SUPLEMEN PA MORIA GBKP TGL. 9 - 15 AGT. 2026

Pdt. Larena Sinuhadji, M.Th.

Mengasihi Allah Dalam Keadaan Suka

Si Man Ogen : Lukas 17:11-19

Tema : INGET NGATAKEN BUJUR

Tujun : Gelah Moria :

- Meteh ras nandai biak-biak kalak si enggo ngaloken perkuah ate Dibata

- Ngataken bujur i bas ngaloken perkuah ate Dibata alu ersembah ku Rumah Pertoton

Metode : Baca Gali Alkitab (BGA)

Penaruh

Pernah nge sigejapken maka dahinnta sebage nande la dung-dung? Medak erpagi-pagi, sisikapken kebutuhen jabunta, mengurus rumah, naruhken anak sekolah, tutus ka melayani i Gereja, bahkan rusur ka jadi ingan curhat anak-anak ras perbulangen. Tapi i tengah-tengah kerina kesibuken si idalanken kita, mekatep si terjadi lupa kita ngataken bujur. Ngataken bujur man Tuhan i ja enggo iarak-arakNa geluhta, sehat-sehat kita ras sikap kerina dahin si jadi tanggung jawabta sidahiken. E mekatep si terjadi i bas geluhta, enggo ibereken Tuhan kai si jadi pingko-pingkonta, tanpa sisedari kita, lupa kita ngataken bujur man baNa. Ertoto kita asum anakta sakit, kenca enggo malem, la nari siinget ertoto ngataken bujur. Ertoto gelah ibereken Dibata rejeki lancar, kenca enggo sukses, ku Gereja pe la nari sempat, rsd. 

Emaka rikutken bahanta sekali enda, mulihi kita ipersingeti, gelah tetap ngataken bujur man Tuhan, terlebih asum enggo idengkehken ras ikabulken Tuhan pingko-pingkonta. 

Mpebagesi Si Man Ogen

Teks nulisken, i bas perdalanen Yesus ku Jerusalem, IA mentas arah perbatasen Samaria ras Galilea. Labo isuratken alu jelas, i ja lokasina. Adi Galilea mayoritas penduduk aslina kalak Yahudi, sedangken Samaria, kalak non-Jahudi. I jenda me situhuna letak pesan teologisna, maka ituduhken Yesus dua kelompok si sedekah enda bertikai (hubungen keduanya sangat buruk, saling membenci, tidak beribadah bersama, la banci saling menerima), tapi i perbatasen e terjadi hal si menarik. Pinakit si ialami kalak enda erbahanca kalak enda banci ersada. Penyakit kusta menghapus sekat-sekat sosial.

I bas jaman Yesus, pinakit kusta (gadamen) labo hanya pinakit kulit, tapi erbahanca kalak kebenen kesehaten, keluarga, pendahin, bahkan harga dirina. Rikutken Hukum Taurat (Im. 13-14), kalak si kena pinakit gadamen harus nggeluh terpisah i bas masyarakat nari. La banci tading ras keluarga. Ras lit rusur si melasken kata “najis” setiap kalak kusta mentas. Ras sepuluh kalak si gadamen enda sama-sama ngenanami kineseran si mberat. Sekali nari, kiniseran erbahanca kalak enda banci ersada.

Asum Yesus bengket ku bas kuta e, reh sepuluh kalak gadamen si tedis dauh-dauh nari, janah alu sora si megang, erlebuh man Yesus, “O Yesus, o Tuhan, mekuah min ateNdu kami!” (Mereka berdiri agak jauh dan berteriak, “Yesus Guru kasihanilah kami”). Kenca idah Yesus kalak e nina, “To lawes, cidahken badanndu man imam.” Lit si menarik i jenda, maka rikutken Hukum Taurat kalak gadamen la banci ndeher ras kalak sehat. Maka dauh-dauh nari kalak enda mindo penampat man Tuhan Yesus. Si luar biasa, jarak fisik la banci ngolangi perkuah ate Tuhan Yesus.

Kalak si gadamen lenga malem, tapi isuruh Yesus guna encidahken dirina man iman. Biasana, imam me si mastiken kalak si gadamen enda sehat. Ras memang terbukti i tengah dalan enggo malem kalak enda ndai. Mujizat terjadi asum kalak enda taat nandangi perentah Tuhan. Emaka pesan pentingna, tetap berjalan dengan taat, meskipun hasilnya belum terlihat.

Klimaks kisah enda e me sekalak i bas si sepuluh kalak e, si enggo mejelis kulana, mulihken ia ku Yesus. Ipujina Dibata alu sora si megang. Erjimpuh ia i lebe-lebe Yesus janah ikatakenna bujur. Ras kalak si mulihken enda e me kalak Samaria (terj. LAI Ed. 2, “tidak adakah di antara mereka yang kembali untuk memuliakan Allah, selain orang asing ini?”). Kalak si biasa ianggap kafir (orang asing), justru menjadi teladan iman. Sepuluh kalak mengalami kesembuhen tapi sada kalak ngenca si ngaloken keselamaten. I bas terj. Bhs. Ind., “IA berkata kepada orang itu, “Berdirilah dan pergilah, imanmu telah menyelamatkan engkau.” Kesembuhan memulihkan secara fisik, tapi keselamatan memulihkan relasi dengan Tuhan.

Versi Audio silahkan klik : https://youtu.be/DRrT24W_xwc

Pengkenaina

Tema i bas PA-nta sendah, “Inget ngataken bujur.” Perikopta sendah mpersingeti kita guna tetap ngataken bujur man Tuhan. Bersyukur harus menjadi karakter (gaya hidup) kalak si tek. Labo hanya respon asum kita iberkati Tuhan, tapi setiap saat, setiap waktu i bas kerina dampar geluh si ialami kita, harus tetap kita ngataken bujur.

Sepuluh kalak mengalami kesembuhen, tapi sekalak ngenca si mulihken ku Tuhan Yesus guna ngataken bujur ras mpermuliaken Tuhan Dibata. Banci jadi kita nungkun, ku ja si siwah kalak ndai? Pustaka Si Badia labo nuratkenca kai si ilakokenna. Banci jadi kalak enda langsung njumpai keluargana si enggo ndekah kel la banci jumpa ras ersada, banci jadi langsung ndaramina dahinna ras benakenna geluh si mbaru, entah banci jadi ianggapna kesembuhen sebage sesuatu si enggo wajar ialokenna.

Tanpa sisedari, kai si ilakoken siwah kalak enda, sidalanken ka bas geluhta tiap warina; menikmati berkat Tuhan, tetapi melupakan Tuhan yang sudah memberkati. Ertoto kita gelah ipepalem Tuhan, kenca enggo sehat lupa kita ngataken bujur. Ertoto kita gelah ibereken Tuhan dahin, tapi lupa kita ngataken bujur subuk kita ngurusi dahinta seh maka la sempat ku Gereja. Kesibuken erbahanca la nari siinget Tuhan si masu masu geluhta. Asum anak-anakta berhasil, kita lebih sibuk merayakan keberhasilenna asangken ersembah ngataken bujur man Tuhan. Bersyukur labo sekedar ucapan “terima kasih” tapi gaya hidup (karakter) si tuhu-tuhu nggejapken maka setiap kesah, kesehatan, setiap kondisi ras situasi si banci idalani e me erkiteken anugerah Tuhan (perkuah ate Tuhan).

Hati yang bersyukur akan tetap melihat berkat di tengah persoalen, kekurangen entah pe pergumulen. Hati yang bersyukur tidak hanya datang kepada Tuhan saat kita membutuhkan pertolongan, tetapi juga setia datang kepadaNya ketika doa pun belum dijawab. Pelajaren berharga i bas kalak Samaria nari, maka berkat terbesar labo sekedar fisik si ipulihken, tapi perjumpaan ras Juruselamat. Setiap saat kita ngataken bujur man Tuhan, i bas totonta, i bas ibadahta, i bas kesetiaan ras ketutusen melayani, ras i bas setia kita nehken pengataken bujur man Tuhan alu ermeriah ukur. Sebab asum kita nggeluh alu pusuh si dem pengataken bujur, situhuna kita sangana ncidahken Kristus si lebih utama (berharga) dari semua berkat si enggo sialoken kita. Hati yang bersyukur akan selalu menemukan alasan untuk memuji Tuhan, apapun keadaan yang sedang kita alami.