efektif, efesien waktu ras enggo pasti asilna lebih
maksimal. Syaratna enggo pasti arus lebe berjiwa pemimpin. Ertina, mampu ia
memimpin, mengatur ras enggo pasti mampu mereken pengaruh si mehuli rikutken
kengasupen masing-masing. Sabab lit pemimpin 1000 kalak, 100 kalak, 50 kalak
ras 10 kalak. Kriteria berikutna, kalak si erkemalangen man Dibata, terteki ras
la nggit isogok (TB-LAI, “Di samping itu kau carilah dari seluruh bangsa itu
orang-orang yang cakap dan takut akan Allah, orang-orang yang dapat dipercaya,
dan yang benci kepada pengejaran suap”).
Bahan si peduaken merupaken Masmur
maschil (pengajaren). Pada umumna isi kitab Masmur e me toto, ende-enden
pujin, tapi i bas bindu enda lebih mbue soal kata telah, pengajaren, pengarahen
gelah tetap nggeluh i bas kebujuren. Aminna pe secara materi minter langsung
siidah ulih i bas usaha kalak si la bujur ula kel si e imorahi sabab pasti lit
nge kedungenna kalak jahat (ay. 2,9-10,13,15,17,20,35-36,38) termasuk kedungen
kalak bujur (ay. 11,16,17b,18,23,27-29,37). Masmur enda memotivasi si ngogesa
gelah tetap nggeluh i bas kebujuren amin kai pe si bakal iadapi.
Secara khusus ogenta mereken nasehat gelah sitadingken si jahat ras
lakoken si bujur. Ertina, labo hanya kita la ngelakoken hal-hal si negatif,
tapi bas geluh enda arus kita mpengaruhi sekelewetta alu erbahan si mehuli si ngena
ate Dibata. Mekatep si terjadi, bertobat kita, la nari kita ngelakoken si jahat,
tapi kita pasif, berdiam diri, la lit perbahanenta si mehuli silakoken. Alu
alasen, “adi la banci nampati, nampeti lah gia ola” (enggo pasti enda
pernyataan si mabai kalak pasif ras la erbahan kai pe si mehuli). Sedangken
Tuhan ndilo kita gelah jadi sira, jadi pasu-pasu man isi doni enda (visi GBKP).
Jadi tidak sekedar menjaga diri dari perbuatan fasik, tetapi juga menjadi
berkat bagi dunia ini. Ras padan Dibata, kalak si ngelakoken si bujur, si mehuli
tetap ipekena-kena Tuhan, la itadingken Tuhan, ndatken bagin i bas negeri e,
dingen ringan ia i je rasa lalap raduken ras si nusurna. Man bangsa Israel
ndatken bagin i bas negeri (mewarisi negeri) berarti tetap tading bas taneh
perpadanen si enggo ibereken Dibata man bangsa enda. Sedangken si la bujur
ipelawes i bas negeri e. Adi sipahami pernyataan Pemasmur enda, maka reh buena
kalak si bujur, maka la lit nari ingan man kalak si jahat. Masyarakat enggo
pasti la nggit ngaloken kalak si la mehuli i bas lingkungenna sabab labo maba
kiniulin. Tapi kinata si terjadi la nari bage i bas jaman enda, enggo talu
kalak si bujur ndai ibandingken kalak si la mehuli. Si peduaken, keegoisen
manusia reh meningkatna. Sejauh ia ras jabuna la iganggu ras la terganggu, maka
la ipeduli kerna kai si ilakoken kalak i sekelewetna. Cari aman masing-masing.
Tgl. 17 April 2019 i bas negaranta ilakoken pemilu serentak guna memilih
presiden ras wakil presidenta bage pe anggota legislatif ras DPD. Kai dage arus
silakokenken kita rikutken tema ras bahanta i bas PJJ-nta sekali enda? Si pemena
lebe, ise pe kita jadilah pemimpin si bujur, subuk i tengah jabu, i bas Gereja,
i bas inganta erdahin, i bas masyarakat asum lit kesempaten man banta selaku
kalak Kristen guna jadi abdi negara (Pengurus RT, RW, Kepala Desa, Camat,
Bupati, Walikota, anggota legislatif, rsd.). Si peduaken, kita si enggo lit
hakta guna memilih i bas tgl. 17 April enda, pilihlah pemimpinta si bujur.
Paling tidak arah rekam jejakna sipelajari ras sieteh kita ia berjiwa pemimpin,
bujur, berintegritas, kalak si erkemalangen man Tuhan (labo pekulah-kulah), la
nggit ngaloken sisip (sogok), labo koruptor. Lit ka partai si tetap mencalonkan
kaderna si enggo pernah kena kasus korupsi. Enggo jelas, si bage labo man
pilihen.
Labo murah i bas negaranta enda ndarami pemimpin si tuhu-tuhu
erkemalangen man Tuhan ras berintegritas. Jumat si nderbih, tgl. 15 Maret 2019
kita ikejutkan alu OTT Romahurmuziy, Ketua Umum PPP. Sedekah enda siidah ia
selaku kalak si bujur, bahkan termasuk ulama. Ia tersangka kasus jual beli
jabatan i Kementrian Agama. Pilihlah pemimpin si bujur, si berintegritas, si mbue
rukur guna kesejateraaan kalak si nterem, maka i bas kepemimpinenna Dibata
tetap ras ia, sebage rakyat malem kel ateta sabab reh dame ras sejahterana
geluhta dingen geluhna tetap ipasu-pasu Dibata terus seh ku kesusurenna.
Mohon ijin share kembali Pendeta kerna bahan PJJ online : https://www.gbkpkm8.com/2019/03/pilihlah-si-bujur-bahan-bimbingen-pjj.html
BalasHapusBujur pendeta..
Bujur pendeta
BalasHapusSyalooom p
BalasHapusSyaloom Pdt ,, slamat mlm mnt tlglah Pdt kirimkenndu bahan PA Permata utk tgl 31mart2019.Dibata simasu2 pelayanenndu ,,
BalasHapusBjr Pdt
BalasHapusBujur pendeta
BalasHapusBujur pendeta... Dibata tetap simasu2 pelayanan ndu
BalasHapusBujur Pdt....
BalasHapusDibata simasu2.....
Bujur melala Pdt...ertambahna pengangkaan kami. TYM.
BalasHapusBujur ras mjj Pdt. Reh tambahnya kepentarenku arah ogen PJJ nta sienggo ilayasindu.
BalasHapusBujur ras selamat melayani Pendeta
BalasHapusBujur i bas bahan Perpulungen Jabu-Jabundu pendeta. Bahan PJJ, Bimbingen Mamre, dan Bahan PA Moria
BalasHapus