Pdt. Larena Sinuhadji (Nd. ReyRapha Tarigan)
P2P Mamre: Manfaat - Kewajiban
Ogen : Ulangen 10:12-16
Tema : NGIKUTKEN UNDANG-UNDANG TUHAN
Tujun : Gelah Mamre :
1) Matuhi ras ngikutken undang-undang sue ras teks
2) Matuhi P2P e me patron i bas ngaturken pelayanen bermusyawarah dingen pe berorganisasi
Metode : Diskusi
Penaruh
Lit kuan-kuan si ngatakenca, “Peraturan dibuat untuk dilanggar.” Kuan-kuan enda mungkin maksudna satire. Satire ertina gaya bahasa yang dipakai dalam kesusastraan untuk menyatakan sindiran terhadap suatu keadaan. Memang i bas kinatana melala aturen i bas kegeluhenta si ilanggar bage-bage saja tanpa alasen si banci ipertanggungjawabken. Adi enggo enterem jelma si melanggar aturen enggo pasti si terjadi kekacauan, si banci saja menyebabkan jatuhnya korban jiwa. I bas kesempasen enda radu ras kita erlajar mulihi kerna kepatuhen erpalasken Kata Dibata si jadi teks ogenta sendah.
Mpebagesi Ogen
Ogenta sendah lit i teruh judul perikop “Tuntuten Dibata” i bas terj. Bhs. Ind., nina, “Orang Israel diperingatkan supaya taat dan bersyukur.” I bas dua judul perikop enda nari enggo jelas maka turi-turin ogenta sendah nuriken kerna tuntuten Dibata man bangsa Israel e me gelah bangsa e taat ras ngataken bujur man Dibata. Janah memang tujun Kitab Ulangen e me: si pemena guna mpelimbarui perjanjin antara bangsa Israel ras Dibata. Si peduaken guna ngingetkenca mulihi kerna Undang-undang (Hukum Taurat) man generasi peduaken bangsa Israel kenca ipulahi Dibata i bas perbudaken Mesir nari. Si peteluken guna nikapken bangsa Israel jadi umat Dibata i bas taneh si bakal iiani e me Kanaan. Emaka banci ikataken Kitab Ulangen enda labo terjeng pengulangen hukum, tapi si utamana e me penjelasen ras penerapen si mbaru man generasi si mbaru.
Kai saja si jadi tuntuten Dibata i bas ogenta sendah? Adi sioge ay. 12, 13, ras 16, bagenda nina Dibata, 1) Sembahlah TUHAN. 2) Dahiken kerina si iperentahkenNa. 3) Kelengi Dibata. 4) Dahikenlah dahinNa, entah pe beribadah, alu bulat ukur. 5) Ikutken kerina Undang-undangNa. 6) Patuh man TUHAN ulanai mekeng.
Erpalasken ay. 14-15, kerina si jadi tuntuten Dibata e harus ilakoken alu palas kiniteken maka: 1) Tuhan Dibata kap si mpuna langit, doni ras kerina isina. 2) Keleng ate Dibata si mbelin si erbahanca Israel jadi satu-satunya bangsa pilihen Dibata. Alu bage kerina tuntuten Dibata ndai labo terjeng ilakoken bage-bage saja tapi lenga siteh kai maknana. Ilakoken hanya sekedarnya saja sebage kewajiben gelah iidah kalak. Entah pe ilakoken hanya sebage formalitas. Tapi tuhu-tuhu ilakoken alu kesadaren maka Dibata enggo leben engkelengi bangsa e, janah Dibata enggo encukupken kerina si jadi kebutuhen bangsa e. Palas kiniteken i bas ngelakoken kerina tuntuten Dibata e akap kami si pentingna, janah harus jadi fokus i bas kesempaten enda.
 |
| Versi Audio silahkan klik : https://youtu.be/nun5RbRnVuM |
Pengkenaina
PA-nta sendah ngajuk kita kerina, khususna kam kerina Mamre, gelah meteh ras menyadari kai si jadi palas kiniteken i bas ngelakoken kerina si jadi peraten Dibata. Adi rikutken ogenta sendah, palas kinitekenna e me, si pemena erkiteken Dibata enggo leben engkelengi kita nai nari, gundari, seh rasa lalap. Janah si peduaken, erkiteken enggo icukupken Dibata kerina si jadi kebutuhen geluhta, nai nari, gundari, seh rasa lalap. Emaka marilah sirenungken kegeluhenta sedekah enda, janah gejapkenlah keleng ate Dibata si luar biasa i bas geluhta, gelah alu bage tuhu-tuhu termotivasi kita guna ngelakoken kerina si jadi peratenNa sebage wujud nyata pengataken bujurta man Dibata.
PA-nta sendah ikaitken ras kepatuhen i bas ngelakoken aturen-aturen si lit i bas lembaga kategorial Mamre, khususuna P2P Mamre. I bas si e tentu pengurus i bas kerina tingkaten (Pusat, Klasis, Runggun) harus leben proaktif i bas mensosialisasiken aturen-aturen e. Erbahan seminar-seminar, panduan-panduan, pelatihan-pelatihan, rsd.-na., gelah tuhu-tuhu iangkai Mamre aturen-aturen si enggo isepakati bersama i bas Mamre, khususna P2P Mamre. Tapi perlu ka nge siinget maka palas kerina aturen-aturen e, labo terjeng gelah ratur secara organisasi, tapi lit palas kinitekenna, e me melayani alu tutus erpalasken keleng ate Dibata. P2P Mamre boleh diubah setiap saat berdasarkan kebutuhan pelayanan, tapi palas kiniteken e tidak boleh diubah, janah harus jadi ukuran tertinggi i bas lembaga kategorial Mamre. Dibata si masu-masu Mamre GBKP.
Tidak ada komentar:
Posting Komentar