PJJ GBKP Tgl. 7 - 13 Juli 2019

PJJ GBKP TGL. 7 - 13 JULI 2019

Pdt. Larena br. Sinuhadji (Nd. Rey Rapha Tarigan)

Tema : PERBAHANEN KALAK PENTAR (Pengerana 11:1-6)

Enterpreneurship : Kreatif

Adi ngerana kita soal erdahin, enda merupaken panggilenta manusia. Jansen H. Sinamo i bas bukuna “8 Etos Kerja” ngatakenca, “kerja adalah rahmat, kerja adalah amanah, kerja adalah panggilan, kerja adalah ibadah”, rsd. Ertina, erdahin e merupaken pemere Tuhan man banta, amanah, tanggung jawab si arus sidahiken kita ras e merupakan ibadahta, pengataken bujurta man Tuhan.

Dibatanta pe erdahin. ItepaNa doni enda ras kerina isina, i bas wari 1 - 6, wari pepituken IA istirahat. Bahkan terus seh asa gundari IA erdahin guna ngaturken perdalanen doni ras alam semesta enda. Yoh. 5:17, nina Yesus, “Bapangku erdahin kap lalap, maka Aku pe arus erdahin”. Jelas adi Bapanta, Tuhanta erdahin, bahkan seh asa gundari terus erdahin maka kita pe arus erdahin. Ibarat mobil (mesin) adi la pernah erdalan, la pernah ipake, pasti ceda, tapi mbuesa pe ipake la pernah istirahat ceda ka. Ertina, arus memang kita erdahin sebab e panggilenta tapi labo dahin e si ngatur kita. Kita si mengatur, memenej pendahinta, gelah lit ka waktu guna pekesahken, sabab nina Tuhan pe, Tuhan mereken pasu-pasu tupung manusia sangana tunduh (Mas. 127:2). Jadi labo saja sangana erdahin je Dibata masu-masu kita, tupung kita istirahat, tunduh pe i je Dibata tetap masu-masu Kita. Ertina, berkat (pasu-pasu) itu Allah yang mengatur, bukan manusia.

Janah bahan PJJ-nta labo hanya ngerana soal erdahin si enggo ibereken Dibata man banta, tapi alu kreatif mampu menciptakan peluang-peluang dahin si deban entah pe i bas berinvestasi.

Kitab Pengerana (Pengkhotbah) itulis oleh sekalak si enggo lanjut umurna ras berhasil i bas geluhna. Ia ngerenungken kerna kai ertina geluh enda. Erbage-bage pengalamen ialamina, subuk si bagi ukur bage pe si lang. Aminna lit sikap pesimis i bas ndalani geluh enda, sabab usur ikatakenna, “sia-sia geluh enda”, iajarkenna manusia gelah tutus ras ergiah-giah i bas erdahin, janah nggeluh alu dem keriahen ukur ngaloken pemere-pemere Dibata asa bancina. Khususna i bas bahan PJJ-nta sekali enda mabai kita gelah tetap erdahin, bahkan asa bancina lit usaha (dahin) si deban si idahiken kita, sabab ‘di kune gagal, entah la menghasilken dahinta si utama, banci ka tersampati arah usaha si deban.

“Berekenlah ertandu man kalak si ndauh i kepar lawit”, (terj. TB-LAI nina, “Lemparkanlah rotimu ke air, maka engkau akan mendapatnya kembali lama setelah itu”). Para penafsir mengartiken roti sebage metafor. Roti (gandum) merupakan barang ekspor si biasa iangkut alu kapal i Palestina nari. Ertina, enda merupkan saran gelah manusia banci mengembangken usahana. Tangtangna memang lenga idah asilna, tapi kedungenna banci inanami. Lit pepatah ngatakenca : “Hari kemarin tidak dapat ditarik kembali, hari esok tidak dapat diprediksi”. Ertina kegeluhenta enda la banci terantusi kita 100%, siakap mulus, mejile, berhasil, tapi banci ka gagal. Emaka arus metenget, pentar, sabab labo sieteh kai si bakal jadi i bas sada usaha tapi adi lit piga-piga usaha, gagal sada usaha, banci ka rulih i bas usaha si deban. I je me beluh ras pentar kita ndarami peluang guna rusaha i bas kegeluhenta.

I bas kegeluhenta terlebih i bas erdahin arus kita pentar ngidah situasi (tanda-tanda). I jenda alam ipake sebage gambaren guna ncidahken bencana si bakal reh, si la banci iolangi adi kin reh atena. Adi kin enggo mendung, reh atena udan. Bage pe i bas batang kayu si mbulak, la banci siolangi bahkan la banci sitentuken ku ja perbulkan. I bas berusaha (erdahin) la banci lang pasti lit resiko, masalah si banci iprediksi (ieteh sebelumna) entah lang. Tapi si e kerina arus sipersiapken. Kalak si berusaha khususna, labo hanya mpersiapken untung, tapi pe termasuk kerugian ras erbage-bage kendala si reh. Kepentaren si lit bas kita e me si erbahanca kita tetap semangat, pantang mundur, bahkan siap ndarami erbage-bage cara si positif guna keluar i bas persoalen si lit. Salah sada contoh, Jack Ma pemilik Alibaba.com, i bas sada kesaksin ituriken, “Ketika KFC membuka cabang di Hangzhou, Jack melamar. Dari 24 pelamar, hanya dia yang gagal. Dia juga gagal menjadi polisi. “Kegagalan menjadi bagian perjalan hidup saya”, katanya. Kedungenna banci sieteh Jack Ma, termasuk orang terkaya dunia No. 24 rikutken majalah Forbes ras pemilik Alibaba.com yang sangat mendunia. I bas erbage motivasi rusur ikatakenna, “Jangan mengeluh, jangan pernah berhenti mencoba sebab kita hidup di era dengan kesempatan besar”. Enda salah sada contoh kalak si berhasil tapi enggo ibentasina erbage kegagalan ras berhasil ia ngalakenca. Adi sitimai mehuli lebe wari enggo pasti la pernah sibenaken i bas erusaha. Arus itekadken maka adi erusaha pasti lit untung, lit rugi, dingen lit erbage resiko si banci kedungenna memperkaya (nambahi wawasenta) ‘di kenca jumpa ka ras tantangen gelah ola murah putus asa.

Arah bahan PJJ-nta mulihi kita imotivasi guna ndarami peluang dalam rangka nambahi entah mengembangken usahanta. “Tupung erpagi-pagi arus kam merdang bage ka lah perbahanendu tupung berngi. Sabab la sieteh apai si mehuli perturahna, banci jadi duana mehuli, banci jadi lang ka”. Ertina, labo terus-menerus kita erdahin, seh la nari lit waktunta guna pekesahken. Tapi kreatif guna ndarami ras ndahiken tambahen usaha guna nambahi perbeliten jabu. Tapi arus tetap siinget, arah dahin sidahiken kita, tetaplah kita banci nampati kalak si deban dingen Tuhan ipermuliaken.