SUPLEMEN RENUNGEN PEKAN KEBAKTIN KELUARGA GBKP 2023

Pdt. Larena br. Sinuhadji (Nd. ReyRapha Tarigan)

Tema Umum : “Jabu Si Ndahiken Rencana Dibata” (Epesus 2:10)

LITURGI PEKAN KEBAKTIN KELUARGA GBKP 2023

Silahkan Klik : https://drive.google.com/file/d/1F_89bbFQq48J-oKqErZBZET-mdmpK0gQ/view?usp=drive_link

WARI PEMENA (MINGGU 19 NOVEMBER 2023)

Invocatio : Jeremia 29:11

Ogen : Kejadin 7:1-5

Khotbah : Epesus 2:1-10

Tema : JABU SI NDAHIKEN RENCANA DIBATA

PENARUH

Jabu kalak si tek entah pe keluarga Kristen eme wadah entah pe media guna mewujudnyataken peraten Dibata i tengah-tengah doni enda. Emaka fungsi keluarga Kristen seh kel pentingna. I bas Pustaka Si Badia teridah maka jabu-jabu kalak si tek labo terjeng guna meneruskan garis keturunan, tapi sebage wadah pendidikan religius gelah kerina si jadi peraten Dibata banci iwujudken i tengah-tengah doni enda.

I bas Pekan Keluarga tahun enda, mulihi kita isingetken maka jabu kalak si tek eme jabu si ndahiken rencana Dibata. Mari radu ras kita erlajar i bas wari si pemena enda kerna jabu si ndahiken rencana Dibata. 

MPEBAGESI KATA DIBATA

Invocatio, Jer. 29:11 lit hubungenna ras ay. 5 ras 7, eme kap pengajuk man bangas Israel si lit i bas pembuangen i Babilonia gelah erdahin guna nuhi kebutuhen kegeluhenna (ay. 5) ras guna kesejahteraan kalak si deban (“sikap bangsa enda, kam pe ikut nge sikap,” ay. 7). I bas si e bangsa Israel banci makeken waktu alu mehuli ras produktif iherken nimai Dibata mbebasken bangsa e i bas Babilon nari. Emaka Jer. 29:11 banci ipahami sebage palas kiniteken i bas erdahin jabu-jabu kalak Israel si tek man Dibata. Alu palas kiniteken enda me maka jabu-jabu Israel arus jadi pasu-pasu arah dahin si idahikenna, i japa pe ras i bas kondisi si ugapa pe, guna diri sendiri ras masyarakat sekelewetna.

Bahan ogenta, Kej. 7:1-5 nuriken kerna Nuah ras keluargana si patuh man Dibata. I bas jamanna, Nuah ngenca ras keluargana si mehuli, janah la lit kesalahenna. Nuah ras keluargana erdalan i bas dalan Dibata (Kej. 6:9). Kepatuhen Nuah ras keluargana icidahken arah erbahan kapal si mbelin. Janah kenca enggo dung kapal e ibahan, bengket Nuah ras keluargana bengket ku bas perahu e rikutken erbage-bage rubia sue ras perentah Dibata. Erkiteken patuh Nuah ras keluargana maka selamat i bas banjir si mbelin nari.

Bahan Khotbah. Rikutken Perb. Rasul 18:19-20; 19:1-20; 20:17-38, Rasul Paulus erdahin ras majekken perpulungen kalak Kristen i Epesus telu tahun dekahna. I bas perpisahenna ras pertua-pertua i Epesus Rasul Paulus ngatakenca, “Jagailah dirindu dingen jagai pe kerina kalak si enggo itetapken Kesah Si Badia man kepkepenndu. Permakanilah perpulungen Tuhan si enggo itebusiNa alu engkorbanken diriNa seh mate. Kueteh pe maka kenca aku lawes, reh me serigala si merawa ku tengah-tengahndu si la alang-alangen ncedaken perpulungen e. Bage pe i tengah-tengahndu nari keke me kalak si ngajar alu pengajaren si la tuhu. Atena narik kalak si enggo tek man Yesus jadi pengikutna” (Perb. Rasul 20:28-30). Bage me keadaan perpulungen i Epesus sope Rasul Paulus lawes nandingken perpulungen e. Emaka Surat Rasul Paulus man Perp. Epesus tujunna ngingetken mulihi kerna pengajaren-pengajaren kiniteken si enggo pernah iajarken gelah reh paguhna kiniteken perpulungen e.

Secara khusus i bas bahan khotbahta sendah Rasul Paulus ngingetken kerna inti kiniteken kalak Kristen nina, erkiteken lias ate Dibata nge maka kita kerina kalak si tek enggo terkelin, erkiteken tek kita man Kristus, labo bekas perbahanenta, labo ulih pendahinta tapi pemere Dibata (ay. 8,9). Akap kami kerna pengajaren rasul Paulus enda enggo semal ibegiken kita, Sola Gratia (hanya karena anugerah) ras Sola Fide (hanya karena iman). Tapi pengajaren inti kerna erkiniteken man Yesus Kristus e mengandung konsekuensi bagi si ikataken rasul Paulus i bas ay. 10 nina, “Tinepa Dibata kap kita; i bas persadanta ras Kristus Yesus, ijadikenNa kita guna ndahiken dahin-dahin si mehuli si enggo leben irencanakenNa, gelah sidahiken e”, i bas Alkitab TB-LAI nina, “Karena kita ini buatan Allah, diciptakan dalam Kristus Yesus untuk melakukan pekerjaan baik, yang dipersiapkan Allah sebelumnya. IA mau, supaya kita hidup di dalamnya”. Ertina i bas erkiniteken kita man Yesus Kristus, lit je kesadaren bas dirinta maka kita enda tinepa Dibata si mbaru i bas Yesus Kristus, janah lit rencana Dibata si mulia i bas dirinta, e me gelah kita ndahiken dahin-dahin si mehuli sue ras peraten Dibata. Em tandana kita enggo ngaloken perkuah ate Dibata.

PENGKENAINA

I bas kerina bahan Alkitab i bas Pekan Keluarga wari si pemena enda, lit telu hal si penting si banci memperlengkapi kerina kita jadi jabu-jabu si ndahiken rencana Dibata. Si pemena, arah invocatio, erlajar kita arah jabu-jabu kalak Israel nari, maka selaku jabu-jabu kalak si tek man Yesus Kristus, iajuk kita gelah jadi pasu-pasu arah kai pe si ilakoken man keluargata sendiri bage pe man masyarakat sekelewetta. Si peduaken, arah ogenta, erlajar kita i bas Nuah ras keluargana nari. I ja arah ketutusen ras kepatuhenna man Dibata, Nuah ras jabuna datken keselamaten i bas Dibata nari. Keselamaten i jenda sifatna holistik. Si peteluken erlajar kita arah Paulus bage pe perpulungen Epesus, maka kinitekenta man Dibata i bas Yesus Kristus harus teridah ras ernanam mehuli man sekelewetta. Sebab selaku tinepa Dibata si mbaru dahinta eme ndahiken dahin-dahin si mehuli sue ras peraten Dibata. Secara konkrit dahin-dahin si mehuli e arus leben ilakoken i tengah-tengah jabuta masing-masing, gelah kerina anggota jabuta pe ipengasup guna er-Berita Si Mehuli man komunitasna masing-masing.

WARI PEDUAKEN (SENIN 19 NOVEMBER 2023)

Invocatio : 1 Kronika 16:34

Ogen : 1 Samuel 12:20-25

Khotbah : 1 Tesalonika 5:16-18

Tema : JABU SI NGATAKEN BUJUR I BAS SI KUGAPANA PE 

PENARUH

Pada tahun 1860 sebuah kapal kandas di pantai dekat Danau Michigan. Dan seorang mahasiswa Sekolah Alkitab bernama Edward Spencer harus berulang kali mengarungi perairan yang sangat dingin untuk menyelamatkan 17 penumpang dari kapal tersebut. Dalam beberapa hari selanjutnya kesehatan Edward mengalami gangguan secara permanen akibat suhu dingin yang merusak organ tubuhnya. Beberapa tahun kemudian dia meninggal. Dan sampai hari pemakamannya tidak ada satu orang pun dari 17 orang yang sudah diselamatkannya mengucapkan terima kasih kepadanya. Hal ini diketahui ketika Edward tengah berjuang melawan sakitnya dan diwawancarai oleh seorang wartawan (NDC Ministry.org).

Kisah ini hampir sama seperti yang tertulis di kitab Injil Lukas 17:11-19 di mana Yesus menyembuhkan 10 orang yang berpenyakit kusta. “Dari posisi agak jauh mereka berteriak kepada Yesus, “Guru, kasihanilah kami. Lalu IA memandang mereka dan berkata: “Pergilah, perlihatkanlah dirimu kepada imam-imam.” Dan sementara mereka di tengah jalan mereka menjadi tahir. Seorang dari mereka, ketika melihat bahwa ia telah sembuh, kembali sambil memuliakan Allah dengan suara nyaring, lalu tersungkur di depan kaki Yesus dan mengucap syukur kepadaNya. Orang itu adalah seorang Samaria. Lalu Yesus berkata: “Bukankah kesepuluh orang tadi semuanya telah menjadi tahir? Di manakah yang sembilan orang itu. Tidak adakah di antara mereka yang kembali untuk memuliakan Allah selain dari pada orang asing ini.”

Terkadang kita sama seperti orang-orang yang telah diselamatkan oleh Edward Spencer juga disembuhkan oleh Tuhan Yesus Kristsus, tidak tahu berterima kasih kepada Tuhan. Alih-alih berterima kasih, malah kita lebih sering menuntut dan bersungut-sunggut. Bagaimana mungkin kita bisa bersyukur dalam segala keadaan, dalam situasi senang sekalipun ketika doa-doa kita sudah didengar dan dijawab oleh Tuhan, kita lupa bersyukur kepada Tuhan.

ISI

Bahan khotbah kita merupakan bagian akhir dari surat Paulus kepada Jemaat Tesalonika yang pertama yang diberi judul “Nasihat-nasihat” (BIMK - BIS “Petunjuk-petunjuk terakhir dan salam.” Bhs. Karo “Pedah si perpudi ras salam”). Berisi tentang nasihat-nasihat terakhir, praktis dan sangat penting untuk dilakukan sebagai orang percaya.

Secara khusus perikop kita berbicara tentang tiga nasehat penting yang harus dilakukan oleh orang percaya dan yang dikehendaki Allah. Bersukacitalah senantiasa, tetaplah berdoa dan mengucap syukurlah dalam segala hal. Sebab itulah yang dikehendaki Allah, atau itulah yang diinginkan (BIMK - BIS). Ungkapan ini berkaitan dengan semua perintah yang terdapat dalam ay. 16-18. Jadi yang dikehendaki Allah bukan hanya mengucap syukurlah seperti yang terdapat dalam ay. 18.

Ay. 16, “Bersukacitalah senantiasa” (BIMK - BIS, “hendaklah kalian selalu bergembira”). Paulus sudah menyebutkan kegembiraan Jemaat Tesalonika bahwa ada penindasan yang berat yang telah dialami oleh jemaat ini, tetapi jemaat tetap bersukacita, sehingga kehidupan mereka menjadi teladan bagi semua orang percaya baik di wilayah Makedonia dan Akhaya (bdk. Ps. 1:6-7). Dan kembali, di bagian akhir suratnya Paulus menegaskan supaya jemaat tetap bersukacita, apa pun kondisi yang tengah dialami.

Ay. 17, “Tetaplah berdoa” (BIMK - BIS “Berdoalah senantiasa”). Dalam hal ini, Paulus tidak meminta jemaat untuk berdoa sepanjang hari dan tidak melakukan kegiatan yang lain, tetapi dia meminta jemaat untuk datang kepada Tuhan dalam doa, bukan saja ketika situasi berat tetapi tetap membangun relasi, keintiman dengan Tuhan setiap waktu (saat) dan di dalam semua kondisi termasuk situasi yang menyenangkan hati kita.

Ay. 18, “Mengucap syukurlah dalam segala hal” (BIMK - BIS, “dalam segala keadaan hendaklah kalian bersyukur”). Bersyukur bukan saja dalam keadaan sehat, senang, berlimpah berkat Tuhan, tetapi di kebalikan kondisi tersebut pun orang percaya harus tetap mampu bersyukur.

Pembacaan Firman Tuhan yang pertama, merupakan pidato perpisahan Samuel kepada bangsa Israel setelah mereka meminta seorang raja kepadanya. Dalam perikop ini, Samuel mengingatkan apa yang telah dilakukan Tuhan dalam kehidupan bangsa Israel mulai dari Mesir di mana Tuhan membebaskan bangsa Israel dari perbudakan di situ pun bangsa Israel melupakan Tuhan (ay. 8). Dan masih banyak lagi perbuatan besar dalam hidup bangsa Israel, tetapi seringkali bangsa ini melupakan Tuhan dan menyembah allah-allah lain. Dan di ay. 20-25 Samuel mengatakan walaupun bangsa ini sering kali melakukan banyak kejahatan tetapi jangana sampai berhenti mengikuti Tuhan, melaikan beribadah kepada Tuhan dengan segenap hati. Jangan menyimpang untuk mengejar dewa kesia-siaan yang tidak berguna dan tidak menolong karena semua itu kesia-siaan belaka. Walaupun Samuel sudah undur diri menjadi imam atas bangsa Israel, tetapi dia tetap memberi diri untuk mendoakan dan mengajarkan jalan yang baik dan lurus kepada bangsa Israel. Tetapi yang harus dilakukan bangsa Israel jangan pernah melupakan Tuhan, takutlah akan Tuhan dan setia beribadah kepadaNya dengan segenap hati sebab luar biasa karya dan perbuatan Tuhan atas umatNya. 

 

APLIKASI

 

Tema Pekan Keluarga hari ke-2 adalah “Keluarga yang selalu bersyukur dalam segala keadaan.” Ada kata bijak yang mengatakan, “Jangan tunggu kondisi baik maka engkau berbahagia, tetapi bersyukurlah dalam setiap keadaan maka engkau akan senantiasa bahagia.” Artinya bahagia kita, sukacita kita tidak ditentukan kondisi (keadaan) tetapi kita yang menentukan. Ketika kita hidup di dalam Tuhan, Roh kudus memimpin hidup kita, sehingga kita dimampukan untuk senantiasa bersyukur dan bersukacita. Tetapi sering kali terjadi, untuk kondisi yang baik sekalipun kita lupa bersyukur kepada Tuhan. Seolah apapun yang terjadi atas hidup mengalir begitu saja, sehingga kita kurang memaknainya. Padahal di dalam segala situasi Tuhan yang pegang kendali atas hidup kita. Bagaimana pula dengan kondisi (situasi) yang buruk penuh pergumulan (la bagi ukurta), sudah pasti sulit bagi kita untuk bersukacita dan bersyukur. Oleh karena itu sebagai sebuah keluarga, tetaplah kita bawa hidup keluarga kita tetap dekat dengan Tuhan. Bangun mezbah keluarga (tetaplah berdoa). Kedekatan dengan Sang Pencipta menolong kita dan keluarga untuk senantiasa berserah dan mampu bersyukur. Seorang anak muda berhenti bersungut-sunggut karena tidak dibelikan sepatu baru setelah dia melihat seorang anak kecil tetap tersenyum bahagia, walaupun kedua kakinya tidak ada setelah diamputasi akibat kecelakaan yang dialaminya.

Jangan pernah lupakan berkat-berkat (pertolongan) Tuhan dalam hidup kita dan keluarga (Lagu KJ 439 bagian Refr. “Berkat Tuhan mari hitunglah, kau kan kagum oleh kasihNya”). Janganlah kita menjadi orang yang lupa ingatan akan berkat-berkat dan pertolongan Tuhan atas hidup kita (seperti kacang lupa akan kulitnya). Ingat dan selalu hitung berkat-berkat Tuhan sekecil apapun dalam hidup kita. Oleh karena itu, keluarga kita harus dilatih untuk menuliskan atau mengucapkan 2-3 hal yang patut dia syukuri setiap hari. Latihan rohani ini menolong kita untuk menjadi pribadi yang senantiasa beryukur kepada Tuhan dalam setiap keadaan. Sebagaimana invocatio, 1 Tawarikh 16:34, “Bersyukurlah kepada TUHAN, sebab Ia baik! Bahwasanya untuk selama-lamanya kasih setia-Nya.”

Hal konkrit apa saja yang dapat kita (keluarga) lakukan sebagai tanda ucapan syukur kepada Tuhan?

1. Mengucapkan syukur kepada Tuhan atas apapun yang terjadi dalam hidup kita.

2. Memberikan persembahan ucapan syukur dan persepuluhan dengan penuh sukacita.

3. Mengikuti kegiatan-kegiatan pelayanan.

4. Menolong orang lain yang tengah mengalami kesulitan.

5. Dll.

WARI PETELUKEN (SELASA 20 NOVEMBER 2023)

Invocatio : 1 Timotius 6:8

Ogen : Pilipi 4:11-18

Khotbah : Kuan-kuanen 30:7-9

Tema : JABU SI NGGELUH I BAS KECUKUPEN

PENARUH

Adi ngerana kita kerna kata cukup, relatif, la pernah lit kata cukup, enggo lit sada sepeda motor, pagi kedun enda sitambahi ka ateta sada nari, enggo telu rumahta, tambah ka ateta. Alasenna pasti lit, untuk investasi. Padahal erkiteken si e, la nari kita banci pulung ras keluarganta, enggo jarang ku gereja, perjumpan ras kade-kade pe la pernah nari. Sabab bas pikirenta hanya cari uang. Emaka lit lagu pop Rohani  Karo, si ngatakenca “sada pe bias dua banci kurang adi la beluh kita ncibalkenca.” Tentu hal enda mpersingeti kita gelah pentar makeken si lit bas kita. Bahkan i bas Pertoton Tuhan (Doa Bapa Kami) ertoto kita gelah nggeluh kita kecukupen, “Bereken man kami nakan cukup i bas wari si sendah enda.” Ertina Pustaka Si Badia ngajarken man banta gelah mencukupkan diri alu hal-hal si memang jadi kebutuhenta. Janah nggeluh i bas kecukupen merupaken sada i bas lima nilai kekristenan si tersurat i bas GBP GBKP si la banci lang arus terus- menerus isosialisasiken ras sidalanken i bas kegeluhenta gelah enggo banci jadi karakterta.

ISI

Ogenta sendah lit i teruh judul perikop “Ranan si Agur”, i bas bhs. Ind., nina, “Perkataan-perkataan Agur.” Kamus alkitab.sabda.org ngatakenca Agur bin Yake enda gelar samaran Salomo. AlkiPEDIA ngatakenca perikop enda e me pertoton si Agur. Pertoton Agur enda ibenaken alu pengakun kiniteken Agur maka Dibata e maha kuasa, isehkenNa kerina si ipandankenNa, janah Dibata jadi ampang-ampang man kerina kalak si ndarami penampat i bas IA nari.

Kenca enggo ibelasken Agur pengakun kinitekenna nandangi Dibata si isembahna, iumputina alu pemindonna. I bas ay. 7 ikataken Agur, “O Dibata, ope denga aku mate kupindo man bandu perkara enda.” I bas Alkitab terj. BIMK, “Ya Allah, aku mohon sebelum aku  mati, berikanlah kepadaku dua hal ini.” Ope denga aku mate, entah pe sebelum aku mati, enda erkaiten ras pemindon Agur kerna pembaharuan geluhna si hanya banci terwujud i bas kegeluhen i doni enda. Rikutken Matthew Henry Comentary, nina, “Selama aku terus hidup di negeri orang-orang hidup, biarlah aku terus dipimpin oleh anugerahMu dan pemeliharaanMu.”

Pemindon Agur lit i bas ay. 8. Si pemena, mindo ia gelah ula sempat ibelaskenna kata la tuhu. I bas terj. BIMK, nina, “Jangan sampai aku mengucapkan kata-kata curang dan dusta.” I bas terj. TB-LAI, nina, “Jauhkanlah dari padaku kecurangan dan kebohongan.” Pemindon enda banci iertiken sebage pengakun dosa Agur. Banci iertiken mindo Agur gelah ipengasup Dibata ia ngelawan kuasa dosa i bas kegeluhenna. Pemindon enda akap kami seri bagi pertoton si iajarken Tuhan Yesus, “Ola min kami ibaba Kam ku bas percuban tapi olangilah kami idur si ilat nari,” i ja i bas pemindon enda tersirat kelemahenta selaku manusia si memang harus terus itegu-tegu ras ipegegehi Dibataj i bas ngelawan kuasa dosa.

Pemindon si peduaken, “ula pelepasNdu aku musil entah bayak. Berekenlah man bangku kai si ku perluken.” Alasen pemindon enda lit i bas ay. 9, nina, “Sabab kune bayak aku banci jadi maka la aku perlu Kam. Janah adi musil aku banci jadi nangko aku seh maka juru Dibatangku.” I bas pemindon enda akap kami, mungkin pernah inanami Agur jadi kalak bayak, entah pe mugkin pernah iidahna kecenderungen kalak bayak si merasa paling berkuasa, erbahanca erdosa ia la nari perlu akapna penampat i bas Dibata nari. I bas dampar si deban, mungkin pernah ka inanami Agur kemusilen, i ja kemusilen banci mabai kalak erbahan dosa alu nangko entah pe mencemarkan gelar Dibata.

Jadi gelah terhindar i bas kencenderungan erbahan dosa, mindo Agur gelah ibereken Dibata kai si iperlukenna saja. I bas terj. BIMK, “Berikanlah kepadaku hanya apa yang kuperlukan.” Kerna si e pengalamen Rasul Paulus banci jadi usihen i bas Fil. 4:11-18 (Invocati), Paulus erlajar encukupken diri alu kai si lit i bas ia. Si jadi ulihna i bas ia erlajar e, idatken Paulus kemalemen ate i bas kerina keadaan, subuk i bas paksa kekurangen bage pe i bas paksa kelebihen, erkiteken kuasa si ibereken Kristus man bana. Paulus tuhu-tuhu bergantung man Tuhan Dibata. Ipengasup Dibata Paulus ngalaken kerina keadaan (bdk. pengajaren Paulus man Timotius i bas 1 Tim. 6:6-10).

Situhuna i bas pengalamen Paulus enda, erlajar kita maka i bas kerina keadaan banci ka kita erbahan dosa. Labo terjeng i bas keadaan bayak entah musil saja, tapi i bas keadaan cukup pe banci kita ngelakoken dosa. Ertina kitalah alu kinitekenta si mengendaliken keadaan, labo keadaan si mengendaliken kita. I bas si e pindolah gegeh i bas Dibata nari gelah ipengasupNa kita ngalaken kerina keadaan janah ipengasupNa kita lalap ngataken bujur.

PENGKENAINA

Tema Pekan Keluarga berngi pe-3-ken eme “Jabu si nggeluh i bas kecukupen.” Cukup ertina, seberapa banyak yang ada pada kita, ternikmati kita ras lit i je ungkapen syukur asa si enggo ibereken Tuhan banta. Hal enda mpersingeti kita kerna erti ras tanggung jawab kegeluhen jabu-jabu kalak Kristen. Bukan seberapa banyak yang kita miliki, tetapi seberapa banyak yang kita bisa nikmati dan syukuri. 

Kai si arus sidalanken kita gelah keluarganta nggeluh i bas kecukupen? Lit kata bijak si ngatakenca, “Miskin itu kondisi hidup dan sederhana itu gaya hidup.” “Hidup itu murah, lebel merk yang bikin jadi mahal.” “Hidup itu sederhana, gengsi yang bikin jadi rumit.” Ertina, persoalen la ngasup kita menguasi diri, ikut-ikuten, gengsi erbahanca la nari kita banci menikmati geluhna. Uga makana reh buena serpi gelah banci terpenuhi kerina sura-sura e, bage me ilakoken, bahkan lit deba menghalalkan segala cara guna nehi sura-surana ndai. Emaka i bas Pekan Keluarga wari si pe-2-ken enda iajuk kita gelah ngataken bujur i bas kai pe si enggo ibereken Dibata man banta. Tek kita maka labo kerina si jadi sura-suranta ikabulken Dibata erkiteken iteh Dibata si mehulina man banta. Marilah sipergunaken kai pe si enggo ipercayaken Dibata man banta gelah jadi pasu-pasu man banta, man jabuta, bage pe sekelewetta.

WARI PEEMPATKEN (RABU 21 NOVEMBER 2023)

Invocatio : Roma 13:5

Ogen : Matius 22:15-22

Khotbah : Keluaren 18:17-23

Tema : JABU SI MILIH ALU PENTAR

PENARUH

Kemajun sada bangsa ras daerah sangat mbelin kel pengaruh pemimpinna. Adi pemimpinna mehuli, bujur, beritegritas ras lebih rukur guna kesejahteraan umat asangken keluarga ras kelompokna enggo pasti negara ras daerah e reh majuna i bas masa kepemimpinenna. Adi pemimpinna mehuli, maka kemungkinen besar rakyatna pe sikap. Tapi kebalikenna, adi pemimpinna la bujur, lebih rukur kerna kekuasaan ras uga makana reh bayakna ia rikut kelompokna maka enggo pasti si jadi korban eme rakyat.

Tahun 2024 negaranta ngelakoken pesta demokrasi, guna memilihi presiden, wakil presiden ras anggota legislatif subuk tingkat pusat, provinsi ras kabupaten, bage pe DPD. Kesuksesen pesta demokrasi enda mbelin kel pengaruhna ku bas peran aktifta, ras uga tanggung jawabta man Dibata i bas mereken soranta (ula sempat golput). Kesuksesen si imaksud eme kap erdalan pesta e alu langsung, umum, bebas, rahasia, jujur ras adil bage pe tertib, ulihna pe mehuli seh maka iarapken terpilih pemimpin si mehuli. Guna si me maka i bas pekan kebaktin keluargana berngi pe-4-ken enda, erlajar kita arah kata Dibata gelah ngasup kita jadi jabu si milih alu pentar.

ISI

Bahan khotbahta ilatarbelakangi kerna kesibuken si la erngadi-ngadi si ilakoken Musa sebage pemimpin bangsa Israel. Jetro, mamana, sebage imam i Midia si sangana berkunjung, idahna Musa ngerunggui perubaten-perubaten si turah i bas sapih-sapih kalak Israel, i ja ia terus sibuk pepagi nari seh berngi. Kai si ilakoken Musa man bangsa Israel la iakap Jetro tengteng. Kedungenna, Jetro mereken pedah si mehuli gelah Musa nambahi pemimpin-pemimpin si deban i bas kalak Israel gelah ula sekalak si memimpin ras ngerunggui kerina persoalan kalak Israel. Alu tujun Musa pe la akapna latih dingen waktu pe lebih efektif efisien subuk man bangsa Israel sendiri dingen asilna lebih maksimal.

Syaratna enggo pasti alu lebe ia berjiwa pemimpin. Ertina, mampu ia memimpin, mengatur ras enggo pasti mampu mereken pengaruh si mehuli rikutken kengasupen masing-masing. Sabab lit pemimpin 1.000 kalak, 100 kalak, 50 kalak ras 10 kalak. Kriteria berikutna, kalak si erkemalangen man Dibata, terteki ras la nggit isogok (TB-LAI Baru Edisi 2 ay. 21 nina, “Namun, dari seluruh bangsa ini harus juga kau cari orang yang terampil dan takut akan Allah, orang yang terpercaya, dan yang benci kepada suap”). Soal-soal si kitik kalak enda saja si mutuskenca, tapi soal-soal si sulit banci isehkenna man Musa. Enggo pasti adi bagenda si ilakoken Musa bagi si iperentahken Dibata, Musa ras bangsa Isreal pe la latih, persoalan banci selesai alu mehuli, janah enggo enterem kalak banci ilibatken, ras si e termasuk kaderisasi.

Si pemena lebe, sekalak pemimpin arus berjiwa pemimpin. Jhon Maxwell pernah mengatakan, “Pemimpin yang baik adalah pemimpin yang mampu mempengaruhi dan menginspirasi orang lain dengan visi yang jelas.” Adi dirina ras keluargana sendiri pe la ngasup ia memimpinsa enggo pasti gagal i bas ia memimpin si enterem.

Si peduaken, pemimpin si labo karbiten (mencapai posisi dengan instan) tapi rikutken proses (tahapan) ras rikutken kapasitasna. Sabab lit pemimpin 10 kalak, 50, 100 ras 1.000 kalak. Adi 10 kalak pe baru denga nge ipimpinna, ula ka tiba-tiba ibereken man bana guna meminpin 1.000 kalak. Lenga cukup pengalamenna.

Si peteluken, pemimpin arus kalak si erkemalangen man Dibata si teridah arah beritegritas, terteki (la mencla mencle), dingen la nggit ngaloken suap. Pemimpin si berintegritas eme utuh, sedalanen kai si bas pusuh, kata ras perbahanen. Labo cakapna ngenca mejile tapi perbahanen la mehuli. Pemimpin si betul-betul jujur ras kai si ibelaskenna banci ipertanggungjawabken. Mbue kasus bas negaranata enda kalak si iteh kita baik, santun, mbue nampati kalak susah tapi kepeken kena kasus korupsi. Umpamana, tgl. 15 Maret 2019 kita ikejutken alu OTT Rohamurmuziy, Ketua Umum PPP. Sedekah enda siidah ia kalak si bujur bahkan termasuk ulama. Ia tersangka  kasus jual beli jabatan i Kementrian Agama.

Pengogenta eme kerna penungkunen kalak Parisi kerna nggalar pajak man Tuhan Yesus ras si enda dalam rangka ncubai Yesus. Kalak Parisi bersekongkol ras Parte Herodes emaka isuruhna ajar-ajarna guna ndahi Yesus. Asum suruh-suruhen e nungkun man Yesus maka lit pengakunna man Yesus guru (pemimpin) si bujur, berintegritas, la mbiar-mbiaren man ise pe (ay. 16b, “O Guru, ieteh kami maka Kam kalak bujur. Kam ngajar alu terus-terang kerna sura-sura Dibata nandangi manusia, alu la biar-biaren man ise pe. Sabab la erpillihen manusia man bandu.” TB-LAI Edisi 2, “Guru kami tahu, Engkau orang yang jujur dan dengan jujur mengajar jalan Allah dan Engkau tidak takut terhadap penilaian orang, sebab Engkau tidak memandang muka”). Ertina, dari pihak si la senang entah pe musuh Tuhan Yesus pe, mengakui kebujuren, ras la tebang pilih, la erayo-ayo, i bas diri Yesus. Ras terbukti, alu terang-terangen ikataken Yesus man ajar-ajar kalak Parisi, “O kalak pekulah-kulah! Engkai maka icubaindu Aku? Kenca ipindo Yesus selambar duit si lit i je gambar kepala pemerentah Roma. Nina Yesus, gelar ras gambar ise kin enda? Gambar ras gelar kepala pemerentah Roma. Emaka nina Yesus man bana, “Adi bage, bereken man pemerentah Roma kai patut ibereken man bana, janah berekenlah man Dibata kai patut ibereken man Dibata.” Pemimpin yang tidak takut untuk mengatakan kebenaran.

APLIKASI

Bahan Pekan Keluarganta sendah i bas rangka persiapen Pemilu 2024 si irencanaken ilaksanaken i bas tgl. 14 Februari 2024. Kai saja sipilih kita? Presiden, wakil presiden, anggota DPR, DPD, DPRD Provinsi dan DPRD Tk. II. Ertina i bas waktu si enggo lanai ndekah radu ras kita milih ras nentuken pemimpin-pemimpin si berintegritas. Pemimpin-pemimpin si pang membela kebenaran ras pang menegakkan keadilen. Pemimpin-pemimpin si labo karbiten, entah pe mencapai puncak jabaten alu cara-cara instan. Pemimpin-pemimpin si labo menghalalkan segala cara guna ndatken jabaten entah pe kekuasaan. Pemimpin-pemimpin si lit cataten masa lalu erkaiten ras pelanggaran HAM (la man pilihen), rsd. Romo Magnis Suseno i bas rangka ngajuk gelah ula golput i bas tahun 2014 pernah ngatakenca, “Pemilu bukan untuk memilih pemimpin yang terbaik, tapi untuk mencegah yang jahat berkuasa.” Ertina kerina kita ula sempat golput entah pe la mediate nandangi Pemilu 2024.

Tema, “Jabu si milih alu pentar.” I bas si e tentuna genduari nari enggo sidarami info kerna rekam jejak calon-calon pemimpin i bas Pemilu 2024. Kata Dibata i bas kesempaten enda enggo ncidahken tempas pemimpin si mehuli eme pemimpin si erkemalangen man Tuhan, si betul-betul berjiwa pemimpin (kualitas pemimpin lit bas dirina), berintegritas, ras si mbue rukur guna kesejahteraan kalak si nterem. Tapi adi pemimpin si sedekah enda pe mbue ngelakoken kinilaadilen, melanggar HAM, menghalalkan segala cara guna ndatken kekuasaan termasuk kampanye dengan politik identitas ras mereken duit (politik uang) la perlu man pilihen. 

Sicerdasken dirinta ras keluarganta guna ndarami informasi kerna calon-calon pemimpin tingkat daerah nari seh ku pusat, terlebih calon presiden ras wakil presiden. Lit 3 capres ras cawapresta, sipelajari rekam jejakna ras visi-misina. Terakhir, tetap sibaba i bas toto kerna proses Pemilu 2024 gelah kerina banci erdalan alu dame, jujur, lancar ras terpilih pemimpin-pemimpin si erkemalangen man Tuhan.

WARI PEENEMKEN (JUMAT 24 NOVEMBER 2023)

Invocatio : Matius 6:4

Ogen : Galatia 6:1-10

Khotbah : Kuan-Kuanen 3:27-35

Tema : BAHAN SI MEHULI MAN KERINA KALAK

PENARUH

Matawari tetap bersinar benaken pepagi nari seh karaben. Idalankenna tugasna mereken sinarna. Setiap wari bage terus ibahanna, kecuali wari udan ras kenca enggo ben wari terus ku berngina. Matawari erdahin dalankenna tugasna. Matawari erkinar man kalak si benar ras kalak jahat. Iergai entah la iergai, tetap matawari bersinar. Walaupe la sekalak pe ngataken bujur, tetap ia erdahin guna kiniulin enterem kalak ras mahluk hidup si deban. Bage pe kita manusia, janah selaku tinepa Dibata si iberekenNa perukuren, bahkan enggo sialoken kekelengen i bas IA nari, ijadikenNa kita guna ndahiken dahin-dahin si mehuli si enggo leben irencanakenNa gelah sidahiken. Emaka erbahan si mehuli eme biakta, karakterta. 

Janah kerina kita pasti enggo pernah erbahan si mehuli. Tapi banci jadi motivasi ras kualitasta si perlu ipekena wari lepas wari. Banci jadi sedekah enda kita erbahan si mehuli man kalak si itandai kita saja, erbahan si mehuli gelah merim gelarta, rsd. Bahkna lit ka deba kita, ngadi erbahan si mehuli erkiteken respon si la mehuli si ialoken kita. La tama ngaruh kai silakoken kita, entah mendapat kritiken piah dungna ngadi kita erbahan si mehuli. Tapi i bas bahan Pekan Keluarga berngi pe-6-ken enda mulihi kita ipersingeti tetaplah erbahan si mehuli sekali pe mbue tantangen si man alanken. Hidup kita arus jadi berkat.

ISI

Kuan-kuanen 3:27-35 isina eme nasihat (pengajuk) gelah si ngogesa ngelakoken perbahanen si mehuli. Nasihat si ibereken gelah kalak jadi bijak labo saja i bas cara rukur tapi pe i bas perlagu langkah. Piga-pigah hal penting si isingetken bas perikop enda, si pemena, tetap erbahan si mehuli man kerina kalak si perlu man sampaten (ay. 27). Ayat enda mpersingeti kita i bas nampati ula er ayo-ayo (erpilihen). La pe sada suku, la sada agama, la sada kuta arus sisampati. Labo perlu ngenehen jelmana tapi butuh ia isampati, sampatilah.

Si peduaken, kalak si bijak (pentar) eme kalak si tanna tetap terulur, ras pusuh peratenna lalap terbuka i bas erbahan si mehuli, alu la menunda-nunda waktu (adi si ipindona lit i bas kita ras banci nge ia samptindu gundari). I bas kita nampati, la tertaren-taren, la nimai wari pepagi, sabab la ise pe metehsa kerna wari pepagi. Banci jadi wari pepagi la nari milikta, entah pe kalak ndai la nari perlu isampati.

Si peteluken, ay. 29-35 ula kita erbahan si la mehuli, sabab nembeh ate Tuhan man kalak si erbahan si jahat, terlebih man kalak si ndeher ras kita ras tek man banta. Bahkan i jenda labo saja perbahanen, rukur si la mehuli pe la banci. Ula isurakenndu (jangan merencanakan) erbahan jahat nandangi temanndu si sebalengen. Ula erjengil si la ersebab ras kalak si la pernah erbahan ceda man banta, ula mencimberu man kalak si erbahan la bujur ras ula usih perbahanenna. Kalak si ndeher ras kita nge si mekatep kita la siangkan (erkonflik). Amin bage gia, ula min sitik pe lit ukurta ersura-sura jahat man bana. Jangan kita menjadi musuh dalam selimut bagi orang yang dekat dengan kita. Asum lit konflik, iselesaikan alu baik-baik. Sekali nari, nembeh ate Tuhan man kalak si jahat, isumpahiNa rumah kalak jahat, kalak si meganjang rukur, juru me ibahan Tuhan. Ertina, jelas Tuhan la senang perbahanen si jahat. 

Si peempatken, ngena ate Tuhan perbahanen kalak bujur. IbahanNa bujur man kalak si ndalanken si ngena ateNa. Melias ia man kalak si meteruk rukur.

Kerna ogen. Arah surat Paulus man Jemaat Galati, banci siidah lit dua kelompok jemaat eme si megegeh pertendinna ras si merampek denga pertendinna si perlu denga bimbingen, si murah denga ndabuh ku bas dosa. Jadi ise si banci nampatisa? Eme kalak si ikataken dewasa i bas pertendinna, si pentar. Kalak enda ertanggung jawab guna negu kalak ndai ku bas dalan si benar (1). Aminna pe bage, labo berarti kalak si megegeh pertendinna enggo pasti kebal arah erbage godaan si banci erbahanca ndabuh ku bas dosa. Emaka ipersingeti Paulus maka kalak enda pe arus tetap metenget seh makana la ndabuh ku bas dosa. I bas dampar si deban, kalak si dewasa pertendinna, la banci membanggaken diri perban enggo banci membimbing kalak si deban (ay. 4-5). Janah la banci membanding-mbandingken dirina ras kalak si deban entah pe menghakimi kerna kelemahen kalak si ilayanina. Malah sebalikna, kalak enda arus sedar maka erkiteken sura-sura Tuhan-lah banci isampatina kalak si sada kiniteken. Janah Paulus mpersingeti perpulungen gelah ula erleja-leja erbahan si mehuli, sabab adi tetap tutus ateta ndalanken si e, maka seh me paksana siperani ulihna (ay. 9-10). Gereja arusna jadi wadah nehken kiniersadan si paguh, i ja teridah geluh sikeleng-kelengen. Lit nasehat, lit kata persinget i bas kelepaken, pertobaten i bas kesalahen si enggo silakoken, lit pengampunen man kalak si enggo jera, hormat man kalak si menegur. Kerina e idalanken erpalasken keleng ate Tuhan. Ula timai kalak si deban i bas kita erbahan si mehuli, tapi mulailah i bas dirinta sendiri.

Kerna invocationta. I bas kita mere, labo perlu igejek-gejeken. Enda me bagian i bas khotbah Yesus i datas uruk, si nuriken kerna uga kin arusna i bas kita mere (erbahan si mehuli). Kai si ikataken Tuhan Yesus kepeken nai pe enggo lit kalak si la tulus i bas mere. Motivasina la benar, gelah ieteh jelma si nterem, kai si ilakoken kita guna pencitraan semata, labo tulus nampati. Emaka ‘di kenca la bagi ukurna si jadi, pindona ka balik kai si enggo iberena ndai. Tuhan Yesus mpersingeti kita gelah ula palah sigejek-gejekken i bas kita mere. Paling tidak penampatta ndai ernanam man kalak si enggo isampati. Janah Dibata Bapanta si ngidah perbahanenta ndai mereken upah man banta (Mat. 6:4)

PENGKENAINA

Tema, “Bahan si mehuli man kerina kalak.” Lit lagu GB 69 si berjudul “Kumulai dari diri sendiri.” Kira-kira bagenda bagin lirikna, “Ku mulai dari diri sendiri untuk melakukan yang terbaik. Biarpun kecil dan sederhana, Tuhan dapat membuatnya jadi besar.” Perbahanen si kitik megati siakap la lit nilaina. Mulailah erbahan si mehuli gia arah hal si kitik entah pe sepele.

- Sada gelas air putih la lit ertina adi isandingken ras inemen mewah, tapi segelas air putih seh kal ergana man kalak si muas iparpari las matawari.

- Ngambekken duri i bas dalan nari sada hal si kitik tapi adi la siambekken banci erbahan lit kalak luka kena duri.

Tep-tep wari geluhta iperhadapken ku bas pilihen, adi lit masalahta ras teman, kita punya pilihan ngalemi entah rubat, lit kalak si perlu penampat, nampati entah siban-ban la siidah, nandangi teman, bahan si mehuli entah si jahat, tapi kalak si bijak pilihenna eme si mehuli ras si ngena ate Tuhan. (Gal. 6:10, “E maka i bas tep-tep kesempaten, sibahanlah si mehuli man kerina manusia, terlebih-lebih man teman-temanta si sada kiniteken”).

Kai si banci silakoken kita guna mpenahangi beban si mberat i bas kalak, bahanlah bage. Ula timai wari pepagi, ula erayo-ayo. Tuluslah kita i bas nampati, sipindo tetap kuasa Tuhan nampati kita.

WARI PEPITUKEN (SABTU 25 NOVEMBER 2023)

Invocatio : Matius 2:11

Ogen : Jesaya 9:1b-7

Khotbah : Lukas 2:8-20

Tema : JABU SI MABA BERITA SI MERIAH

PENARUH

Berngi si terakhir i bas pekan keluarganta ibabaina kita guna er-Berita Si Meriah. Salah sada rencana Dibata si arus tetap sidalanken eme er-Berita Si Meriah, seh ngayak iiket kambal-kambalta, eme tugasta. Bahkan i bas berngi enda pe kita ipersingeti kerna inti i bas Berita Si Meriah si arus sipeseh kita eme Yesus Kristus Juruselamat.

ISI

Turi-turin kerna permakan-permakan si ijumpai malekat-malekat sanga ketubuhen Yesus Kristus e me turi-turin si khusus ituriken i bas Injil Lukas. Khusus ertina la lit ituriken i bas Injil si deban. I bas Injil Matius lit ka turi-turin si khusus sanga ketubuhen Yesus Kristus e me kerehen guru-guru i Timur nari (Mat. 2:1-12). Turi-turin si khusus si ituriken i bas Injil Lukas bage pe Matius ncidahkenca maka kerehen Yesus Kristus Juruselamat e me man kerina kalangan, subuk man permakan-permakan si mewakili kalangan masyarakat menengah ku teruh, bage pe man guru-guru i Timur nari si mewakili kalangan masyarakat menengah ku datas.

I bas bahan ogenta sendah ituriken maka i bas daerah e lit piga-piga kalak permakan sangana ngiani asuh-asuhen i mbal-mbal. Permakan-permakan e labo pengusahana tapi kalak enda si erdahinna. I daerah e ertina labo ndauh i bas ingan tubuh Yesus nari (bdk. Luk. 2:6-7). Terj. TB-LAI ras BIMK-BIS ngatakenca “pada waktu malam.” Rempet tedis sekalak Malekat Tuhan i lebe-lebe permakan ndai, terang si rehna i bas Tuhan nari ersinalsal ku sekelewetna si erbahanca mbiar permakan-permakan e. Janah malekat e maba berita si mehuli ras ulihna pe mereken keriahen si mbelin, “Ula mbiar aku reh maba berita si mehuli, si mereken keriahen si mbelin man kerina manusia. Sendah i kota Daud enggo tubuh Raja Penampatndu e me Kristus Tuhan.” Si jadi penungkunen lebe, engkai maka ikataken malekat, “ula mbiar!” Banci jadi erkiteken sinalsal terang si luar biasa siidah permakan e, si erbahanca kalak enda mbiar. Janah si peduaken banci jadi situasi si ialami permakan-permakan sebage buruh kecil sekaligus paksa si e kalak Yahudi ijajah bangsa Roma erbahanca masa depan suram ia ras keluargana. Tuhu-tuhu sada kebiaren. Tapi berita si ibaba Malekat Tuhan mereken keriahen si mbelin man kerina manusia la erdobahen.

Lit piga-piga point si banci siidah kita rikutken berita Malekat Tuhan. Si pemena lebe, kata “sendah” (TB-LAI : “hari ini”), labo hanya menunjuk i bas wari ketubuhen Yesus Kristus si lebih 2.000 tahun si lepas, tapi setiap wari menjadi “hari ini.” Peristiwa lampau (ndekah) tapi tetap selalu baru. Setiap wari Yesus reh ras tubuh ku bas kegeluhenta ras jadi Juruselamatta. Si peduaken, kata-kata “enggo tubuh” (lahir) eme kap tanda kemanusiaan. Labo lit manusia si la tubuh kecuali Adam ras Hawa. Asum Malekat maba berita si mehuli e, atena ngatakenca maka Dibata reh ku tengah-tengah manusia alu cara menjadi manusia. Pdt. Dr. Joas Adiprasetya ngatakenca, Allah menjadi manusia eme kap skandal ilahi terbesar. Sabab mbue jelma ersura-sura jadi kalak hebat, berkuasa, superman, superwoman, bahkan alu cara si la mehuli. Tapi Dibata reh ku doni enda ras jadi seri ras manusia. Bahkan i bas ay. 12 i je ikataken maka si jadi tanda eme kap “anak-anak ibaluti uis ras medem i bas pelangkah (palungan).” Pelangkah si biasa jadi ingan nakan ternak, ipake jadi ingan man Yesus ibaringken. Pelangkah (palungan) eme kap solidaritas Yesus man kalak si imarginalken, si terpaksa tubuh i bas ingan-ingan si la wajar, i gubuk derita, rsd. Yesus hadir termasuk man kalak si termiskin kel guna mereken pengarapen. Si peteluken, kata-kata “Yesus Juruselamat” (Raja Penampatndu). Nuduhkenca man Yesus ngenca Juruselamatta, Penampatta si tuhu Yesus ngenca Juruselamatta, si deban enggo pasti palsu.

Kerehen Malekat-malekat i respon permakan-permakan, alu mbuktiken kai si enggo ikataken Malekat Tuhan. Pedas-pedas kalak enda berkat (bersegera). Ertina, berita sukacita, Berita Si Meriah arus irespon alu bersegera, ula terlale-lale, ula tertaren-taren. Ras payo idahna Maria ras Jusuf bage Anak e medem i bas pelangkah. Ituriken permakan-permaken e man Jusuf ras Maria kai si enggo ikataken Malekat kerna Anak e. Bahkan iturikenna pe berita sukacita ndai man kalak si deban. Enggo pasti kemamangen kalak enda ndai kerina. Ras sukacita melimpah igejapken permakan-permakan e kenca enggo jumpa ras Tuhan Yesus, terus pe kenca enggo kalak enda mulih kuinganna. Banci jadi muatna berkat erbera-bera ukurna, mbiar, la tetap ukur sabab sada sisi kalak enda sebagai si erdahin (permakan) labo pengusaha tapi mulihna rende muji Tuhan sabab payo kerina idahna bagi si enggo ikataken Malekat Tuhan.

Ogenta lit i teruh judul “Raja si reh pagin,” i bas Alkitab TB-LAI nina, “Kelahiran Raja Damai.” Ay. 1 (Yes. 8:23 i bas Alkitab TB-LAI) nuduhkenca situasi si terjadi i kerajan Juda i teruh raja Ahas si sangana lit i bas kesusahen ras kepiceten si mesangat erkiteken ancamen kerajan Assur si bakal reh naluken kerajan Juda (Yes. 8:5-10). I bas situasi si bagenda rupana, Dibata arah nabi Jesaya nehken penghiburen ras pengarapen. Labo kepiceten saja si bakal ialami bangsa e. Alu kata-kata si puitis nabi Jesaya nehken nubuaten kerna kerehen sekalak Penampat si bakal mulahi bangsaNa i bas kesusahen ras kepiceten nari. Penampat e igambarken alu “ersinalsal si erkinar”, “terang si harhar” (ay. 2). Penampat si reh e bakal mabai keriahen si mbelin ras kemalemen ate (ay. 3). Penampat si reh e bakal mulahi bangsaNa i bas kerina baban si mberat ras kinisuin, nasapken penindasen ras peperangen (ay. 4,5). Penampat si reh e bakal jadi peminpin si igelari “Penampat si meganjangna”, “Dibata si Mada Kuasa”, “Bapa si Rasa Lalap”, ras “Raja Dame” (ay. 6). Kuasana mbelang, mabai kedamen, merentah erpalasken kebenaren ras kebujuren seh rasa lalap. Si e kerina bakal jadi sabab bage kap sura-sura Tuhan (ay. 7).

APLIKASI

Tema wari terakhir Pekan Keluarganta, “Jabu si maba Berita Si Meriah. Er-Berita Si Meriah eme tanggung jawab kerina kalak Kristen si enggo ngaloken keselamaten i bas Jesus Kristus. Bahkan ope Yesus nangkih ku surga, iberekenNa perentah si terkenal alu sebuten Amanat Agung man pengikutNa guna er-Berita Si Meriah man kerina bangsa manusia gelah banci jadi ajar-ajarNa (Mat. 28:19). Emaka Paulus si enggo “itangkap” Tuhan Yesus ras kedungenna bertobat, ngatakenca, “Cilaka kel me aku adi la kin kuberitaken Berita Si Meriah (1 Kor. 9:16). Ertina er-Berita Si Meriah eme kearusen ras kewajiben. 

Kai dage si arus silakoken kita, silakoken jabunta rikutken bahanta i bas berngi enda :

1. Sisedari maka er-Berita Si Meriah eme tanggung jawab kerina kalak si tek si enggo iselamatken Yesus Kristus. La terjeng Pdt., Pt., Dk. tapi termasuk jabu-jabunta. Melalui kai kita er-Berita Si Meriah? Melalui pengkebet geluhta ras jabunta. Geluhta, subuk arah kata ras perbahanen merupaken surat Kristus si banci ioge kerina kalak. Geluhta raduken jabunta arus naksiken keleng ate Kristus. Maka arah jabunta teridah keluarga si sehati, dame, harmonis, jabu si tetap erkemalangen man Tuhan. Adi idah tetangga rusur kita rubat enggo pasti geluh jabunta jadi batu antuken man sekelewetta.
2. Yesus Kristus ngenca Juruselamat, penampatta si tuhu-tuhu. Enda me inti Berita Si Meriah si arus siberitaken. Bagi nina nubuatten Yesaya, maka Penampat si reh e bakal mabai keriahen si mbelin ras kemalemen ate. Penampat si reh e bakal mulahi bangsaNa i bas kerina baban si mberat ras kinisuin, nasapken penindasen ras peperangen. Penampat si reh e bakal jadi peminpin si igelari “Penampat si meganjangna”, “Dibata si Mada Kuasa”, “Bapa si Rasa Lalap”, ras “Raja Dame”. Kuasana la ersibar, mabai kedamen, merentah erpalasken kebenaren ras kebujuren seh rasa lalap. Pengakun maka Yesus Kristus penampat si tuhu-tuhu teridah bas jabunta, maka kai pe si terjadi tetap Tuhan Yesus ngenca penalemen la lit si deban.
3. Kentisik nari kita enggo bengket ku bas minggu-minggu Adven ras perayaan Natal, mperingiti ketubuhen Tuhan Yesus, Juruselamatta. Yesus datang untuk semua orang, subuk kalak musil si iwakili permakan-permakan ras kalak bayak terpadang si iwakili guru-guru majus i Timur nari. Jadiken jabunta, jabu si jadi berkat man kerina kalak alu la erdobahen, jadiken keluarganta keluarga si ersembah bagi si ilakoken guru-guru i Timur bage pe permakan-permakan. Tuhu-tuhu irespon kel keleng ate Kristus e. Pake keluarganta jadi keluarga si erbahanca merim gelar Tuhan Yesus Kristus.