Pdt. Larena Sinuhadji (Nd. ReyRapha Tarigan)
Wujud Kasih Kita Kepada Allah (Ibadah: Secara Pribadi; Keluarga; Masyarakat)
Si Man Ogen : Kejadin 12:4-9
Tema : TETAP ERSEMBAH MAN TUHAN
Tujun : Gelah Moria :
- Meteh ketutusen Abram ersembah man Tuhan
- Ngumban ketutusen Abram i bas ersembah alu erbahan ibadah keluarga ras paksa teneng
Metode : Diskusi & Aksi
Penaruh
Turi-turin kerna Abram entah pe Abraham mungkin enggo rusur sibegi. Abraham umumna igelari “bapa kalak si tek,” amin pe la lit isebutken “bapa kalak si tek” i bas Pustaka Si Badia. Mungkin gelar e erpalasken Galati 3 entah pe Roma 4. Tapi terlepas i bas si e, gelar “bapa kalak si tek” enggo semal ibelasken janah memang payo maka Abraham banci jadi usihen i bas kinitekenna man Dibata (bdk. Heber 11:8). I bas kesempaten enda radu ras kita mulihi erlajar kerna Abram entah pe Abraham rikutken si man ogenta sendah.
Mpebagesi Si Man Ogen
Turi-turin kerna pendilo Dibata man Abram akap kami enggo semal man banta kerina. Adi sioge perikop si man ogenta sendah, ay. 1-3 nuriken pendilo Dibata man Abram. Tadingkenlah kutandu, laweslah ku negeri si Kutuduhken man bandu pagi, bage nina Dibata man Abram. Selain pendilo e, lit ka janji Dibata man Abram, adi patuh ia ndalanken pendilo ndai. Nina Tuhan man Abram i bas ay. 2-3, “Nterem Kubahan sinursurndu, janah e me pagi jadi bangsa si mbelin. Kupasu-pasu kam, janah Kubahan terberita gelarndu gelah arah kam nterem kalak dat pasu-pasu. Kupasu-pasu kalak si masu-masu kam, tapi Kusumpahi kalak si numpahi kam. Janah erkiteken kam, Kupasu-pasu kerina bangsa-bangsa.”
Fokus i bas ogenta sendah e me nuriken kerna kai si ilakoken Abram kenca enggo ibegina pendilo Dibata ndai. Ituriken maka kenca umur Abram 75, berkat ia i Haran nari ku ingan si ituduhken Dibata man bana, e me Kanaan. Ibaba Abram Sarai ndeharana, Lut anak seninana, budak-budakna ras kerina erta-ertana. Ertina i bas turi-turin enda teridah maka labo sekalak ia lawes i bas kutana nari, janah labo kerina itadingken Abram i kutana, ibabana kerina erta-ertana. Kenca enggo seh Kanaan, isiar-siarina negeri e, janah ibahanna piga-piga ingan ersembah, janah isembahna Tuhan i bas ingan e.
Poin penting si pemena i bas turi-turin enda, nggit Abram patuh nandangi perentah Dibata man bana amin pe situhuna lenga ialokenna kerina si ijanjiken
Dibata man bana. Engkai maka bage? Adi sioge sioge Kej. 11:31-32 ras Perb. 7:2-4, maka situhuna enda pendilo Tuhan si peduakaliken man keluarga besar Abram. Ertina sope ogenta sendah, enggo leben lit pengalamen Abram bergaul ras Dibata. Janah i bas pendilo si pemena enggo terbukti maka Dibata e tuhu-tuhu memelihara kegeluhen keluarga besar Abram. Kepatuhen Abram e me erkiteken enggo lit pengalamen erkiniteken man Dibata.
Dibata man bana. Engkai maka bage? Adi sioge sioge Kej. 11:31-32 ras Perb. 7:2-4, maka situhuna enda pendilo Tuhan si peduakaliken man keluarga besar Abram. Ertina sope ogenta sendah, enggo leben lit pengalamen Abram bergaul ras Dibata. Janah i bas pendilo si pemena enggo terbukti maka Dibata e tuhu-tuhu memelihara kegeluhen keluarga besar Abram. Kepatuhen Abram e me erkiteken enggo lit pengalamen erkiniteken man Dibata.
Poin si peduaken, kenca enggo seh Kanaan, mis ibahan Abram piga-piga ingan ersembah i bas ingan si berbeda, guna ia ras keluargana ersembah man Dibata. Ertina, ersembah man Dibata e me prioritas utama i bas kegeluhen Abram. I jenda nari teridah relasi si ndeher antara Abram ras Dibata. Janah relasi si ndeher enda labo terjadi secara instan, lit proses si idalani Abram. I bas turi-turin selanjutna teridah kiniteken Abram nandangi Dibata si isembahna.
 |
| Versi Audio silahkan klik : https://youtu.be/MVCMWIOL3XQ |
Pengkenaina
PA-nta sendah lit i teruh tema “Tetap ersembah man Tuhan,” ras sub tema: “Wujud kasih kita kepada Allah (Ibadah: secara pribadi; keluarga; masyarakat). Janah lit dua tujun si ateta tercapai i bas PA-nta sendah e me gelah Moria, si pemena lebe, meteh ketutusen Abram ersembah man Tuhan. Si peduaken, gelah Moria ngumban ketutusen Abram i bas ersembah alu erbahan ibadah keluarga ras paksa teneng (secara pribadi). Guna tujun si pemena akap kami kerina kita enggo meteh ketutusen Abram ersembah man Tuhan erpalasken si man ogenta sendah. Tujun si peduaken e me pengajuk man banta kerina guna tetap ersembah man Dibata alu tindaken konkrit e me erbahan ibadah pribadi (saat teduh) bage pe erbahan ibadah keluarga secara rutin.
Enda akap kami jadi bahan evaluasi man banta, adi sedekah enda enggo silakoken, puji Tuhan! Maka sue ras tema PA-nta sendah, iajuk kita gelah tetap terus ersembah man Dibata secara rutin, teratur dan konsisten. Sebab guna rutin, teratur ras konsisten e labo hal si murah, erkiteken melala dahinta si deban, ras gangguan-gangguan si deban. Tapi amin bage gia, marilah siusih Abram maka ersembah man Dibata e me prioritas utama i bas kegeluhenna. Pindolah gegeh man Dibata gelah ipegegehiNa kita ersembah man baNa secara rutin, teratur, ras konsisten. Man banta si seh asa gundari lenga pernah erbahan paksa teneng secara pribadi bage pe ibadah keluarga, marilah sibenaken, sebab ersembah man Dibata e me ulu gegehta i bas menghadapi erbage-bage perbeben i bas kegeluhenta si tep-tep wari. Pindolah gegeh i bas Dibata nari.
Tidak ada komentar:
Posting Komentar