SUPLEMEN PJJ GBKP TGL. 19 - 25 APRIL 2026

Pdt. Larena Sinuhadji (Nd. ReyRapha Tarigan)

NGOGE KITAB - 2 Raja-raja 22:8-13

(Konfesi Tentang Alkitab - KBA)

Penaruh

I bas Konfesi GBKP si ngakuken kerna Alkitab, entah pe Pustaka Si Badia, khususna i bas poin si pe-6-ken ikataken bagenda nina, “Alkitab adalah dasar kehidupan orang Kristen (Maz. 119:105) yang merupakan dasar pengajaran, nasehat dan penuntun tingkah laku (2 Tim. 3:16).” Ertina fungsi Alkitab enda seh kel pentingna i bas kegeluhen kalak si erkiniteken man Dibata i bas Yesus Kristus. Tapi adi sisungkun AI alu penungkunen “Berapa banyak orang Kristen yang membaca Alkitab?” Bagenda nina jawabenna, “Jumlah orang Kristen yang membaca Alkitab bervariasi, namun studi menunjukkan angkanya relatif rendah dibandingkan total populasi Kristen. Di AS, sekitar 128 juta orang dewasa membaca Alkitab secara teratur, tetapi hanya 20% yang membacanya 4 kali seminggu. Banyak jemaat juga cenderung hanya mendengarkan khotbah daripada membaca mandiri. Tingkat literasi Alkitab juga sering kali lebih rendah daripada tingkat kepemilikan Alkitab, dengan banyak orang Kristen tidak dapat menyebutkan keempat Injil.” Kinata si bagenda tentu berbanding terbalik dengan apa yang dikatakan di dalam Konfesi GBKP tentang Alkitab. Janah enda pe seharusna jadi keprihatinenta. Emaka i bas kesempaten enda radu ras kita mulihi erlajar kerna pentingna Alkitab erpalasken si man ogenta sendah.

Mpebagesi Ogen

Ogenta sendah lit i teruh judul perikop “Imam si mbelin Hilkia ndatken Kitab Undang-undang i bas Rumah Pertototon.” Latar belakang ogenta sendah nuriken kerna proses reformasi entah pe pembaharuan si ibahan Josia (Josia ertina : Tuhan menopang), raja si pe-15-ken kerajan Juda kenca Israel terbagi dua jadi dua kerajan. Kai saja si banci siteladani i bas pembaharuan si ilakoken Josia? Si pemena lebe, amin pe waluh tahun denga usiana sanga ia itangkuhken jadi raja, tapi ituriken i bas ay. 2 nina, “Josia ngelakoken kai si ngena ate TUHAN; iikutkenna usihen si mehuli si ibahan ninina Raja Daud, dingen sitik pe ia la nimpang i bas kerina Undang-undang Dibata nari.” I bas si e banci siteladani maka pembaharuan si payo e me pembaharuan si leben ibenaken i bas diri sendiri, labo iusih Josia si jahat si enggo ilakoken bapana Amon, tapi iusihna si mehuli bagi si enggo ibahan Raja Daud.

Si peduaken, kenca enggo ngelakoken pembaharuan i bas dirina sendiri, pembaharuan e ilajutken alu mpesikap Rumah Pertoton (ay. 3-7). Je nari maka idatken mulihi Kitab Undang-undang (Taurat). Arah turi-turin enda banci siusih maka pembaharuan fisik Rumah Pertoton pe penting, sebab ingan ersembah si sikap mempengaruhi ketutusenta i bas beribadah. 

Si peteluken, Kata Dibata i bas Kitab Undang-undang e tuhu-tuhu erkuasa mpelimbarui pusuh ukur Josia guna semakin tutus ersembah man Dibata. I bas ay. 11 ituriken, “Kenca ibegi raja isi kitap e icaingkenna uisna perban biarna,” e me tandana maka lit kuasa i bas Kata Dibata nari si ngasup memotivasi Josia guna ngelakoken si ngena ate Dibata. Tapi labo terjeng je ngenca, mis isuruhna Iman Hilkia ras si debanna guna nungkun man nabi diberu, Hulda, kai si jdai sura-sura Dibata man bana. Enda pe encidahkenca maka lit kiniteruken ukur i bas Josia nari, maka nggit ia erlajar terdauhen kerna Kata Dibata man sekalak nabi, amin pe nabi e diberu. Kenca bage tuhu-tuhu teridah kuasa Kata Dibata e alu melala pembaharuan si mehuli si ilakoken Josia i tengah-tengah bangsana. I bas ay. 25 ituriken nina, “La enggo pernah lit sekalak raja pe bagi Raja Josia tutusna, nembah TUHAN asa atena, asa ukurna ras asa gegehna ngikutken kerina Undang-undang Musa. Kenca ia pe lanai enggo pernah lit raja si bagi ia e patuhna.” Emaka mari radu ras ertekad kita ngusih kai si enggo ilakoken Josia i bas totalitasna nembah Dibata janah asa gegehna ilakokenna kerina si jadi peraten Dibata i bas kegeluhenna.

Pengkenaina

PJJ-ta sendah ngajuk kita kerina gelah tutus erlajar kerna Kata Dibata. Tutus ngoge saja lenga cukup guna erlajar Kata Dibata. Melala kita si mereken kesaksin maka enggo iogena Pustaka dari awal sampai akhir sebanyak 5 kali. Tapi pengkebet geluhna bage-bage saja, la lit perobahen. Tetap denga murah emosi, menaruh dendam, cian, rubat ras senina turangna, rsd. Ngoge Pustaka harus diimbangi dengan perenungan si mbages kerna Kata Dibata si enggo sioge ndai. Josia mereken teladan man banta, nggit ia terdauhen erlajar kerna Kata Dibata, labo terjeng ngoge ras megi-megi saja. Harus teridah maka Kata Dibata e tuhu-tuhu erkuasa i bas kegeluhenta.

Tandana maka Kata Dibata e erkuasa i bas geluhta, lit perobahen si nyata, lit pembaharuan karakter i bas dirinta. Memang enda labo hal si murah. Tapi adi nggit kita ikuasai Kata Dibata, lit kiniteruken ukur i bas dirinta guna mengakui kesalahan, memohon ampun (meminta maaf), ras berusaha mpekena-kena karakterta si lenga sue ras peraten Dibata.

Sue ras sub tema PJJ-ta sendah, iajuk kita gelah ngelakoken KBA, entah pe Kelompok Baca Alkitab. Adi enggo silakoken, puji Tuhan! Tapi mehuli akap kami adi lit komitmen-komitmen i bas dirinta ras kelompokta guna ngelakoken Kata Dibata si enggo sioge, janah situriken pengalamenta ngelakoken Kata Dibata e i bas perjumpan berikutna. Saling sharing gelah radu ras kita banci saling erlajar ngelakoken Kata Dibata i bas kegeluhenta si tep-tep wari. Ertina, lit aksi nyata labo terjeng ngoge-ngoge saja. Learning by doing, belajar sambil melakukan. Kata Dibata i bas 2 Tim. 3:16 ngatakenca bagenda nina, “Segala tulisan yang diilhamkan Allah memang bermanfaat untuk mengajar, untuk menyatakan kesalahan, untuk memperbaiki kelakuan dan untuk mendidik orang dalam kebenaran.” Kata Dibata erkuasa mpelimbarui karakterta adi nggit kita ikuasai Kata Dibata. Emaka pindolah gegeh i bas Dibata nari, gelah ipengasupNa kita erlajar alu tutus kerna Kata Dibata, gelah karakterta semakin ipelimbarui wari lepas wari.

Konfesi GBKP tentang Alkitab. Kami percaya, bahwa:

• Alkitab adalah Firman Allah  yang ditulis oleh manusia dengan ilham Roh Kudus (2 Tim. 3:16; 2 Pet. 1:21).
• Alkitab sebagai Kitab Suci dan tulisan kanonik: Perjanjian Lama terdiri dari Kejadian, Keluaran, Imamat, Bilangan, Ulangan, Yosua, Hakim-hakim, Rut, 1 Samuel, 2 Samuel, 1 Raja-raja, 2 Raja-raja, 1 Tawarikh, 2 Tawarikh, Ezra, Nehemia, Ester, Ayub, Mazmur, Amsal, Pengkhotbah, Kidung Agung, Yesaya, Yeremia, Ratapan, Yehezkiel, Daniel, Hosea, Yoel, Amos, Obaja, Yunus, Mikha, Nahum, Habakuk, Zefanya, Hagai, Zakharia dan Maleakhi. Alkitab Perjanjian Baru terdiri dari Matius, Markus, Lukas, Yohanes, Kisah Para Rasul, Roma, 1 Korintus, 2 Korintus, Galatia, Efesus, Filipi, Kolose, 1 Tesalonika, 2 Tesalonika, 1 Timotius, 2 Timotius, Titus, Filemon, Ibrani, Yakobus, 1 Petrus, 2 Petrus, 1 Yohanes, 2 Yohanes, 3 Yohanes, Yudas, dan Wahyu.
• Alkitab merupakan satu kesatuan yang utuh dan yang harus dipahami secara benar dan betanggungjawab (Mat. 5:17-20; Why. 22:18-19; 2 Tim. 3:16).
• Alkitab berisi kesaksian penyataan diri, kehendak, karya penciptaan, pemeliharaan dan penyelamatan Allah terhadap manusia (dunia), yang berpusat pada Yesus Kristus (Yoh. 1:14).
• Inti kesaksian Alkitab adalah Yesus Kristus, Tuhan dan Juruselamat dunia (Mat. 1:21; Yoh. 1:1-14, 3:16, 14:16).
• Alkitab adalah dasar kehidupan orang Kristen (Maz. 119:105) yang merupakan dasar pengajaran, nasehat dan penuntun tingkah laku (2 Tim. 3:16).
• Pemahaman dan penghayatan yang benar akan Alkitab hanya oleh pertolongan  Roh Kudus (1 Kor. 2:10; Yoh. 16:8-11).
• Penghayatan isi Alkitab menjadikan hidup berbuah dalam kehidupan sehari hari (Gal. 5:22-23; Yak. 2:14-26; Yoh. 15:5).