SUPLEMEN KHOTBAH MINGGU TGL. 26 NOVEMBER 2023

Minggu Pendungi Tahun Gereja

Pdt. Larena br. Sinuhadji (Nd. ReyRapha Tarigan)

Invocatio : “Nina Dibata man Musa, enda me si arus ikatakenndu man bana, si tergelar AKU TETAP AKU enggo nuruh aku njumpai kam” (Keluaren 3:14).

Ogen : Kejadin 5:1-32 (Tunggal)

Khotbah : 2 Tim 4:6-8  (Tunggal)

Tema : LIT PAKSANA NADINGKEN KEGELUHEN (Ada waktunya  meninggalkan kehidupan)

Kata Penaruh

Dalam hidup ada begitu banyak hal yang tidak pasti, tapi lit sada hal si pasti, maka kerina kita pasti mate. Soal ndingan, i ja, uga perpatenta, e misteri, si pasti mate kita i bas waktuna. Rukur kerna wari kematen lit dua gendang, reh mbiarna ngalaken geluh enda, banci reh bijaksanana. Adi umpama dokter ngatakenca, “Secara medis sudah sulit untuk diobati, Ibu lebih baik pulang ke rumah, makan yang enak-enak. Mungkin umur ibu tidak sampai 2 bulan.” Lit sada kelompok kalak si minter enggo drop kondisina kenca bage nina dokter. Seh rumah la nari atena erkai pe, minum obat pe la nari ia nggit, njumpai kalak pe enggo kisat, mate nari nge aku bage bas ukurna. Sedangken kalak si tetap optimis, bage kenca begina arah dokter nari, minter ia ertoto, sabab geluh enda Tuhan si madasa, termasuk mate geluh manusia. Kai si ikataken dokter nampati ia makeken waktu-waktu si lit denga alu mehuli. Minta maaf ia sedekah enda man keluargana adi kin lit kesalahen-kesalahen si ilakokenna, video-video berupa pesan inspiratif ibahanna aminna erpala-pala iusahakenna ibahanna gelah jadi ingeten man anak-anak ras kempuna, lebih lagi ia mendekatkan diri man Tuhan. Enggo pasti la nari kita nggit menyia-nyiaken waktu. La nari kita nggit mpermasalahken hal-hal remeh si sebetulna la nari perlu ipermasalahken.

Lit kuan-kuan bahasa Latin nari nina, “Memento mori,” terjemahenna kurang lebih “ingatlah akan kematianmu.” Kuan-kuan enda ngajuk kerina si ngogesa gelah sedar maka kegeluhenta i tengah-tengah doni enda lit batasna, i bas paksana kari kerina manusia mate, lawes nadingken doni enda. Kenca enggo mate, lawes nadingken doni enda, waktu la nari banci siputar mulihken ku paksa kita nggeluh denga i doni enda. Emaka lit kuan-kuan bahasa Latin nina, “Carpe diem, quam minimum credula postero” terjemahen bebasna kurang lebih, “manfaatkanlah hari ini semaksimal mungkin, karena hari esok belum tentu ada.”

Minggu enda bengket kita ku bas minggu akhir tahun gerejawi sope kita bengket ku bas Minggu-minggu Adven. Biasana minggu enda sipake sebage moment guna kita mengingat senina turangta jemaat Tuhan si enggo leben lawes nadingken kita. I bas minggu enda kita ipersingeti la lit si abadi, dunia akan berakhir, aktivitas pe ngadi. Manusia la lit si abadi, la lit si kebal ngalaken kematen entah akhir jaman. Kita pe sada paksa waktu berkat ka nandingen doni enda bagi senina turangta ndai si enggo leben lawes asangken kita. Emaka kai hikmat Tuhan si perlu silakoken, sitingkatken ku wari-wari seterusna gelah asum ibereken Tuhan kesempaten man banta nggeluh, maka maksimal geluh enda sipakeken, gelah ula turah penyesalen i pudi wari.

Penjelasen Teks

Teks khotbahta eme Surat Paulus si peduaken man Timotius anak rohanina, si itulisna asum ia ipenjara i Roma, la nari ndekahsa sope kematenna. Pemenjaraan e tertulis i bas Perb. Rasul 28. Paksa si e, Kaisar Nero berusaha guna menghambat perkembangen kekristenan i Roma alu erbage penganiayaan si bengis man kalak si tek. Emaka itulisken Paulus suratna enda man Timotius sope pelaksanaan eksekusi ukumen mate man bana si ilakoken Kaisar Nero. Paulus menasehati Timotius guna tetap geluh erkiniteken, tetap setia i bas pelayanenna, pang menentang guru-guru palsu (pegajar-pengajar sesat, 4:2-5). Janah kesaksin terakhir Paulus enda sada contoh si mengharuken arah keberanian i bas ngalaken mate syahid si enggo nimai ia kentisik nari (4:6-8).

Sada lebe si banci siidah, maka Paulus siap ngalaken kematenna. “Tapi aku, enggo seh paksana ipersembahken. Enggo seh paksana aku nadingken kegeluhen enda,
4:6, “Mengenai diriku, darahku sudah mulai dicurahkan sebagai persembahan dan saat kematianku sudah dekat. Aku telah mengakhiri pertadingan dengan baik, aku telah mencapai garis akhir dan aku telah memelihara iman.” Sejak Paulus itangkap Tuhan, betul-betul ipersembahkenna kel geluhna guna melayani Tuhan. Man Paulus geluh eme kap Kristus, mate sada keuntungen, tapi adi banci denga ibereken kesempaten man bana geluh, man Paulus geluh eme memberi buah, jadi berkat. Igambarkenna pe geluh enda desken sada perlombaan ras tek kel ia enggo asa gegeh kel, ipala-palaina i bas perlumbaan e, janah enggo ia seh ku garis batas. Tetap icikepNa kiniteken e.

Ada tiga hal yang diungkapkan Paulus yang membuatnya menghadapi kematian dengan rasa syukur dan optimis, “Aku telah mengakhiri pertandingan dengan baik, aku telah mencapai garis akhir dan aku telah memelihara iman.” Uga kam ras Aku? Uga kita i bas perlumbaan kinitekenta? Tutus nge kita, enggo me si mehulina silakoken, entah terkadang murah kita putus asa? Gembura sitik enggo la nari kita pulung, padahal sange sipindoken nusur udan (lit nge mobilta, kecuali ndai la lit kendaraanta), inget lagu cukup menda kapen latihna ndube. Ula lebe mencurahkan darah bagi si ikataken Paulus, berkorban waktu, tenaga, materi e pe keberaten kita, tapi kerinduan ngaloken mahkota. I bas perlumbaan kiniteken e pe ula kita curang, culas tapi erlomba alu dem kesetian, integritas, enggo pasti erpala-pala kita, tapi tetap sipindo gegeh Tuhan nampati kita.

Berikutna, janji (padan) man kalak si tetap setia i bas kinitekenna, enggo sikap pemere kemenangen e guna iendesken man bangku eme rudang-rudang kebenaren si ibereken Tuhan. Mahkota kebenaren. Labo hanya man Paulus tapi pe man banta si tetap i bas perlumbaan kiniteken e ras nggeluh i bas kebenaren. Mbue jalan si man pilihen, tapi kita mau memilih jalan kebenaren, taat ras setia man Tuhan, eme komitment si arus tiap wari sipegeluh bas dirinta. Labo gampang, tidak selalu mudah, tapi Tuhan erpadan bereNa gegeh man banta, itemaniNa kita.

Ogen 1 Kej. 5:1-32 menjelasken kerna silsilah Adam, termasuk nama sepuluh orang  Adam nari seh Nuh. I bas kerina gelar-gelar sitercatat bas kitab kejadian enda, lit dua gelar si icatat bas Heber 11 sebage kalak si erkiniteken eme Henokh (5:21-24) ras Nuh (5:32). Henokh icatat maka kualitas geluhna sangat istimewa. Labo hanya kerna dekahna ia nggeluh, generasi sipesusurna, tapi cara ia makeken geluhna. Henokh hidup bergaul dengan Allah, Henokh hidup bersama Allah. Kai si ngena ate Dibata eme sidalankenna. Bage Nuh, kalak si erkemalangen man Tuhan, maka ia ras keluargana terbebas  i bas bencana si mbelin. Henokh tidak mengalami kematian, karena Allah mengangkatnya.

Aplikasi

Kai si banci jadi luahta i bas Minggu Pendungi Tahun Gereja enda :

1. Hidup kita lit batasna, maka pake kesempaten si lit alu ngelakoken si mehuli, gelah ula timbul penyesalan. Jangan asal hidup atau sekedar hidup tapi menjadikan hidup kita berarti dan bermakna bagi banyak orang, keluarga kita, jemaat di mana kita bergereja, keluarga besarta, teman kantor, jiranta, sebagai pengataken bujurta man Tuhan si enggo mereken kegeluhen man banta. Sebagaimana ungkapan Pemasmur, “Ajarlah kami menghitung hari hari kami, hingga kami beroleh hati yang bijaksana” (Masmur 90:12). Adi sedekah enda kurang maksimal sipergunaken wari-warinta, siperubahi, sipindo gegeh bas Tuhan nari. Seh kedungenna siujungi geluhta alu ungkapen, “enggo kupala-palai asa ngasupku ibas perlumbaan e, enggo seh aku ku garis batas, janah enggo ku cikep kiniteken e.”
2. Alu nteguh sijemak kinitekenta. Memegang teguh iman. Uga siidah kegeluhen Paulus, walaupe masa lalunya kelam, tapi kenca enggo ia tek man Yesus, tetap cikepna kiniteken e alu nteguh. Sekali pe guna e ia arus ngenanami erbage kiniseran bahkan mate martir. Uga kita? Labo persoalen masa lalu kita, tapi si penting masa genduari ras terus seh ngayak kita nadingken doni enda, sidungi alu mehuli, finishing well. Kuncina, erkemalangen man Tuhan, hidup bergaul ras Tuhan.
3. Pilihan bas kita, mahkota kekal entah hukuman kekal?