Pdt. Larena Sinuhadji (Nd. ReyRapha Tarigan)
PA HDS
Si Man Ogen : Masmur 139:13-18
Tema : KUJADIKEN KAM SEH KEL ULINA
Tujun : Gelah Moria :
- Meteh ras ngidah cara Dibata njadiken manusia
- Nggeluh alu ngasup ngataken bujur man Dibata
Metode PA : Puji-pujian
Penaruh
I bas ringkasen AI nari, megalomania ertina “Gangguan jiwa yang menyebabkan seseorang merasa memiliki kekuatan, kekuasaan, kecerdasan, atau kekayaan yang berlebihan.” Sekalak si terjangkit megalomania ciri-cirina nina: menganggap diri lebih penting atau berkuasa daripada yang sebenarnya. Menganggap remeh orang lain. Anti kritik. Tidak puas dengan jabatan yang diterima. Pamer kekuasaan. Terlalu bangga dengan dirinya sendiri. Sulit berempati kepada orang lain. Obsesi dengan kekuasaan. I bas erti si deban, megalomania enda menam seri ras manusia si atena jadi Dibata. Tentu hal enda la mungkin, tapi benih-benih keinginan guna seri ras Dibata e lit i bas diri manusia (Kej. 3:5, “bali ras Dibata”).
PA-ta sendah mabai kita guna merenung kerna ise kita manusia i lebe-lebe Dibata, janah isingetken gelah lalap kita ngataken bujur kita man Dibata.
Mpebagesi Si Man Ogen
Masmur 139 i bas Alkitab bahasa Indonesia Terjemahan Baru (TB) ibere judul “Doa di hadapan Allah yang maha tahu.” I bas Alkitab Bahasa Indonesia Masa Kini (BIMK) “Allah mahatahu dan memelihara segala-galanya.” Ras i bas Pustaka Si Badia, “Kai pe ieteh dingen ikelengi Dibata.” Arah telu judul enda, banci siidah bahwa Pustaka Si Badianta lebih cenderung ngikuti terjemahen Alkitab BIMK nari. Amin bage gia labo ngkurangi pengangkanta kerna Kata Dibata enda.
I bas piga-piga buku tafsiren ikataken Masmur 139 enda Daud si nuliskenca. Rikutken Alkitab TB maka bindu 139 enda merupaken pertoton Daud. Adi sinen kerangka pertoton Daud secara keseluruhen i bas bindu enda (24 ayat), maka banci sibagi jadi empat bagin. 1) Ay. 1-6, e me pengakun Daud kerna Dibata si Omniscience (mahatahu), ke-mahatahuan-an (pemeteh) Dibata la lit batasna janah la banci ibatasi alu kai pe si ibahan manusia, jadi la lit kai pe si banci ibuniken manusia i adep-adepen Dibata. 2) Ay. 7-12, e me pengakun Daud kerna Dibata si Omnipresence (mahahadir), erkiteken Dibata lit entah pe ringan i japa pe maka la lit ise pe si banci muniken bana i adep-adepen Dibata, la lit ise pe si banci lawes entah pe kiam i bas adep-adepen Dibata nari seh makana la banci iidah Dibata. 3) Ay. 13-16, e me pengakun Daud kerna Dibata si Omnipotence (mahakuasa). Kuasa Dibata si la lit batasna enda teridah arah ijadikenNa manusia si istimewa, si berbeda ras sinuan-sinuan, rubia-rubia, entah pe tinepa Dibata si debanna. Keistimewaan manusia sebage tinepa Dibata enda la lit tandingenna seh asa gundari, sebab la lit ise pe kita manusia si banci erbahan replika manusia si seri bagi si enggo ijadiken Dibata. 4) Ay. 17-24, e me pemindon Daud i bas pertotonna. Secara tersirat i bas pertotonna enda, Daud mindo gelah ilesapken Dibata kerina kalak si jahat perukurenna, pengeranana ras perbahanenna. Tapi i bas ay. 23-24 ipindoken Daud gelah Dibata mpepayosa pemindonna enda.
 |
| Versi Audio silahkan klik : https://youtu.be/hPbSC_7Hhaw |
Secara khusus si jadi fokus i bas PA-ta sendah e me ay. 13-18, i ja Daud tuhu-tuhu mengakui keterbatasenna selaku manusia i lebe-lebe Dibata si mahakuasa. I bas pengakunna enda lit kiniteken i bas diri Daud maka la ia ngasup erkai pe adi sirang ras Dibata. Daud alu gegeh beluhna sebage manusia la ngasup mencapai puncak kejayaanna selaku raja Israel. Emaka i bas si e ipuji-puji Dibata Daud janah secara tersirat, ngataken bujur Daud man Dibata i bas kerina si enggo terjadi i bas kegeluhenna. Dibata ngenca si harus isembah.
Pengkenaina
Tema ras tujun i bas PA-ta sendah ngajuk kita kerina Moria gelah tetap sedar (selalu menyadari) ise kita i adep-adepen Dibata. Gelah i bas si e lit lalap perukuren i bas dirinta guna selalu hidup bergantung man Dibata. I bas kai pe si ilakoken kita, Dibata si jadi gegehta, labo iandalken kita gegeh beluhta. Tapi labo terjeng je saja, tentu lit tujun Dibata maka ijadikenNa kita manusia. Kita iutus guna jadi pasu-pasu man isi doni enda, gelah kerina isi doni enda banci nggejapken keleng ate Dibata si mbelin bagi si enggo igejapken kita.
Arah PA HDS-ta bage pe metode PA-ta sendah, marilah sisehken pengataken bujurta man Dibata arah puji-pujinta ras pertotonta. Ertotolah gelah ipedauh Dibata godaan mengandalkan diri sendiri, sikap sombong, membanggakan jabatan, kekayaan, prestasi, rsd.-na, si banci mabai kita ku perukuren, lanai kita perlu Dibata i bas kegeluhenta. Emaka pindolah gegeh i bas Dibata nari gelah ipengasupNa kita kerina nggejapken kuasa Dibata si mbelin i bas kegeluhenta, janah ipengasupNa kita ngataken bujur i bas kerina si enggo ibereken Dibata i bas kegeluhenta, bage pe ipengasupNa kita ngelakoken kerina si jadi peratenNa.
Tidak ada komentar:
Posting Komentar