SUPLEMEN PA MAMRE GBKP TGL. 10 - 16 SEPTEMBER 2023

Pdt. Larena Sinuhadji (Nd. ReyRapha Tarigan)

Ogen : Perb. Rasul 10:1-8

Tema : SPIRITUALITAS SEKALAK BAPA

Tujun : Gelah Mamre :

- Ngangkai spiritualitas Kornelius ras aplikasina i bas kegeluhenna

- Ngasup jadi bapa si erspiritualitas dingen nggeluh alu ngangkai sura-sura Dibata

Penaruh

Marenda mungkin pernah sibegi maka nina, lit 3 jenis kecerdasan. Si pemena intelligence quotient eme kecerdasan intelektual erkaiten ras kemampuan nalar manusia  guna memahami, menganalisis, menentukan sebab akibat, rsd. Si peduaken emotional quotient eme kecerdasan emosional erkaiten ras pengetahuan kerna diri sendiri, kesadaren diri, empati, kemampuan erkomunikasi, rsd. Si peteluken spiritual quotient eme kecerdasan spiritual erkaiten ras kemampuan manusia memaknai hidup, mengembangkan potensi dirina erpalasken kinitekenna man Dibata. Lit si ngatakenca maka kecerdasan spiritual enda pusat kerina kecerdasan, sebab ia si mengendaliken ras menentuken kecerdasan intelektual ras kecerdasan emosional.

I bas kesempaten enda radu ras kita erlajar kerna spiritualitas sekalak bapa si erkiniteken man Dibata i bas Yesus Kristus.

Mpebagesi Kata Dibata

Ogenta sendah lit i teruh judul perikop “Petrus ras Kornelius,” amin pe lit dua tokoh i bas judul enda, tapi rikutken PA-ta sendah, fokus kita ku Kornelius. I bas ay. 1 ituriken nina, i Kesarea lit sekalak dilaki gelarna Kornelius. Ia sekalak komandan i bas pasuken tentera Romawi si igelari “Pasukan Itali.” Kornelius eme gelar si umum paksa si e man kalak Yunani - Romawi, jadi Kornelius labo kalak Yahudi. Ia tading i Kesarea, e me kota pelabuhen i Laut Tengah, pusat pemerintah gubernur Romawi janah lit i je markas besar garnisun tentera Romawi. Kornelius enda sekalak komandan, adi i bas bhs. Ind., nina “perwira” entah pe “kapten” si mimpin 100 kalak prajurit i bas sada batalion entah pe pasukan, si jumlah tenterana 600 kalak. Banci ikataken Kornelius enda sekalak si jabatenna meganjang, terhormat, mejile tingkat ekonomina, ras lit pengaruhna man enterem jelma.

I bas ay. 2, ituriken nina, “Ia kalak si tutus i bas agama, ia ras isi jabuna nembah man Dibata. Isampatina kalak Yahudi si musil janah la erngadi-ngadi ertoto ia ku Dibata.” Kalimat “tutus i bas agama” i bas terj. TB-LAI nina “saleh” janah i bas terj. BIMK nina “takut kepada Allah.” Menarik i jenda ituriken maka Kornelius ras kerina isi jabuna menganut agama Yahudi. Amin pe lenga kerina persyaraten agama Yahudi idalankenna, sebab Kornelius lenga isunatken, i bas kewajiben si debanna ilakoken Kornelius alu tutus. Ituriken maka ngasup Kornelius mabai jabuna nembah man Dibata alu mehuli. Alu kiniliten si lit i bas ia, isampatina kalak Yauhdi si musil. Janah tutus ia ertoto man Dibata rikutken ketentun Undang-undang Musa (Taurat). 

I bas ay. 3-6 ituriken kerna pengenehenen Kornelius sanga ia ertoto kira-kira jam telu karaben. Enda tradisi ertoto i bas agama Yahudi (bdk. Kel. 29:39-41; Bil. 28:3-31; Perb. Rasul 3, rsd.), ertina Kornelius tuhu-tuhu ndalanken tradisi ertoto sue ras aturen Taurat. I bas peristiwa enda teridah maka ngena ate Dibata i bas kerina si enggo ilakoken Kornelius. Ituriken i bas ay. 4 ituriken nina, “Itatap Kornelius malekat e alu dem kebiaren, janah nina, “Kai Tuan?” Erjabap malekat ndai, “Pertotonndu enggo ibegiken Dibata. Enggo idahNa kai si enggo ibahanndu nandangi kalak si musil, janah enggo ingetNa kam.” 

Ketaaten Kornelius nandangi perentah Dibata tuhu-tuhu mehuli. I bas ay. 7-8 ituriken maka mis ilakoken Kornelius kai si iperentahken Dibata erkelangken malekatNa. Janah kedungen turi-turin kerna Kornelius enda, iperidiken Simon Petrus Kornelius ras kerina isi jabuna jadi pengikut Kristus, keluarga Kristen si pemena si asalna i bas bangsa si deban si labo kalak Yahudi. Ertina banci saja Kornelius erpenulak guna iperidiken ras jadi kalak Kristen janah tetap ia ras isi jabuna eragama Yahudi, tapi erkiteken patuh ia nandangi perentah Dibata, nggit ia iperidiken ras tek man Dibata i bas Yesus Kristus.

Versi Audio silahkan klik : https://youtu.be/1hvU29kCMBc

Pengkenaina

Tema ras tujun i bas PA-ta sendah ngajuk kam kerina Mamre guna mengevaluasi kadar entah dosis spiritualitas si lit i bas kam. Ikataken “kadar” sebab memang nggeluh erspiritualitas enda fluktuatif, maun-maun lesu, kurang gairah, tapi i bas waktu si deban dem alu semangat. Tapi si pentingna ula sempat geluh erspiritualitas enda mate.

Sekalak penulis Kristen si tergelar Flora Slosson Wuellner ngatakenca i bas bukuna si erjudul “Gembalakanlah Gembala-gembalaKu” nina, “Perjumpaan dengan Kristus yang bangkit merupakan jantung atau inti spiritualitas Kristiani. Kristus yang bangkit itulah Kristus yang menjumpai setiap muridNya. Perjumpaan dengan Kristus yang bangkit itulah yang membebaskan mereka dari rasa bersalah, membalut luka-luka hati mereka yang kehilangan, memulihkan harapan, meneguhkan keragu‐raguan dan membangkitkan keberanian mereka yang ketakutan. Kalau kita meneliti model perjumpaan Kristus, kita menemukan model perjumpaan yang sangat personal. Kisah‐kisah perjumpaan Tuhan Yesus menunjukkan bagaimana Ia hadir, memandang langsung ke setiap orang seolah dia adalah satu‐satunya yang hadir sekalipun ia berada di tengah keramaian. Apakah Yesus bertemu seorang imam, seorang anak‐anak, seorang pezinah, seorang pemungut cukai, seorang nelayan, seorang yang sakit kusta atau seorang musuh, Tuhan Yesus sungguh hadir sebagai pribadi. Yesus pun memandang setiap orang yang dijumpainya sebagai pribadi, tidak lebih dan tidak kurang. Hubungan yang dibangun sungguh‐sungguh hubungan aku dan engkau.”

Spiritualitas erkaiten ras relasi si personal ras Dibata, kedekatan dengan Tuhan, hubungan yang intim dengan Tuhan. I bas piga-piga kesaksin i bas Pustaka Si Badia pe nurikenca maka spiritualitas ibenaken i bas perjumpan ras Dibata i bas Yesus Kristus. I bas ogenta sendah, Kornelius mereken teladan man banta nggeluh ndeher ras Dibata. Awalna Dibata si itandai Kornelius eme Dibata si isembah kalak Yahudi i bas agama Yahudi. Tapi kenca enggo iarahken Dibata erkelangken malektaNa, akhirna Kornelius tuhu-tuhu nandai maka Dibata si sedekah enda enggo isembahNa eme Dibata i bas Yesus Kristus Juruselamatna. 

Relasi si mehuli ras Dibata mabai Kornelius nggeluh erkiniteken si teridah i bas perbahanen si tep-tep wari. Memang labo ituriken uga kelanjuten kegeluhen Kornelius kenca enggo ia iperidiken ras jadi anggota perpulungen kalak si tek paksa si e. Tapi banci sibayangken enggo pasti Kornelius lebih luar biasa lagi ipake Dibata guna jadi pasu-pasu man sekelewetna arah kerina si lit i bas ia, jabaten, kinibayaken, pengaruh, rsd.-na. Enda pe banci jadi usihen man bandu kam kerina Mamre si ikelengi kami. Relasi si mehuli ras Dibata banci terjalin arah pertotonta si kontinyu ras konsisten man Dibata. Ngoge ras merenungken Kata Dibata alu kontinyu ras konsisten. Eribadah man Dibata baik secara pribadi bage pe komunal i gereja alu teratur. I bas si e tentuna Dibata pasti mereken gegeh man bandu guna ngelakoken kerina si jadi peraten Dibata i bas kegeluhenndu. Si utamana, ipengasup Dibata Mamre jadi usihen man sekelewetna, khususna man anak jabu. Dibata si mpegegehi Mamre.