SUPLEMEN PA MAMRE GBKP TGL. 19 - 25 APRIL 2026

Pdt. Larena Sinuhadji (Nd. ReyRapha Tarigan)

Konfesi II : Dibata

Ogen : Masmur 19:1-7

Tema : DIBATA ERMULIA I BAS TINEPA-NA

Tujun : Gelah Mamre :

1) Ngasup nuriken penandaina kerna Dibata

2) Selaku tinepaNa tetap mpermuliaken Dibata

Metode : Diskusi

Penaruh

I bas kiniteken Kristen, radu ras siteh maka Dibata mpetandaken diriNa arah dua cara, penyataan umum ras penyataan khusus. Penyataan umum maksudna, Dibata mpetandaken diriNa man kerina kalak arah alam semesta ras hati nurani manusia. Penyataan khusus maksudna, Dibata mpetandaken diriNa man kerina kalak si tek arah Pustaka Si Badia ras Yesus Kristus sebage dalan keselamaten. Penyataan umum ras khusus enda saling melengkapi guna encidahken peraten ras sifat Dibata. Alu bage enggo tangkas man banta maka alam semesta e me bentuk konkrit penyataan Dibata secara umum man kerina manusia, labo terjeng man banta kalak si tek man baNa.

I bas kesempaten enda radu ras kita mulihi erlajar kerna Dibata si ermulia i bas tinepaNa erpalasken si man ogenta sendah.

Mpebagesi Ogen

Masmur 19:1-7 ibere judul “Dibata ermulia i bas tinepaNa” (bhs. Ind. : “Kemulaian Tuhan dalam pekerjaan tanganNya dan dalam tauratNya”). I bas Alkitab TB-LAI, bindu 19 kerina igabung. Pemasmur ngakukenca maka alam semesta bekas tan Dibata nepasa, ipake Dibata guna ncidahken kemulianNa. Langit ncidahken kemulian Dibata, awang-awang (cakrawala) erberita kerna perbahanenNa. Langit jadi ingan Dibata guna ngeleketken matawari, bulan ras bintang. Teluna erfungsi sebage benda-benda penerang man doni enda, ras guna mbedaken terang ras gelap. Aminna benda-benda penerang e la lit sorana (ay. 4, “Tidak ada kata, suara mereka tidak terdengar”) tapi kemulian Dibata terpancar arah fungsi (karya) benda-benda penerang enda ndai. 

Matawari, bulan ras bintang-bintang si banci menerangi gelap khususna berngi wari terlebih i daerah si lenga banci masuk lampu listrik, kehadiren bulan ras bintang tuhu-tuhu berfungsi sebage penerang. Adi Pemasmur ngatakenca, “Gema mereka terpencar ke seluruh dunia, dan perkataan mereka sampai ke ujung bumi” (ay. 5). Pemasmur pe secara sederhana nuriken pengamatenna kerna fungsi tinepa Dibata ndai i bas keseharianna (ay. 6-7): erpagi-pagi putlak matawari ras terbenam ka, siang malam silih berganti. Wari-wari e berputar i bas otoritas Dibata. Alu bage jelas, kasa kai si lit i langit ncidakhen kemulian Dibata. Arah fungsina si banci denga igejapken kerina makhluk hidup seh asa gundari. Dingen arah si e tercipta kenyamanan, semangat manusia guna beraktivitas dingen terpuji gelar Dibata.

Pengkenaina

Pemasmur enggo naksiken maka kerina tinepa Dibata encidahken kemulian Dibata. Kemulian Dibata e secara tanpa kita sadari enggo erbahanca kita nggeluh alu mehuli. Kerina tinepa Dibata si enggo isebutken Pemasmur ndai tuhu-tuhu maba pasu-pasu man kita manusia. Ertina kemulian Dibata e labo terjeng i bas pengidahta saja luar biasa, ajaib, spektakuler, rsd.-na, tapi tuhu-tuhu banci sigejapken manfaatna i bas kegeluhenta si tep-tep wari. Si jadi penungkunen, apakah tugasta hanya menikmatisa saja? Tentu lang! I bas Kej. 2:15 enggo radu ras siteh maka lit tugas tanggung jawabta selaku manusia, e me ngusahai ras njagaisa. Manusia ijadiken Dibata sentudu ras tempas Dibata, si menam seri ras Dibata, ertina lit kemulian i bas dirinta manusia. Saja erkiteken dosa maka kemulian e sempat bene i bas dirinta (Roma 3:23), tapi erkelangken Yesus Kristus, kemulian e enggo idatken kita mulihi. I bas si e tentuna lit tugas tanggung jawabta guna encidahken kemulian Dibata e i bas kegeluhenta si tep-tep wari, secara khusus arah kepedulianta nandangi alam semesta si enggo ceda. Kai si banci silakoken kita?

Tujun si peduaken i bas PA-ta ngajuk kita kerina, khususna kam kerina Mamre kami, guna tetap mpermuliaken Dibata arah kerina pengkebet geluhta. Secara khusus erpalasken ogenta sendah iajuk kita guna mediate nandangi alam sekelewetta. I bas tahun 2022 sasaren pelayanenta e me “Kreatif Merawat Lingkungan” harus terus ilakoken, ibenaken i bas dirinta. Mengurangi penggunaan plastik alu maba ingan minemta (tumbler) masing-masing. Melala denga kita alu alasen praktis ekonomis, mengkonsumsi minuman kemasan i bas kegiaten-kegiaten Gerejanta. Membudayaken membuang sampah pada tempatnya. Melala denga Gerejanta si melket alu sampah-sampah si berserakan, lenga turah kesadaren i bas dirinta guna menjaga kebersihen Gerejanta. Kebersihen Gereja hanya menjadi tanggung jawab Koster Gereja, labo tanggung jawabta. Melala denga contoh-contoh si deban si labo encidahken maka lit kemulian Dibata i bas dirinta. Alu bage mari radu ras kita ertekad mulihi guna mediate nandangi kelestarian lingkungan alam si lit i sekelewetta, gelah kemulian Dibata arah alam semesta enda banci denga sigejapken. Janah kita pe selaku manusia si enggo ngaloken keselamaten i bas Yesus Kristus, encidahken kemulian Dibata arah kerina pengkebet geluhta. Dibata si mpengasup kita kerina.

PA-ta sendah pe lit kaitenna ras Konfesi GBKP si ngakuken kerna Dibata (Allah). Emaka i teruh enda ibahan kami rumusen Konfesi GBKP Bab II si ngakuken kerna Dibata (Allah). Kami percaya, bahwa:

• Allah adalah yang awal dan yang akhir, yang ada dan yang sudah ada dan yang akan datang, Yang Maha Kuasa (Why. 1:8). Dialah yang berdaulat: kebenaranNya yang mutlak dan keputusanNya yang adil dalam menghukum dosa dan mengasihi orang berdosa (Yoh. 3:17-18).
• Allah Tritunggal: Allah Bapa, Allah Anak dan Allah Roh Kudus (1 Yoh. 5:7; Yoh. 10:30; 2 Kor. 13:14; Mat. 3:16-17). 
• Allah Bapa adalah Allah yang menciptakan langit dan bumi dan segala isinya yang memelihara sampai akhir zaman (Kej. 1:1-31).
• Allah Anak adalah Yesus Kristus; Anak Allah yang tunggal (Yoh. 1:14) yang menyatakan pekerjaan dan kehendak Allah di dalam dunia (Yoh. 4:34). Dialah Penebus dosa kita (Mat. 1:21) melalui kelahiran, kematian, kebangkitan, kenaikanNya ke Sorga serta kedatanganNya kembali.
• Allah Roh Kudus adalah pribadi Allah; Roh Allah dan Roh Kristus (Roma 8:15-17). Dialah Penolong dan Penghibur yang dikaruniakan untuk mengajar, mengingatkan orang percaya akan kehendak Allah dan ajaran Yesus Kristus, dan menanamkan serta memelihara iman sampai kedatangan Yesus Kristus kembali (Yoh. 14:26; 2 Kor. 3:17).

Ertoto kita gelah ipengasup Dibata kita mpermuliaken Dibata i bas Yesus Kristus arah pengkebet geluhta, gelah alu bage reh nteremna kalak si nandai Dibata i bas Yesus Kristus arah kehadirenta i japa pe kita ringan.