PJJ GBKP Tgl. 29 Sept. - 05 Okt. 2019

PJJ GBKP TGL. 29 SEPT. - 05 OKT. 2019

Cl. Pdt. Albert E. Ginting

Tema : ERSADA DESKEN TINALI SI IPIU TELU (Pengerana 4:8-12)

(Entrepreneurship: kerjasama/mbangun jaringen IT ras ONLINE)

I bas jaman si genduari tuhu melala perkembangen teknologi si idah kita, khususna teknologi berbasis online. Perkembangan enda banci si elakkan perbahan enggo jadi kebutuhen manusia, janah adi la kita metengnget si e banci maba kita ku bas kecendrungen nggeluh sisada atau eksklusif (artina : sendiri, tidak membutuhkan orang lain, alu berpusat pada diri sendiri) janah mengabaikan kehidupan sosial nta. Enda erbahanca kita kurang bersosialisasi ras kalak si deban, khususna ras keluarganta. Situasi enda nuduhken kemajuan si genduari melala ngaruhna kubas kegeluhen, baik secara positif ras negatif.

Dampak Positif : 1) Mempermudah Komunikasi (jarak lanai jadi penghalang). 2) Mempermudah Informasi (banci kita mengakses berita dari berbagai sumber ras tempat). 3) Menjadi sumber pendapatan (iklan i sosial media, youtuber, desain, fotography rsd). 4) Menjadi pusat hiburan (berbagai jenis film, cerita, musik, game rsd). 5) Mempermudah aktivitas (taxi online, go food, go send rsd).

Dampak Negatif : 1) Lupa Diri/kecanduan (Waktu, tanggungjawab ras tugas sidebanna). 2) Kurangnya Komunikasi (pangen kap kalak ngerana entah diskusi arah medsos). 3) Kurang kreativitas (kemudahan ndatken informasi mempengaruhi kreativitas) 4) Bully (membully bas internet lebih aman asangken secara fisik entah pe langsung). 5) Gangguan Moral (konten-konten pornography, judi, hoax rsd).

I bas ayat 8 ikataken lit sekalak si enggeluh sisada-sisada, lalit ise pe temanna, banci i kataken la lit temanna bertukar pikiran entah pe teman arih. Tapi sibuk ia erdahin, latih akapna mpepulung kerna ertana, ia nggeluh i bas kinibayaken, janah adi i idahna ertana e la pernah ia puas. I bas ketutusen na erdahin, i bas kinilatihen na erdahin, kepeken kitab Pengerana enda menjelasken, kalak si bage geluh na, ia ngelatihi diri na, kegeluhen na e sia-sia, ia nggeluh i bas kini seran. Kinilatihen na e erbanca ia rukur i bas pusuh na, man ise berekenna ertana kune mate ia. Perban paksa si e lit kebiasaan ntah pe budaya si ngalo tading-tadingen eme anak-anakna ntah pe seninana. Banci i bayangken kune gulut ukurna man ise ia berbagi adi ia nggeluh sisada-sisada emaka teman e sangat penting. Enda nuriken bahwa sebagai manusia la ngasup kita nggeluh sisada-sisada , kita iciptaken sebagai makhluk sosial (Kejadin 2:18) kita membutuhkan teman guna nampati kita. Banci ikataken kita enda makhluk “simbiosis mutualis” saling membutuhkan dan saling menguntungkan.

I bas ayat 9 “adi dua kalak erdahin mbelang me bekasna....” mbelang bekasna enda la maba kita ku pengertin hasil kai si kerjaken kita ntahpe kuantitasna. Tapi si jadi penekanen eme kap kiniersadaan si maba kemalemen ate ras uga kita banci erguna man kalak si deban. Adi lit temanta banci kita i sampatina, adi lit temanta dahin si mberat banci jadi menahang artina lit kerjasama.

I bas ayat 10-12a enda ngataken lit “upah si mehuli...” adi lit temanta. Adi guling lit si nampati kita, i bas berngi paksa mbergeh dua kalak si rembak ia medem banci mereken las man sidebanna, paksa lit si nerang ia banci ras-ras ia ngelawanca. Enda pe ngatakenca penting kel lit temanta, perban paksa si e sarana ras prasana mesera denga, dalan pe erlubang-lubang melala batu, maun-maun erberngi ka ia i tengah dalan, melungen akap na, lalit temanna ngeranangerana, mbergeh ka akapna, ras mbue kalak penyamun (perampok). Adi sekalaklah ia lalit si nampati tupung paksa mesera, adi sekalak ia ngelawan penyamun e pasti talu ia. Tapi adina dua kalak ia lit si nampati ia, banci ia bekerja sama guna ngelawan si jahat e. I bas ayat 12b “Tinali siipiuh talu mesera ngeretapkenca” enda me jadi inti renungenta i bas berngi enda ngatakenca “adi dua pe megegeh apaika telu”. Bagi tali tambang adi si idah kita megegeh kel,  perhatikan bagin-bagin na lit piga-piga nali ipersada dungna ipiuh gelah megegeh. Bage ka kita ibas pertemanen, ibas kiniersadaan kita ipiuh amin pe berbeda tapi guna megegeh ras banci mpegegehi.

Tema PJJ nta enda maba gelah kita menyadari bahwa kebersamaan itu penting, teman e penting, ras relasi e pe penting. I bas kemajuan jaman si genduari pe i tuntut kita guna banci membangun kiniersadaan dalam arti membangun relasi nta ras temanta. Enda salah sada cara kita banci meningkatken ekonomi nta, kerjasama si paguh banci mereken dampak si penting ibas kerina pendahinta. I bas kemajuan teknologi si genduari pe kita harus banci mengembangken dirinta, si pake teknologi enda jadi alat ta, guna meningkatken kerja sama nta man kalak si deban, membangun jaringen guna banci nampati kita memenuhi kai sinisuraken kita ibas bidang IT ras ONLINE enda. Si paling terpenting emkap relasi nta ras Dibata harus tetap si jaga,  sebab enda me palas ta guna mpersada kita ras kalak sideban. Si akui arah perkembangen jaman si genduari kita harus erguna man kalak sideban.