SUPLEMEN PA MORIA GBKP TGL. 2 - 8 AGT. 2026

Pdt. Larena Sinuhadji, M.Th.

Mengasihi Allah (Duka)

Si Man Ogen : Jop 2:1-10

Tema : TETAP MELASKEN CAKAP SI MEHULI

Tujun : Gelah Moria :

- Meteh biak Jop ras ndeharana i bas ngalaken perbeben

- Erbahan kata-kata si mpermuliaken Dibata tupung ngalaken kiniseran

Metode : Role Play

Penaruh 

Lit pepatah ngatakenca, “Luka karena pisau bisa sembuh, tapi luka karena perkataan sering kali bisa membekas seumur hidup.” Mungkin pernah sialami pengalamen si bagenda rupana. Asum kitik denga kita, sibegi kalimat si ngatakenca, “Sampai kapanpun kamu tidak akan berhasil.” Puluhen tahun enggo silewati, tapi kalimat ndai tetap denga lit i bas memorinta. Sebalikna, lit kalak ngerana man banta subuk orang tuanta, gurunta, guru KAKR-ta ngatakenca “Saya percaya, kamu pasti bisa, kamu pasti berhasil.” Kalimat sederhana e justru jadi pergegeh man banta segedang geluhta. Engkai? Sebab lit kuasa i bas kata si ibelasken kita (perkataan memiliki kuasa).

Sebage sekalak nande, banci jadi kita orang si rusurna ngerana i bas jabu. Benaken pepagi nari seh ku berngi. Ngerana kita man perbulangenta, man anak-anakta, tetangga, entah man dirinta sendiri. Penungkunena labo nari, “apakah kita ngerana?” Tapi “kai nge si kubelasken?” Apakah kai si kubelasken e membangun, maba keriahen ukur man si megisa, entah sebalikna kata-katanta melemahken kalak si deban? I bas PA-nta sekali enda, erlajar kita arah sekalak diberu si banci ikataken engkelengi perbulangenna tapi justru i bas situasi si paling mberat i bas geluh jabuna justru ibelaskenna kata-kata si melemahken  kiniteken Jop, perbulangenna.

Mpebagesi Si Man Ogen

Turin-turin kerna Kitab Jop labo hanya ngerana kerna penderitaan tapi kitab enda menjawab penungkunen si mbelin, “ngkai kalak si bujur, si erkemalangen man Tuhan ngalaken kiniseran?” Jop sitandai sebage kalak si erkemalangen man Tuhan, mehuli, janah la lit perbahanenna si jahat. Ras ia pe kalak bayak namura. Lit percakapen antara Dibata ras Iblis, i ja nina Iblis maka Jop setia erkemalangen man Dibata erkiteken geluhna i pasu-pasu Tuhan (rulih - bindu 1:911). Emaka iizinken Tuhan, Jop icubai Iblis. I bas waktu si singkat, Jop kebenen, kerina ertana, suruh-suruhenna, anak-anakna si sepuluh kalak, kehormatenna. E pe lenga bias iakap Iblis.

I bas perikopta teridah, subuk Tuhan bage pe Iblis situhuna mperdiateken kegeluhenta manusia. Ay. 3, “Iperdiatekenndu ka nge suruh-suruhenku Jop?” nina Tuhan nungkun. Ras lit pernyataan positif Tuhan kerna Jop, maka enggo pe ia ikenai perbeben si luar biasa tetap denga isembahna Tuhan. Nina Tuhan, “La lit sekalak pe i babo doni si bagi ia patuhna ras ulina. Isembahna Aku janah la lit kai pe si jahat ilakokenna.” Emaka lit lalap jawaben Iblis guna menghancurken manusia (Jop - siidah usaha gigih Iblis mencobai manusia bdk. Luk. 4:13). Iserang Iblis Jop alu pinakit si ngkenai daging kulana. Nina Iblis, “Bicara isakitiNdu badanna, ugapa pe isumpahina nge Kam iadep-adepeNdu!”  Emaka ibereken Tuhan Jop i teruh kuasa Iblis, tapi la banci ibunuhna. Ipeturahna ugah mekelek i bas kula Jop mulai i bas tapak-tapak nahena nari terus ku piserenna. Perban megatelna akapna, kundul Jop deherken ingan pembuangen sampah, janah ibuatkan pecah-pecah kudin taneh nggergoi ugahna. 

Si iarapeken kita, ndehara Jop banci jadi teman, si banci saling mereken pergegeh ras pengapul. Tapi justru ndarat kalimat si menyakitken, “Lalap denga kin atendu erkemalangen man Dibata? Sumpahilah IA, jenari mateken bandu!” Tapi siidah i jenda, ketegaren kiniteken Jop. Alu manjar-anjar ngerana Jop, dem alu kepentaren Tuhan, “Adi ibereken Dibata si mehuli, meriah siakap. Uga banci kita jungut-jungut adi iberekenNa kiniseran banta?” I bas si e kerina, aminna gia Jop i bas kiniseran, la lit ibelaskenna cakap si la mehuli kerna Dibata.

Versi Audio silahkan klik : https://youtu.be/tKkXvZVWsMc

Pengkenaina

Rikutken perikopta, maka siidah kiniseran banci erbahanca kurang lit penguasaan diri i bas ngerana (penderitaan sering membuat seseorang kehilangan kendali atas perkataannya), bagi si ibelasken ndehara Jop (ay. 9). Tapi ula kita pedassa menghakimi (nalahken) ndehara Jop. Coba bayangken, ia kebenen 10 anak-anakna, erta bendana masap kerina, janah idahna genduari perbulangenna sekarat. Perkataannya muncul dari hati yang penuh luka. Akap kami enda pelajaren pertama si banci sidat kita. Hati yang terluka sering melahirkan perkataan yang melukai. Alu bage pesan penting man banta, harus lebe siberesken pusuhta sope kita ngerana. Nina Yesus, ”Karena yang diucapkan mulut meluap dari hati” (Luk. 6:45). Adi pusuhta dem alu pengataken bujur, maka perkataan si ndarat e me kata-kata penuh pasu-pasu (berkat). Adi pusuhta dem alu kemarahan, maka perkataan si ndarat e dem alu segat ate (merawa).

Si peduaken, perlu kita metenget, ula sempat Iblis make kita guna melemahken kiniteken kalak si deban, secara khusus kalak si ndeherna ras kita. Iblis gagal mbeneken kiniteken Jop arah kiniseranna. Kedungenna Iblis make perkataan ndehara Jop (orang terdekat). Mekatep terjadi, perkataan si melukai labo arah kalak asing tapi kalak si ndeherna ras kita, umpamana perbulangen, ndehara, anak, kade-kadenta, teman sepelayanen, sahabat, rsd. Alu bage kita harus metenget, ula sempat bibirta ipake Iblis guna melemahken kalak si deban.
Si peteluken, Jop memilih guna menjawab alu dem kepentaren. Labo ibelasken Jop, “Sinik kam!” Entah pe, “Pengeranandu pe bagi kalak adon!” Tapi Jop ngerana, “Adi ibereken Dibata si mehuli, meriah siakap. Uga banci kita jungut-jungut adi iberekenNa kiniseran banta?” Jop mpersingeti kita, maka kiniteken la tergantung ku bas kondisi (keadaan). Kinitekenta tetap man Tuhan, amin sekali kondisi lit i bas kiniseran. Bahkan si luar biasa, Pustaka Si Badia nuratkenca, “I bas si e kerina, aminna gia Jop i bas kiniseran, la lit ibelaskenna cakap si la mehuli kerna Dibata.” Bukan hanya tindakannya yang benar, tapi perkataannya pun benar.

Bahan PA-nta sekali enda, banci mengevaluasi kita :

• Asum lit kiniseran nderpa kita, dekahen kita jungut-jungut, nalahken pasangenta, nalaken kalak si deban, entah sipilih tenang, megegeh ertoto adi kin ngerana, seperluna kita ngerana?
• I tengah jabu, mbuen nge kita mbelasken kata-kata pujian (afirmasi) entah kritik? Umpamana, mulih berngi perbulangenna, apakah kata si pemena ndarat bas bibernta nari, “Dari mana saja Pak, kok malam kali pulangnya?” atau “Puji Tuhan bapak sudah pulang dengan kondisi selamat, sudah makan bapak tadi? Kalau belum, aku sudah pisahkan untuk bapak.” Nada si berbeda, enggo pasti menghasilkan suasana si berbeda. Man anak-anakta, banci jadi rusur sibelasken, “Motu kin kam, e saja pe la tehmu!” “Kamu nakal!” rsd.-na. Enggo pasti kalimat-kalimat si e melekat bas pusuh anak-anakta seh ia dewasa. Me ulin sikataken, “Memang salah perbuatan Abang ya Nakku, tapi Mama percaya Abang pasti berubah lebih baik lagi.” Kita menolak perilakunya, bukan menghancurkan identitasna. Termasuk i bas kita ngalaken kiniseran, umpamana ekonomi sulit. Ula minter sikataken, “Enggo bene kita!” Tapi katakenlah, “Memang ekonominta genduari sulit, tapi Tuhan tetap nemani ras masu-masu geluhta, sibentasi masa sulit enda erkiteken gegeh Tuhan.” Entah pe, “Mbeliden denga kuasa Tuhan asangken perbeben si ialami kita.” Perkataan positif, penuh iman, enggo pasti mpegegehi kerina anggota jabu. Dibatalah si mpengasup kita Moria, Nande i tengah jabu, kehadirenta tetap jadi berkat (pasu-pasu). Bukan hanya kita dikenal sebagai perempuan yang banyak bicara, tapi setiap perkataan kita membawa kasih, penghiburan, pengharapan, semangat dan iman. Efesus 4:29, “Adi kam ngerana ola sitik pe belasken cakap si la erturi-turin. Tapi kata-kata si ergunalah belasken, si banci nampati kalak si deban rikutken perluna, gelah kata-katandu e maba kiniulin man kalak si megisa.”