PJJ GBKP Tgl. 21 - 27 Juli 2019

PJJ GBKP TGL. 21 - 27 JULI 2019

Pdt. Larena br. Sinuhadji (Nd. Rey Rapha Tarigan)

Tema : NGELITKEN SI NIPERLUKEN (2 Kronika 1:13-17)

Entrepreneurship : Inovasi

PJJ-nta sendah tetap ngerana kerna kerangka besar enterpreuneuship khususna inovasi, ertina pengembangen i bas sada produk seh maka manfaatna lebih mbue. Sebage contoh, perkembangen telepon, adi nai telepon pake kabel, tapi genduari bentuk telepon ndai tipis ras banci sibaba ku ja pe (mobile) ras banci ka kita video call bage pe teleconference. Termasuk teknologi canggih arah internet i ja genduari enggo banci kita erbinaga produk arah rumahta saja. Ertina, jangakaun pasar lebih luas ras beragam dingen mengurangi biaya produksi (la perlu ingan, toko, pekerja, rsd.). Jalur distribusi si gedang rikut mbue pungutan liar enggo terpotong alu litna akses internet ras media sosial. Harga jual semakin banci bersaing ras si idayaken i toko (jauh lebih murah), keuntungen naik, sabab banci langsung berhubungen ras konsumen.

I bas ogen banci siidah kepentaren Salomo kenca enggo ia jadi raja nggantiken bapana Daud. Sumber kebayaken Salomo e me arah praktek perdagangen. Israel labo menghasilken gereta ras kuda i bas jamanna, tapi banci suruh-suruhen raja ngkuasai perbinagan kuda si rehna i Mursri ras Kilikia nari ras gereta kuda i Mesir nari sabab ia ngkuasai jalur distribusi antar bangsa ras benua. Kenca enggo itukurkan, maka Salomo ras timna mulihi dayaken gereta kuda ras kuda si enggo iinovasina man Heti ras Siria. Sada gereta idayakenna 600 duit pirak dingen kuda 150 duit pirak. Ertina Salomo berinovasi alu mpersada kuda ras gereta perang man negara si membutuhkan. Tentu keuntungenna erlipat ganda, seh makana kebayaken raja Salomo luar biasa, igambarken i bas ay. 15 pirak ras emas i bas masa pemerentahenna bali ras buena ras batu i Yerusalem janah kayu aras bali ras batang ara. Banci jadi i bas jamanna pe Salomo menguasai perdagangen kayu aras.

Arah kinibayakenna, maka daerah pertahanen ras keamanen kerajaanna pe ipesikapna. Itambahina gegeh tenterana alu pepulung 1.400 gereta kuda degan 12.000 tentera si erkuda. Lit si itamakenna i Yerusalem dingen sisana itamana i kuta-kuta si deban. Alu bage banci siidah maka kebayaken Israel i bas masa raja Salomo labo erkiteken hasil pertanian ras peternaken tapi imanfaatkenna letak wilayah si strategis Isreael i bas dunia perdagangen selain pengutipen bea masuk melintasi wilayahna.

Kepentaren raja Salomo erbahanca ia ras kalak Israel banci mengembangken (berinovasi) sada-sada produk dingen memanfaatken letak strategis Israel i bas jalur lintas transportasi ras perdagangen. Ras ulihna labo hanya man bana rikut jabuna tapi pe kesejahteran bangsa Israel dingen i bas jamanna nge Salomo membangun Rumah Pertoton man Tuhan.

Erbage peluang genduari terbuka lebar i lebe-lebenta guna kita berinovasi dingen masarkenca. Sebage contoh, adi nai sekedar ayam goreng tapi genduari enggo mbue macamna ayam (ayam goreng tulang lunak, ayam goreng kremes, ayam goreng bawang putih, ayam goreng geprek, rsd.). Si rusur jadi penghambat malas kita berinovasi, malas berpikir, merasa puas diri ras mbiar mencoba sesuatu si mbaru, apai ka enggo leben mbuen sipikirken faktor penghambatna. E maka i bas PJJ sendah iajuk kita mulihi gelah reh semangatna kita mengembangken usahanta. Pindo gegeh i bas Dibata nari gelah ipegegehiNa kita bagi raja Salomo i bas kita berinovasi nandangi usaha si sanga idahiken kita gundari. Adi enggo berhasil kita, ula lupa ngataken bujur man Dibata jadi arus nggit kita ijadiken Dibata jadi saluren pasu-pasuNa nandangi sekelewetta.