SUPLEMEN PA MORIA GBKP TGL. 5 - 11 NOVEMBER 2023

Pdt. Larena br. Sinuhadji (Nd. ReyRapha Tarigan)

Ulih Aktif Jadi Pelaku Pelayanan

Si Man Ogen : 2 Korinti 8:1-6

Tema : ERNANAM KU SEKELEWET

Tujun : Gelah Moria :

- Meteh perbahanen Perpulungen Makedoni i bas muat bagin nampati

- Ermeriah ukur muat bagin i bas pelayanen

Penaruh

Geluhta i tengah-tengah doni enda arus jadi berkat (pasu-pasu). Oleh karena itu Paulus i bas salah sada suratna man Perp. Pilipi ngatakenca, “Bagiku hidup adalah Kristus, dan mati adalah keutungan. Namun jika aku  harus hidup di dunia ini, berarti bekerja bagiku memberi buah.” Kai si ikataken i bas Pustaka Si Badia ipertegas i bas Konfesi GBKP Bab IX kerna Gereja: “Gereja adalah persekutuan orang percaya yang dipanggil menjadi milik Allah dan Yesus Kristus menjadi kepalanya; terus-menerus diperbaharui oleh Roh Kudus menjadi garam dan terang dunia.”

Ras asum kita ngerana geluh si ernanam, hidup menjadi berkat (pasu-pasu), ula lebe timai melala senta, bayak kita, lit jabatenta, rsd. Pemahamen si e si perlu ipekena, ireformasi. Sebab lit ka siidah, secara finansial seh kel bayakna, jabatenna pe lit, tapi la terdeheri, pelit, la lit empatina man kalak si deban. Ertina, i bas kerina kondisi ras situasi geluh tetap banci geluhta ernanam man sekelewetta. Ras sekali enda siusih perpulungen Makedonia.

Mpebagesi Pengangkan Kerna Ogen

Perikopta ibere judul “Mere Alu Melumbar” (bhs. Ind., “Pelayanan Kasih”), eme penjemba, pendorong man Perp. Korinti si enggo menaken pelayanen kasihna tapi terhenti alu erbage hal (enda banci siidah i bas ay. 10-11, “Rikutken pengakapku: guna kiniulinndu, dungilah dahin si enggo ibenakenndu tahun nderbih. Kam me si pemenana kal ndahiken dahin e, labo saja ndahikenca, tapi pe ukur ersuruh ndahiken dahin e i bas kam me si pemenana turah. Genduari teruskenlah, dingen dungi dahin e! Ergiah-giahlah ukurndu ndungisa, bagi ergiah-giah nai ukurndu menakenca. Dahikenlah e rikutken kai si lit i bas kam genduari. Usih jemaat Makedonia”).

Makedoni eme sada propinsi si beribukotaken Tesalonika. Kai si banci siusih :

1. Perp. Makedoni nggeluh i bas perkuah ate Tuhan (lias ate Tuhan). Gelah ietehndu kai si enggo ibahan Dibata arah lias ateNa nandangi Perp. Makedoni (“anugerah yang diberikan kepada jemaat Makedonia”). Ertina, Perp. Makedoni gejapkenna kel, maka geluhna erkiteken perkuah ate Tuhan, labo erkiteken gegeh beluhna tapi perkuah ate Tuhan semata. Dingen la isia-siakenna perkuah ate Tuhan e.
2. Perp. Makedoni lit i bas pergumulen si mberat erkiteken kinitekenna man Tuhan. Janah secara finansial perpulungen enda pe labo bayak labo jadi penghalang perpulungen enda jadi berkat (pasu-pasu) entah pe nampati Perp. Judea si paksa si e sangana mengalami kesusahen akibat bencana. Secara finansial miskin tapi kaya dalam kemurahan. Banci ikataken eme bayak sesungguhnya, hidupnya mau berbagi. KBBI kaya itu memang berlimpah harta, uang, materi dll. Tapi bayak rikutken kebenaren Kata Dibata eme kalak si nggejapken kerina si lit bas ia rehna i bas Dibata nari, jadi banci ibagikenna man kalak si deban.
3. Bahkan rikutken kesaksin Paulus, Perp. Makedoni e maka kemusilenna si la teralang e erbahanca ia melumbar mere, tempa-tempa ia bayak. Perp Makedoni enggo mere asa ngasupna, lebih pe asa ngasupna, memberi menurut kemampuan mereka, bahkan melampaui kemampuan mereka.
4. I bas nehken penampat Perp. Makedoni ngelakokenca alu ukurna ersuruh (kerelaan diri). Labo erkiteken terpaksa, entah pe isuruh-suruh lebe (terkadang lit si bage, ipersingeti terus, la lit kesadaren i bas diri sendiri). Bahkan hal si luar biasa, meseksek ipindoken perpulungen enda man Paulus gelah banci ibereken kesempaten guna ikut muat bagin i bas nampati kalak Kristen i Judea.
5. Kai si ilakoken Perp. Makedoni di luar dari ekspetasi Paulus. Mereka memberikan lebih banyak dari apa yang kami pikirkan (Paulus kecele, akapna ase ngenca kari penampat Perp. Makedoni e, kepeken lebih asa si enggo iarapken Paulus). Bahkan si luar biasa, labo hanya secara materi perpulungen e enggo jadi berkat tapi geluhna, dirina, jadi persembahen si nggeluh man Tuhan. Ay. 5, “Si pentingna eme iendeskenna dirina man Tuhan. Je nari, alu peraten Dibata, iendeskenna pe dirina man kami.”

Versi Audio silahkan klik : https://youtu.be/96cddxp5VTE

Aplikasi

Tema “Ernanam ku sekelewet” (dalam rangka evaluasi ulih aktif jadi pelaku pelayanen). Iarapken i bas kita enggo aktif sebage subyek pelayanen maka geluhta reh ernanamna man kalak si deban, man sekelewetta.

Tujun si pemena enggo jelas, meteh perbahanen Perp. Makedoni i bas muat bagin nampati. Enggo ndai jelas i bas mpebagesi kerna perikopta.

Ras tujun si peduaken, iarapken gelah kita Moria (Mamre) meriah ukur muat bagin i bas pelayanen. Mari si-check dirinta, mungkin sedekah enda enggo kita muat bagin alu meriah ukur i bas pelayanen, ernanam geluhta man keluarga, keluarga besarta (bahan PJJ, “Mediate man kade-kade”), perpulungenta lintas sektor gelah ula situngkat-tungkat sektorna, bahkan ku sada Runggun, termasuk kalak si deban si la sitandai pe geluhta arus arus jadi berkat (pasu-pasu), ernanam.

Hal-hal konkrit si banci silakoken :

• Ngiahken teman.
• Terlibat aktif i bas pelayanen (ngalo-ngalo, Song Leader, Tim Doa, Tim Perkunjungan, mpersiapken bunga gereja. I bas sektor jadi moderator, pemimpin pujian, pendoa syafaat. Adi i bas zoom banci nge-share lagu, rsd.).
• Sebage pengurus tuhu-tuhu tutus ras ertanggung jawab.
• Bagi jemaat Makedoni ersuruh ukurta nehken penampat man kalak si deban, bahkan pergumulen, kondisi ekonomi si kurang, labo jadi penghalang i bas kita jadi berkat (pasu-pasu) (bdk. Diberu mbalu-mbalu i Sarfat nari). Si usur sibelasken kita, “I bas aku pe kurang, i bas kami pe kurang.” Emaka la enggo pernah sidahi kalak, kita idahi rusur, la enggo pernah ikut muat bagin i bas nehken pemampat (asa gegeh), dukacita - sukacita, kita lalap isampati (iperdiateken). Geluh enda rawin jemba, enta endih. Memang sisampati kalak labo gelah sada paksa waktu kita isampati, tapi begitulah hidup selalu berputar, sekali enda kita isampati, sada paksa waktu kita ka nampati teman.
• Kai nari si banci silakoken: mereken motivasi man teman si sangana lit bas pergumulen, ndahi kalak si sakit ras notokenca, kata-katanta mereken sukacita, semangat man teman ula kebalikenna melpeki erbahanca reh gulutna ukur kalak. Ras melala denga hal si banci silakoken, asum bereken Tuhan dengan waktu ras kesempaten mari sijemba dirinta ernanam, jadi berkat (pasu-pasu), jadi terang ras garam man sekelewetta.