SUPLEMEN PA MAMRE GBKP TGL. 13 - 19 APRIL 2025

Pdt. Larena Sinuhadji (Nd. ReyRapha Tarigan)

Teks : Masmur 127:3-5

Tema : MEMBANGUN SPIRITUALITAS ANAK

Tujun : Gelah Mamre :

1) Meteh maka anak-anak e situhuna pasu-pasu i bas Tuhan nari

2) Ertanggung jawab i bas membangun spiritualitas anak-anakna

Metode : Nuriken Penggejapen & Aksi

Penaruh

Rikutken informasi i bas AI nari, spiritualitas ertina, pencarian makna, tujuan, dan moralitas. Karakteristikna nina, melibatkan aspek fisik, emosional, dan rasional. Manfaatna, menjaga keseimbangan emosional, ketenangan, dan refleksi. Dimensina, meliputi dimensi batin, hubungan dengan Tuhan, dan hubungan dengan alam semesta, termasuk manusia. Tujunna guna, mencapai kebangkitan diri, memahami makna hidup, dan mencapai tujuan hidup. Bentuk-bentuk spiritualitas lit i bas kerina agama erpalasken ajarenna masing-masing. I bas kinitekenta, spiritualitasna erpalasken Kata Dibata i bas Yesus Kristus.

PA-ta sendah i bas rangka mperingeti HUT Kategorial KAKR si i bas tgl. 18 April enggo berusia 135 tahun. Erkiteken si e tentu kerina Mamre harus ikut muat bagin i bas mabai generasi muda GBKP ku kiniteken si paguh erpalasken Kata Dibata i bas Yesus Kristus.

Mpebagesi Teks

Masmur Salomo si jadi teks ogenta sendah, lit i teruh judul perikop “Muji kiniulin Dibata.” I bas Alkitab TB-LAI nina, “Berkat Tuhan pangkal selamat.” Janah i bas Alkitab BIMK ibere judul “Memuji kebaikan Tuhan.” Ende-enden ziarah enda termasuk salah sada ende-enden si iendeken kalak Yahudi sanga erdalan nangkih ku Yerusalem i bas ngerayaken 3 perayaan agama Yahudi si penting e me : Paskah, Pondok Daun, ras Pentakosta. I bas ende-enden ziarah enda teridah kiniteken bage pe pengarapen kalak Yahudi kerna jabu si ipasu-pasu Dibata. I bas si e lit telu hal penting i bas jabu kalak Yahudi erpalasken Masmur 127 e me : 1) Rumah entah pe ingan tading jabu. 2) Pendahin. 3) Ras pro-kreasi entah pe erkaiten ras generasi penerus jabu. Telu hal enda situhuna saling berkaiten sada ras si debanna. Berikut enda penjelasenna.

Si pemena, tujun jabu ibenaken i bas rumah nari. Rumah labo terjeng ingan tading saja tapi sesisi jabu si arus nggeluh erpalasken kiniteken man Dibata. Emaka i bas ay. 1 ikataken, harus maka Dibata si mantekisa. Ertina Dibata harus jadi tiang si utamana gelah tujun jabu erpalasken kiniteken man Dibata banci terwujud, e me jadi ingan ersembah man Dibata, jabu jadi ingan membangun kiniteken si paguh man Dibata, janah jabu jadi ingan membangun relasi si mehuli ras kerina isi jabu. Adi enggo sibenaken i bas jabu-jabu nari kerna Dibata si jadi tiang si utamana, maka ise pe si ndarat i bas rumahna nari enggo pasti jadi pasu-pasu man masyarakat sekelewetna.

Si peduaken kerna pendahin. Dibata enggo erdahin nepa doni enda ras kerina isina, janah Dibata tetap erdahin ngaturken perdalanen doni enda termasuk kita manusia. E me si jadi palas kiniteken i bas erdahin. I bas ay. 2 teridah je secara tersirat pemahamen kiniteken kalak Yahudi kerna pendahin. Kai pe si idahiken guna ncukupken kebutuhen jabu harus leben ipalasi alu kiniteken, maka Dibata ngenca si mereken rejeki man isi jabu, janah rejeki e ibereken Dibata alu keleng ateNa. Palas enda mabai ise pe si erdahin tuhu-tuhu ertanggung jawab i bas pendahinna, janah mpengasup jabu e menikmati hasil pendahinna.

Si peteluken kerna pro-kreasi entah pe menciptakan generasi penerus jabu si erkemalangen man Tuhan. Enda si jadi fokus i bas PA-ta sendah. Anak e me anugerah Tuhan si mbelin i bas jabu, emaka kerehen anak-anak i bas sada jabu usur imaknai sebage pasu-pasu Dibata. I bas ay. 3 ikataken, “anak-anak e, pasu-pasu i bas TUHAN nari kap.” I bas tradisi kalak Yahudi anak dilaki ernilai lebih asangken anak diberu. Emaka i bas terjemahen bhs. Indonesia ikataken, “anak-anak lelaki adalah milik pusaka dari pada TUHAN”. Tapi i bas kinitekenta anak dilaki entah diberu seri nilaina duana milik pusaka i bas Dibata nari man banta. I bas ay. 4 ikataken maka anak ipebali ras anak panah i bas tan si mbisa. “Si mbisa” e me gambaren kita orangtuana. Maksudna masa depan anak-anakta bergantung i bas kita nari orang tuana. Ku ja siarahken masa depan anak-anakta, ku si mehuli entah ku si la mehuli? Tentu arapenta gelah anak-anakta memiliki masa depan yang cerah ras jadi kebanggaanta labo jadi kemalun man bana bage pe man banta orang tuana. Emaka i bas ay. 5 ikataken, “Sangap kap kalak si melala anak panahna si bage” nggambarkenca hasil akhir i bas sada proses si gedang i bas pebelin-belin anak, baik secara fisik, psikis, ras spiritualitasna. Ertina sope datken kesangapen e lit proses si harus idalanken orang tua i bas menciptakan generasi penerus jabu si erkemalangen man Tuhan.

Versi Audio silahkan klik : https://youtu.be/b3L4JPXXf4M

Pengkenaina

Tema bage pe tujun PA-ta sendah encidahkenca maka, si pemena, tugas i bas pebelin-belin anak e me tanggung jawabta orang tua, nande bage pe bapana. Guru pertama dan terakhir seorang anak adalah orang tuanya. Sekolah pertama dan terakhir seorang anak adalah keluarga. Tanggung jawab i bas pebelin-belin anak labo terjeng memenuhi kebutuhen fisikna saja, tapi si utamana e me memenuhi kebutuhan spiritualna entah pe geluh kinitekenna. Spiritualitas kristiani e me palas i bas kerina hal, baik fisik, psikis, mentalitas, karakter, kecerdasan, etika, bage pe moralitas.

Si peduaken, PA-ta sendah ngajuk kita kerina, khususna kam Mamre, gelah mediate nandangi pertumbuhan spiritulitas, entah pe geluh kiniteken anak-anakta. Arah kepedulianta nandangi perkembangen spiritualitasna, anak-anakta pe banci bertumbuh menjadi generasi penerus si erkemalangen man Dibata sue ras ogenta sendah. Kai saja si banci ilakoken Mamre i bas membangun spiritualitas anak-anakna? Tentu melala hal si banci ilakoken Mamre. Umpamana, ikut muat bagin i bas pebelin-belin anak-anak kitik-kitik nari, alu mperidikenca, ngangkipsa, mereken man, ngajari erdalan, ngajari ngerana, ngajari rende, ikut bermain, rsd. Arah buena sentuhan fisik man anak-anakta tentu menambah kedekatan relasi, fisik bage pe psikis, antara bapa ras anak.

Kenca enggo terjalin kedekatan ras anak-anak, tentu memudahkan Mamre guna berkomunikasi. Adi enggo beranjak dewasa, pola komunikasi si mehuli ras anak-anakta seh kel pentingna. Pedah-pedah, kata-kata persinget, teguran, motivasi, rsd.-na, isehken arah kita ngerana man anak-anakta. Komunikasi i jenda tentu rikutken situasi ras kondisina. Lit paksana kita merawa man anak-anakta gelah itehna maka kai si ilakokenna salah. Lit paksana kita mereken pedah-pedah alu intonasi si bersahabat. Lit paksana kita sinik saja megikenca curahan isi pusuhna (curhat). Lit ka paksana kita mereken semangat, motivasi, rsd.-na. Arah komunikasi enda pe sisehken Kata Dibata man anak-anakta. Sibimbing anak-anakta guna ndeher ras Dibata.

Selain si e, mereken teladan man anak-anak pe seh kel pentingna, sebab nina, sada teladan mbelin kel ergana asangken seribu kata-kata. Teladanta i bas ertoto, ngoge Pustaka, problem solving, ikut muat bagin i bas pelayanen i Gereja, melumbar mere, mereken penampat, rsd.-na, kerinana iidah anak-anakta. Alu bage arah teladanta, reh tambahna kekayaan spiritualitas i bas diri anak-anakta. Si paling penting e me sitotokenlah anak-anakta gelah Kesah Si Badia si melengkapi keterbatasenta i bas tanggung jawabta sebage orang tua. Selamat HUT KAKR ninta, marilah sidukung kerina dahin pelayanen i bas Kategorial KAKR, gelah terbentuk generasi penerus GBKP si erkemalangen man Dibata.