SUPLEMEN PJJ GBKP TGL. 11 - 17 OKT. 2026

Pdt. Larena Sinuhadji (Nd. ReyRapha Tarigan)

PEMETEH SI KUH DINGEN SERTA - 1 Korinti 13:11-12

(Mengenal Tuhan Membuat Mampu Mengenal Diri - Fokus 2027 Mengenal Diri Sendiri)

Penaruh

Adi sisungkun AI, lit piga-piga tahap i bas kita nandai (mengenal) Dibata si isembah kita i bas Yesus Kristus. Si pemena nina, tahap mengenal secara intelektual. Si ilakoken i bas tahap enda nina, mendengar atau membaca tentang Yesus sebagai tokoh sejarah atau ajaran moral. Mempelajari doktrin, kisah hidup, dan kebenaran tentang siapa Yesus melalui Alkitab. Si peduaken e me tahap pertobatan dan iman (menerima). Si terjadi i bas tahap enda e me menyadari keberdosaan diri dan berpaling dari dosa. Mengakui Yesus sebagai Juruselamat pribadi dan menyerahkan hidup kepadaNya. Si peteluken e me tahap mengalami kehadiran dan kasih Yesus (mengalami). Si ilakoken i bas tahap enda e me membangun relasi akrab lewat doa, persekutuan, dan perenungan firman. Merasakan pimpinan Roh Kudus serta penyertaan Tuhan dalam situasi hidup sehari-hari. Si peempatken e me tahap menyerahkan diri dan melakukan (menjadi saksi). Si ilakoken i bas tahap enda e me menjadikan teladan Yesus sebagai pola hidup dan melangkah mengikuti kehendakNya. Ras mewartakan kasih Kristus melalui perbuatan baik, pelayanan, dan kesaksian hidup kepada sesama.

I bas kesempaten enda radu ras kita mulihi erlajar kerna nandai Dibata alu mehuli, kuh dingen serta, erpalasken ogenta sendah, sikaitken ras nandai diri si jadi fokus i bas pelayanen tahun 2027.

Mpebagesi Ogen

Sope perikop si jadi ogenta sendah, Paulus nuriken kerna erbage-bage pemere si ibereken Dibata man kalak si tek, lit si mpepalem kalak sakit, kengasupen nampati kalak si deban, kengasupen jadi pemimpin, entah pe kengasupen ngerana i bas cakap Kesah. Erkiteken pemere si pelain-lain e, maka kedungenna lit turah kesombongen terlebih man kalak si lit kengasupenna ngerana i bas cakap Kesah. Janah i jenda Paulus nuriken man perpulungen gelah ersura-suralah guna ndatken pemere-pemere Kesah si terulin. Pemere Kesah si terulin e me keleng ate.

I bas perikopta, Paulus jelas nuliskennca, maka keleng ate me si pentingna. Bicara beluh pe kita ngerana i bas kerina cakap manusia (kerina bahasa sikuasai), entah cakap malekat sekali pe, tapi adi la lit kekelengen man kalak si deban maka la lit ertina. Kai si kubelasken e la lebih asangken gung si erbulnang entah pe penganak si erdeping. Bahkan lit pe i bas kita pemere ernubuat, cukup kinitekenta seh makana ngasup mindahken deleng, tapi adi la lit kekelengenta man kalak si deban, sia-sia me kita. Lit pe kinibayakenta, statusta terpandang, tapi adi la lit kekelengenta si e kerina sia-sia belaka. Keleng ate e me hal si seh kel pentingna si harus mewarnai kegeluhen kalak si tek.

Piga-piga hal si ilumbaken Paulus i bas perikopta. Si pemena, prestasi, pencapaian, kehebaten karunia kai pe la lit ertina tanpa keleng ate Kristus i bas kita. Emaka hal penting si pemena si harus lit i bas kalak si tek e me keleng ate Kristus. Dibata i bas Yesus Kristus reh ku tengah-tengah doni enda guna mereken keselamaten man banta kerina palasna e me keleng ate (Yoh. 3:16). Emaka erpengayaklah kita guna nggejapken keleng ate Kristus ras harus nggit kita ipake Dibata guna pembarken keleng ateNa i bas Yesus Kristus i japa pe kita ringan.

Si peduaken, keleng ate labo kata sifat tapi kata kerja si harus icidahken i bas kegeluhenta si tep-tep wari. Megenggeng, mehuli, la percian, la menganjang rukur, la sombong, la mekarus, la ncariken untung man dirina sendiri, la ngkira kesalahen kalak. Ermeriah ukur i bas si benar. Kalak si erkeleng ate ngasup nggengken kai-kai pe, tetap erpengarapen dingen saber i bas kai-kai pe. Lit lebe si ndarat i bas dirinta maka e igelari kekelengen, subuk berupa materi, perhatian, tenaga, pemikiren, rsd. Emaka lit kuan-kuanen bahasa Inggris nari nina, “Love isn’t love until you give it away.” Ertina, keleng ate labo keleng ate adi la sibereken. Kata “kasih” i bas bhs. Ind. akap kami tepat sebab lit kata kerja “kasihkan” ertina “bereken,” sebab memang kasih itu harus dikasihkan ku kalak si deban.

Si peteluken, keleng ate ngenca si banci tahan rasa lalap (la erker-kerin). Adi ernubuat masap kap, ngerana i bas cakap Kesah ngadi me, janah pemeteh me masap nge. Alu bage tetap memotivasi kita ndalanken kekelengen i bas kegeluhenta. Terlebih Paulus ngelumbaken, lit telu si tetap harus terus idalanken e me: erkiniteken man Tuhan, erpengarapen man Dibata ras erkeleng ate man kalak si deban. Janah si pentingna (si ajaibna) i bas si telu e, e me engkelengi kalak si deban.

Si peempatken, si jadi fokus i bas PJJ-nta sendah e me ay. 12, sebab ayat enda si jadi tema i bas PJJ-nta sendah. Pemeteh si kuh dingen serta. Kai enda antusenna? Harus nggit kita erproses erkiniteken man Tuhan, erpengarapen man Dibata, ras erkeleng ate man manusia. I bas kita ndalani proses enda labo murah, sebab melala tantangen, perbeben, kiniseran si harus ihadapi. Tapi tek kita adi setia kita i bas ndalani proses enda, ipengasup Dibata kita datken pemeteh si kuh ras serta kerna Dibata. Semakin mengenal Tuhan dengan baik dan benar dalam kehidupan kita.

Versi Audio silahkan klik : https://youtu.be/KZH0rWZvxGo

Pengkenaina

Lit dua hal si akap kami jadi perhatinta i bas PJJ sendah. Si pemena, sepakat kita maka keleng ate Kristus e me hal si utama i bas kegeluhen kalak si tek. Yesus Kristus reh ku doni enda erkiteken keleng ateNa man manusia. Emaka kasih (keleng ate) e me ajaren inti kekristenan. Asum lit kalak Farisi nungkun man Yesus, “O guru, perentah si apai kin si pentingna kel i bas kerina undang-undang agama?” Erjabab Yesus nina, ”Kelengilah Tuhan Dibatandu asa ukurndu, asa tendindu, asa gegehndu lit. Enda me perentah si mbelinna ras si pentingna. Si peduaken, bali ras si ndai eme, kelengilah temanndu manusia bagi kam ngkelengi dirindu jine” (Mat. 22:37-39, bdk. Mrk. 12:30-31; Luk. 10:27). Ertina sope kita erkeleng ate man sapih-sapih kita manusia, leben harus sigejapken keleng ate Dibata si mbelin man banta. Kenca sigejapken keleng ate Dibata emaka ngasup kita ngkelengi Tuhan asa ukurta, asa tendinta, dingen asa gegehta lit. Wujud konkrit engkelengi Dibata eme alu ngelakoken kerina si jadi peraten Dibata. Adi enggo sigejapken keleng ate Dibata janah enggo kita erkeleng ate man Dibata maka e si jadi palas i bas kita erkeleng ate man ise pe si lit i sekelewetta. Emaka mari radu ras kita ertekad tuhu-tuhu nggejapken keleng ate Dibata i bas geluhta si tep-tep wari, janah nggit kita ipake Dibata guna jadi saluran keleng ateNa.

Si peduaken, enggo seh i ja kita nandai Dibata i bas Yesus Kristus? Apakah masih pada tahap sekedar mengetahui entah pe ikut-ikutan? Entah enggo seh ku tahap menyerahkan diri dan menjadi saksi? Enda lit kaitenna ras sub tema i bas PJJ-nta sendah e me, mengenal Tuhan membuat mampu mengenal diri - fokus 2027 mengenal diri sendiri. Mengasihi diri sendiri e me sada bagin i bas kita erkeleng ate man Dibata bage pe erkeleng ate man manusia. Mengasihi diri sendiri labo berarti mengasihani diri sendiri entah pe mengutamakan keinginan diri sendiri (egois). Si payo e me menyadari keberadaan diri sendiri dan mengucap syukur atas segala sesuatu yang sudah Tuhan percayakan kepada kita: kesehatan, prestasi (pencapaian), pekerjaan, keluarga, istri, anak, orang tua, pelayanan, rsd.-na. Enggo nge sikataken bujur man Dibata i bas kerina si enggo ipercayakenNa man banta? Enggo nge sipakeken waktu ras kesempaten si lit guna memaksimalkan kerina si enggo ipercayaken Tuhan man banta? Semakin kita mengenal Tuhan, semakin kita dikondisikan untuk bersyukur atas keberadaan diri sendiri.

Si terakhir, mari radu ras sipindo pergegeh i bas Dibata nari gelah ipengasupNa kita terus berproses i bas: erkiniteken man Tuhan, erpengarapen man Dibata ras erkeleng ate man kalak si deban, seh ku pemeteh si kuh dingen serta.