SUPLEMEN PA MAMRE GBKP TGL. 16 - 22 AGT. 2026

Pdt. Larena Sinuhadji (Nd. ReyRapha Tarigan)

Ogen : 1 Petrus 1:18-25

Tema : ITEBUS-NA GELAH JADI MEHERGA

Tujun : Gelah Mamre :

1) Meteh maka kegeluhenna enggo itebus alu dareh Yesus

2) Ngangkai maka kemerdekan pemere Dibata si meherga ras nggeluh bagi si isuraken Dibata

Penaruh

Lit informasi i bas AI nari kerna negara si paling sejahtera di dunia, bagenda nina, “Finlandia secara konsisten menduduki peringkat teratas sebagai negara paling sejahtera atau bahagia dalam beberapa tahun terakhir. Laporan Kebahagiaan Dunia (World Happiness Report) menempatkan Finlandia di posisi puncak, menyoroti perhatian negara tersebut pada kesejahteraan sosial dan keberlanjutan. Selain itu, Finlandia juga dikenal sebagai negara yang makmur dengan fokus pada kesejahteraan sosial dan lingkungan.” Kai si iharapken kita i bas kemerdekaan? Tentuna kesejahteraan. Man kai merdeka adi masyarakatna la sejahtera? I bas PA-nta sendah radu ras kita mperingeti 81 tahun kemerdekaan negaranta Indonesia, erpalasken Kata Dibata si jadi ogenta sendah.

Mpebagesi Ogen

Ogen si man oraten i bas PA-nta sendah ibuat i bas surat 1 Petrus nari si itujuken man perpulungen kalak si tek (umumna labo kalak Yahudi) si merap marpar i wilayah Pontus, Galatia, Kapadokia, Asia, ras Bitinia, paksa si e sanga ngenanami kiniseran erkiteken pilihenna guna tek man Yesus Kristus. Kiniteken si mayoritas ras dominan paksa si e igelari “agama misteri”. Agama misteri enda melegalken perzinahan ras hedonisme. Melala jemaat i bas agama mayoritas nari pindah keyakinen ku Kristen sebab i bas kekristenan dem alu sikeleng-kelengen, lit i bas agama enda gaya hidup si mbaru, selain tentuna secara tegas menolak perzinahan ras hedonisme. I bas si e para pemimpin “agama misteri” ndai merasa terusik alu kehadiren agama Kristen enda sebab enggo semakin urak pengikutna, adi enggo semakin urak pengikutna, enggo pasti pengaruh ras finansial (sen masuk) pe semakin berkurang. Erkiteken si e makana ilakoken persekusi secara masif man kalak Kristen (bdk. 1 Pet. 2:11-12; 3:13-17; 4:3-4). 

Ogenta sendah lit i teruh judul perikop “Kegeluhen si mbaru man anak-anak Dibata.” I bas terj. Bhs. Ind., nina, “Kekudusan dan kasih persaudaraan.” Arah judul perikop enda nari teridah maka secara garis besar iajuk Rasul Petrus perpulungen kalak si tek paksa si e gelah encidahken identitasna selaku kalak si enggo ngaloken keselamaten i bas Yesus Kristus nari. Identitas e teridah arah kegeluhen si mbaru, kekudusan ras kasih persaudaraan.

Perpulungen kalak si tek paksa si e mulihi isingetken Rasul Petrus kerna proses penebusen si ilakoken Dibata alu dareh Kristus si meherga guna kiniulin entah pe keselamaten perpulungen kalak si tek. Janah perpulungen ngaloken keselamaten e arah kinitekenna man Dibata i bas Yesus Kristus. Alu bage, enggo lit keleng ate Kristus i bas diri kerina kalak si tek. Keleng ate Kristus e harus iwujudnyataken man kerina kalak si lit i sekelewetna, secara khusus man kerina kalak si sada kiniteken alu bulat ukur. Gelah alu bage teridah ras tergejap maka kerina kalak si enggo ngaloken keselamaten i bas Yesus Kristus nggeluh i bas kegeluhen si mbaru, si tubuh i bas Dibata nari. 

Versi Audio silahkan klik : https://youtu.be/AX5rukpwVsM

Pengkenaina

Tema bage pe tujun i bas PA-nta sendah, ngajuk kita kerina, khususna kam kerina Mamre kami, gelah menyadari identitasta selaku kalak si enggo ngaloken keselamaten i bas Yesus Kristus nari. Kalak si enggo itebus alu dareh Kristus si meherga, enggo imerdekaken i bas kuasa dosa nari. Alu bage labo nari dosa si erkuasa tapi Dibata erkelangken KesahNa Si Badia. Adi Dibata si enggo erkuasa i bas dirinta maka kegeluhen si igeluhken i bas kegeluhen si tep-tep wari e me kegeluhen si mbaru, si iwujudnyataken alu sikeleng-kelengen sapih-sapih perpulungen kalak si tek. Janah keleng ate Kristus pe harus siberitaken man kerina kalak si lit i sekelewetta. Rasul Petrus mulihi mpersingeti kita kerna si e, janah i bas dampar si deban mulihi kita isingetken kerna identitasta selaku anak-anak Dibata.

PA-nta sendah i bas rangka peringeten HUT Kemerdekaan NKRI si pe-81 tahun-ken. Penungkunenna, apakah enggo tuhu-tuhu kita merdeka? Adi sipergermetken kondisi bangsa ras negaranta sedang tidak baik-baik saja. Lenga kerina rakyat Indonesia tuhu-tuhu ngenanami kemerdekaan. Enterem denga kita si lenga merdeka secara ekonomi, enterem denga kita si la ngasup membiayai pendidiken si layak, enterem denga kita si lenga merdeka secara perukuren ras hati nurani, si erbahanca enterem kita si hanya ngukurken diri sendiri, korupsi merajalela alu nilai si fantastis, lebihen asangken sebelum-sebelumna, enterem denga kita si ngenanami penindasen, kinilaadilen, ras melala denga si deban. Ertina secara umum, enterem denga kita si la ngasup makeken kemerdekaan e guna ngelakoken si mehuli, baik guna diri sendiri bage pe guna kalak si enterem.

Rasul Paulus i bas Gal. 5:13 ngatakenca, “Saudara-saudara, memang kamu telah dipanggil untuk merdeka. Tetapi janganlah kamu mempergunakan kemerdekaan itu sebagai kesempatan untuk kehidupan dalam dosa, melainkan layanilah seorang akan yang lain oleh kasih.” Rasul Petrus i bas 1 Pet. 2:16 pe ngatakenca bagenda nina, “Hiduplah sebagai orang merdeka dan bukan seperti mereka yang menyalahgunakan kemerdekaan itu untuk menyelubungi kejahatan-kejahatan mereka. Tetapi hiduplah sebagai hamba Allah.” Emaka i bas kesempaten enda mari radu ras kita ertekad guna memanfaatken kemerdekaan selaku anak-anak Dibata alu ngelakoken kerina si mehuli sue ras peraten Dibata. Janah marilah kita ertekad makeken kesempaten si lit guna mengisi kemerdekaan alu hal-hal si bermanfaat man diri sendiri bage pe man kerina kalak si lit i sekelewetta guna kemulian gelar Dibata. Em tandana kita anak-anak Dibata si meherga, si ngasup ngergaken kemerdekaan si ibereken Dibata. Dirgahayu NKRI si pe-81 tahun-ken. Dibata si masu-masu bangsa ras negaranta.