PA Kategorial GBKP Tgl. 30 Okt. - 5 Nov. 2016

PA MORIA GBKP TGL. 30 OKT. - 5 NOV. 2016

Pdt. Larena br. Sinuhadji (Nd. Rey Tarigan)

Ogen : 1 Korinti 12:4-13

Tema : SADA KULA SADA KESAH

Tujun : Gelah Moria :

1) Erlajar maka persadanta e me persadan sada kula ras sada kesah

2) Nuriken kerna keikutsertaan temanta i bas organisasi

Penjelasen Ogen & Renungen

Kenca nusurna Kesah si Badia, i bas wari Pentakosta, mulai je nari maka pantek gereja (persadan kalak si tek) si tujunna guna bersekutu, bersaksi ras melayani. Arah erbage-bage pemere (karunia. Yun. : kharisma) si ibereken Dibata arah KesahNa si Badia, maka gereja tuhu berkembang, sabab enterem kalak si nggit iperlengkapi ras nggit saling melengkapi.

Tapi perkembangen selanjutna, khususna i tengah-tengah perpulungen Korinti pemere Dibata e labo ipergunaken guna saling melengkapi tapi saling membanggakan diri, turah kiniganjangen ukur, kelompok-kelompok. Umpamana : kalak si beluh erbahasa roh merasa maka ia nge si hebatna. Bage pe kalak si beluh ernubat ia pe merasa maka ia nge si jagona sabab ietehna kerna masa depan, rsd. Turahlah perpecahen, pertentangen, konflik. Padahal labo e maksud Tuhan ibereken pemere si pelain-lain.

Paulus arah suratna mereken pengelayasi man perpulungen Korinti, maka erbage-bage pemere Kesah tapi sada Kesah nge si merekenca. Kesah si sada, si seri, ras ibereken rikutken sura-sura Kesah guna kerinana (ay. 7 “untuk kepentingan bersama”). Ertina, lit i je sikap kiniteruken ukur ras nggit saling melengkapi. Labo lit siganjang teruken, sabab Kesah si seri nge si merekenca guna membangun kiniersadan Tubuh Kristus. Bahkan Paulus make gambaren kula, i ja mbue erbage-bage ringring si pelain-lain fungsina tapi saling melengkapi. Sada bagin ipujiken, kerina ikut senang, sada bagin sakit kerina ikut nggejapken kinisuin.

Pemere-pemere Kesah e terus berkembang sue ras kebutuhen gereja. Adi Paulus i bas suratna subuk Roma, Korinti ras Efesus, cukup mbue ituriken kerna erbage-bage pemere (karunia) :

1. Karunia menjadi rasul (1 Kor. 12:28, Ef. 4:11)
2. Karunia bernubuat (Roma 12:6, 1 Kor. 12:10,28, Ef. 4:11)
3. Karunia mengajar (Roma 12:7, 1 Kor. 12:28, Ef. 4:11)
4. Karunia memberitakan Injil (Ef. 4:11)
5. Karunia melayani (Roma 12:7)
6. Karunia membagi-bagikan sesuatu dan menunjukan kemurahan (Roma 12:8)
7. Karunia memimpin (Roma 12:8, 1 Kor. 12:28)
8. Karunia mengusir setan (Roma 12:8)
9. Karunia berkata-kata dengan penuh kebijaksanaan (1 Kor. 12:8)
10. Karunia menyembuhkan (1 Kor. 12:9)
11. Karunia mengadakan mujizat (1 Kor. 12:10)
12. Karunia membedakan bermacam-macam roh (1 Kor. 12:10)
13. Karunia berbahasa Roh (1 Kor. 12:10,28)
14. Karunia menafsirkan bahasa Roh (1 Kor. 12:10,28)

I bas kerina penjelasen kerna pemere-pemere e, lit 3 penekanen rasul Paulus : 1) kerina pemere e seri, la lit si terganjangen asangken si debanna; 2) tujunna guna pembangunan kula ni Kristus labo guna kiniganjangen ukur pribadi; 3) Kesah Dibata bebas bergerak sesuai kehendakNya, la banci iatur-atur manusia, ertina melala denga pemere Kesah e rikutken kebutuhen gereja i bas jaman si terus berkembang. Makana gundari lit petugas LCD bas gerejanta, singers, pemain musik modern, koster gereja, si erbahan momo, rsd. Bahkan rikutken profesi sebage contoh : guru, paramedis, ahli hukum, ekonom banci kerina terlibat guna membangun gereja Tuhan kula ni Kristus, erkiteken si e kerina si nibutuhken gereja i bas jaman enda. Adi misalna lit denga karunia si 14 e si ikataken rasul Paulus i bas jaman gundari enda, puji Tuhan! Ertina, pemere-pemere e ibutuhken denga i bas jaman gundari enda guna pembangunen gereja. Tapi ula kita terpaku ku  bas si 14 karunia e si kedungenna erbahanca kita minder, la nggit terlibat i bas kegiaten-kegiaten gereja erkiteken la kita beluh i bas 14 pemere-pemere e bagi si nikataken rasul Paulus.

Tugas gereja e me melibatkan sebanyak-banyaknya jemaat guna banci saling melengkapi sada ras si debanna gelah radu ras membangun tubuh Kristus. Labo e e saja kalak si terlibat i bas pelayanen guna membangun kula ni Kristus. Tapi si rusur terjadi gereja kurang mengeksplor kerina anggota ras kurang itatalayanken alu mehuli. Seh makana si rusur terjadi turah konflik, perselisihen, mbeceng la nari ku gereja. Sabab akapna sedekah enda gereja ia simpunasa, ia saja atena si terlibat, ‘di kenca enggo masuk kalak si deban kurang meriah ukurna, rsd.

Contoh, umpamana i bas sada gereja. Sedekah enda ia ngenca pemain musikna. Nce ban kursus musik man anak-anakta, seterusna ban roster, gelah ula hanya bergantung man sekalak saja. Enggo ka mbenceng la nari ia reh ku gereja erkiteken lit pemain musik si deban. Termasuk si beluh erdakan, umpamana. Kai dalihna, sekali paksa ia si ipindo gereja guna nikapken konsumsi. Adi lit menu si kurang ia mampu, libatken teman si deban, sabab melala denga temanta sada perpulungen si talentana erbahan konsumsi i bas gereja. Rsd. Erkiteken la beluh gereja menatalayanken pemere-pemere Kesah ndai kedungenna melala perpulungenta si pindah ku gereja si deban, erkiteken i bas gereja si deban tuhu-tuhu pemere-pemere e ifasilitasi alu mehuli ras ikembangken. I bas si e mari radu ras kita mindo man Dibata i bas pertotonta gelah gerejanta jeli melihat karunia yang ada, memfasilitasinya dan mengembangkannya untuk membangun tubuh Kristus.

Emaka gereja harus terbuka dan memberi ruang man kerina pemere Kesah si lit i bas perpulungen. Secara khusus Moria terbuka ras memberi ruang man kerina anggota Moria. Sura-sura ke depan kerina iberdayaken, labo one man/woman show, adi kerina kita terlibat, saling melengkapi la lit nari kita si mandangi tapi enggo saling melengkapi sada ras si debanna. Gereja e me kita si nggit iperlengkapi Dibata ras si nggit saling melengkapi sada ras si debanna. Dibata si mpegegehi kita.

PA MAMRE GBKP TGL. 30 OKT. - 05 NOV. 2016

Nrs. Pdt. Larena br. Sinuhadji (Bp. Rey Tarigan)

Ogen : Kejadin 2:18-23

Tema : KELUARGA SI HARMONIS

(Meneken biak kekerasan i bas keluarga Kristen)

Tujun : Gelah Mamre

1) Nggeluh i bas pengertin si payo kerna kegeluhen perbapan rikutken rencana Dibata

2) Nggeluh ngergaken pasangen si itaruhken Dibata inganna ngekelngi geluhna

Metode : Nuriken Pengalamen/Diskusi

Penjelasen Bahan Ogen

Adi siperdiateken kitab Kejadin 1-2, lit telu bagin si nuriken kerna Dibata si nepa manusia. Si pemena lit i bas Kej. 1:26-28, si jadi penekanen e me manusia dilaki ras diberu ijadiken Dibata sentudu ras tempas Dibata si menam seri ras Dibata. Manusia e ipasu-pasu Dibata janah ibereken tugas khusus. Si peduaken lit i bas Kej. 2:7, si jadi penekanen e me jelma ijadiken Dibata i bas abu taneh nari ras iembusken Dibata kesah kegeluhen ku bas igungna. Si peteluken lit i bas Kej. 2:21-22, si nuriken secara khusus kerna manusia diberu si ijadiken Dibata i bas sada tulan rang-rang manusia dilaki nari guna jadi temanna si cocok (sepadan). Cocok entah pe sepadan i jenda nuduhkenca kerna keduduken manusia si seri i lebe-lebe Dibata sekaligus nuduhkenca kerna peran dilaki ras diberu si arus ersada ras saling melengkapi. Ay. 24 nuduhkenca maka dilaki ijadiken Dibata guna ersada ras ndeharana, e me diberu. Kerina telu bagin si nuriken kerna penciptaan manusia enda saling melengkapi.

I bas turi-turin kerna penciptaan manusia ndai, la lit je teridah dominasi dilaki man diberu. Duana ijadiken Dibata sentudu ras tempasNa si menam seri ras Dibata. Duana ipasu-pasu Dibata ras ibereken tugas si seri. Duana radu ras ndatken kesah kegeluhen i bas Dibata nari. Duana ijadiken Dibata alu kedudukan si seri i lebe-lebe Dibata, janah pola relasi si iciptaken Dibata antara dilaki ras diberu e me pola relasi si ersada arih guna saling melengkapi sada ras si debanna. Erkiteken dosa maka turah dominasi dilaki man diberu si membentuk budaya patriakal. Tapi kenca kerehen Tuhan Yesus terjadi perobahen pemahamen kerna diberu. Diberu ndatken perlakuan ras pelayanen si seri i bas Tuhan Yesus nari. Kerehen Tuhan Yesus tuhu-tuhu mpehuliken pola relasi antara dilaki ras diberu si enggo ceda erkiteken dosa.

Aplikasi

Adi sinen i bas media-media informasi, baik media cetak bage pe media internet, Indonesia termasuk negara si tingkat perceraianna tertinggi se-Asia Pasifik. Salah sada alasen perceraian e me erkiteken kekerasan dalam rumah tangga (KDRT). Data-data si idatken arah media-media informasi ndai kerinana terjadi man jiranta si labo kalak Kristen. Seh bimbingen enda ibahan, lenga idatken data-data perceraian si terjadi i bas kalangan Kristen. Tapi amin bage gia, tidak menutup kemungkinan melala kasus-kasus KDRT si terjadi i tengah-tengah rumah tangga kalak Kristen. Kekerasen perbulangan man ndeharana, ndehara man perbulangenna, orangtua man anakna, bage pe anak man orangtuana, baik secara fisik bage pe psikis. Kekerasen si terjadi la banci lang isebabken pola relasi si mendominasi erkiteken dosa. Dosa erbahanca ke-aku-an (egoisme) manusia semakin menonjol si mpeturah tuntuten-tuntuten erpalasken nafsu duniawi si ipaksaken ilakoken perbulangen, ndehara, entah pe anak i tengah-tengah jabu. Janah kekerasen enggo pasti mpeturah kekerasen, bagi lingkaran setan si la erngadi-ngadi, balas-membalas secara turun temurun ku generasi berikutna. Ertina, tidak menutup kemungkinan maka pemahamen kerna pola relasi si mendominasi enda ndai melala denga lit i bas kalangan kalak Kristen.

Kalak Karo Kristen tentuna berbeda ras kalak Karo pada umumna si lenga itandaina Yesus Kristus. Kalak Karo Kristen enggo ipelimbarui Dibata i bas Yesus Kristus janah enggo ipakena ajaren-ajaren Yesus Kristus guna nerangi ras mplimbarui budaya si lit. Ertina budaya dominasi si mpeturah kekerasen ndai perlu siperobahi (adi memang lit denga). Sebab bagi bahan ogenta sendah, Dibata enggo njadiken manusia (dilaki ras diberu) seri kedudukenna i lebe-lebe Dibata, janah pola relasi si enggo ijadiken Dibata bena-benana nai e me pola relasi si harmonis : saling menghargai, saling mengasihi, saling menghormati, saling mendukung, saling melengkapi sada ras si debanna, rsd. E maka pindolah gegeh i bas Dibata nari gelah ipengasupNa kita nciptaken keluarga si harmonis sue ras peraten Dibata.