SUPLEMEN PA MAMRE GBKP TGL. 11 - 17 OKT. 2026

Pdt. Larena Sinuhadji (Nd. ReyRapha Tarigan)

Memaknai Persekutuan Konteks Modern

Ogen : 1 Petrus 4:7-11

Tema : PENGURUS SI MEHULI I BAS PEMERE DIBATA

Tujun : Gelah Mamre :

1) Meteh maka kalak si tek harus jadi pengurus si mehuli i bas pemere Dibata

2) Njadiken dirinya sebage pengurus si mehuli i bas pemere Dibata

Penaruh

PA-nta sendah lit i teruh tema umum e me “Memaknai persekutuan dalam konteks modern.” Adi sisungkun AI bagenda nina, “Persekutuan Kristen (koinonia) dalam konteks modern adalah komunitas orang percaya yang berakar pada Kristus namun harus hidup, beradaptasi, dan memberi kesaksian di tengah arus sekularisasi, individualisme, dan kemajuan teknologi.” Ertina banci ikataken zaman boleh berubah tetapi nilai-nilai kristiani harus tetap dijaga keberlangsungannya. I bas kesempaten enda radu ras mulihi kita erlajar kerna komunitas kristiani si tetap paguh i bas konteks dunia modern si dem alu sekularisasi, individualisme, dampak negatif kemajun teknologi, ras hal-hal si deban si la sue ras peraten Dibata.

Mpebagesi Ogen

Ogenta sendah lit i teruh judul perikop “Pengurus si mehuli kerna pemere Dibata.” I bas terj. Bhs. Ind., nina “Pengelola pemberian dari Allah” (“Hidup orang Kristen”). Judul perikop enda jadi tema i bas PA-nta sendah. Kai nina Rasul Petrus kerna pengurus si mehuli enda? Mari radu ras siorati.

Rasul Petrus mereken pergegeh man perpulungen kalak si tek si merap marpar i 5 provinsi Kerajan Romawi (Pontus, Galatia, Kapadokia, Asia Kitik, ras Bitinia) kira-kira tahun 60-63 Masehi. Perpulungen paksa si e mengalami erbage-bage perbeben ras kiniseran si mberat erkiteken kinitekenna man Yesus Kristus. Mungkin kadar perbeben ras kiniseran i bas tep-tep wilayah ndai bervariasi. Lit si mberat kel, lit ka si labo mberat, rsd. Tapi ratana perpulungen kalak si tek i wilayah 5 propinsi ndai ngenanami perbeben ras kiniseran erkiteken gaya hidupna si berbeda asangken masyarakat pada umumna. I tengah perbeben ras kiniseran si mberat e, lit perpulungen si enggo lanai ngasup ndalani kegeluhen si tep-tep wari, emaka kurang pedas iakapna kerehen Yesus si peduakaliken, gelah pedas pulah atena i bas perbeben ras kiniseran si mberat ndai. Emaka surat enda tuhu-tuhu iarapken Petrus jadi pedoman ras pergegeh man perpulungen si sangana kote kiniteken bage pe kegeluhenna paksa si e.

Rasul Petrus ngatakenca i bas ay. 7, “Kerina si nasa lit enggo ndeher kedungenna. Dage kuasailah dirindu janah petenenglah ukurndu gelah ngasup kam ertoto.” I bas tafsiren LAI ayat enda banci iterjemahken, “Segala sesuatu yang ada sekarang ini akan segera berakhir. Karena itu tetaplah berpikir tenang dan waspadalah, supaya kalian dapat berdoa dengan baik.” I bas ayat enda Petrus ngajuk perpulungen gelah ula fokus ku kerehen Tuhan si peduakaliken sebab e enggo pasti bakal terjadi, tapi fokuslah ku kai-kai saja si banci denga simaksimalken i bas waktu si lit. I bas si e, hal si penting si pemena si harus ilakoken e me tetap ertoto alu kualitas ras kuantitas si terbaik. Ertina ertoto e ilakoken alu ukur si teneng tapi tetap metenget.

Hal penting si peduaken si harus silakoken e me sikeleng-kelengen sada ras si debanna. Ay. 8 i bas tafsiren LAI banci siterjemahken, “Yang paling penting, kalian harus tetap saling mengasihi dengan sungguh-sungguh. Dengan begitu, kalian selalu siap untuk mengampuni orang yang berbuat jahat kepada kalian.” Kualitas ras kuantitas kekelengen harus semakin itingkatken seh ku tingkat tertinggi e me ngasup ngalemi (mengampuni) kalak si jahat man banta. Wujud nyata sikeleng-kelengen selanjutna ikataken Rasul Petrus i bas ay. 9 ras 10, e me metemue alu meriah ukur, saling melayani, ras sisampat-sampaten. Ay. 10 i bas tafsiren LAI iterjemahken bagenda nina, “Kalian masing-masing telah menerima pemberian dari Allah. Kelolalah semuanya itu dengan baik. Karena itu, pakailah anugerah pemberian itu untuk saling menolong sesama kalian.”

Hal penting si peteluken, kai pe si ilakoken output-na harus guna kemulian gelar Dibata. Ay. 11 i bas tafsiren LAI nari, banci iterjemahken bagenda nina, “Kalau seseorang berbicara, dia harus ingat bahwa dia sedang menyampaikan perkataan Allah. Kalau seseorang menolong orang lain, dia harus melakukannya dengan kekuatan dari Allah. Semua yang kalian lakukan haruslah dapat membuat orang meninggikan Allah. Yesus Kristus-lah yang membuat semua itu bisa terjadi. Dialah yang berkuasa dan patut dipuji selama-lamanya. Amin!” Guna si e tentuna leben harus lit pengakun i bas dirinta maka Dibata-lah ngenca si erkuasa i bas geluhta ras Dibata ngenca si patut isembah. I bas si e Dibata si mpengasup kita jadi usihen man sekelewetta. Kai pe si ibelasken ras si ilakoken kita membangun, memotivasi, membawa energi positif, maba kiniersadaan ras Kristus, janah gelar Dibata imuliaken arah kehadirenta i japa pe kita ringan.

Versi Audio silahkan klik : https://youtu.be/-7_vFANeYxA

Pengkenaina

I bas konteks kegeluhen perpulungen kalak si tek jaman Rasul Petrus, ula sempat perbeben ras kiniseran si mberat ncedaken kiniteken man Dibata i bas Yesus Kristus, bage pe ncedaken kiniersadan i tengah-tengah perpulungen kalak si tek. I bas si e Rasul Petrus mpegegehi perpulungen gelah tetap setia ertoto, sikeleng-kelengen, janah kai pe si ilakoken palasna e me guna kemulian gelar Dibata gelah tetap paguh kiniersadan i tengah-tengah perpulungen kalak si tek. Kai si terjadi selanjutna? Perpulungen kalak si tek ngasup bertahan mentasi erbage-bage tantangen, perbeben, ras kiniseran si mberat. Seh asa gundari kekristenan tetap bertahan.

Kai si ilakoken perpulungen kalak si tek i bas jaman Rasul Petrus pe harus tetap ilakoken i bas konteks jamanta si genduari enda. Kerina kalak si tek memiliki tanggung jawab guna memelihara warisan iman di dalam Kristus bage pe njagai kiniersadan kalak si tek alu palas keleng ate Kristus. Adi sisungkun AI kai saja si jadi tantangen i bas jaman modern enda? Bagenda nina, “Tantangan persekutuan di era modern adalah, yang pertama, individualisme, yaitu budaya serba mandiri membuat orang merasa cukup hidup sendiri tanpa keterlibatan aktif dalam komunitas gereja atau persekutuan. Kedua, sekularisasi dan materialisme, yaitu nilai-nilai dunia yang mengagungkan materi dan kesuksesan instan sering kali menggeser prioritas rohani. Ketiga, disrupsi teknologi, yaitu media sosial menghadirkan ribuan koneksi maya, tetapi sering kali mengurangi kedalaman relasi antarpribadi yang otentik secara fisik. Selain si e, melala dampak negatif si deban i bas media sosial nari, umpamana, judol, pinjol, game online, seks online, investasi bodong, rsd.-na. Ertina i bas si e kerina kalak si tek harus tetap waspada, entah pe metenget.

Kerina kita, khususna kam kerina Mamre, enggo ipercaya Dibata jadi pengurus si mehuli i bas pemere Dibata. Pemere Dibata e bermanfaat guna mpeteguhi kiniteken, bage pe njagai kiniersadan sapih-sapih kalak si tek. Emaka mari radu ras kita tetap setia ertoto alu la erngadi-ngadi, nggeluh sikeleng-kelengen sapih-sapih kita kalak si tek, terus sijagai kiniersadanta alu ngelakoken erbage-bage hal si sue ras peraten Dibata alu palas guna kemulian gelar Dibata. Alu bage kai pe tantangen jaman, banci radu ras sihadapi alu gegeh i bas Dibata nari.