PA Kategorial GBKP Tgl. 29 Sept. - 05 Okt. 2019

PA MAMRE GBKP TGL. 29 SEPT. - 05 OKT. 2019

Cl. Pdt. Albert E. Ginting

(KAI NINA PUSTAKA KERNA IPTEK?)

Ogen : Keluaren 32:1-11

Tema : DIBATA SI MEREKEN PENGERTIN, KEBELUHEN RAS KENGASUPEN

Alkitab mengatakan, “Baiklah orang bijak mendengar dan menambah ilmu dan baiklah orang yang berpengertian memperoleh bahan pertimbangan” (Amsal 1:5). Dari ayat ini kita bisa lihat bahwa Allah sebenarnya menghendaki kita manusia untuk terus menerus mengembangkan diri, menambah ilmu dan pengertian. Kita sebagai orang Kristen tetap menerima segala kemajuan IPTEK yang ada dengan dasar Iman Kristen, yaitu takut akan Tuhan (Ams 1:7). Dari ayat tersebut, jelas bahwa Tuhan memerintahkan manusia untuk senantiasa mengembangkan ilmu pengetahuan yang ada dalam dirinya dan terus mencari suatu bahan pertimbangan, agar manusia menjadi bijak dan berpengertian. Ilmu dan pengertian yang kita dapat haruslah dimanfaatkan sebagai sarana kemulian bagi nama Tuhan dan bagi kesejahteraan sesame umat manusia, sebagai wujud ucap syukur atas akal budi, kepandaian, kecerdasan dan talenta yang dianugerahkanNya bagi kita. Mari kita mencermati bahan bacaan Keluaran 32:1-11 melalui penjelasan sederhana diatas, agar pesan firman Tuhan semakin jelas dan mencerahkan kita.

Ay 1-6 Bahanlah sada dibata si man sembahen, guna minpin kita. Seh kel ngerina ungkapen si ibahan entah pe si i pindo bangsa si enggo i bebasken ras ipilih Dibata jadi sekerajangenNa! Erbahan Dibata guna dirina sendiri, si banci i idah alu mata manusia. Si enda jadi perbahan lanai lit kesabaren, la tek guna nimai Musa nusur i datas deleng nari, bage pe perbahan pengaruh kiniteken bangsa Mesir kidekah kalak Israel jadi budak. Harun si lalar! Ia seh kel beluhna ngerana, tapi la mampu tegas bagi Musa. Perbahan kekoten na, i ikutkenna peraten jelma sinterem guna erbahan dibata ras ia ka pe si menjadi pemimpin guna erbahan si e. Patung Lembu Emas. I peseri kalak Israel Dibata si mbelin ras patung si lalit kuasana, si e erbahanca ceda kel ate Dibata. Patung lembu jantan, emekap lambang dewa si biasa i pake kalak Timur Tengah guna ngambarken kekuatan bagepe kesuburen. Selaku pemimpin, Harun enggo ngelakoken penghianatan si mbelin man Dibata. Si e i lakokenna segelah meriah ukur bangsa si elai na e, situasi e masuk kap ku bas pelanggaren hukum peduaken (Kel 20:4-5). Pesta Persembahan. Kalak Israel e mulai erbahan pesta persembahan si jadi tanda kemuliaan ras keriahen ukur kempak dibata si ibahan na, seh maka ndabuh ku pesta mabuk-mabuk, tari-tarian berhawa nafsu ras kebejatan seksual (Kel 32:6; 25).

Ay 7-11 Bangsa ndu. Alu istilah enda encidahken maka Dibata enggo nulak bangsa Israel, sabab enggo i langgar bangsa e perpadanen si enggo ipeseh Musa. Kukernepken ateKu. Perbahan pelnaggaren ras dosa bangsa e, i peseh Dibata sura-suraNa guna engkernepken bangsa e, janah mbenaken bangsa si mbaru arah Musa ras kesusurenna. Nasib bangsa e i serahken Dibata kutan  Musa, keputusen Musa me si menentuken nasib na ras bangsa Israel si enggo erdosa. Nggit nge Musa ngaloken padan Dibata e, entah ia bersedia segelah bangsa e ikernepken Dibata? Kepeken Musa berhasil ibas ujian e, pemeliharaan Israel lebih berharga man bana asangken kehormatan jadi takal ras simantekki kinirajaan Dibata si mbaru. Pertoton syafaat Musa. Peristiwa enda encidahken maka amin na pe enggo nembeh kal ate Dibata, tapi ibegikenna denga toto kalak si setia man baNa. Pertoton syafaat Musa kempak Dibata erbahan maka erkusur ukurNa, emaka ate nembeh ras penghukumen Dibata banci salih jadi pasu-pasu rikut pe pengalemi dosa.

Tema PA Mamre nta maba kita gelah menyadari bahwa Dibata kap simereken pengertiin, kebeluhen ras kengasupen man manusia guna banci menciptakan ras memanfaatkan teknologi guna kiniulin ngeluh. Ibas situasi perkembangan teknologi si gundari e pe mamre i ajuk segelah metengget ras pentar memanfaatkan teknologi, segelah arah teknologi e banci erbahan mamre semakin erkiniteken bage pe erndeherna kempak Dibata. Si utama arah kerina e emekap, pakelah teknologi jadi alat si mehuli guna kemuliaan gelar Dibata rikut pe jadi pasu-pasu man kegeluhen jelma si deban.

PA MORIA GBKP TGL. 29 SEPT. - 05 OKT. 2019

Pdt. Larena br. Sinuhadji (Nd. Rey Rapha Tarigan)

Ogen : Lukas 16:10-14

Tema : TUTUS I BAS SI KITIK

Tujun : Gelah Moria : 1) Ngangkai pengajaren Yesus maka ketutusen i bas si kitik mabai ndatken si terbeliden. 2) Nggit ngergaken ras makeken potensi si kitik i bas erusaha.

Metode PA : Ndarami ras nuriken biografi (kisah) kalak si sukses si mulai i bas usaha si kitik ras nobar

Bahan PA-nta sekali enda mabai kita gelah tutus i bas kerina hal, terlebih benaken hal si kitik, sabab mekatep kita sepele nandangi hal si kitik. Padahal guna seh ku bas jenjang si lebih tinggi (top level) arus ibenaken i bas level si teruh nari. Lit pepatah ngatakenca “perdalanen 1.000 mil (1.609 km) arus ibenaken i bas langkah 1 (si pemena)”. Adi sisungkun latar belakang kalak si berhasil genduari, pasti umumna ibenaken i bas ketutusenna ras perjuangenna dalam hal si kitik. Ciputra, Bob Sadino, Chairul Tanjung, contoh-contoh kalak si memulai karirna i bas hal si kitik nari. Tapi jaman genduari enda mbue kel kalak menempuh cara si instan guna menduduki top level. Bayak alu cara instan, berhasil secara instan, terkenal secara instan, la peduli entah alu cara si la mehuli idatkenna.

Perikopta merupaken kritik nandangi kalak Farisi si merangap nandangi duit tapi i lebe-lebe jelma si nterem pekulah-kulahna maka ia nge si bujurna (ay. 14-15). Mamon i bas kamus Alkitab asalna i bas bahasa Aram nari si ertina : kekayaan, keuntungan (Mat. 6:24, Luk. 16:9). I bas Wikipedia online nina : “Mamon” berasal dari kata Aram si ertina : merendahkan, mencari keuntungan dengan tidak benar, serakah, kekayaan dunia yang sudah menguasai seseorang dibanding kepada Allah. I jenda Yesus nerangken man si megi pengajarenNa gelah tutus i bas masalah erta doni, sabab e masalah si kitik.

Payo, uang penting i bas kegeluhenta, tapi labo kerina hal banci itukur alu duit, termasuk kebahagiaan, kesehaten ras keselamaten. Sabab mekatep kalak adi enggo urusen erta doni banci ngelakoken erbage-bage hal si la mehuli termasuk sogok, korupsi, meranggap, rsd. Enggo ia ikuasai ertana, berarti dibatana e me kap erta. Emaka jelas nina Tuhan Yesus, “la banci sekalak juak-juak dua tuanna. Sabab adi bage nembeh atena nandangi si sekalak, janah si sekalak nari ikelengina. Kam la banci erkeleng ate man Dibata janah ergena ate man erta doni enda”, tegas ikataken Yesus. Sabab adi tuhu keleng ateta man Dibata la nggit kita “melacurken” kinitekenta erkiteken persoalen erta doni (korupsi, curang, menjual barang-barang haram, rsd.). Bahkan Paulus ngatakenca, “merangap nandangi duit e me sumbul kerina kejahaten. Enggo lit piga-piga kalak si merangap nandangi duit la nai tetap i bas kiniteken janah gulut ukurna ibahan erbage-bage kecedan ate” (1 Tim. 6:10).

Man banta erta, duit, labo tujun tapi alat guna banci nampati kegeluhenta. Maka selaku kalak si tek arus kita tutus i bas erta doni gelah alu bage ibereken Dibata man banta erta si tuhu-tuhu. Erta, duit banci jadi pasu-pasu adi beluh kita makesa ras tetap kita ngataken bujur man Tuhan. Sebalikna, erta, duit, banci jadi sinanggel adi i bas cara ndatkenca, makesa, la kita erpalas ku bas mbiar man Dibata.

Tema ngatakenca “Tutus i bas si kitik”. Lit lagu pop Karo ngatakenca, “adi sekolah tutus ate sekolah, adi ku juma tutus ate ku juma, adi erdahin tutus ate erdahin, adi erjabu ula min main-main”. Erkai pe arus tutus. Kunci kesuksesan i bas enterem kalak si sukses  e me tutus i bas hal si kitik, la ia anggap remeh nandangi hal si kitik-kitik. Maka rikutken tema-ta wari enda mabai kita Moria gelah ngergaken talenta si enggo ibereken Dibata man banta ras siberdayaken, benaken i bas hal si kitik.