SUPLEMEN PJJ GBKP TGL. 12 - 18 JULI 2026

Pdt. Larena Sinuhadji (Nd. ReyRapha Tarigan)

DONI KALAK MATE - Jop 14:13

(Konfesi Kematian)

Penaruh

Adi sisungkun AI alu penungkunen “Mengapa banyak orang enggan membicarakan soal kematian?” Bagenda nina jawabenna, “Banyak orang enggan membicarakan soal kematian karena topik ini memicu kecemasan mendasar mengenai hal yang tidak diketahui (ketakutan akan ketiadaan). Selain itu, membahas kematian dianggap tabu karena sering dikaitkan dengan nasib buruk, dianggap memicu kesedihan, dan menimbulkan dilema etika saat melibatkan keluarga yang sedang berduka.” Ertina melala kalak si mbiar ncakapken kerna kematen padahal situhuna kematen e bagin si la terpisahken i bas kegeluhenta. I bas kesempaten enda radu ras kita erlajar kerna doni kalak mate erpalasken ogenta sendah bagepe Konfesi GBKP.

Mpebagesi Ogen

Sada ayat ngenca ogenta sendah, “I bas doni kalak matelah buniken aku, bunikenlah, seh enggo lepas rawaNdu. Je nari tetapkenlah sada paksa si tertentu, i ja iingetNdu ka mulihi aku.” I bas terj. Bhs. Ind., “Ah kiranya Engkau menyembunyikan aku di dalam dunia orang mati, melindungi aku, sampai murkaMu surut; dan menetapkan waktu bagiku, kemudian mengingat aku pula!” Ayat enda e me curahan hati Jop sebab ceda kel atena. Tapi labo terjeng curahan hati, ayat enda encidahken kiniteken Jop i bas kiniseran mesangat si ialamina. Tetap Jop erpengendes man Dibata.

Lit piga-piga hal si banci sirenungken. Si pemena, ngadi lebe kentisik ate Jop. Mungkin erkiteken latihsa akap Jop makana ngadi atena kensisik, tapi maksudna labo iputuskenna hubungenna ras Dibata. Emaka iarapken Jop gelah Tuhan muniken ia i bas doni kalak mate (Sheol). I bas pemahamen Padan Si Ndekah, Sheol labo ingan ukumen entah pe ingan kesenangen, tapi keadaan entah pe kondisi i bas alam kematian. Sheol labo ingan tapi keadaan. Si menarik i jenda, labo ipindo Jop gelah ia mate, tapi maksudna alam kematen e jadi ingan perlindungen sementara seh enggo lepas rawa Dibata. Jadi toto Jop banci siterjemahken, “Biarkan aku beristirahat sampai Engkau bersedia menerima aku kembali.”

Si peduaken, kata “iingetNdu,” entah pe “mengingat aku.” Si jadi tujun pertoton Jop labo Sheol, tapi gelah iinget Dibata, emaka ikataken Jop nina, “i ja iingetNdu ka mulihi aku.” I bas Pustaka Si Badia, adi Dibata nginget labo berarti Dibata pernah lupa. Kata “nginget” ertina Dibata bertindak kembali dalam kasih dan penyelamatan (bdk. Kej. 8:1; 1 Sam. 1:19). Ertina amin pe lit i bas kiniseran si mberat, pengarapen Jop labo bene, tetap ia erpengarapen man Dibata maka i bas paksaNa, waktu Dibata si tepat, pasti isampati Dibata Jop.

Arah pertoton Jop enda radu ras kita erlajar maka i bas situasi si mberat sekali pe tetap Jop mindo man Dibata i bas pertotonna. Janah kai si ipindo Jop labo gelah mis pulah i bas kiniseranna nari. Ipindo Jop perlindungan i bas Dibata nari. Ipindo Jop dalan pulah i bas kiniseranna nari alu tetap erpengarapen man Dibata amin pe secara logika bagi si mustahil.

Pengkenaina

Si jadi fokus i bas PJJ-ta sendah e me doni kalak mate. La lit penjelasen si tangkas kerna Sheol enda i bas ogenta. Kata Sheol (bhs. Ibr.: שְׁאוֹל, šĕ'ôl) lit i bas Padan Si Ndekah ertina “alam orang mati”, e me ingan ku ja pagi kerina kalak lawes kenca mate. Kerina kalak ertina labo terjeng si mehuli saja, si jahat pe ku je nge ia lawes. Banci ikataken pemahaman awal kerna Sheol enda e me ingan si netral, ingan pengadi-ngadi kerina kalak si enggo mate, labo seri ras neraka entah pe surga. Tapi i bas perkembangen selanjutna, mulai turah keyakinen kerna ingan si deban, khusus man kerina kalak si benar, bage pe ingan si khusus man kalak si jahat (oge: Dan. 12:2; Jop 19:25-27; Mas. 16:10).

I bas Padan Si Mbaru lit kiniteken si mbaru kerna kematen erkiteken kekeken Yesus Kristus i bas kematen nari. Rikutken Luk. 23:43; Pil. 1:23; 2 Kor. 5:8, tek kita maka kalak si tek si mate enggo ras Dibata i bas Yesus Kristus i Pardis. Tapi amin bage gia, e labo berarti enggo seh ku tujun si terakhir. Rikutken 1 Kor. 15 ras Ket. 21 lit tujun si terakhir e me: kinikeken kula, penghakimen, bage pe langit rad doni si mbaru. Ertina banci ikataken, kalak tek si mate, enggo ras Dibata, tapi sifana sementara. Enda akap kami banci menjawab penungkunen kerna ku ja kalak si tek si enggo mate lawes. Selain si e melala denga perdebaten si berkaiten ras kematen enda. Mehuli akap kami adi sibahan seminar khusus kerna kematen enda rikutken perspektif kinitekenta. 

I bas Gerejanta enggo lit pengakun kiniteken kerna kematen, mbera banci nambahi pengangkanta kerna kematen erpalasken kiniteken Kriste i bas konteks GBKP. Konfesi GBKP Bab 13 si ngakuken kerna kematen, bagenda nina: Poin si pemena, “Kami percaya, bahwa kematian merupakan realita kehidupan. Melalui kematian tubuh kembali menjadi tanah dan roh kembali kepada Allah (Pkh. 12:7; Ayb. 14:5; Kej. 19:3). Oleh karena itu, kematian menyadarkan manusia bahwa hidupnya dan kematiannya merupakan sebuah kesatuan." I jenda si jadi fokus e me kita kalak si nggeluh denga. Uga kita makeken kesempaten geluh i doni enda alu maksimal. Adi kalak mate enggo dung ia kesempatenna i doni enda. Janah hal si deban e me normalisasi kematen sebage bagin kegeluhen. Ertina, la perlu kita overthinking kerna kematen enda, entah pe panik. Poin si peduaken, "Kami percaya bahwa kematian disebabkan oleh dosa yang telah masuk ke dalam dunia dan menjalar ke semua orang (Roma 5:12; 1 Kor. 15:22)." Enda nuriken kerna si erbahanca lit kematen (asal usul kematian), e me dosa. Poin si peteluken, "Kami percaya bahwa kematian orang beriman tidak memisahkannya dari Yesus Kristus, karena Kristus adalah Tuhan orang yang hidup dan yang mati (Roma 14:9)." Poin si peteluken enda akap kami si pentingna, kai pe si terjadi i doni enda, perbeben si mberatna sekali pe termasuk kematen, labo ngasup nirangken kalak si tek ras keleng ate Kristus.