PA Kategorial GBKP Tgl. 22 - 28 September 2019

PA MORIA GBKP TGL. 22 - 28 SEPTEMBER 2019

Pdt. Larena br. Sinuhadji (Nd. Rey Rapha Tarigan)

Ogen : Kuan-kuanen 17:22, Lukas 5:17-26

Tema : KERIAHEN UKUR E ME TAMBAR

Tujun : Gelah Moria : 1) Ngangkai maka keciba perukuren ras kiniteken mabai ku kesehaten kula. 2) Ngasup ncidahken keriahen ukur i bas si kugapana pe.

Metode : Sharing

Bahan ogenta si pemena rusur ipake kita dalam rangka mereken kata persinget, motivasi man temanta si sakit gelah tetap bersuka cita, “Keriahen desken tambar si mereken kejuah-juahen, adi ukur serbut erbahanca daging kertang tading tulang”. Paulus sendiri ngelumbaken hal si seri, “Ermeriah ukurlah i bas Tuhan, sekali nari ku kataken ermeriah ukurlah”. Ermeriah ukur labo berarti la lit perbeben, tapi ngasup ngaloken ras ngalakenca rikutken gegeh Tuhan, si erbahnca ia tetap megegeh ndalani kegeluhenna. Ermeriah ukur berarti ngasup kita mengakui maka kuasa Dibata beliden asangken kuasa perbeben si nderpa geluhta. Ermeriah ukur berarti ikhlas i bas ndalani kegeluhen enda amin sekali la bagi ukurta. Ermeriah ukur berarti ngasup ngataken bujur i bas kerina dampar geluhna sabab tahap demi tahap ras paksa-paksa i bas geluhna terjadi erkiteken campur tan Tuhan ras seizin Tuhan. Sedangken ukur serbut labo ka banci nampati kita ndungi persoalen bahkan nambahisa rikut daging kulanta pe banci kena imbasna.

Bahan ogenta si peduaken Lukas 5:17-26, e me kerna Yesus mpepalem kalak si sakit pangpangen. Ituriken maka Yesus sanga ngajar, lit me i je piga-piga kalak Parisi ras Guru-guru Agama kundul megiken Yesus. Kuasa Tuhan lit i bas Yesus guna pepalem kalak si sakit. Asum si e reh piga-pga kalak si ngelanja sekalak si pangpangen i bas ingan medem. Erkiteken nterem kel jelma bas rumah ingan Yesus ngajar, emaka la lit dalanna mabasa ku bas. Emaka inangkihina rumah e, ibukana tarumna, janah arah e itantanna kalak si pangpangen ndai ras ingan medemna ku tengah-tengah Yesus ras jelma si nterem. Kenca idah Yesus kalak si ngelanja ndai maka tek kel kalak e, maka nina man si pangpangen, “O senina, dosandu enggo ialemi”. Guru-guru agama si ngidahsa la senang sabab iakapna pengerana Yesus ngelawan Dibata. Ieteh Yesus kai si lit bas ukur Guru-guru Agama e, maka nina, “Apai kin sukahen melasken, “dosandu enggo ialemi”, asa ngatakenca “kekeken, erdalankenlah? Genduari Kucidahken man bandu maka lit nge kuasa i bas Anak manusia si isuruh Dibata guna ngalemi dosa manusia i doni enda”. Emaka nina Yesus man kalak si pangpangen ndai, “Ku kataken man bandu, kekeken, angkat ingan medemndu, dingen mulihlah ku rumahndu”. Rikutken perikop enda, maka sakit-pinakit si ialamina erkiteken dosa silakokenna, maka ialemi Yesus lebe maka isuruhNa erdalan. La nari igargari Yesus dosa kai si ilakokenna tapi keleng ate Tuhan enggo ngalemi salah dosana. Tapi labo ka kerina pinakit penyebabna dosa, sabab adi sibandingken ras Joh. 9:2-3 maka nina Yesus kalak si pentang i bas perikop enda labo erkiteken dosana entah dosa orang tuana, tapi gelah teridah kuasa Dibata i bas geluhna.

Keriahen ukur banci ngalaken ketegangen ras stress si erbahanca kulanta la murah terkena pinakit. Dunia medis sendiri mengakui maka tawa (meriah ukur) si berasal i bas pusuh nari mbue kel manfaatna. Piga-piga hal i jenda manfaat tawa (meriah ukur) rikutken Mayo Clinic :

1. Menstimulasi organ-organ tubuh. Tertawa banci meningkatakan asupan oksigen, merangsang jantung, paru-paru, otot, meningkatkan kadar endrofin (hormon kegembiraan).

2. Meredakan respon stress, denyut jantung dan tekanan darah. Hasilna perasaan santai ras tenang.

3. Menenangken ketegangan otot.

Manfaat jangka panjang :

1. Meningkatkan daya tahan tubuh.

2. Mengurangi rasa sakit. Tertawa dapat mengurangi rasa sakit dengan cara mendorong tubuh menghasilkan pereda sakit alami.

3. Meningkatkan suasana hati. Tertawa memang labo banci mengatasi masalah si ialami kita, tapi lit semangat rasa gegeh guna ngaloken ras ngalakenca.

Nina kata-kata bijak :

Sekali tertawa pusing kepala hilang

Dua kali tertawa bencipun sirna

Tiga kali tertawa persoalan lari

Empat kali tertawa penyakit sembuh

Lima kali tertawa jadi awet muda

Enam kali tertawa hati penuh sukacita

Dr. Madan Kataria pendiri Laugher Club International si enggo memiliki 70 cabang ngatakenca pentingna tertawa man kalak dewasa. Sebab bedana kalak dewasa ras anak-anak, e me erkiteken faktor logika. Anak-anak banci tertawa tanpa sebab erkiteken otakna lenga ngantusi secara logika, tapi kalak dewasa tertawa adi rikutken logikana lucu. Manfaat tertawa bahkan tanpa sebab pe banci mbeneken stress. Ras stress penyebab buena erbage-bage pinakit. Jadi terapi tertawa e me terapi anti stress. Mulailah warinta alu kita ngataken bujur man Tuhan, tertawa 15 menit sabab arah si e erbahanca senang ukurta segedang wari.

PA MAMRE GBKP TGL. 22 - 28 SEPTEMBER 2019

Nrs. Pdt. L. br. Sinuhadji (Bp. Rey Rapha Tarigan)

IMAN & TEKNOLOGI INFORMASI

Ogen : Kuan-kuanen 6:16-19

Tema : TURIKENLAH SI TUHUNA (NO HOAX)

Tujun : Gelah Mamre : 1) Meteh maka ciga ate Dibata nandangi ranan si la tuhu. 2) Ngasup makeken teknologi informasi si benar.

Metode : Berbagi (sharing) pengalaman i bas penggunaan android, hp, rsd.

Ogenta sendah termasuk i bas 13 ajaren kepentaren man kalak si nguda denga, bindu 1:7 seh 9:18. I bas bindu 1:1-6 lit je ijelasken kerna tujun pengajaren kerna kepentaren (hikmat) enda, nina : ay. 2, nampati kalak gelah pentar dingen ngaloken pengajaren si mehuli, janah ngantusi ranan si mbages ertina. Ay. 3, ngajarken kalak nggeluh pentar, bujur, adil, dingen benar. Ay. 4, ngajarken kalak si lenga erpengalamen gelah cerdik, kalak si nguda gelah pantas dingen pentar. Ay. 5, nambahi pemeteh kalak pentar. Ay. 6, banci isipatina alu mbages erti si terbuni i bas pengajaren-pengajaren kalak pentar janah itehna njabab persoalen-persoalen si iberekenna. Enda me si jadi latar belakang ogenta sendah.

Adi siperdiateken perikop si jadi bahan ogenta sendah alu judul “Persinget si deban”, secara garis besar lit je telu pengajaren, si pemena e me kerna padan njamini utang kalak entah pe rutang cakap (ay. 1-5), si peduaken e me kerna sifat perkisat (ay. 6-11), si peteluken e me kerna kalak jahat si dahinna : meritaken berita si la tuhu, nipui, ibahanna rencana-rencana jahat, i japa pe ibahanna perubaten (ay. 12-15). Ay. 16-19 si jadi ogenta sendah banci ikataken penegasen kerna perbahanen-perbahanen kai saja si nembeh (ciga) kel ate Dibata. “Nembeh ras ciga kel ate Dibata” i bas terj. TB-LAI nina, “dibenci Tuhan, menjadi kekejian bagi hatiNya”, i bas terj. BIS-BIMK nina, “dibenci Tuhan dan tak dapat dibiarkanNya”. Ertina, la ipediat Dibata perbahanen-perbahanen jahat ndai, adi sinen ay. 15 nina ikataken, “rempet reh cilaka ndabuh man bana emaka mate me ia”.

Pitu perkara entah pe perbahanen si jahat e me : 1) pengenehen mata si megombang (sikap yang sombong); 2) dilah perguak (mulut yang berbohong); 3) tan si munuh kalak si la ersalah; 4) ukur si erbahanca sura-sura jahat; 5) nahe si mejingkat ngelakoken kejahaten; 6) saksi si la erngadi-ngadi erbual; 7) dingen kalak si peturah perubaten sapih-sapih temanna. Akap kami enggo tangkas kerna erti-erti pitu perkara entah pe perbahanen si jahat ndai.

Si jadi tema umum i bas PA-ta sendah e me “Iman ras teknologi informasi”, tema khusus e me “Turikenlah si tuhuna (no hoax)”, alu tujun gelah Mamre meteh maka ciga ate Dibata nandangi ranan si la tuhu ras ngasup makeken teknologi informasi si benar. Adi rikutken tema ras tujunta sendah maka piga-piga perkara entah perbahanen si jahat si sue rikutken ogenta sendah e me : dilah perguak, ukur si erbahanca sura-sura jahat, saksi si la erngadi-ngadi erbual, ras peturah perubaten. Ertina, banci ikataken si jadi akar fenomena hoax si terjadi i bas media sosial belakangen enda e me : ukur si erbahanca sura-sura jahat, dilah perguak itambah alu saksi-saksi si erbual, erbahanca terjadi perubaten i japa pe. I bas si e iajuk kita gelah bijak i bas nggunaken teknologi informasi, khususna media-media sosial, termasuk media-media si sifatna informatif (memberi informasi). Situs-situs berita si banci ikataken resmi pe maun-maun lit je berita-berita si labo tuhu, judul-judulna si provokatif ras menggiring opini ku arah si negatif, rsd.

Sifat-sifat entah pe karakter bagi tidak mudah percaya, tidak mudah terpancing, tidak mudah terprovokasi, ndarami kebenaran berita alu mbages, ngoge alu teliti, nungkun ku pihak berwajib, rsd., akap kami arus isempurnaken alu pertotonta man Dibata, gelah iberekenNa kepentaren i bas kita niksiki informasi-informasi si ioge kita. I bas sisi si deban pe la murah kita terpancing jadi penyebar hoax. Teknologi informasi akap kami sifatna netral, banci ikataken e me pemere Dibata man manusia guna tujun si mehuli, tapi i japa pe i bas kerina jaman selalu lit kalak si mpergunaken kemajun teknologi guna kejahaten. Adi lit kita si sedekah enda jadi alat guna nyebarken hoax alu bayaren si tinggi melalui media sosial umpamana, mari ertobat kita, tadingken perbahanen si jahat ndai. Adi kita si sedekah enda make media sosial guna dahinta entah pe guna bersosialisasi, harus kita cerdas ras berhikmat gelah ula terpengaruh hal-hal si negatif ras membahayaken dirinta sendiri bage pe membahayaken kalak si deban.