SUPLEMEN PA MORIA GBKP TGL. 23 - 29 AGT. 2026

Pdt. Larena Sinuhadji, M.Th.

Engkelengi Dibata Arah Pendahin

Si Man Ogen : Kolose 3:22-25

Tema : ERDAHIN GUNA TUHAN

Tujun : Gelah Moria :

- Nuriken palas ras tujun erdahin 

- Ndahiken kerina pendahin si tep-tep wari alu disiplin, la jungut-jungut, la erbanding-banding, bujur ras setia

Metode : Nonton Bareng & Aksi

Penaruh

Epalasken Kej. 3:19, manusia harus erdahin guna ncukupken kebutuhen geluhna. Manusia si erdahin adi i bas bhs. Latin nina “homo laborans” ras “homo faber.” Kai bedana? Bagenda nina AI. “Perbedaan utama antara homo laborans dan homo faber terletak pada fokus aktivitasnya, yaitu makhluk yang bekerja untuk bertahan hidup versus makhluk yang mencipta dan membuat alat. Homo laborans adalah manusia sebagai makhluk yang bekerja (labor). Fokusnya adalah memenuhi kebutuhan biologis dasar dan kelangsungan hidup sehari-hari. Sifatnya berulang, rutin, dan tidak meninggalkan hasil permanen karena habis dikonsumsi (seperti makan atau bekerja fisik rutin). Sedangkan homo faber adalah manusia sebagai makhluk pembuat atau pencipta (work/craft). Fokusnya adalah membuat alat, membangun peradaban, dan menghasilkan karya yang tahan lama. Sifatnya kreatif, menggunakan akal budi, serta mengubah alam agar hidup menjadi lebih mudah dan terstruktur.”

I bas kesempaten enda radu ras mulihi kita erlajar kerna tugas tanggung jawabta selaku manusia si erdahin erpalasken si man ogenta sendah.

Mpebagesi Si Man Ogen

Si man ogenta sendah e me pengajaren Rasul Paulus kerna etika kerja kristiani man perpulungen kalak si tek i kota Kolose. Rasul Paulus ngajuk man budak-budak, gelah lit i bas ia karakter taat (patuh), tulus (bulat ukur la ngarapken pujin i bas manusia nari), ras kesungguhan (tutus, ay. 22-23). Etika kerja kristiani orientasina labo tuan, atasan, entah pe bos, tapi Dibata (ay. 23). Adi orientasina tuan, atasan, entah pe bos, si terjadi sangana la reh bos, ate-atena saja erdahin, pura-pura baik, menjilat, rsd. Tapi adi Dibata si jadi orientasina i bas erdahin, maka lit entah la lit bos i adepena, mehuli entah jahat bosna, tetap ia erdahin alu tutus erkiteken lit kiniteken i bas ia maka Dibata Mahahadir (omnipresent) janah iarapkenna upah i bas Dibata nari (ay. 24) bage pe ihindarina ukumen i bas Dibata nari (ay. 25).

I bas etika kerja kristiani, erdahin labo terjeng ertujun guna ndatken sen tapi guna berkarya menghasilkan si terbaik, berinovasi, berkreasi, mengaktualisasiken dirinta, rsd., si erbahanca labo sekelewetta ngenca si senang tapi kita pe si ndahikenca tuhu-tuhu sukacita. Pendahinta tuhu-tuhu jadi pasu-pasu labo saja man dirinta tapi pe man kerina kalak si lit i sekelewetta. Hal menarik si deban, adi guna manusia kita erdahin (ay. 23) pasti erbahanca kita tebang pilih entah pe erayo-ayo. Adi kalak bayak, erpangkat man hadapen, pasti luar biasa pengalo-ngalota, tapi sebalikna adi kalak si biasa-biasa si man layanen, banci jadi perbahanenta pe biasa-biasa saja, kurang mehuli ka deba. Tapi adi guna Dibata kita erdahin, entah pe Dibata tolok ukurna, bayak entah pe kalak mesera seri kerina siban, erkiteken kai si nidahiken kita guna kemulian man Dibata labo guna dirinta entah pe guna kalak si deban.

Adi sibandingken ras Epesus 6:5-9, Rasul Paulus labo terjeng mereken pengajaren man budak-budak tapi pe man tuan-tuan, nina, “O kam tuan-tuan! Kam pe bage ka lah perbahanenndu nandangi budak-budakndu. Olanai ia ipesega-segandu. Ingetlah! Subuk kam, bage pe budak-budakndu sada kap Tuanndu i surga. Janah labo erndobahen kam i lebe-lebeNa” (terj. BIMK: “Saudara-saudara yang menjadi tuan! Hendaklah kalian bersikap begitu juga terhadap hamba-hambamu. Jangan lagi memakai ancaman-ancaman. Ingat bahwa kalian dan hamba-hambamu itu, sama-sama mempunyai satu majikan, yaitu Tuhan yang di surga. IA tidak memandang muka”). Etika kerja kristiani labo terjeng siajarken man budak entah pe bawahan tapi pe man kerina tuan, atasan, entah pe bos, labo terjeng pengajaren i bas hal membangun relasi si mehuli ras bawahanna, tapi pengajaren kerna mediate, nehken perhatin si tuhu-tuhu man si erdahinna, i bas kesejahteranna, kenyamanenna, keamanenna, ras kiniulin si debanna.

Etika kerja kristiani enggo mabai keberhasilen man kalak Kristen sepanjang sejarah. Melala tokoh-tokoh Kristen si jadi pasu-pasu man sekelewetna. Sanga musil denga ia tutus erdahin, kenca enggo jadi bos, mehuli ia man sekelewetna. Tuhu-tuhu jadi pasu-pasu labo saja man dirina, keluargana, sekelewetna tapi pe jadi pasu-pasu i bas perkembangen kekristenan sepanjang sejarah.

Pengkenaina

Si man ogenta sendah ngajuk kita kerina Moria gelah, si pemena, lit min i bas kita karakter taat, tulus, ras kesungguhan. Adi rikutken tujun si peduaken PA-nta sendah nina, gelah Moria ndahiken kerina pendahin si tep-tep wari alu disiplin, la jungut-jungut, la erbanding-banding, bujur ras setia. Penungkunenna, enggo lit i bas kita karakter-karakter si ndai? Adi enggo, puji Tuhan! Sipertahanken ras sitingkatken kualitasna. Adi lenga, mari radu ras siperobahi ku si mehuli. Si peduaken, iajuk kita kerna gelah njadiken Dibata sebage orientasi entah pe tujun i bas kai pe si idahiken kita. Penungkunenna, adi lit lah umpamana niat, entah pe motivasi gelah naik jabaten, datken erta kebayaken, apakah salah? Tentu lang, saja harus terus-menerus sievaluasi palasta i bas erdahin, si utamana e me guna kemulian gelar Dibata. Si peteluken, iajuk kita gelah terus berkarya guna menghasilken si mehuli man sekelewetta. Jadi pasu-pasu baik man diri sendiri, keluarga, Gereja, bage pe man kerina kalak si lit i sekelewetta. Dibata si mpengasup kita kerina.